AAPP: လစဉ်လေ့လာ သုံးသပ်ချက်

Saturday, June 11, 2011 10:55 PM | Posted by Unknown

လစဉ်လေ့လာ သုံးသပ်ချက်

ယခုမေလတွင် နိုင်ငံရေးအကျဉ်းသား ၇၇ နှစ်ယောက်အကျဉ်းထောင်မှ ပြန်လည် လွတ်မြောက်လာခဲ့သည်။ မေလ ၁၆ ရက်နေ့တွင် သမ္မတ ဦးသိန်းစိန်မှ အမိန့်အမှတ်၂၈/၂၀၁၁ ဖြင့် အကျဉ်းသားများအား သေဒဏ်ကျခံနေသူများအား ထောင်ဒဏ် တစ်သက်တစ် ကျွန်းသို့လည်း ကောင်း၊ အခြားအမှုများအား တစ်နှစ်လျှော့ပေါ့ခြင်းအားဖြင့်လည်းကောင်း အထွေထွေလွတ်ငြိမ်းချမ်းသာခွင့် ပေးခဲ့သည်။ ဤမည်ကာမတ္တလွတ်ငြိမ်းချမ်းသာခွင့်သည် စစ်မှန်သော နိုင်ငံရေး ဆန္ဒဖြင့် ပေးခြင်း မဟုတ်သည်မှာ ထင်ရှားသော်လည်း အကျဉ်းသား စုစုပေါင်း ၁၄၆၀၀ ယောက်လွတ်မြောက်သည့်အထဲတွင် နိုင်ငံရေးအကျဉ်းသား ၅၈ ယောက်မှာ ပြန်လည် လွတ်မြောက်လာခဲ့သည်။ ဥပမာအားဖြင့် ကော့ သောင်းထောင်မှ အကျဉ်းသား ၁၁၂ ဦးလွတ်မြောက်သည့်အထဲတွင် နိုင်ငံရေးအကျဉ်းသား တစ်ဦးသားပါဝင်သည်။ လွတ်မြောက်လာသူ အများစုမှာ ၇ နှစ်ထက်နည်း သော ပြစ်ဒဏ် ချမှတ်ခံထား ရသူများဖြစ်ပြီး ထောင်မှလွတ်ရက် နီးနေ သူများသာဖြစ် သည်။ ထိုအထဲတွင် အကျဉ်းထောင်အတွင်း ၂၅ နှစ်ကျော်နေခဲ့ရသူ ကိုစောမြင့်နှင့် ကိုသန်းကျော်တို့ နှစ်ဦးလည်း လွတ်မြောက်လာခဲ့သည်။ နိုင်ငံရေး အကျဉ်းသား အများစုမှာ နှစ်ရှည်ထောင် ဒဏ်များကို ချမှတ်ခံခဲ့ရသည်။ နိုင်ငံရေးအကျဉ်းသား ၂၀၀ ကျော်မှာ ထောင်ဒဏ် နှစ် ၂၀မှ နှစ် ၅၀ ချမှတ်ခံထားရသည်။ နိုင်ငံရေး အကျဉ်းသား ၅၄ ဦးမှာ ၅၁ နှစ်မှ ၁၀၆ နှစ်အထိ ထောင်ဒဏ် ချမှတ်ခံခဲ့ရသည်။ နိုင်ငံရေးအကျဉ်းသား ၉၁ ဦးမှာ ထောင်ဒဏ် တစ်သက်တစ်ကျွန်းချမှတ်ခံထား ရသည်။

မြန်မာပြည်သမိုင်းတွင် အဆိုးဆုံးဖြစ်သော ဤလွတ်ငြိမ်းချမ်းသာခွင့်သည် နှစ်ရှည်လများ ထောင်ဒဏ်ချခံထားရသော နိုင်ငံရေးအကျဉ်းသားများ အတွက် အဓိပ္ပါယ်မရှိပေ။ ထောင်ဒဏ် ၉၃ နှစ်ချမှတ်ခံထားရသော ရှမ်းနိုင်ငံရေး ခေါင်းဆောင် ဦးခွန်ထွန်းဦးလို၊ ထောင်ဒဏ် ၁၀၆ နှစ်ချမှတ် ခံထားရသော ဗိုလ်ချူပ်ဆေထင်တို့ လို ထောင်နှစ်ရှည်လများ အကျဉ်းကျခံထားရသော နိုင်ငံရေး အကျဉ်းသားများ အတွက် ယခုလွတ်ငြိမ်းချမ်းသာ ခွင့်သည် ရက်စက်သောလုပ်ရက်ဖြစ်သည်။ ကိုမင်းကိုနိုင် နှင့်ကိုဌေးကြွယ် တို့လို ၈၈မျိုး ဆက်ကျောင်းသားများ ၂၈ ဦးကို ထောင်ဒဏ် ၆၅ နှစ်ကျော်ချမှတ်ခဲ့ သည်။

၂၀၁၀ ခုနှစ် နိုဝင်ဘာလ ၇ ရက်နေ့တွင်ပြုလုပ်ခဲ့သော မဲမသမာမှု ပေါင်းမြောက် များစွာဖြင့် ကျင်းပခဲ့သည့် ရွေးကောက်ပွဲဖြင့် တက်လာသည့် ဦးသိန်းစိန် စစ်အစိုးရသည် စစ်မှန်သော ပြောင်းလဲမှုလုပ်ဖို့ရန် လုံးဝစိတ်မ၀င်စားပါ။ နိုင်ငံရေးအကျဉ်းသားများ၏ ကျန်းမာရေး ဆိုးရွားမှုကို ဖြစ်ပေါ်စေသည့် ညင်းပမ်းနှိပ်စက်မှု နှင့်ထောင်တွင်းဆိုးရွား သည့် အခြေအနေများကို လုပ်ဆောင် နေမှုများမှာဆက်လက်ဖြစ်ပေါ်နေဆဲဖြစ်သည်။ ထောင်တွင်းအခြေအနေများ ပိုမိုကောင်းမွန်လာစေရန် တောင်းဆိုသည့်သူများကိုလည်း ဆိုးရွားသည့််ပြစ်ဒဏ်ပေးခြင်းများမှာလည်း ဆက်လက် ဖြစ်ပေါ်နေဆဲဖြစ်ပါသည်။

၂၀၁၄ ခုနှစ်တွင် အာဆီယံအလှည့်ကျဥက္ကဌအဖြစ်လျှောက်ထားသည်ကို အာဆီယံမှ စဉ်းစား နေချိန်တွင် အေအေပီပီမှ နိုင်ငံရေးအကျဉ်းသားများလွတ်ပေးရန်၊ လူ့အခွင့်အရေး ကို လေးစား လိုက်နာရန်နှင့် ဒီမိုကရေစီအစိုးရတစ်ရပ်ဆီသို့ဦးတည်သည့် အရေးပါ သည့်ခြေလှမ်းများကို ထပ်ဆင့်လှမ်းနိုင်ရန် နိုင်ငံတစ်ကာမှ ဖိအားများတိုးမြင့် လုပ်ဆောင်ဖို့ တောင်းဆိုခဲ့သည်။ လှည့်စားလိမ်ညာသည့် လွတ်ငြိမ်းချမ်းသာခွင့် အပေါ်တွင်လည်း အေအေပီပီအနေဖြင့် နိုင်ငံရေး အကျဉ်းသားများကို ချွင်းချက်မရှိ အမြန်ဆုံးလွတ်ပေးရန် ဆက်လက်တောင်းဆိုသည်။ အေအေပီပီအနေဖြင့် မည်သည့်နိုင်ငံရေးအကျဉ်းသားမဆို လွတ်မြောက်လာသည့်အတွက် ကြိုဆိုပါသည်။ သို့သော် နိုင်ငံရေးနှင့်နိုင်ငံသားများ၏ အခြေခံအခွင့်အရေးများကို ရာဇ၀တ်မှုများ အဖြစ်လုပ်ဆောင်နေသည့် ဥပဒေနှင့် တရားစီရင်ရေးများ၊ တရားဥပဒေအတိုင်း လိုက်နာ ဆောင်ရွက်ခြင်း မရှိခြင်းများကြောင့် နိုင်ငံရေးအကျဉ်းသားမှာပြန်လည်အဖမ်းခံရမည့် ခြိမ်းခြောက် မှုများနှင့် ရင်ဆိုင်နေရသည်။

WV: Daw Suu's 66th Birthday invitation letter

NYC: Daw Suu's 66th Birthday invitation letter

9:50 PM | Posted by Unknown

ပြောချင်လွန်းလို့ - တဦးချင်း အမြင်နဲ့ သမိုင်းအမြင်

(ဆရာ မောင်ဝံသ)



(ဆရာ မောင်ဝံသ၏ ဖေ့စ်ဘုတ် စာမျက်နှာမှ ကူးယူ ဖော်ပြပါသည်။)

ကျွန်တော် ပြည်ပလေ့လာရေးခရီး မသွားခင် လွန်ခဲ့တဲ့ ခြောက်လကျော်အထိ ပြည်တွင်း ဂျာနယ် မဂ္ဂဇင်းတွေမှာ ပင်တိုင်ဆောင်းပါးတွေ လက်သွက်သွက်နဲ့ အားရပါးရ ရေးခဲ့ပါတယ်။ ပြန်ကြည့်တော့ တစ်ပတ် တစ်ပတ် ဂျာနယ် ရှစ်စောင် ကိုးစောင်လောက်နဲ့ လစဉ်မဂ္ဂဇင်း လေးငါးစောင်လောက်မှာ ပုံမှန်ရေးဖြစ်ခဲ့တာ တွေ့ရတယ်။ ရေးခဲ့တာတွေကို ပြန်ဖတ်တဲ့အခါ အချိန်အခါအလျောက် ရေးသင့်တာတွေကို ရေးခဲ့တာပဲလို့ ပြောနိုင်ပါတယ်။

အခု ခရီးက ပြန်ရောက်လို့ နားနားနေနေ ရှိတုန်း အိမ်မှာရှိနေတဲ့ ဂျာနယ်တွေ တစ်ပုံကြီးကို ၀မ်းသာအားရ မြည်းစမ်းကြည့်ရင်း အရင်လို စာတွေ ပြန်ရေးဖို့ ကီသွင်းနေရတယ်ဗျ။ ဂျာနယ်တွေကလည်း ဖတ်လို့ အလွန်ကောင်းဗျာ။ ပြည်တွင်းသတင်းတွေ၊ ပြည်သူတွေကြားက သတင်းတွေ အရင်ကထက် ပိုစုံအောင် ဖော်ပြလာနိုင်ကြတယ်လို့ သတိထားမိပါတယ်။ ဆောင်းပါးတွေကလည်း ပိုပြီး ပွင့်ပွင့်လင်းလင်း ရေးလာကြတာ တွေ့ရတယ်။ ထူးခြားချက်ကတော့ ဆရာမောင်စူးစမ်း၊ ဆရာသခင်တင်မြ၊ ဆရာ ကိုကိုမောင်ကြီးတို့ဟာ သူတို့ရဲ့ မူလဘူတ ခံယူချက် အမြင်တွေကို စာမျက်နှာတွေပေါ် တင်လာကြတာ တွေ့ရသဗျ။

ပေါ်ပြူလာနယူးစ်ဂျာနယ် (၁၀ မတ် ၂၀၁၁) က “တစ်ခေတ် တစ်ခါက မြန်မာ့ဆိုရှယ်လစ် လမ်းစဉ်ပါတီ” ခေါင်းစဉ်နဲ့ ဆရာကိုကိုမောင်ကြီးနဲ့ တွေဆုံမေးမြန်းခန်း ဒုတိယပိုင်းကို ကျွန်တော် ဖတ်မိပြီး ပြောချင်တာလေးတွေ ရှိလာပြန်တယ်ဗျာ။

“ရှိလာပြန်တယ်”လို့ ရေးရတာက အရင်တစ်ခါလည်း လျှပ်တစ်ပြက် သတင်းဂျာနယ် (၆ မတ် ၂၀၀၉) မှာ ကိုကိုမောင်ကြီးက “မြန်မာ့ဆိုရှယ်လစ်လမ်းစဉ်ပါတီ ဘာမှားသလဲ” ခေါင်းစဉ်နဲ့ ရေးလို့ ကျွန်တော်က “မြန်မာ့ဆိုရှယ်လစ် လမ်းစဉ်ပါတီ မှားခဲ့သလား” ခေါင်းစဉ်နဲ့ သစ္စာဂျာနယ်(True News) မှာ ပြန်ရေး၊ နောက်တော့ ကျွန်တော့်ရဲ့ နိုင်ငံရေးဆောင်းပါးပေါင်းချုပ် “ရှာမှ ရှားတဲ့ နိုင်ငံရေးသမား” (မေ ၂၀၁၀) စာအုပ်မှာ ထပ်မံ ဖော်ပြခဲ့ပါတယ်။ နိုင်ငံရေး စိတ်ဝင်စားသူတွေ အတော် သတိထားမိပြီး စိတ်ဝင်စားခဲ့ကြတယ်ဗျ။


