မှတ်တိုင်သစ်...

သန်းရွှေ ဘာလဲ ဘယ်လဲ

ရဟန်းရှင်လူပြည်သူလူထုတွေ တခဲနက် တောင်းဆိုခဲ့ကြတဲ့၁၉၈၈ ဒီမိုကရေစီအရေးတော်ပုံကြီးကို စစ်ဝါဒီတွေဟာ လက်နက်နဲ့ အကြမ်းဖက်တဖက်သတ်ဖြေရှင်းခဲ့ပြီး နဝတ ဖွဲ့ခဲ့တယ်။ ၁၉၉၀ ရွေကောက်ပွဲကိုကျင်းပမယ် စစ်တမ်းလျှားပြန်မယ် အာဏာကို ဖြစ်နိုင်သမျှမြန်မြန် ပြည်သူများလက်ဝယ်သို့အပ်နှင်းချင်ပါသတဲ့ ဆိုပြီး နိုင်ငံပိုင်သတင်းစာမှာ "တပ်မတော်ရဲ့ သဘောထား" ဆိုပြီး တရားဝင် ကြေငြာခဲ့ ဖူးတယ်။ ရွေးကောက်ပွဲ မလုပ်ခင်ကတည်းက လူထုခေါင်းဆောင်တွေကို ရွေးကောက်ပွဲစက်ဝန်းထဲက အပြီးပထုပ်ထားခဲ့ကြတယ်။ ဒေါ်အောင်ဆန်းစုကြည်က နိုင်ငံခြားသားယူလို့၊ ကိုမင်းကိုနိုင်က လူထုအရေးတော်ပုံကြီး မှာ မင်းမဲ့တိုင်းပြည်လုပ်လို့ ၊ ကိုကိုကြီး က ပြည်ပနဲ့ဆက်လို့ စသဖြင့် တဆိပ်အစုံကပ်ပြီး မတရားတဲ့ အမိန့်အာဏာတွေ နဲ့ အရေးတော်ပုံခေါင်းဆောင်အကုန်လုံးကို လူဖမ်းပွဲတွေလုပ်ပြီး ရှင်းထုပ်ပစ် ခဲ့ကြတယ်။

၈၈ အရေးတော်ပုံ မှာ ဦးဆောင်ပါဝင်ခဲ့ကြသူတွေ လူပြန်မစုနိုင်စေဖို့ မြန်မာနိုင်ငံမှာ ၁၉၈၈ ကနေ ၁၉၉၁ နှစ်လယ်အထိ တက္ကသိုလ်တွေကို လဲ ပိတ်ပစ်ထားခဲ့ကြတယ်။ အတားအဆီးအမျိုးမျိုးထဲကနေ ၁၉၉၀ ရွေးကောက်ပွဲ လုပ်တယ်။ နဝတ ဟာ သူတို့လုပ်တဲ့ ၁၉၉၀ ရွေးကောက်ပွဲ ပြီးပြန်တော့ သူတို့ရွေးကောက်ပွဲရလဒ်လည်း သူတို့အကောင်အထည်မဖော် ရူးချင်ယောင်ဆောင်ပြီး နေလိုက်တယ်။ အာဏာအပ်ဖို့ အစီအစဉ်မရှိ၊ ၉၀နိုင်သူ အမတ်မင်းများ လွှတ်တော်ခေါ်ယူခွင့်မရှိ၊ အမျိုးသားညိလာခံလုပ်ပြီး မှသာ အခြေခံဥပဒေ ရေးမည် စသဖြင့် နဲ့ အနိုင်ရသူတွေကို အာဏာမအပ် ဘဲ ထောင်ထဲပို့၊ တောထဲပို့ နိုင်ငံရေးကို နိုင်ငံရေးလို မရှင်း လူမိုက်လို ရှင်း အတင်းမင်းမူခဲ့ကြတယ်။ အချိန်ဆွဲခဲ့ကြတယ်။ နအဖ ဟာ တပ်မတော်က မြန်မာ့နိုင်ငံရေး ဦးဆောင်မှုကဏ္ဍမှာ ပါဝင်မည် ဆိုတာလေး ထည့်ပြီး တမတ်သားပါလီမန် ရဖို့ လမ်းပြမြေပုံ နဲ့ ၉၃ ကနေ ၂၀၁၀ အထိ နိုင်ငံရေးဓားပြ ပူတိုက်လာလိုက်ကြတာ တပ်မတော်သားကြီးတွေပါ။