အဲဒီဆောင်းပါးတုန်းက ဆရာကိုကိုမောင်ကြီးက လမ်းစဉ်ပါတီက ဆိုရှယ်လစ်လမ်းစဉ်ကို သွားတဲ့အချိန်ဟာ မြန်မာနိုင်ငံဟာ အထွေထွေ ခေတ်နောက်ကျမှုကြီး ဆိုတဲ့ သမိုင်းဘ၀မှာ ရှိနေခဲ့တယ်လို့ ဆ်ိုတယ်။ အတတ်ပညာ နည်းပညာအဆင့်အတန်းတွေ နိမ့်ကျနေသေး တယ်လို့ဆိုတယ်။ လမ်းစဉ်ပါတီ ကေဒါတွေ ညံ့ဖျင်းလို့လို့ ဆိုတယ်။ ကျွန်တော်က အဲဒါတွေကြောင့် မဟုတ်ကြောင်း ငြင်းဆိုတယ်ဗျာ။

လမ်းစဉ်ပါတီကျဆုံးရခြင်းဟာ ဆိုရှယ်လစ်စနစ်ကို တကယ်တမ်း မယုံကြည်သူတွေက လူကြားကောင်းအောင် ဆိုရှယ်လစ်ခဲ့ကြတာကြောင့် ဖြစ်တယ်။ ဆိုရှယ်လစ် ဒီမိုကရေစီဆိုတာ စကားလုံးသာရှိပြီး အောက်ခြေတွေက တင်ပြတာကို နားမထောင်၊ ရေဘူးပေါက်တာ မလိုချင်၊ ရေပါလာ အောင်ယူခဲ့ ဆိုသူတွေရဲ့ ခေါင်းဆောင်မှုကြောင့် ဖြစ်တယ်လို့ ကျွန်တော်က တင်ပြခဲ့တယ်။ ကျွန်တော်ရေးခဲ့တာကို ဆရာကိုကိုမောင်ကြီး ဖတ်မိပုံမရဘူး။ အဲဒီနောက်ပိုင်း သူနဲ့ ကျွန်တော် ၃-၄ ခါထက်မနည်း လူချင်းဆုံမိတယ်။ ဘာမှ ပြောသံမကြားဘူး။ ဆရာ့ရဲ့ မျက်စိအခြေအနေကလည်း စာဖတ်လို့ မရလောက်အောင် ဆိုးနေတယ်လို့ သိရတယ်ဗျာ။ ကျွန်တော်က တစ်ချိန်က ကျွန်တော်တို့ ခင်မင်လေးစားခဲ့ရသူတွေကို ချောင်ပိတ် မေးတာမျိုးလဲ မလုပ်ချင်ဘူး။ ဒါကြောင့် ကျွန်တော်က စပြီး မမေးခဲ့ပါဘူး။

အထက်မှာ ကျွန်တော် နာမည်ဖော်ပြခဲ့တဲ့ ဆရာ သုံးယောက်စလုံးဟာ ကျွန်တော်နဲ့ ပုဂ္ဂိုလ်ရေး အင်မတန် ခင်မင် ရင်းနှီးတယ်။ သူတို့က ကျွန်တော့်ကို ချစ်ခင်ကြတာလည်း သိပါတယ်။ ကျွန်တော်ကလည်း သူတို့ အပေါ် ခုထိ ချစ်ခင်တွယ်တာပါတယ်။

ဆရာကိုကိုမောင်ကြီးအပါအ၀င် သူတို့ သုံးယောက်စလုံးဟာ ဦးနေ၀င်းနှင့်လည်း ခင်မင်ရင်းနှီးသူတွေ ဖြစ်ပါတယ်။ ဦးချမ်းအေး (ဆရာမောင်စူးစမ်း) ဆိုရင် တစ်ခါသားမှာ မူးမူးနဲ့ ဦးနေ၀င်းကို ငတုံးငအလို့ ပြောပြီး ချဲခဲ့ဖူးတဲ့အကြောင်း၊ ဦးနေ၀င်းက ဗွေမယူဘဲ အိမ်ပြန်ပို့ခိုင်းကြောင်း ဆရာဦးသက်ထွန်း (အငြိမ်းစားသံအမတ်ကြီး) ရေးခဲ့ဖူးတယ်။

သူတို့တွေ ပုဂ္ဂိုလ်သံယောဇဉ် ကြီးကြတဲ့အကြောင်းတွေ သိရတာ မုဒိတာ ပွားစရာပါ။ ဒါပေမယ့် တိုင်းပြည်အရေးကိစ္စတွေနဲ့ ပတ်သက်ပြီး ပြောကြမယ်ဆိုရင်ဖြင့် ပုဂ္ဂိုလ် သံယောဇဉ် ကင်းကင်းနဲ့ ဓမ္မဒိဌာန်ကျကျ ပြောဖို့ ရေးဖို့ လိုမယ်ထင်တယ်ဗျာ။

ခုတော့ အထက် ကိုးကားပါ ပေါ်ပြူလာနယူးစ်က ပြောဆိုချက်တွေမှာ ကိုကိုမောင်ကြီးက-

- ဦးနေ၀င်းသဘောကလည်း ငါဥက္ကဌကြီး၊ ငါသမ္မတကြီး၊ ငါဗိုလ်ချုပ်ကြီးဆိုပြီး ဘယ်တော့မှ ဖင်ခေါင်းမကျယ်ဘူး၊ ဘယ်တော့မှ မာန်မာန မထားဘူး၊ ဘယ်သူ့ကို မဆို ဖက်လဲတကင်း၊ ပွင့်ပွင့်လင်းလင်း၊ ဆဲစရာရှိဆဲ၊ ဆိုစရာရှိဆို၊ ပြောစရာရှိပြော၊ ရယ်စရာရှိရယ်၊ အဲဒီလိုမျိုး ပေါင်းတယ်။ သူနဲ့ပေါင်းရတာ စိတ်ချမ်းသာတယ်။

- တစ်ခေတ်ပြောင်းရင် ကောင်းမှာပဲဆိုပြီး ခေတ်ပြောင်းအောင် သူလုပ်လိုက်တာ၊ ဒီခေတ် ဒီမိုကရေစီခေတ်ကြီး ပြောင်းသွားတာ ဦးနေ၀င်းက လမ်းဖွင့်ပေးလိုက်တာ။ သူကိုယ်တိုင်က မလုပ်ချင်တော့ဘူး။

- အရေးအခင်းမှာ လူထုခေါင်းဆောင်တွေ ညံ့ဖျင်းလို့၊ ဒေါက်တာ မောင်မောင် ကမ်းလှမ်းတာကို လက်ခံလိုက်ရင် ပြီးပြီ၊ လူထု လက် အာဏာရောက်သွားပြီ။ _ _ _ အဲဒီအခွင့်အရေးဟာ အကြီးမားဆုံး အခွင့်အရေး၊ သူတို့ ပထမဆုံး ဆုံးရှုံးတာ။

- ဒုတိယဆုံးရှုံးတာက ဘာလဲဆိုတော့ ရွေးကောက်ပွဲ နိုင်ရဲ့သားနဲ့ ၁^ ၉၀နဲ့ စစ်တပ်က ခေါ်တာကို မယူလိုက်တာ၊ ယူလိုက်ရင် ခုလောက်ဆို သူတို့လက်ထဲ အာဏာ ရောက်နေပြီ...

စတဲ့ အရေးကြီးသော မှတ်ချက်များကို ထုတ်ဖော်ပြောသွား တယ်ဗျ။

သည်အချက်တွေဟာ ဆရာကိုကိုမောင်ကြီးရဲ့ ကိုယ်ပိုင်အာဘော် များ ဖြစ်တယ်။ သူ့ကိုယ်ပိုင်အယူအဆကို သူပြောခွင့်ရှိပါတယ်။ ကျွန်တော်တို့ကတော့ အဲဒီအချက်တွေဟာ ဘယ်လောက် အတိုင်းအတာအထိ မှန်သလဲ၊ ဘယ်လောက်အထိ လွဲချော်နိုင်သလဲဆိုတာ ထပ်ဆင့် စောကြောသင့်သေးတယ်ထင်ပါတယ်။

သည်လို ပြောကြကြေးဆိုရင် ဆရာတက်တိုး မကွယ်လွန်ခင်က ကျွန်တော့်ကို ပြောဖူးတာမျိုးတွေလည်း ပေါ်ထွက်လာနိုင်တယ်ဗျ။

ဆရာတက်တိုးက-

“ဦးနေ၀င်းဟာ ငါ့အပေါ် အလွန်ကောင်းခဲ့တယ်။ ငါ့ရဲ့ ကျေးဇူးရှင်တစ်ယောက်လို့တာင် ပြောနိုင်တယ်။ ငါ့ကို ညွှန်ကြားရေးဝန်၊ ဦးဆောင်ညွှန်ကြားရေးမှူး စတဲ့ ရာထူးကြီးတွေ ပေးပြီး ချီးမြှောက်ခဲ့တာပဲ။ ဒါပေမယ့် တိုင်းသူပြည်သားတွေဘက်က စာနာစိတ်နဲ့ ကြည့်ရင် ငါ သူ့ကို ကျေးဇူးမတင်နိုင်တော့ဘူး။ သူ့ကြောင့် တိုင်းပြည်မှာ အင်မတန်မှ နစ်နာခဲ့တယ်” လို့ ပြောခဲ့ပါတယ်ဗျာ။

ဒါကြောင့် အကောင်းဆုံးကတော့ အလားတူ တစ်ဦးချင်း အာဘော်များကို ပေါင်းစုပြီး တိုက်ဆိုင် စစ်ဆေးကာ သမိုင်းပြုစုနည်းနဲ့ ပြုစု မှတ်တမ်းတင်ခြင်းပါပဲ။

အမျိုးသားပညာဝန် ဦးဖိုးကျားရေးတဲ့ ခေတ်မီမြန်မာရာဇ၀င် အကျဉ်းကို ကျောင်းမှာလည်း သင်ခဲ့ရတယ်။ အခုထိလည်း လက်တစ်ကမ်းအမီထားပြီး သတိရတိုင်း ပြန်ဖတ်နေပါတယ်။

“ဤ ရာဇ၀င်ကျမ်းငယ်တွင် ပါဝင်သော များစွာသော အကြောင်း အချက်တို့မှာ ထိုငယ်ရွယ်သူတို့သည် အမှားနှင့်အမှန်၊ အဆိုးနှင့် အကောင်း တို့ကို ခွဲခြားသိမြင်ရေး၌ များစွာ အကူအညီ ရစေနိုင်ရန် ရည်သန် ရေးထားပေသည်။ သို့ကြောင့်လည်း ထိုလူငယ်တို့၏ စိတ်နေသဘောထား၊ အကျင့်စာရိတ္တ ကို ပြုပြင်နိုင်သော နှလုံးရည်ပညာ သို့မဟုတ် ကိုယ်ကျင့်ပညာအတွက်လည်း ပါသွားလေသည်” လို့ ဆရာကြီး ဦးဖိုးကျားရဲ့ စကားချီးမှာ ဖော်ပြထားပါတယ်။

ဆရာကြီးဟာ ရာဇ၀င်ကျမ်းပြု ဆရာတစ်ယောက်ထားရှိရမယ့် ရည်ရွယ်ချက်ကို အရှင်းလင်းဆုံး ပြောပြခဲ့တာ အလွန်ကျေးဇူးများပါတယ်။ “ထိုငယ်ရွယ်သူတို့သည် အမှားနှင့်အမှန်၊ အဆိုးနှင့် အကောင်းတို့ကို ခွဲခြားသိမြင်ရေး၌ များစွာ အကူအညီ ရစေနိုင်ရန်” ဆိုတဲ့ ရည်ရွယ်ချက်ကို နှောင်းခေတ်မှာ စာပေများ ရေးသားနေကြသူတွေ၊ ရှေးဟောင်းနှောင်းဖြစ် ပြန်ပြောသူတွေအနေနဲ့ ဆက်လက်ကိုင်စွဲထား ကြရမှာပဲ ဖြစ်ပါတယ်။

ကျွန်တော်တို့ဟာ အနာဂတ် ကို သွားနေကြရာမှာ အတိတ်ကို ပြန် မကြည့်လို့ မဖြစ်ပါဘူး။ ကျွန်တော်တို့ရဲ့ ဘိုးဘေးဘီဘင်တွေခေတ်က အဖြစ်အပျက်တွေကို ပြန်ကြည့်ပြီး သင်ခန်းစာတွေ ယူကို ယူရမှာပါ။ သမိုင်းကို မုန်းလို့ မဖြစ်ဘူး။ သမိုင်းကို ပစ်ပယ်လို့ မဖြစ်ဘူး။ သမိုင်းကို ပစ်ပယ်တာ သမိုင်းကြောင်း မကောင်းသူတွေပဲ ဖြစ်ပါလိမ့်မယ်။

ယနေ့ခေတ် ရှင်သန်နေကြတဲ့ ကျွန်တော်တို့ဟာ သမိုင်းကို ဖြတ်သန်းနေ ကြတာပါ။ တစ်ခါတရံ ကျွန်တော်တို့ဟာ ကိုယ်တိုင် သမိုင်းဇာတ်ကောင်တွေဖြစ်ပြီး တစ်ခါတရံ ကျွန်တော်တို့ဟာ သမိုင်း ဖြစ်ရပ်တွေရဲ့ သက်သေတွေ ဖြစ်ပါတယ်။

နောင်အနှစ်ငါးဆယ် အနှစ် တစ်ရာ ကြာမြင့်သွားချိန်မှာ ကျွန်တော်တို့ ကြီးပြင်း ရှင်သန်တဲ့ခေတ်ဟာ သမိုင်းထဲ ရောက်သွားပါပြီ။ နှောင်းလူတွေက ကျွန်တော်တို့ရဲ့ သမိုင်းကို ပြန်လေ့လာ ကြလိမ့်မယ်။ အဲဒီအချိန်မှာ သူတို့ခေတ်ရဲ့ စံပေတံနဲ့ ကျွန်တော်တို့ကို တိုင်းတာမှာပဲ။ ဥပမာ ဒီနေ့ခေတ် ကျွန်တော်တို့က ဒီမိုကရေစီစနစ်ကို ဦးထိပ်ထက် ရွက်ပန်ဆင် ထားကာ ဒီမိုကရေစီသာလျှင် အလိုလား အပ်ဆုံး နိုင်ငံရေးစနစ်လို့ ယုံကြည်နေကြပေမယ့် နောင် အနှစ် ၁၀၀ မှာ ရှိနေမယ့် လူသားတွေက သူရဲကောင်း ဘုရင်တစ်ပါးကို စကြ၀တေးမင်းအဖြစ် တင်မြှောက် ကိုးကွယ်ကောင်း ကိုးကွယ်နေကြလိမ့်မယ်။ အဲသလို မဖြစ်ရဘူးလို့ ယနေ့ခေတ် လူသားတွေဖြစ်တဲ့ကျွန်တော်တို့က အမိန့် ပေးလို့ မရပါဘူး။ သေတမ်းစာ ရေးခဲ့လို့ မဖြစ်ပါဘူး။ သူတို့ခေတ် သူတို့အသိဥာဏ် က စေစားရာကို သူတို့ လုပ်ကြမှာပါပဲ။

သို့ပေမယ့် သမိုင်းသင်ခန်းစာ ဆိုတာကိုတော့ ကျွန်တော်တို့က နှောင်းလူတွေအတွက် ချန်ထားခဲ့မှာ ဖြစ်တယ်။ ယူတာမယူတာ သူတို့အလုပ်ပါ။

အလားတူပဲ ယနေ့ခတ် အသက်ရှင်သန်နေတဲ့ ကျွန်တော်တို့ ကလည်း နောက်ကြောင်းကို ပြန်ကြည့်ကြပြီး ကျွန်တော်တို့ ခေတ်ရဲ့ စံပေတံနဲ့ တိုင်းတာ ကြဖို့လိုတယ်။ ကျွန်တော်တို့ ဘိုးဘေးတွေ ဆီက ကောင်းတာတွေကို ယူ၊ မကောင်း တာတွေကို ကျွန်တော်တို့ခေတ်မှာ ထပ် မဖြစ်အောင် ရှောင်ကြဖို့ပဲပေါ့။

မောင်ဝံသ

၁၁ မတ် ၂၀၁၁

တရားမ၀င်ကားများ လိုင်စင် ပေးဦးမည်

9:43 PM | Posted by Unknown

သင်းအောင် Saturday, 11 June 2011 19:22


တရားမ၀င် တင်သွင်းလာသော မော်တော်ယာဉ်များ လိုင်စင် ထုတ်ပေးရေး အစီအစဉ်ကို ယခုလကုန်ပိုင်းတွင် ပြန်လည် စတင်ရန် အာဏာပိုင်တို့က စီစဉ်နေသည်ဟု နေပြည်တော်မှလာသည့် သတင်းများအရ သိရသည်။

dkba-cars1

ထိုင်း-မြန်မာ နယ်စပ်မှတဆင့် မြန်မာပြည်တွင်းသို့ ဝင်ရောက်မည့် ကားများ (ဓာတ်ပုံ - ဧရာဝတီ)

ထိုသို့ လိုင်စပ် ထပ်ထုတ်ပေးမည့် အစီအစဉ်ကြောင့် စီးပွားရေးသမား တချို့က လိုင်စင်မဲ့ယာဉ်များကို ဒေသအသီးသီးမှ ၀ယ်ယူပြီး မြို့ကြီးတချို့တွင် စုဆောင်းလျက် ရှိသည်ဟုလည်း သိရသည်။

“(လိုင်စင်မဲ့ယာဉ်တွေကို) ရန်ကုန်နဲ့ ပဲခူးက အရာရှိကြီးတွေ ပိုင်ဆိုင်တဲ့ ခြံကျယ်တွေ၊ အစိုးရနဲ့ ပနံသင့်တဲ့ ဘုန်းကြီးကျောင်း တိုက်ဝင်းတွေထဲမှာ လတ်တလော သိမ်းထားကြတယ်” ဟု ကား အရောင်းအ၀ယ်သမား တဦးက ပြောသည်။

လိုင်စင်မဲ့ယာဉ် ၅ စီးမှ ၁၀ စီးအထိ စုစည်းမိပါက နေပြည်တော်သို့ ညသန်းခေါင်အချိန်တွင် ပို့ဆောင်လေ့ရှိကြောင်း သိရသည်။

ယခုနှစ်မှစ၍ အခွန်ပေးဆောင်ခြင်း၊ တရားဝင် လိုင်စင် ရယူခြင်းတို့ကို နေပြည်တော်တွင် ပြုလုပ်ပေးမည်ဟု သတင်းရရှိသည်။

မြန်မာနိုင်ငံတွင် မော်တော်ယာဉ်တန်ဖိုးက လိုင်စင်၏ တန်ဖိုးထက် အဆမတန် နည်းပါးနေသည်။

ကျပ် သိန်း ၇၀၀ ကျော် တန်ကြေးရှိသော မတ်ခ်တူး ၂၀၀၀ မိုဒယ် တစီးလျှင် လိုင်စင်မဲ့ယာဉ်ဈေးကွက်တွင် သိန်း ၆၀ ခန့် ဖြင့် ၀ယ်ယူနိုင်ကြောင်း၊ တိုယိုတာ ကိုရိုလာ ဗင်၊ စပရင်တာ၊ ဆန်နီဆူပါဆလွန်း စသည့် အမျိုးအစားများမှာ ၂၅ သိန်း၊ သိန်း ၃၀ ခန့်ဖြင့် အရောင်းအ၀ယ်ဖြစ်နေကြောင်း သိရသည်။

ရန်ကုန်၊ ပဲခူးနှင့် နေပြည်တော် လမ်းပိုင်းများတွင် စစ်ဆေးမှုများ ရှိနေသော်လည်း လိုင်စင်မဲ့ယာဉ်များကို နိုင်ငံပိုင်အဖြစ် သိမ်းဆည်းခြင်း မရှိကြောင်း သိရသည်။ ထိုအခြေအနေများကြောင့် နေပြည်တော်သည် ကားမှောင်ခိုသမားတို့၏ ဘူမိနက်သန်ဖြစ်နေသည်ဟူသော သုံးသပ်မှုများ ပေါ်ထွက်နေသည်။

“တစီး ၁၀ သိန်း၊ ၁၅ သိန်း ပေးလိုက်ရင် လတ်တလော သယ်ဆောင်ခွင့် ပြုတဲ့ သဘော ရှိနေတယ်” ဟု ရန်ကုန်မှ ကားအရောင်းအ၀ယ်သမားတဦးက ပြောသည်။

ကားများ တင်သွင်းမှုကို ထိုင်းမြန်မာနယ်စပ်တွင် အများအပြား တွေ့ရသည်။

ပြည်ပမှ တရားမ၀င် သွင်းလာသော မော်တော်ယာဉ်များအား ကာလတန်ဖိုး၏ ၈၅ ရာခိုင်နှုန်း အခွန်ဆောင်စေခြင်း၊ ဒဏ်ကြေး ၁၅ သိန်း ၅ သောင်း ပေးဆောင်စေခြင်းများ ပြီးစီးပါက လိုင်စင်ပြုလုပ်ပေးသည့် အစီအစဉ်ကို ယမန်နှစ် ဇူလိုင် ၂၃ ရက်တွင် စတင်ခဲ့သည်။

သို့သော် ဒဏ်ကြေး ပေးရမည် ဟူသော သတ်မှတ်ချက်ကို သြဂုတ် ၁၁ ရက်တွင် ပြန်လည် ရုပ်သိမ်းခဲ့သည်။ လိုင်စင် လျှောက်ထားသူ နည်းပါးလာသည့် အတွက် ရုပ်သိမ်းခြင်းဖြစ်သည်ဟု သိရသည်။

ထိုစဉ်က လိုင်စင်ထုတ်ပေးခြင်း အစီအစဉ်သည် ၂ လ ကြာမြင့်ခဲ့ပြီး စက်တင်ဘာ ၂၃ ရက်တွင် အဆုံးသတ်ခဲ့သည်။

Credit: Irrawaddy
http://www.irrawaddy.org/bur/index.php/news/6581-2011-06-11-12-25-14

အိန္ဒိယအကျဉ်းထောင်မှ ပြန်လည်လွတ်မြောက်လာသည့် ကရင်နှင့် ရခိုင်တော် လှန်ရေးသမား (၃၄) ဦးကို နယူးဒေလီတွင် ဂုဏ်ပြု (ရုပ်သံ)

9:31 PM | Posted by Unknown

ဘဝထဲက ရတနာ၊ ရင်ထဲက ကဗျာ (၂၀) (တင်မိုး)

ဘဝထဲက ရတနာ၊ ရင်ထဲက ကဗျာ (၂၀)
တင်မိုး
ဇွန် ၅၊ ၂၀၁၁



၁။

ဧပြီလဆန်းတယ် ဆိုရင်ပဲ မြန်မာနိုင်ငံမှာ သင်္ကြန်အငွေ့အသက် ရနံ့ကလေး မွှေးစပြုပြီ။ ဥရောပနိုင်ငံတွေမှာတော့ ဆောင်းလက်ကျန် အအေးဓာတ်ကလေး ထွေးပတ်နေဆဲပေါ့လေ။

ဒါပေမယ့် “စပရင်ရာသီ” ခေါ်တဲ့ ဖူးပွင့်ရာသီအစမို့ သစ်ရွက်အဖုကလေးတွေ၊ အဖူးကလေးတွေ ပြစပြုလာကြပြီ။ လမ်းမကြီးတွေနဲ့ ပန်းခြံတွေထဲမှာတော့ ပန်းရောင်လွင့်လွင့် ပွင့်စပြုတဲ့ပန်းတွေ၊ အဖြူရောင် ပန်းပွင့်ကလေးတွေ မြင်ရလို့ စိတ်သစ်နိုးကြွလာကြပြီ။ မှိုင်းမှုန်ပြာရီ ဆောင်းရာသီနှောင်းခဲ့ပြီမို့ အခန်းအောင်းနေရတဲ့ဘ၀က နေရောင်ပျပျ လင်းခဲ့ရချေပေါ့။ ဒီတော့ ဒေါင်းသင်္ကြန်ကလေးကို သတိရပြီး ကဗျာဖွဲ့ချင်စိတ် ပေါ်မိတယ်။