ဟော အနှစ် နှစ်ဆယ်အကြာ နအဖ ဟာ၂၀၁၀ ရွေးကောက်ပွဲ နောက်တခုထပ်လုပ်ပြန်ပြီ။ ၂၀၁၀ ရွေးကောက်ပွဲကိုလည်း ၂၀၀၈ နာဂစ် အခြေခံဥပဒေနဲ့ စစ်ကျွန်စနစ်ကို ဦးတည် စစ်ဝါဒီတွေအတွက် အပိုင်ချီရေးထား ခဲ့ကြတယ်။ ၂၀၁၀ ရွေးကောက်ပွဲ ကို ၂၀၀၈ စစ်ကျွန်စနစ်ကို ဦးတည်တဲ့ အခြေခံဥပဒေနဲ့ ကျင်းပတာရယ်၊ နိုင်ငံရေးအကျဉ်းသား ၂၀၀၀ကျော် မတရားဖမ်းဆီးထားတာရယ်၊ တိုင်းရင်းသားတွေအရေးကို လပေါ်သရေ အလေးမထား အလေးအနက်မရှိ အရေးမပေးတာတွေ ၊သုံးပွင့်ဆိုင် နိုင်ငံရေးအရ စစ်ရေးအရ အဓိပ္ပါယ်ရှိရှိ လေးလေးနက်နက်မဆွေးနွေးတဲ့အပြင် ဖြစ်စလွယ်လုပ်တာ အချိန်မယူတာ၊ အဓိကနိုင်ငံရေးဇတ်ကောင်တွေကိုမပါနိုင်အောင်ကန့်ထားပြီး ၁၉၉၀ အနိုင်ရ ဒီချုပ်ကို ခွဲချေ ဖဲ့ထုတ် ဖိနှိပ် ဖျက်သိမ်းမှုတွေ မျက်ဝါးထင်ထင်တွေ့ရပါတယ်။ နအဖ ရဲ့ ၂၀၀၈ အခြေခံဥပဒေနဲ့ ကျင်းပတဲ့ ၂၀၁၀ရွေးကောက်ပွဲဟာ တကယ်ကို အမည်ခံမျှသာ၊ ရွေးကောက်ပွဲအတုအယောင်သာ ဖြစ်လိုက်ပုံကလည်း သူတို့ပဲဒိုင်လူကြီး သူတို့ပဲအမတ်မင်း သူတို့ပဲ မဲရုံပိတ်မဲခိုး နဲ့ သူတို့အစိုးရဖြစ်ပြန်ပြီ လို့ကြေငြာတာရယ်က အတော့်ကို စိတ်မသက်မသာမယာ ဖြစ်စေမိတယ်။

အခြေခံဥပဒေ ဆိုတာ အစိုးရ နဲ့ နိုင်ငံသားတွေရဲ့ စာချုပ် ၊ စစ်အုပ်စုက ထာဝရ မင်းမူဖို့ စစ်ဝါဒီပုံသွင်းပြီးအဓမ္မ ရေးခွင့်မရှိဘူး။ တကယ်ကို မရေးသင့်တာ။

စစ်တပ်က နိုင်ငံ နဲ့ ပြည်သူကိုကာကွယ်ဖို့ ကိုသာ ဇောင်းပေးသင့်တယ်။

နိုင်ငံ့အနာဂတ်ကို မထီမလေးစားဘဲ စစ်ဝါဒီ စစ်အုပ်စုလူတစုဟာ တပ်မတော်ကို အလွဲသုံးစားလုပ်နေပြီ

တပ်မတော်သားတွေက သန်းရွှေ ကို မေးခွန်းထုတ်ကြရမယ်။ မောင်အေးကို မေးခွန်းထုတ်ကြရမယ်။ သူရရွှေမန်းကို မေးခွန်းထုတ်ကြရမယ်။ တင်အောင်မြင့်ဦးကို မေးခွန်းထုတ်ကြရမယ်။

အောင်ဆန်းလမ်းစဉ်ကို တပ်မတော်က လိုက်မလား သန်းရွှေလမ်းစဉ်ကို တပ်မတော်က လိုက်မလား ?

အောင်ဆန်းတပ်မတော် လူထုချစ်တဲ့ ပြည်သူ့တပ်မတော် နဲ့ အနာဂတ် ဒီမိုကရေစီစနစ် နိုင်ငံတော်ကြီးကို ထူထောင်ကြပါစို့။