၂။

ဒေါင်းသင်္ကြန်

အဖုအထစ်ကလေးတွေနဲ့

နုသစ်တဲ့ရာသီရောက်ပြန်ပြီ။

ပူပူနွေးနွေး

တောအရေးက စိမ်းမြမြ

ပွင့်သစ်ဖြူနီတွေ လှပြန်ပေါ့

ဥရောပရဲ့ ပွင့်ဖူးရာသီ။

မြန်မာပြည်မှာတော့

နွေရာသီ နေခြည်ခပြီမို့

သင်္ကြန်ကျလို့ ရွှေခွက်ချီ

ရေပက်မည်လို့ တကဲကဲ။

တူးပို့ တူးပို့ စည်တိုသံ

မြနန္ဒာ ကဟန်မူရာကလေးတွေနဲ့

မွှေးနံ့သာ ရေတစက်တမွှား

ငွေခွက်ဖလား တကိုင်ကိုင်

သံချပ်တွေ မြိုင်မြိုင်တိုင်ကြပေါ့

ပိတောက်ခိုင်ဝါ၀ါဝင်း

တာသင်္ကြန် အခါကြိုလုိ့

သပြေညို အတာအိုးတွေနဲ့

ရွာရိုးမှာ ပရိတ်ပန်းတွေက

ငြိမ်းချမ်းအောင် ဆုမွန်တောင်းကြတယ်

ဒေါင်းက, လို့ ပြေတခွင်မှာနွှဲကြမယ့်

ကျောင်းအမတို့ရဲ့ ရေသဘင်မဟာပွဲ။

အထက်က သံချိုလေးချိုးကဗျာကလေးတပုဒ်ကို ချရေးမိပါတော့တယ်။ သင်္ကြန်မိုးမှာ သင်္ကြန်ပိုးက ရိုးတိုးရွတ ဖြစ်လာဟန် တူပါရဲ့။

၃။

မြန်မာသက္ကရာဇ် တနှစ်ပြောင်းခဲ့လေတိုင်း တခေတ်ကောင်းနိုးနိုး လက်ချိုး ရေတွက်မိတယ်။ “ရွှေငုံးမင်း အမြီးမျှော်သလို ခရီးတော် နီးရက်နဲ့ဝေး” ရပြန်ပြီလား။ နိုင်ငံသားတွေရဲ့ ကြမ္မာကံကို စစ်တမ်းထုတ်ရင်း ဟိုငေးငေး၊ သည်ငေးငေး ရွှေပြည်တော် မျှော်တိုင်းဝေးရော့သလား။

ရပ်ဝေးရောက် ကဗျာဆရာ လွမ်းဇာတာနှောင်ဝဋ်က ကျွတ်ချင်လှပြီမို့ လမ်းစတမျှော်မျှော်နဲ့ ညှိုးရော်မိတယ်။ အို … လွတ်လပ်မှု၊ တရားမျှတမှု၊ လူ့အခွင့်အရေး အပြည့်အ၀မရသေးတဲ့ မြန်မာနိုင်ငံအရေး ငါဆွေးနေလို့ကော ပြီးမှာလား။ ဘယ်နေရာရောက်ရောက် လွတ်မြောက်ရေးကိစ္စ သတိတရနဲ့ လုပ်ကြရမှာ မလွဲပါဘူး။ ကိုယ်စွမ်းရှိသမျှ ဥာဏ်စွမ်းရှိသမျှ လုံ့လအားထုတ် အလုပ်လုပ်ကြရမှာပါကလား …။ အဆွေးဖယ်ပြီး အတွေးကြွယ်မှ ဖြစ်တော့မယ်။ အများတီးတဲ့လက်ခုပ်ထဲမှာ ငါတလက်ခုပ် ရေတမှုတ် ပါပါစေ။ နိုင်ငံသားတွေနဲ့အတူ ယောက်ျားဘသား ပါဝင်ဆင်နွှဲမှ ရဲစိတ်တွေလျှမ်းပြီး ပန်းတိုင် ရောက်ပေမယ်။

ဒီတော့ ကဗျာရေးပြီး မိမိကိုယ်ကိုရော အများကိုပါ အားပေးရပြန်တာပေါ့။

၎။

လွတ်လပ်မှုကိုချစ်သူ

ငါဘာတွေးနေသလဲ၊

ငါဘာရေးနေသလဲ

အဆွေးသမားတယောက်များလား။

ကိုယ့်ပြည်ကခွာ

နိုင်ငံတကာအနှံ့သွား

ဒီမိုကရေစီတရား တွင်တွင်ဟော

မမောတမ်း လှုပ်ရှားနေသူလား။

ငါ့ဝါသနာက ကဗျာ

ခံစားရာ စာဖွဲ့

စိတ်နွဲ့သူပဲ ဖြစ်လေမလား။

တကယ်တမ်းမှာ

ငါဟာမြန်မာစစ်စစ်

မြန်မာချစ်တဲ့စိတ်ဓာတ်ရှိတယ်။

ငါ့နိုင်ငံ ငါလွမ်း

ငါ့လမ်းကို ငါလျှောက်

ငါဆောက်ချင်တဲ့အိမ်ကလေးမှာ

အတွေးကလေးတွေ ကွန့်မြူးပြီး

စိတ်ကူးဥာဏ် လွတ်လပ်ချင်တယ်။

ငါ့ကဗျာ ငါဖွဲ့တော့

ကဲ့ရဲ့ချင်လဲ ကဲ့ရဲ့

ကြိုက်တဲ့လူလဲ လက်ခံ

ဝေဖန်ချင်ရင် ဝေဖန်

ကေသီမှာ ပန်ချင်ရင်လဲ ပန်ပေတော့

ကဗျာဥာဏ် တသွေးသွေးနဲ့

ခပ်အေးအေး နေချင်တယ်။

ဒါပေမယ့် … အုပ်ချုပ်တဲ့စစ်တပ်က

လွတ်လပ်စွာ တွေးကြံမှုကို

ခွင့်မပြုနိုင်။

လူထုရဲ့ ခံစားရသမျှ

ပြန်ကြားခွင့်မပေးနိုင်။

သင့်စိတ်နဲ့ သင့်ကဗျာ

လွတ်လပ်စွာ သင်ဖန်တီးရင်

သင့်မီး သင်မွှေး

ပြေးနိုင်ရင် ပြေးပေတော့

လွတ်လပ်ရေးမပေးနိုင်။

ခြေချင်းနဲ့ လက်ထိတ်ကို

ဆုတံဆိပ် အပ်နှင်းပြီး

ထောင်တွင်း အကျဉ်းထားမတဲ့

မတရားတဲ့ စစ်အာဏာအောက်

တကြောက်ကြောက် တလန့်လန့်နဲ့

အမြီးနှံ့နေရတဲ့ငါ့အဖြစ်ကို

ငါမချစ်နိုင်ပါ။

လွတ်လပ်မှုကို ချစ်သူဟာ

အပြစ်ယူဖို့ လုံလောက်သတဲ့

စစ်စုံထောက်တွေရဲ့ မှတ်ချက်ပါ။

ကဲ … ဒီတော့ မနေသာ

တပြည်တရွာပြေးရတာပေါ့။

ပြေးလေလေ ပြေး

ဆွေးလေလေဆွေးရင်း

တေးချင်းတွေဖွဲ့

တိုက်ပွဲတွေဝင်ခဲ့ပေါ့။

လူ့အခွင့်အရေးနဲ့ ဒီမိုကရေစီ

ရောင်နီပျပျ

ငါမြင်ရရင်လ

ခွာစုံချပြန်လာမယ်

မြန်မာပြည်သူအပေါင်း

သူရဲကောင်းတို့လေ …။

“အခါတော်ရောက်ချိန် နီးလို့လာပြီ” ဆိုတဲ့ မြို့မရဲ့ ပြည်တော်ဝင်တေးသံကို ကြားယောင်ယောင်နဲ့ ကလောင်ကိုင်မိပါတော့တယ်။

အင်း … လူထုဆန္ဒပြည့်ကောင်းပ …။ ။

ခေတ်ပြိုင်ဂျာနယ် အတွဲ (၁၀၈)၊ မေ ၂၀၀၂

မက်ကိန်း ထုတ်ပြန်ချက် (အင်္ဂလိပ်)

4:32 AM | Posted by Unknown
Press Release McCain

မက်ကိန်း ထုတ်ပြန်ချက် မြန်မာပြန်

4:16 AM | Posted by Unknown
John McCain Press Release Burmese

မယ်တော်ကျောင်းတွင် သံဃာ ၃၀၀ ကျော်ကို မြန်မာတို့က စုပေါင်းဆွမ်းဆန်စိမ်းလောင်းမည်

3:58 AM | Posted by Unknown
မယ်တော်ကျောင်းတွင် သံဃာ ၃၀၀ ကျော်ကို မြန်မာတို့က စုပေါင်းဆွမ်းဆန်စိမ်းလောင်းမည်
မိုးမခအထောက်တော်၊ မဲဆောက်
ဇွန် ၇၊ ၂၀၁၁
ထိုင်းမြန်မာနယ်စပ် မဲဆောက်မြို့ မှာ သံဃာ့ဒါန စုပေါင်းဆွမ်းဆန်စိမ်းလောင်းလှူပွဲကြီးကို မကြာမီကျင်းပပြုလုပ်နိုင်ရန် ထိုင်းနိုင်ငံရောက် မြန်မာနိုင်ငံသားက ၀ိုင်းဝန်းကြိုးပမ်းလျက်ရှိကြောင်း သိရှိရသည်။

ဝါတွင်းကာလအကြို အဖြစ် ဇွန်လ (၁၉)ရက်နေ (တနင်္ဂနွေနေ့)့တွင် ကျင်းပမည့် အဆိုပါ စုပေါင်း ဆွမ်းဆန်စိမ်းလောင်းပွဲသည် ပထမဆုံးအကြိမ် ၀ိုင်းဝန်းကျင်းပခြင်းဖြစ်ပြီး သံဃာ အပါး ၃၀၀ ကျော် အား ဆွမ်းဆန်စိမ်းနှင့် အခြား လှူဖွယ် ပစ္စည်းမျာ ၀ိုင်းဝန်းလှူဒါန်းကြမည်ဖြစ်သည်။
ထိုင်းနိုင်ငံတွင် သီတင်းသုံးနေသည့် ထိုင်းသံဃာတော်များ၊ မြန်မာသံဃာတော်များသာမက မြန်မာဖက်ခြမ်းမှ သံဃာတော်များကိုလည်း သံဃာ့သမဂ္ဂီဖြစ်ရန် ပင့်ဖိတ် လောင်းလှူကြမည်ဟုလည်း သိရှိရသည်။
အဆိုပါ ဆွမ်းဆန်စိမ်းလောင်းလှူပူဇော်ပွဲကို မဲဆောက်မြို့ မယ်တော်ကျေးရွာ မယ်တော်ဆေးခန်းအနီးရှိ ၀ပ်ထိုင်းဝပ်ထနာလန် (မယ်တော်ကျောင်း)တွင် ကျင်းပ ပြုလုပ်မည်ဖြစ်ပြီး သံဃာတော်အရှင်မြတ်များ အမှူးထား၍ ဈေးသူဈေးသားများ၊ စက်ရုံအလုပ်သမားများနှင့် သာရေးနာရေးလူမှုရေး ဘာသာရေး အလုပ်သမားရေး ဆောင်ရွက်နေသူများ အများအပြား ၀ိုင်းဝန်း ကျင်းပကြမည်ဖြစ်သည်။
ထိုင်းနိုင်ငံရောက် မြန်မာပြောင်းရွေ့ အလုပ်သမားများကလည်း ၄င်းတို့၏ ချွေးနည်းစာဖြင့် ဆွမ်းဆန်တဆုပ်၊ ဆေးတမှုတ် ၀ိုင်းဝန်းလှူဒါန်းရန် ကြိုးပမ်းလျက် ရှိပြီး မြန်မာအလုပ်သမား လူတထောင်ကျော် အလုပ်လုပ်နေသည့် ရန်မကင်း စက်ရုံမှ စက်ချုပ် အလုပ်သမလေး တဦးက..
“ သမီးတို့ တတ်နိုင်တဲ့ဖက်က သံဃာတော်တွေကို ရှိသမျှလေးနဲ့ ၀ိုင်းပြီး ကျေးဇူးဆပ်တဲ့ သဘောပေါ့။ တခြားဟာတွေအပြင် အရင် လက်မှတ်မရှိတုန်းက အာဏာပိုင်တွေက ဖမ်းဟဲ့ ဆီးဟဲ့ ဆို ထိုင်းဖက်ခြမ်းကရော မြန်မာဖက်ခြမ်းကပါ ဘုန်းကြီးကျောင်းတွေက ကူညီပေးခဲ့တဲ့ ကျေးဇူးတွေ ရှိတယ်လေ။ ဒါကြောင့် စုပေါင်းပြီး အလှူမဏ္ဍာပ် တခု ထွက်လှူနိုင်ဖို့ ကြိုးစားနေတယ်”
ဟု ဆိုသည်။
ယခုလာမည့် ၁၉ ရက်နေ့ နေ့လည် ၂နာရီတွင် ကျင်းပမည့် အဆိုပါ ဆွမ်းဆန်စိမ်းလောင်းလှူပွဲကို စည်သံဗျောသံများဖြင့် သာသနာအလံတလူလူ လွှင့်ကာ စည်စည်ကားကားကျင်းပနိုင်ရေးအတွက် ထိုင်းနိုင်ငံရောက် မြန်မာနိုင်ငံသားများသာမက နိုင်ငံတကာရောက် မြန်မာနိုင်ငံသားများလည်း ၀ိုင်းဝန်း လှူဒါန်း ကုသိုလ်ပါဝင်ရန် နှိုးဆော်ထားသည်။ ထိုင်းနိုင်ငံသို့ ရောက်ရှိနေကြသော မြန်မာလူမျိူးစုအားလုံး စုဝေးပြုလုပ်ကြမည့် ပွဲတော်ရက်သည် မြန်မာပြည်၏ လူထုခေါင်းဆောင် ဒေါ်အောင်ဆန်းစုကြည် ၆၆ နှစ်ပြည့် မွေးနေ့လည်း ဖြစ်သည်ကို တွေ့ရသည်။

အို ဘယ့် - - တေးမြုံငှက်



တေးမြုံငှက်
ခိုင်ထူး

မောင်သစ်မင်းရဲ့ ကဗျာကို ကိုရဲလွင်က သံစဉ် ထည့်ပါတယ်။
ဒီသီချင်းကို ခိုင်ထူးက ပထမဆုံး ဆိုခဲ့ပုံပါပဲ။ တေးမြုံငှက် စီးရီးထဲမှာပါ။
နောက်တော့ ခင်ဝမ်းရဲ့ ပန်းခရမ်းပြာ စီးရီးမှာ ဒီသီချင်းကို ထပ်တွေ့ပြန်တယ်။
ဆိုဟန် မတူကြပါ။
ခိုင်ထူးက သူ့ပုံစံအတိုင်း အားမာန်အပြည့်၊ စာသားတွေကို တလုံးချင်း ပီပီသသ ဖြစ်အောင် ဆိုတယ်။
ခင်ဝမ်းကတော့ အားမာန် မထည့်ဘူး။ ခပ်အေးအေး ဆိုတယ်။ ဆွေးဆွေးမြေ့မြေ့ ဆိုတယ်။
အဆိုတော်ကြီး ၂ ယောက်လုံးက သူ့ပရိသတ်နဲ့သူ ခိုင်ခိုင်မာမာ ရှိကြပါတယ်။

youtube မှာ တွေ့ရတဲ့ ဒီစတိတ်ရှိုးက ခိုင်ထူးရဲ့ တကိုယ်တော် တင်ဆက်မှု ဖြစ်ဖွယ် ရှိပါတယ်။ သြစတေးလျရောက် ဗဟိန်းတင် ဆိုတဲ့သူက လွန်ခဲ့တဲ့ ၈ လက တင်ထားတာပါ။ သူတင်ထားတာလို့ သွားကူးယူပြီး ဒီမှာ ပြန် ဖော်ပြနိုင်တဲ့အတွက် သူ့ကို ကျေးဇူး တင်ပါတယ်။

သူ့စာမျက်နှာ http://www.youtube.com/user/baheintin မှာ ဒီတပုဒ်တည်း တွေ့ရပါတယ်။ ခိုင်ထူးပရိသတ် ဖြစ်နိုင်သလို မနေ့က ကွယ်လွန်သွားတဲ့ ဒီသီချင်းကို ရေးသားခဲ့သူ မောင်သစ်မင်းရဲ့ ပရိသတ်လည်း ဖြစ်နိုင်ပါတယ်။
ခံစားကြည့်ကြပါအုံး - ဆရာ့ရဲ့ တေးကဗျာ၊ ကိုရဲလွင်ရဲ့ သံစဉ်၊ ခိုင်ထူးရဲ့ ဆိုဟန် နဲ့ လေးဇီးကလပ်ရဲ့ လက်ရာ။
-
(ဖြည့်စွက်ချက် - လေးဇီးကလပ်ရဲ့ လက်ရာ မဟုတ်ဘူးလို့ စာဖတ်သူ တယောက်က ထောက်ပြပါတယ်။ ဇာလျန်း၊ ပက်ထရစ်တို့တီးဝိုင်းရဲ့ လက်ရာဖြစ်ပါတယ်။)

Credit to Irrawaddy blogspot

မင်းကျော်ခိုင်ရဲ့ အလွမ်းများ

3:34 AM | Posted by Unknown
မင်းကျော်ခိုင်ရဲ့ အလွမ်းများ

မိုးမခ၊ ဇွန် ၇၊ ၂၀၁၁



ယုံကြည်ချက်နဲ့ တိုက်ပွဲဝင်နေတဲ့ ကိုဇေယျကြီး လေးစားတယ်ဗျာ …



ဟိုတုန်းက တရံတခါဆီကို သတိရမိတယ် ကိုနေဝင်းရေ …



နေဝင်စောတဲ့ ကိုမောင် …


ကိုရဲ အင်ကြင်းဆောင်နောက်က ညတွေ၊ ခရမ်းပြာညတွေကို လွမ်းတယ်ဗျာ …

Foo Fighters (Live)

3:08 AM | Posted by Unknown

MTV ရဲ့ ၂၀၁၁ ရုပ်ရှင်ဆုပေးပွဲ

2:59 AM | Posted by Unknown
မြန်မာပြည်သား ရုပ်ရှင်ကြိုက် ပရိသတ်အတွက် ရည်ရွယ်ပြီး တင်ပြရမယ် ဆိုရင် - တခြား ရုပ်ရှင်ဆုပေးပွဲနဲ့ ပုံစံ မတူဘဲ တမူကွဲပြားစွာ ပေါ့ပေါ့ပါးပါးလေး တင်ဆက်သွားတာကို တွေ့ရပါလိမ့်မယ်။

- အကောင်းဆုံး စကားလုံးဆု (Best Line From a Movie) ကို ကလေး သရုပ်ဆောင် Alexys Nycole Sanchez ပါဝင်တဲ့ Grown Ups ဇာတ်ကား
- ပါးစပ်ဟ သွားရည်ကျအောင် ငေးရတဲ့ဆု (Best Jaw Dropping Moment) ကို ဆယ်ကျော်သက်လေးများ အသဲစွဲ Justin Bieber ရဲ့ Never Say Never ဇာတ်ကား
- အကောင်းဆုံး အနမ်းဆုကို The Twilight Saga: Eclipse ဇာတ်ကားထဲက မင်းသား နဲ့ မင်းသမီး တို့ ဆွက်ခူးခဲ့ကြတယ်။

ဖွင့်ပွဲကို ဟော့ဒီလို ပြောင်မြောက်စွာ ဖွင့်ပါတယ်.....



Credit to Irrawaddy blogspot

မောင်သစ်မင်း နာရေး


တေးရေးဆရာ မောင်သစ်မင်း (၅၈) နှစ်ရဲ့ နာရေး ဒီနေ့ ညနေ ၅ နာရီခွဲက ထိုင်းနိုင်ငံ ဘန်ကောက်မြို့ ၀ပ်ထက်ပ်လီလာ ဘုန်းကြီးကျောင်းမှာ မီးသင်္ဂြိုဟ် ပြီးစီးပါတယ်
သတင်းအပြည့်အစုံကို ဧရာဝတီ ပင်မ စာမျက်နှာ မှာ ဖတ်ရှုနိုင်ပါတယ် (ဓာတ်ပုံများ-ဧရာဝတီ)

-
-
-

မြန်မာစာပေဟောပြောပွဲ တောင်ကိုရီးယားမှာ ကျင်းပ

2:30 AM | Posted by Unknown

မြန်မာစာပေဟောပြောပွဲ တောင်ကိုရီးယားမှာ ကျင်းပ

2011-06-06

၂၀၁၁ ခုနှစ်အတွက် မြန်မာစာပေ ဟောပြောပွဲတရပ်ကို တောင်ကိုရီးယားနိုင်ငံ ပူချွန်းမြို့၊ ဘို့ဆာဂိုလ် သဘင် ခန်းမမှာ ဇွန်လ ၅ ရက် မနေ့က ကျင်းပခဲ့ပြီး၊ မြန်မာနိုင်ငံက ထင်ရှားတဲ့ စာပေအနုပညာရှင်တွေ ဖြစ်ကြတဲ့ စာရေးဆရာ ဖေမြင့်နဲ့ ကာတွန်းဆရာ အော်ပီကျယ်တို့က ဟောပြောခဲ့ကြတယ်လို့ သိရပါတယ်။

(Photo: burmainfokorea.blogspot.com)

ကာတွန်းဆရာ အော်ပီကျယ် (ဝဲ) နှင့် စာရေးဆရာ ဖေမြင့် (ယာ) တို့ တောင်ကိုရီးယား နိုင်ငံ၊ ဆိုးလ်မြို့ အင်ချွန်း နိုင်ငံတကာ လေဆိပ်သို့ ရောက်ရှိလာပြီးနောက် တွေ့ရပုံ ဖြစ်ပါသည်။ (Photo: burmainfokorea.blogspot.com)

ဒီအခမ်းအနားမှာ အဓိက ဟောပြောခဲ့တဲ့ အကြောင်းအရာနဲ့ပတ်သက်လို့ စာရေးဆရာ ဖေမြင့်က RFA ကို အခုလို ပြောပါတယ်။

“ကိုအော်ပီကျယ်၊ သူကတော့ ရေကြည်ရာ မြက်နုရာ ပြောတယ်။ ကျွန်တော် ပြောတာတော့ ဘဝ တိုးတက်မှုအတွက် စာဖတ်ခြင်း ဆိုတဲ့ ခေါင်းစဉ်နဲ့ ပြောတယ်ဗျ။ ပြောတော့ ကျွန်တော် စာအုပ်တွေအကြောင်း ပြောတာပေါ့နော်။ စာဖတ်ခြင်းကြောင့် ဘာတွေ ရတယ်ပေါ့ဗျာ။ ဆိုတဲ့ အကြောင်းတွေနဲ့ စာအုပ်တွေရဲ့ လူတွေအပေါ် လွှမ်းမိုးနိုင်တဲ့ စွမ်းအားတွေ၊ ကမ္ဘာကို ပြောင်းလဲစေခဲ့တဲ့ စာအုပ်တွေ စသဖြင့် အဲလို စာအုပ်တွေအကြောင်းတွေ ကျွန်တော် ပြောတယ်ဗျာ။”

စာပေဟောပြောပွဲ အခမ်းအနားနဲ့အတူ စာအုပ်ပြသ ရောင်းချပွဲနဲ့ စာရေးသူ စာဖတ်သူ ဆွေးနွေးပွဲကိုပါ ထည့်သွင်း ကျင်းပခဲ့ပြီး၊ မြန်မာစာပေ ပရိသတ် ၃၀၀ လောက် တက်ရောက်ခဲ့တယ်လို့ ပွဲဖြစ်မြောက်ရေး ဦးဆောင် စီစဉ်သူတဦး ဖြစ်တဲ့ ကိုဝင်းပေါ်မောင်က ပြောပါတယ်။

“ပရိသတ်ကတော့ ၃၀၀ လောက် ရှိပါတယ်။ ကျွန်တော်တို့က ဒီမှာတော့ လူငယ်တွေ ဘာတွေကျတော့ အဝေးကြီးဆိုတော့ မလာနိုင်ဘူးပေါ့နော်။ လာတဲ့ ပရိသတ်ကတော့ ဒီ စာပေအပေါ်မှာ စိတ်ဝင်တစား ရှိလို့ကို လာကြတာပေါ့လေ။ တချို့ဆိုလည်း တော်တော် ဝေးဝေးက လာတဲ့လူတွေလည်း ရှိတယ်လေ။ ကျွန်တော်တို့က ဒီမှာ စာအုပ်ပြပွဲလေးလည်း လုပ်တယ်။ စာအုပ် ရောင်းပွဲလည်း လုပ်တယ်။ ရောင်းတဲ့ပွဲလည်း ကုန်ပါတယ်။ စာအုပ်တွေ ဆရာတို့ စာအုပ်တွေဆို အကုန် ကုန်တာပဲ။”

မြန်မာနိုင်ငံတွင်းက စာရေးဆရာတွေဟာ နိုင်ငံခြားမှာ ကျင်းပတဲ့ မြန်မာစာပေဟောပြောပွဲတွေကို သွားရောက် ဟောပြောဖို့ အရင်ကလောက် အခက်အခဲ မရှိတော့တာကြောင့် စင်ကာပူ၊ တောင်ကိုရီးယားစတဲ့ နိုင်ငံတွေမှာ သာမက ယူအေအီး ခေါ် အာရပ်စော်ဘွားများ ပြည်ထောင်စုအထိ သွားရောက်ဟောပြောနေကြပြီလို့ စာရေး ဆရာဖေမြင့်က ပြောပါတယ်။

လွန်ခဲ့တဲ့ ၅ နှစ်ကျော် ၁၀ နှစ်လောက်ကဆိုရင် မြန်မာနိုင်ငံတွင်းက စာရေးဆရာတွေဟာ ပြည်ပကို ထွက်ခွာဖို့ နိုင်ငံကူးလက်မှတ် လျှောက်လို့ မရတာကအစ အခက်အခဲတွေ အမျိုးမျိုးနဲ့ ကြုံတွေ့ခဲ့ကြရပါတယ်။ အခုတော့ ဒီလို အခက်အခဲတွေ တဖြည်းဖြည်း လျော့နည်းလာပြီ ဖြစ်တဲ့အတွက် စာရေးဆရာတွေလည်း ပြည်ပရောက် မြန်မာနိုင်ငံသားတွေ ကျင်းပတဲ့ စာပေဟောပြောပွဲတွေကို ခပ်စိတ်စိတ် တက်ရောက်လာနိုင်ခဲ့ကြပါတယ်။

အခုနှစ်ပိုင်းတွေမှာဆိုရင် စာရေးဆရာ အောင်သင်း၊ ဆရာ ချစ်ဦးညို၊ ဆရာမ ဂျူး၊ ဆရာ နေဝင်းမြင့်၊ ဆရာမ ခင်ခင်ထူး၊ ဆရာ အော်ပီကျယ်၊ ဆရာ ဖေမြင့်စတဲ့ စာပေနယ်က ထင်ရှားတဲ့ ပုဂ္ဂိုလ်တွေဟာ စင်ကာပူ၊ တောင်ကိုရီးယား၊ ယူအေအီး စတဲ့နိုင်ငံတွေမှာ ကျင်းပတဲ့ မြန်မာစာပေ ဟောပြောပွဲတွေကို တက်ရောက် ဟောပြောခဲ့ကြပါတယ်။

Source: RFA

သူ့ အရိုးဟာ ကိုယ့်အရိုးမဟုတ်ဘူး

2:09 AM | Posted by Unknown

သူ့ အရိုးဟာ ကိုယ့်အရိုးမဟုတ်ဘူး



ပြည်ထောင်စုရွေးကောက်ပွဲကော်မရှင်က မပြီးပြတ်သေးတဲ့ ၂၀၁၀ ရွေးကောက်ပွဲ တိုင်တန်းမှုတွေကိုအခုတလောမှာ မြန်မြန်ထက်ထက်ဆုံးဖြတ်ချက်ပေးနေတဲ့အထဲ NDF နှစ်ခြမ်းကွဲအမှုလည်း ပါဝင် ပါတယ်။ သင်္ကန်းကျွန်းဦးသိန်းညွန့် ရှုံးပြီး ဦးခင်မောင်ဆွေတို့ အသာရသွားကြတယ်လို့ ရှုမြင်နေကြပါ တယ်။ ခေါင်းပေါ်က ခမောက်ပြုတ်ပြီး တစ်သီးပုဂ္ဂလအမတ်ဦးသိန်းညွန့် အဖြစ် ကော်မရှင်က အတည် ပြုပေးလိုက်ပါတယ်။

ဒီဇာတ်လမ်းအစက ရွေးကောက်ပွဲမတိုင်မီကတည်းက ပျိုးခဲ့ကြတာပါ။ NDF ရဲ့ ဘဏ္ဍာရေးအ၀င်အထွက်ကိစ္စတွေကို ဦးသိန်းညွန့် က မီဒီယာအပေါ် ဖွ လို့ ဆိုပြီး မကြည်မလင်ဖြစ်ကြရာက “ဆွေငြိမ်း”ခေါင်းဆောင်တွေက ပါတီစည်းကမ်းဖောက်ဖျက်မှုနဲ့ ကော့ကရိတ်ဦးသိန်းညွန့် ကို ပါတီက ထုတ်ပစ်လိုက်တာပါ။ အဲဒီတုန်းက ပြည်ပမီဒီယာတစ်ခုနဲ့ ဒေါက်တာသန်းငြိမ်း အင်တာဗျူးတစ်ခုမှာ ၂၀၁၀ရွေးကောက်ပွဲမှာ လွှတ်တော်အမတ်အဖြစ် ကြံ့ဖွံ့ ပါတီက၀င်ပြိုင်မယ့် ဇေကမ္ဘာဦးခင်ရွှေဆီက ငွေကြေးထောက်ပံ့မှုကို NDF ပါတီအနေနဲ့ ရယူခဲ့ပါသလားဆိုတဲ့အမေးခွန်းကို ဥက္ကဌဦးသန်းငြိမ်း ဖြေရှင်းသွားတာနားထောင်လိုက်ရပါတယ်။

“ဆွေငြိမ်းတို့ နဲ့ နိုင်ငံရေး တွဲမလုပ်နိုင်ဘူး” လို့ လည်း ဦးသိန်းညွန့် က နောက်ပိုင်းမှာ ထုတ်ဖော်ပြောဆိုခဲ့ပြီး ရန်ကုန်တိုင်းကော်မရှင်ရုံးကလည်း ပက်သက်ဆက်စပ်သူတွေကို ခုံရုံးဖွဲ့ ခေါ်ယူစစ် ဆေးခဲ့ ပါတယ်။ပြည်ထောင်စုကော်မရှင်က မဆုံးဖြတ်ခင်ကတည်းက ဦးသိန်းညွန့် ကို တစ်သီး ပုဂ္ဂလိအမတ်အဖြစ်အတည်ပြုပေးလိမ့်မယ်လို့  အားလုံးကသဘောပေါက်ပြီးသားပါ။ မီဒီယာတွေကလည်း အမျိုးသားဒီမိုကရေစီအဖွဲ့ ချုပ် (NLD)က ခွဲထွက်သွားတဲ့ ပါတီဆိုပြီး NDF ကို ၀ိုင်းဝန်းဝေဖန်ခဲ့ပြီး ငွေရေးကြေးရေးကိစ္စကို တူးဆွထိုးနှက်ကြပါတယ်။ မှန်တယ် မှားတယ်ဆိုတာထက် ဒီလိုသတင်းတွေကို ဖော်ထုတ်ကြ၊ဖတ်ကြရတာ အင်မတန်ကောင်းပါတယ်။

အခုလည်း ဒီနှစ်မကုန်ခင် ကြားဖြတ်ရွေးကောက်ပွဲကျင်းပမယ်လို့ ပါတီတွေက ပြောဆိုနေတုန်း ပါတီခေါင်းဆောင်တစ်ယောက်ဆီက သတင်းတစ်ခု ကြားရပါတယ်။ လာမယ့် ရွေးကောက်ပွဲတွေမှာကျားဖြူပါတီ (ရှမ်းတိုင်းရင်းသားများ ဒီမိုကရက်တစ်ပါတီ)က သူတို့ ရှမ်းပြည်မှာတင်မကဘဲ မြေပြန့် တွေမှာပါ အမတ်နေရာတော်တော်များများ ၀င်ပြိုင်တော့မယ်လို့ ဆိုပါတယ်။ ဒါကိုလည်း ကျားဖြူပါတီက တာဝန်ရှိသူတစ်ဦးက ပြင်ပမီဒီယာတစ်ခုကို ပြောဆိုသွားတာ နားထောင်လိုက်ရပါတယ်။ လွှတ်တော်နိုင်ငံရေးလောကမှာ သိုးသိုးသန့် သန့် ထွက်လာတဲ့ ကျားဖြူပါတီနဲ့ ပက်သက်ပြီး လျှံကျလာတဲ့သတင်းတွေက အတိုက်အခံနိုင်ငံရေးအုပ်စုအတွက် စိတ်ပျက်စရာပါ။ အထူးသဖြင့် ပြည်တွင်းမှာ အုပ်စုအတောင့်တင်းဆုံးလို့ ခေါ်ရမယ့် (၁၁)ပါတီစုစည်းထားတဲ့ “ဒီမိုကရေစီမိတ်ဆွေများအဖွဲ့ ”အပေါ် လူထုအနေနဲ့ ရှုမြင်သုံးသပ်မှုတွေအတွက် စိုးရိမ်စရာပါဘဲ။

နိုင်ငံတော်သမ္မတက အစိုးရ၊ အတိုက်အခံသဘောထားမျိုး မထားကြဖို့ ဘယ်လောက်ဘဲ ပြောပြောလွှတ်တော်ထဲမှာ အမတ်နေရာ မဆိုစလောက်သာ ရထားကြတဲ့ နိုင်ငံရေးပါတီတွေအနေနဲ့ မိမိကိုယ်ကိုယ်ဒီမိုကရက်တစ်အတိုက်အခံတွေအဖြစ် သဲသဲကွဲကွဲခံယူထားဖို့ လိုပါတယ်။ အုပ်ချုပ်နေတဲ့ အစိုးရဟာအရင်စစ်တပ်အစိုးရအမွေကို ခံယူထားတဲ့ ကြံ့ဖွံ့ ပါတီအစိုးရလို့ ဘဲ မြင်ပြီး အတိုက်အခံအလုပ်တွေကိုပီပီသသလုပ်ပြဖို့ လိုပါတယ်။ အာဏာရပါတီကတော့ စကားလုံးလှလှပြောမှာဘဲ။ သူ့ နေရာ ၀င် လုမခံရအောင် တခြားပါတီ၊ တခြားအုပ်စုတွေကို နည်းလမ်းအမျိုးမျိုးနဲ့ သွေးဆောင်ဖြားယောင်းမှာပါဘဲ။

သူတို့ပြောသလို ဒီမိုကရေစီအပင်ပေါက်ဘ၀မှာ လွှတ်တော်ထဲက ဒီမိုကရက်တစ် အင်အားစုတွေ သင်းသတ်ခံမထားရဖို့ လိုပါတယ်။အာဏာရပါတီနဲ့အုတ်ရောရောကျောက်ရောရော ဟီးဟီးဟားဟား လုပ်နေရင် မဲဆန္ဒရှင်တွေရဲ့ ဒဏ်ခတ်ခြင်း ခံရပါလိမ့်မယ်။ ရာဇ၀င်ရဲ့ တရားခံဖြစ်သွားလိမ့်မယ်။ မြိုင်မြိုင်ဆိုင်ဆိုင်ရှိလှတဲ့ ပါတီစုံဒီမိုကရေစီစနစ်ကို ပြည်သူလူထုကြီးက တမ်းတမြင်ချင်နေတာပါ။

စီးပွားရေးသမား စီးပွားရှာတာ ပုံစံမျိုးစုံသုံးခွင့်ရှိပါတယ်။ ငွေရဖို့  သူက ဘာပေးရပေးရ ပေးမှာဘဲ။နိုင်ငံရေးသမား စီးပွားရှာတဲ့အခါ သူ့ မှာ ပေးစရာဆိုလို့ နိုင်ငံရေးတစ်ခုဘဲရှိပါတယ်။ နုနယ်လွန်းတဲ့ဲ့မြန်မာ့ဒီမိုကရေစီအခင်းအကျင်းမှာ အတော်လေးသတိထားမှ ဖြစ်ပါလိမ့်မယ်။ နိုင်ငံရေးသမားတွေအ၀ယ်မခံရဖို့ လိုပါတယ်။ ကိုယ့်ပါတီကို ကိုယ် မရောင်းစားကြပါနဲ့ ။ ဒီခေတ်က သတင်းတွေ မြန်မြန်ဆန်ဆန် စီးဆင်းနေတဲ့ခေတ်၊ ငါလုပ်တာ ဘယ်သူမှ မသိဘူး မှတ်နေရင် ကွဲ သွားလိမ့်မယ်။

အခုလည်း ကျားဖြူပါတီဥက္ကဌ ဦးစိုင်းအိုက်ပေါင်းက ယခင်ပြည်ထဲရေးဝန်ကြီးဌာနနေရာကို လေလံအောင်ထားပါတယ်။ ငွေကျပ် ၂၁ဘီလီယံနဲ့ ဝယ်ယူခွင့်ရခဲ့ပါတယ်။ ဒီနှစ်အစိုးရက လေလံပစ်တဲ့မြေအဆောက်အဦတွေထဲမှာ ဒုတိယတန်ဘိုးအများဆုံးဖြစ်ပြီး ခရိုနီစီးပွားရေးသမားကြီးတွေဖြစ်တဲ့ဦးတေဇ၊ ဦးဇော်ဇော်တို့ တောင် လက်ရှောင်နေခဲ့ရပါတယ်။ အဲဒီလေလံအောင်တဲ့နေရာကို အမြတ်ငွေဘယ်ရွေ့ ဘယ်မျှပေးရင် လက်လွှဲရောင်းချမယ်လို့ လည်း သတင်းတွေကြားရပါတယ်။

ကျားဖြူဥက္ကဌမှာ စီးပွားရေးလုပ်ငန်းတွေ အစကတည်းက ရှိထားတယ်လို့ သိရပေမယ့် နိုင်ငံရေးသမားကြီးတစ်ယောက်အနေနဲ့ အစိုးရရဲ့ လေလံမှာ ဒီလောက်များပြားတဲ့ငွေတန်ဘိုးနဲ့ မရ ရအောင်ဝင်ဆွဲသွားတာကတော့ ပါတီဓနအင်အားတောင့်တင်းရေးအတွက် လုပ်ရပါတယ် ဆိုတဲ့ဆင်ခြေ ပေးနိုင်ပေမယ့် ပြည်သူတွေ လက်သင့်ခံဖို့ မလွယ်လှပါဘူး။ လူထုရဲနိုင်ငံရေး ယုံကြည်ကိုးစားမှု ဟာနိုင်ငံရေးသမားတစ်ယောက်အတွက် အသက်သွေးကြောပါ။ သတင်းမီဒီယာသမားတွေအနေနဲ့ လည်းကိုယ့်လူ၊ သူ့ လူ သဘောမထားဘဲ နိုင်ငံရေးပါတီတွေ၊ နိုင်ငံရေးသမားတွေရဲ့ ဘဏ္ဍာရေးရံပုံငွေနဲ့ ရပ်တည်မှုဝင်ငွေတွေကို အခွင့်ရရင် ရသလို ဖော်ထုတ်ပြီး ပြည်သူလူထုကို အသိပေးရပါမယ်။

နိုင်ငံရေးသမားတွေအနေနဲ့ လည်း ငွေရေးကြေးရေးနဲ့ ပက်သက်ရင် ထိန်ဝှက်မထားဘဲ လိုအပ်တယ်လို့ ယူဆတဲ့အချိန်မှာ မဲဆန္ဒရှင်ပြည်သူတွေကို ထုတ်ဖော်အသိပေးသင့်ပါတယ်။ ငွေတစ်ပဲခြောက်ပြားနဲ့ နိုင်ငံရေးပါတီထူထောင်ပြီး အာဏာနိုင်ငံရေးလုပ်လို့ လည်း မရပါဘူး။ ဒါပေမယ့် ဘာကဘယ်လို၊ ဒါကဘာ့ကြောင့်ဆိုတဲ့ ပွင့်လင်းမြင်သာမှုကို ပြည်သူလူထုက အသည်းခိုက်အောင် ကြိုက်ပါတယ်။

အဲဒီလိုမျိုးတွေကို မဲဆန္ဒရှင်တွေက တွေ့ ချင်ကြတယ်၊ ကြားချင်ကြတယ်၊ မြင်ချင်ကြတယ်။

အောင်မျိုးထွန်း

၆- ၆- ၂၀၁၁

(ပူးတွဲပါဇယားမှာ VOL 7 NO 2O THE FLOWER NEWS တွင် ဖော်ပြထားသော ပုဂ္ဂလိကပိုင်

ပြုလုပ်ရေးကော်မရှင်မှ ထုတ်ပြန်သည့်စာရင်း ဖြစ်ပါသည် )

Credit to

ရန်ကုန်မြို့ အင်တာနက်ကဖေး ဆိုင်ရှင်များစည်းကမ်းချက် (၁၂)ချက်ကြောင့် စိတ်ပျက်

2:08 AM | Posted by Unknown

ရန်ကုန်မြို့ အင်တာနက်ကဖေး ဆိုင်ရှင်များစည်းကမ်းချက် (၁၂)ချက်ကြောင့် စိတ်ပျက်

ရန်ကုန်မြို့တော် အခြေစိုက် အင်တာနက်ကဖေးအချို့ ပိတ်သိမ်းရန် စဉ်းစားလာရကြောင်း ရန်ကုန်မြို့လယ်ရှိ အင်တာနက်ကဖေးလုပ်ငန်း အချို့မှ စုံစမ်းသိရှိရသည်။ “ဂိမ်းဆိုင်သက်သက် ပြောင်းဖွင့်မယ်” ဟု ကျောက်တံတား မြို့နယ်အတွင်း အင်တာနက်နှင့် ကွန်ပျူတာ ဂိမ်းဆိုင် တွဲဖက်ဖွင့်လှစ်ထားသည့် အသက် ၄၀ ဝန်းကျင် အမျိုးသားတစ်ဦးက ဆိုသည်။

အဆိုပါ စည်းကမ်းချက်များကို မေလ ၂၃ရက်နေ့က ထုတ်ပြန်ခဲ့ခြင်း ဖြစ်ကြောင်းနှင့် ယခင်ထုတ်ပြန်ခဲ့ဖူးသော အချက်များကို စုပေါင်း ထုတ်ပြန်လိုက်ခြင်း ဖြစ်ကြောင်း မြန်မာ့ဆက်သွယ်ရေးလုပ်ငန်း၊ ဆက်သွယ်ရေးညွှန်ကြားမှုဦးစီးဌာန(ဆညန) နှင့် အင်တာနက်ဆိုင်များထံမှ စုံစမ်းသိရှိရသည်။

အင်တာနက်ဆိုင်များသို့ လာရောက်သုံးစွဲသူများ၏ အမည်၊ မှတ်ပုံတင်နံပါတ်၊ နိုင်ငံခြားသားဖြစ်လျှင် နိုင်ငံကူးလက်မှတ်၊ ဆက်သွယ်ရမည့် ဖုန်းနံပါတ်၊ လိပ်စာများ ရယူထားရန် အချက် အပါအဝင် အင်တာနက်ကဖေး(PAC)များ လိုက်နာရန် စည်းကမ်းချက် ၁၂ချက် ထပ်မံထုတ်ပြန်ခဲ့ပြီး လိုက်နာခြင်း မရှိပါက လိုင်စင်ပိတ်သိမ်း အရေးယူသွားမည်ဖြစ်ကြောင်း မြန်မာ့ဆက်သွယ်ရေးလုပ်ငန်းက PAC များကို အသိပေးကြေညာသွားသည်။

အဆိုပါ စည်းကမ်းချက်များအား PAC လုပ်ငန်း လုပ်ကိုင်ခွင့်ရှိသူများကို မြန်မာအင်ဖိုတက်ခ်(MIT) တွင် လျှောက်ထားရာမှ ယခုနှစ် သင်္ကြန်အပြီးတွင် ဆညနသို့ လွှဲပြောင်းလိုက်ပြီးနောက် ထုတ်ပြန်လာခြင်းဖြစ်သည်ဟု ရန်ကုန်မြို့တော် အခြေစိုက် ဆညနရုံးထံမှ စုံစမ်းသိရှိရကြောင်း The Voice ဂျာနယ်တွင် ဖော်ပြထားပါသည်။

Credit to

ဧပြီလကတည်းကထုတ်ခဲ့သည့် မော်နီတာ ဂျာနယ်အထူးထုတ် ဘာအတွက်ကြောင့် အရောင်းသွက်နေဆဲလဲ ?.

2:06 AM | Posted by Unknown

ဧပြီလကတည်းကထုတ်ခဲ့သည့် မော်နီတာ ဂျာနယ်အထူးထုတ် ဘာအတွက်ကြောင့် အရောင်းသွက်နေဆဲလဲ ?.


စောင်ရေ ၅၀ ပြည့် အထိမ်းအမှတ်အဖြစ် ဧပြီလကထုတ်ဝေခဲ့သော မော်နီတာဂျာနယ် ဗိုလ်ချုပ်အောင်ဆန်း အထူးထုတ်မှာနှစ်လနီးပါးခန့် ကြာမြင့်လာ ပြီဖြစ်သော်လည်း ရောင်းကောင်းနေဆဲဖြစ်ကြောင်း ဂျာနယ် ရောင်းသူများက ပြောသည်။

အနီရောင်တောက်တောက်မျက်နှာဖုံးဖြင့် ထုတ်ဝေထားသော ၎င်း စာစောင်မှာ မော်နီတာဂျာနယ် အမှတ်စဉ်(၁)မှ (၅၀)အတွင်း ပါရှိပြီး ဖြစ်သော ဗိုလ်ချုပ်နှင့်ပတ်သက်သော ဆောင်းပါးများကို စုစည်းထုတ်ဝေ ထားခြင်းဖြစ်သည်။

ဗိုလ်ချုပ်လမ်းပေါ်မှ ဂျာနယ်ရောင်းသူတစ်ဦးဖြစ်သော ဦးသိန်းဌေးက စထွက်သည့်နေ့မှ ယခုအချိန်အထိ တစ်ပတ်လျှင် စောင်ရေ ၅၀ ခန့် ရောင်းချ နေရဆဲဖြစ်ကြောင်း ပြောသည်။

"၀ယ်တဲ့သူတွေက အသက်အရွယ်စုံ လူစုံပဲ။ တော်တော်များများက သူတို့ မိသားစုတွေပြဖို့ ၀ယ်တာများတယ်။ ဗိုလ်ချုပ်နဲ့ပတ်သက်တဲ့ အကြောင်းအရာတွေက ပျောက်နေတာကြာပြီလေ။ ကျွန်တော်တို့မမီလိုက်တဲ့ အကြောင်းအရာတွေ အများကြီးပါတယ်။ "ကျွန်တော့ ကလေးတွေကိုလည်း ပြတယ်။ တချို့ဆို ဗိုလ်ချုပ်ကိုကြားရုံပဲ ကြားဖူးတယ်၊ မမြင်ဖူးကြဘူး။ ခုဆိုရင် လေးကြိမ်မြောက် ရိုက်တာ ထင်တယ်" ဟု အသက် ၅၄ နှစ်အရွယ် ဦးသိန်းဌေး က ပြောသည်။

၎င်းက ဖြန့်ချိရေးမှ တစ်စောင်လျင် ၅၅၀ ဖြင့်ဝယ်ကာ ၁,၀၀၀ ဖြင့် ပြန်လည်ရောင်းချကာ အမြတ်အစွန်းများစွာရကြောင်း ပြောသည်။

ကုန်သည်ကြီးများဟိုတယ် အနီး ဘတ်စ်ကားမှတ်တိုင်တွင် ဂျာနယ်ရောင်း ချနေသော ဦးဌေးလွင်က "ဗိုလ်ချုပ်အကြောင်း တော်တော် လေးကို စုံစုံပါတယ်။ တခြားနေရာတွေမှာ ဒါမျိုးတွေ့ရဖို့ ခက်တယ်။ လူကြီးပိုင်းတွေအ၀ယ်များတယ်။ လူငယ်ပိုင်းတွေရှိပေမယ့် နည်း တယ်။ တစ်ခုရှိတာက ဒါက သတင်းပုံစံ မဟုတ်တော့ အချိန်မရွေးဖတ်လို့ရတယ်။ ဟောင်းမသွားဘူး"ဟုဆိုသည်။

"ကျွန်တော်ကိုယ်တိုင်လည်း အရမ်း ကြိုက်တယ်။ဗိုလ်ချုပ်ဆိုတာ ကျွန်တော်တို့ရဲ့ အမျိုးသားခေါင်းဆောင်ပဲလေ"ဟု အသက်၂၁ နှစ်အရွယ် ဦးသိန်းဌေး၏ သားဖြစ်သူက ပြောသည်။

ပန်းဘဲတန်းမြို့နယ်ရှိ မြသော်တာ စာပေဖြန့်ချိရေး၏ပိုင်ရှင် ဦးမောင်မောင်စန်းကလည်း ဂျာနယ်မထွက်မီ နမူနာပုံစံ မြင်သည့် အချိန်ကတည်းက စောင်ရေ တိုးမြှင့်မှာယူခဲ့ကြောင်း ပြောသည်။ ပုံမှန် တစ်ပတ်လျှင် မော်နီတာစောင် ရေ ၂၀၀ သာရောင်းချရ သော်လည်း အထူးထုတ်အတွက် ယခုချိန်ထိ ၁,၅၀၀ ခန့် ရောင်းချပြီးဖြစ်ကာ အများစုမှာ နယ်ပို့ဖြစ်ကြောင်း ပြောသည်။

"မြ၀တီနှင့် မူဆယ်ကို ၂၀၀၊ ပုသိမ်ကို ၃၀၀ ပို့ပေးရတယ်။ မြိတ်ရောပဲ။ ပုံမှန် အတိုင်းဆိုရင် တစ်ပတ်ကို ၂၅ စောင် လောက်ပဲ ယူကြတာ"ဟု ပြောသည်။

လက်ပွေ့သမားများထံမှ ၀ယ်လိုအားများ တိုးမြင့်လာသော်လည်း ဈေးနှုန်းကို ပုံမှန် ၅၅၀ နှုန်းဖြင့်သာ ရောင်းချပေးကြောင်း ၎င်းက ပြောသည်။

မော်နီတာအထူးထုတ်ကိုသာ သီးသန့် လက်ပွေ့အနေဖြင့် ရောင်းချနေသော ကိုစိုးပိုင်က လွန်ခဲ့သည့်ရက်သတ္တပတ်က စောင်ရေများ ပြတ်တောက်သွားရာ မေလ ၂၆ ရက်နေ့မှ ပြန်လည်ရရှိကြောင်း ပြောသည်။

"တစ်စောင်ကို ကျပ် ၁,၀၀၀ ကနေ ၁,၅၀၀ အထိ လူပေါ်မူတည်ပြီး ရောင်းတယ်။ ကျွန်တော်ကိုယ်တိုင်လည်း အလယ်က ဗိုလ်ချုပ်ရဲ့ မျက်နှာပြည့်ပုံကို ပလတ်စတစ်လောင်းထားပြီး နံရံမှာချိတ်ထားတယ်။ တခြားပုံတွေကိုလည်း စာအုပ်မျက်နှာဖုံးအနေနဲ့ ချုပ်ထား တယ်"ဟု အသက် ၂၄ နှစ်အရွယ် ကိုစိုးပိုင် က ပြောသည်။

သို့ရာတွင် စထွက်ချင်းတွင် တစ်ရက်လျှင် စောင်ရေ ၃၀ ခန့်ရောင်းချရရာမှ ယခု ၁၅ စောင်ခန့်သာ ရောင်းချရတော့ကြောင်း ၎င်းက ပြောသည်။

မန္တလေးမြို့ရှိ ထွန်းဦးစာပေ ဖြန့်ချိရေး ပိုင်ရှင် ဦးလေးထွန်းဦးကမူ မော်နီတာ အထူးထုတ်မှာ မကြုံဖူးလောက်အောင် အရောင်း အ၀ယ်သွက်ခဲ့သော်လည်း မေ လ ၂၄ ရက်နေ့၌အရောင်းရပ်တန့်လိုက်ပြီဖြစ်ကြောင်း ပြောသည်။

"လူတွေက ဗိုလ်ချုပ်ကို ချစ်ကြခင်ကြတော့ ဗိုလ်ချုပ်ရဲ့ရှားပါးဓာတ်ပုံတွေကို သိမ်းထားချင်ကြတယ်။ အဲဒီမှာလည်း အကုန်လုံး တစ်စုတစ်စည်းတည်းပါတယ်"ဟု ဦးထွန်းဦးက ပြောသည်။ ထိုသတင်းအားမြန်မာတိုင်းဂျာနယ်တွင်ဖော်ပြထားပါသည်.။

Credit to

၇၄-အလုပ်သမားအရေးအခင်း နှစ်ပတ်လည်နှင့် ၇၄-၅-၆ နိုင်ငံရေးအကျဉ်းသားဟောင်းများနေ့ အထိမ်းအမှတ်ကျင်းပ

2:01 AM | Posted by Unknown

၂၀၁၁ ဇွန်လ ၆ ရက်နေ့တွင် ၃၇နှစ်မြောက် အလုပ်သမားအရေးအခင်း နှစပ် တ်လညေ် န့နှင့်  ၇၄-၇၅-၇၆ အကျဉ်း သားဟောင်းများနေ့ အထိမ်းအမှတ် အခမ်းအနားတခုအား ရန်ကုန်မြို့ရှိ ၇၄-၇၅-၇၆ နိုင်ငံရေး အကျဉ်းသားဟောင်း တဦး၏ နေအိမ်တွင် ကျင်းပခဲ့ကြောင်း သတင်းရရှိသည်။

အဆိုပါအခမ်းအနားသို့ ၁၉၇၄ အလုပ်သမားအရေးအခင်းနှင့် အဆိုပါအလုပ်သမားအရေးအခင်း နောက်ဆက်တွဲ အ ဖြစ်ပေါ်ပေါက်ခဲ့သည့် ၁၉၇၄ ဒီဇင်ဘာ ဦးသန့်အရေးအခင်း၊ ၁၉၇၅-ဇွန်လ အလုပ်သမားနှစ်ပတ်လည် အရေးအခင်း

(ခေါ်) ရွှေတိဂုံအရေးအခင်းနှင့် ၁၉၇၆ မှိုင်းရာပြည့်အရေးအခင်းတို့တွင် ဖမ်းဆီးထိန်းသိမ်းခံခဲ့ရသည့် အလုပ်သမား ၊ကျောင်းသား နိုင်ငံရေးအကျဉ်းသားဟောင်းများနှင့် အဆိုပါနှစ်ကာလများအတွင်း မဆလ စစ်အစိုးရ၏ နည်းမျိုးစုံ ပုဒ်မမျိုးစုံဖြင့် ဖမ်းဆီထိန်းသိမ်းခံခဲ့ရသည့် နိုင်ငံရေးအကျဉ်းသားဟောင်းများ စုံညီစွာတက်ရောက်ခဲ့ကြသည်။ စုစုပေါင်းနိုင်ငံရေးအကျဉ်းသားဟောင်း ၅၀ နီးပါးတက်ရောက်ခဲ့ကြသည်။

တက်ရောက်လာသော နိုင်ငံရေးအကျဉ်းသားဟောင်းများက အမျိုးသားပြန်လည်သင့်မြတ်ရေးအတွက် လက်ရှိ အ ကျဉ်းထောင်အသီးသီးတွင် ဖမ်းဆီးထိန်းသိမ်းခံနေရသော နိုင်ငံရေးအကျဉ်းသားများအားလုံး ခြွင်းချက်မရှိ လွှတ်ပေး ရေးကို ပထမဆုံးနှင့် အမြန်ဆုံးဆောင်ရွက်ပေးရန် အလေးအနက်ထပ်မံတောင်းဆိုသည့် ဒီမိုကရေစီနှင့် ငြိမ်းချမ်းရေး လိုလားသူများ၏ တောင်းဆိုလွှာတွင် ပါဝင်စုပေါင်းလက်မှတ်ရေးထိုးကြကြောင်း သတင်းရရှိသည်။

ထို့ပြင် နှစ်စဉ်ဇွန်လ၆ရက်နေ့ကို၇၄၇၅၇၆အထိန်းသိမ်းခံ နိုင်ငံရေးအကျဉ်းသားများနေ့သတ်မှတ်ကျင်းပသကဲ့သို့ ခေတ်ဟောင်းခေတ်သစ် နိုင်ငံရေးအကျဉ်းသားများအားလုံးနှင့် သက်ဆိုင်သည့် နိုင်ငံရေးအကျဉ်းသားဟောင်းများ နေ့ကိုသင့်လျော်သည့် နေ့တနေ့သတ်မှတ်ကျင်းပသင့်ကြောင်း အဆိုပြုတင်ပြခဲ့သည်ဟု သိရှိရသည်။

အဆိုပါအခမ်းအနားတွင် အသက်အရွယ်ကြီးရင့်နေပြီဖြစ်သော အလုပ်သမား နိုင်ငံရေးအကျဉ်းသားဟောင်းကြီးများ နှင့် အခြားနိုင်ငံရေး အကျဉ်းသားဟောင်းကြီးများအား ထောက်ပံ့ငွေများ ပေးအပ်ကြသည့်အပြင် လက်ရှိအကျဉ်း ထောင်များတွင် နိုင်ငံရေးအမှုဖြင့် ဖမ်းဆီးထိန်းသိမ်းခံနေရသည့် ၇၄-၇၅-၇၆ နိုင်ငံရေးအကျဉ်းဟောင်း ၅ ဦး၏ မိသား စုများ အတွက်လည်း ထောက်ပံ့ငွေများပေးအပ်ခဲ့ကြောင်း သတင်းရရှိသည်။

Credit to Naythit

“ဆင်းရဲမွဲတေမှု တိုက်ဖျက်နေတာ” (ကာတွန်း ဟန်လေး - ဧရာဝတီဝက်ဘ်ဆိုက်)

2:00 AM | Posted by Unknown

တေးရေးဆရာ မောင်သစ်မင်းရဲ့ နောက်ဆုံးခရီး (ရုပ်သံ) ပေးပို့ - အောင်လွင်မိုး (ဘန်ကောက်)

1:59 AM | Posted by Unknown

မြို့တော်ခမ်းမရှေ့ ဆန္ဒပြပွဲ မအောင်မြင်

မတူကွဲပြားခြင်းနဲ့ ငြိမ်းချမ်းရေးပါတီက ဦးနေမျိုးဝေ၊ အမျိုးသား ဒီမိုကရေစီ အင်အားစု NDF မှ ဦးမင်းအောင် (ဗိုလ်တထောင်)၊ ဒီမိုကရက်တစ်ပါတီ (မြန်မာ) မှ ဦးစိုးကြည် (သန်လျင်) နှင့် ဒလ တသီးပုဂ္ဂလ ဦးဝင်းချို တို့ တီးသာတီးပြီးမမြည်တဲ့ဆန္ဒပြပွဲကို ၀ိုင်းဖို့ဒီနေ့ မြို့တော်ခမ်းမရှေ့လာတဲ့သူတွေကို လူစုခွဲခံရပါတယ်။

ဒီကနေ့ ဇွန်လ ၅ ရက်နေ့မှာ ၂၀၁၀ရွေးကောက်ပွဲမှာပါဝင်ယှဉ်ပြိုင်ခဲ့တဲ့ အမတ်လောင်း ၄ဦးက နိုင်ငံရေးအကျဉ်းသာလွတ်မြောက်ရေး ဆန္ဒပြတောင်းဆိုခွင့်တောင်းဆိုထားတာကြောင့် အင်္ဂါဘုရားဖူးအဖွဲ့ အိမ်ရှင်မများအဖွဲ့၊ အလုပ်သမားလယ်သများများကူညီရေးအဖွဲ့ ညွန့်ပေါင်းသမဂ္ဂဖေါ်ဆောင်ရေးအဖွဲ့ဝင်တွေက ဆန္ဒပြဖြစ်ရင်ပူးပေါင်းဖို့ဆိုပြီး မြို့တော်ခမ်းမရှေ့မှာ သွားရောက်စောင့်ဆိုင်းခဲ့ပါတယ်။ ဒီလိုစောင့်ဆိုင်းနေတုန်း လုံခြုံရေးအရာရှိတွေက လူစုခွဲခိုင်းတာကြောင့် ဆန္ဒပြဖို့ အစီအစဉ်မအောင်မြင်ခဲ့ဘူးလို့သိရပါတယ်။ တကယ်သတ္တိရှိသူတွေကတော့ တကယ်လာကြပါတယ်။


မလုပ်ရဲဘဲ ဟိုအော်ဒီအော်အော်ပြီး ခွင့်မပြုမှန်းသိလျှက်နဲ့ ဆန္ဒပြခွင့်တောင်းတဲ့ မဲမနိုင်အမတ်များကတော့ ဘယ်သွားပုန်းနေတယ်မသိ။ ဒီလူတွေဟာ တကယ့်ခေါင်းဆောင်မဟုတ်ပဲ သတ်ကွင်းကိုတွင်းပို့ဖို့ တွန်းပို့ပေးသူများဖြစ်တယ်ဆိုတာ အားလုံးသတိထားစေချင်ပါတယ်။ ဒီကနေ့လာသူတွေ အဖမ်းမခံရတာ တော်သေးတယ်လို့ပြောရမှာပါ။

Source: