ပင်လုံကတိ ဖျက်သိမ်းခြင်း (သို့မဟုတ်) နိုင်ငံရေးပဋိပက္ခအသစ် ဖန်တီးမည့် ရွေးကောက်ပွဲ

Tuesday, August 31, 2010 5:55 AM | Posted by Unknown

ခေတ်ပြိုင်

ဇင်လင်း / ၂၄ သြဂုတ် ၂၀၁၀


စစ်တပ်က ၂၀၁၀ နိုဝင်ဘာ (၇) တွင် ရွေးကောက်ပွဲ ကျင်းပတော့မည်ဟု ကြေညာလိုက်ပြီ။ ရွေးကောက်ပွဲဝင်ရန် တန်းစီထားသော နိုင်ငံရေးပါတီ (၄၀) ခန့်မှာ မတရားဥပဒေဖြင့် သတ်မှတ်ထားသော အဖွဲ့ဝင် (၁,၀၀၀) ပြည့်မီရေးနှင့် နပန်းလုံးနေရဆဲ။ ခြိမ်းခြောက်နှောင့်ယှက်မှုများကြားတွင် ပါတီကိုယ်စားပြု အမတ်လောင်းများ ခက်ခက်ခဲခဲ ရှာနေရဆဲ။ အမတ်လောင်း မှတ်ပုံတင်ကြေး (တဦးလျှင် ကျပ် ၅ သိန်းနှုန်း) နှင့် မဲဆွယ်လှုပ်ရှားမှုရန်ပုံငွေ ရရှိရေးအတွက် စိုးရိမ်သောက ရောက်နေရဆဲ။ လွတ်လပ်စွာ စည်းရုံခွင့်၊ ဟောပြောခွင့် စာရွက်စာတမ်း ဖြန့်ဝေခွင့်များလည်း ဆုံးရှုံးနေရဆဲ။ သို့သော် စစ်တပ်က ဖွဲ့ထားသည့် ကြံ့ဖွံ့ပါတီကမူ အရှင်မွေးတော့ ညချင်းကြီး ဆိုသကဲ့သို့ ဥပဒေအထက်မှ အခွင့်ထူးရ၍ မတော်မတရား မဲဆွယ်စည်းရုံးနေသည်။ အခင်းအကျင်းက ရှင်းလင်းလွန်းသည်။ ၂၀၀၈ နာဂစ်ဖွဲ့စည်းပုံအောက်တွင် ကြံ့ဖွံ့ပါတီက အနည်းဆုံး (၉၀) ရာခိုင်နှုန်း နိုင်ရန် ပြင်ဆင်ထားသည်ကို မြင်နေရသည်။

ထို့ကြောင့် ကျန်ရွေးကောက်ပွဲဝင်မည့် ပါတီများမှာ ပါတီစုံရွေးကောက်ပွဲဟု ဆိုရရုံ အဖြည့်ခံမျှသာ ဖြစ်တော့မည်။ ဖွတ်မရ ဓားမပါ ဆုံးမည့်ကိန်းဆိုက်နေ၏။ ထိုအဖြည့်ခံပါတီများအနေဖြင့် ၂၀၀၈ ဖွဲ့စည်းပုံကို သစ္စာခံသင့် မခံသင့် ပြန်လည်စဉ်းစားကြမည်ဆိုလျှင် အချိန်မီသေးသည်။ စင်စစ် ယနေ့ မြန်မာ့နိုင်ငံရေးပြဿနာဇာစ်မြစ်မှာ ဖွဲ့စည်းပုံအခြေခံဥပဒေ ကိစ္စဖြစ်သည်။ ပင်လုံသဘောတူညီချက်နှင့် ၁၉၄၇ အခြေခံဥပဒေတို့မှ စတင်ခဲ့သော သမိုင်းရေးပြဿနာဖြစ်သည်။ ပင်လုံသဘောတူညီချက်ကို အခြေခံလျက် တိုင်းပြည်ပြုလွှတ်တော်တွင် ဗိုလ်ချုပ်အောင်ဆန်း တင်သွင်းခဲ့သည့် လမ်းညွှန်အဆို (၇) ချက်ကို ပြန်ကြည့်လျှင်…

“အဆို (၁) နိုင်ငံတော်ဖွဲ့စည်းအုပ်ချုပ်ပုံအခြေခံဥပဒေသည် မြန်မာပြည်ထောင်စုဟု ခေါ်တွင်စေသော၊ လွတ်လပ်သည့် အချုပ်အခြာ အာဏာပိုင် သမ္မတနိုင်ငံ ဖွဲ့စည်းအုပ်ချုပ်ပုံအခြေခံဥပဒေဖြစ်စေရမည်။ အဆို (၂) ပြည်ထောင်စုမြန်မာနိုင်ငံတော် ဖွဲ့စည်းအုပ်ချုပ်ပုံအခြေခံဥပဒေက သတ်မှတ်ဖော်ပြသည့် တသီးပုဂ္ဂလ ပြည်နယ်များသည် ဖွဲ့စည်းအုပ်ချုပ်ပုံအခြေခံဥပဒေတွင် သတ်မှတ်ဖော်ပြထားသည်နှင့်အမျှ ကိုယ်ပိုင်အုပ်ချုပ်ရေး အာဏာရှိစေရမည်။ အဆို (၅) ဤဖွဲ့စည်းအုပ်ချုပ်ပုံအခြေခံဥပဒေတွင် လူနည်းစုများအဖို့ လုံလောက်သော ကာကွယ်ချက်များ ထည့်သွင်းပြဋ္ဌာန်းထားရှိစေရမည်။” စသည်ဖြင့် တွေ့နိုင်သည်။ ယခု နာဂစ်စစ်ဖွဲ့စည်းပုံသည် ဗိုလ်ချုပ်အောင်ဆန်း လမ်းညွှန်ချက်နှင့် လုံးလုံးဆန့်ကျင်နေရုံမက တိုင်းရင်းသားတို့အား လွတ်လပ်ရေး၊ တန်းတူရေးနှင့် ကိုယ်ပိုင်ပြဋ္ဌာန်းခွင့် ပေးရေးတို့ကို ငြင်းပယ်ထားသဖြင့် လာမည့် ရွေးကောက်ပွဲသည် ပြည်တွင်း နိုင်ငံရေးပဋိပက္ခအသစ်တခုဆီ ဦးတည်နေပေသည်။

ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများ ကျဆုံးပြီးနောက် ဗိုလ်ချုပ်၏ လမ်းညွှန် (၇) ချက်ကို ယုံကြည်လေးစားခြင်း၊ လွတ်လပ်ရေး အမြန်ရလိုခြင်းတို့ကြောင့် တိုင်းရင်းသားခေါင်းဆောင်များသည် အခြေခံဥပဒေကို အလေးအနက် ဆွေးနွေးခြင်း မပြုကြတော့ဘဲ ရိုးရိုးသားသား လွယ်လွယ်ကူကူ လက်ခံအတည်ပြုခဲ့ကြောင်း ပြည်ထောင်စု မြန်မာနိုင်ငံတော်၏ ဖွဲ့စည်းအုပ်ချုပ်ပုံအခြေခံဥပဒေကို ပြည်ထောင်စုစစ်စစ် (Federal) မူအရဖြင့် ပြင်ဆင်ရေးအတွက် ရေးဆွဲတင်ပြသော “ပြည်နယ်များ ညီညွတ်ရေးအဖွဲ့ချုပ်မှ စာတမ်း” (ဒို့တာဝန် ပုံနှိပ်တိုက်၊ ရန်ကုန်၊ ပုံနှိပ်နှစ်မပါ) တွင် ဖော်ပြခဲ့သည်။

ထိုစာတမ်းတွင် ၁၉၄၇ အခြေခံဥပဒေ၏ အားနည်းချက်များကို ဝေဖန်ပြရာ၌ “ပြည်နယ်ခေါင်းဆောင်များသည် တည်ဆဲဖွဲ့စည်းအုပ်ချုပ်ပုံ အခြေခံဥပဒေအရ မိမိတို့ပြည်နယ်တွင်းရှိ လူမျိုးပေါင်းစုံတို့၏ စီးပွားရေး၊ နိုင်ငံရေး၊ အုပ်ချုပ်ရေး၊ လူမှုရေး စသောကိစ္စများကို စိတ်ဆန္ဒရှိသလောက် ဆောင်ရွက်ရာတွင် ပြည်ထောင်စုဗဟိုအာဏာကို သိမ်းပိုက်ထားသော ပြည်မ၏ ချုပ်ချယ်မှုကြောင့် မဆောင်ရွက်နိုင်ခဲ့ကြပေ။ ပြည်နယ်သူ ပြည်နယ်သားများသည် ပြည်မ၏ စီးပွားရေး၊ နိုင်ငံရေး၊ အုပ်ချုပ်ရေးများ၏ ဖိနှိပ်မှုအောက်တွင် အလူးအလှိမ့်ခံနေရလေသည်” ဟု လည်းကောင်း၊ “ထိုသို့တွေ့ကြုံရသော အခက်အခဲများကို ပြန်လည်သုံးသပ်ကြည့်သောအခါ အဓိက ချို့ယွင်းချက်သည် တည်ရှိဆဲ ဖွဲ့စည်းအုပ်ချုပ်ပုံအခြေခံဥပဒေတွင် ပါရှိသော ဗမာပြည်မအစိုးရနှင့် ပြည်ထောင်စုဗဟိုအစိုးရတို့အား ခွဲမထားဘဲ အတူပူးပေါင်းထားခြင်းကြောင့် အစိုးရတဖွဲ့တည်း အုပ်ချုပ်သော စနစ်ဖြစ်ကြောင်း တွေ့ရှိခဲ့သည်” ဟု လည်းကောင်း၊ “ထို့ကြောင့် ဗိုလ်ချုပ်အောင်ဆန်း၏ ပြည်ထောင်စုစစ်စစ် တည်ထောင်လိုချက်များ၊ လမ်းညွှန်ချက်များသည် ဗိုလ်ချုပ်အောင်ဆန်းနှင့်အတူ ၀ိညာဉ်ချုပ်သွားသည်မှာ ၀မ်းနည်းကြေကွဲစရာပင် ဖြစ်တော့သည်” ဟုလည်းကောင်း၊ “တည်ရှိဆဲ ဖွဲ့စည်းအုပ်ချုပ်ပုံအခြေခံဥပဒေသည် ပြည်နယ်များ၏ ကိုယ်ပိုင်ပြဋ္ဌာန်းခွင့်ကို ငြင်းပယ်သည်။ တန်းတူရေးမူကိုလည်း မပေးစွမ်းနိုင်။ ပြည်ထောင်စုအာဏာဟူသရွေ့ကို ပြည်ထောင်စု ဗဟိုအစိုးရအမည်နှင့် ဗမာပြည်မက လက်ဝါးကြီးအုပ် သိမ်းကျုံးယူပြီး ပြည်နယ်များကို မိမိလက်အောက်ခံပြည်နယ်များ (Vassal States) အဖြစ် သွတ်သွင်းခဲ့သည်” ဟု လည်းကောင်း စာတမ်းတွင် သုံးသပ်ဖော်ပြထားသည်။

ယင်း တိုင်းရင်းသားတို့၏ မကျေနပ်ချက်၊ ခံစားချက်များသည် ယခုတိုင် အရိုးစွဲနေသည်ကို စစ်အစိုးရက မသိကျိုးကျွံ လုပ်နေသည်။ နာဂစ်ဖွဲ့စည်းပုံတွင် တိုင်းရင်းသားတို့ ရပိုင်ခွင့်များကို လုံးဝလျစ်လျူပြုထားသည်။ ထို့ကြောင့် ၂၀၀၈ ဖွဲ့စည်းပုံကို သစ္စာခံခြင်းသည် အမျိုးသားပြန်လည်သင့်မြတ်သွေးစည်းရေးအား ဥပေက္ခာပြုရာကျပေသည်။

မျက်မှောက်အခြေအနေအထိ မြန်မာ့နိုင်ငံရေးပဋိက္ခ၏ အဓိကအချက်မှာ တိုင်းရင်းသားတို့အား လွတ်လပ်ရေး၊ တန်းတူရေးနှင့် ကိုယ်ပိုင်ပြဋ္ဌာန်းခွင့်ပေးရေးကိစ္စဖြစ်သည်။ ထိုအချက်အပေါ် နိုင်ငံရေးသမားများက မျှမျှတတ စဉ်းစားသုံးသပ်ကာ ဖွဲ့စည်းအုပ်ချုပ်ပုံ အခြေခံဥပဒေကို ပြည်ထောင်စု (Federal) မူအရ ပြင်ဆင်ရေးကိစ္စကို ဆွေးနွေးခဲ့ကြသည်။ စစ်တပ်ကမူ တမိန့်တအာဏာ တပြည်ထောင်စနစ်ဆီသို့သာ ဇွတ်တိုးသွားမြဲသွားနေသည်။

၁၉၆၀ ခုနှစ်အခြေအနေကို ပြန်ကြည့်လျှင် ဦးနု၏ ပြည်ထောင်စု (ပထစ) အစိုးရလက်ထက် ဖွဲ့စည်းအုပ်ချုပ်ပုံအခြေခံဥပဒေကို ပြင်ဆင်ရေးဆွဲရန် ပြည်သူ့လွှတ်တော်က ဆုံးဖြတ်ခဲ့ကြောင်း တွေ့ရသည်။ ပြည်သူ့လွှတ်တော်က အခြေခံဥပဒေပြင်ဆင်ရေး အဆိုကို အတည်ပြုပြဋ္ဌာန်းပြီးနောက် ၁၉၆၀ နိုဝင်ဘာ (၇) ရက်တွင် တောင်ကြီးမြို့၌ ရှမ်းပြည်နယ်အစိုးရက အစည်းအဝေးတရပ် ကျင်းပသည်။ ထိုအစည်းအဝေးသို့ ပါလီမန်အမတ်များ၊ ရှမ်းပြည်နယ်ရှိ မဲဆန္ဒနယ်တခုစီမှ ကိုယ်စားလှယ် (၂) ဦးစီ၊ ရှမ်းပြည်နယ်ရှိ နိုင်ငံရေးပါတီတခုစီမှ ကိုယ်စားလှယ် (၃) ဦးစီ၊ ပင်လုံစာချုပ်တွင် လက်မှတ်ရေးထိုးခဲ့ကြသည့် ရှမ်းပြည်နယ်မှ ကိုယ်စားလှယ်များ၊ ရှမ်းပြည်နယ်မှ တိုင်းပြည်ပြုလွှတ်တော် ကိုယ်စားလှယ်ဟောင်းများနှင့် စိတ်ပါဝင်စားသူများ တက်ရောက်ခဲ့ကြသည်။ ထိုအစည်းအဝေးမှ ပြည်ထောင်စုမြန်မာနိုင်ငံ၏ ဖွဲ့စည်းအုပ်ချုပ်ပုံအခြေခံဥပဒေ ပြင်ဆင်ရေးဆွဲရေး (ရှမ်းပြည်နယ်ဆိုင်ရာ) ကြိုးကိုင်ကော်မတီကို အဖွဲ့ဝင် (၃၂) ဦးဖြင့် ဖွဲ့ခဲ့သည်။ ထိုကော်မတီက ၁၉၆၁ ဇန်န၀ါရီလ (၂၄) ရက်နေ့တွင် အခြေခံဥပဒေပြင်ဆင်ရေးဆိုင်ရာ မူတရပ်ချမှတ်ခဲ့သည်။

ထိုမူတွင် လက်ရှိ ဖွဲ့စည်းပုံအခြေခံဥပဒေ၌ ပြည်နယ်နှင့် လူမျိုးစုတိုင်းအတွက် လုံလောက်သည့် တန်းတူညီမျှမှုအခွင့်အရေး ပြဋ္ဌာန်းထားခြင်း မရှိသဖြင့် တန်းတူညီမျှမှု လုံလောက်စွာရရှိရေးအတွက် အခြေခံဥပဒေအား ပြည်ထောင်စုစစ်စစ်မူဖြင့် ပြုပြင်ရေးဆွဲရန် ဖော်ပြထားသည်။ ထိုမူချပြီးနောက် ဦးထွန်းမြင့် (တောင်ကြီး)၊ မိုင်းပွန်စော်ဘွား စ၀်ဆေးဟုမ်၊ စည်သူဦးတင်၊ ဦးကျော်စိန်၊ ဦးကြာပုနှင့် ဦးလှရှိန်တို့ပါဝင်သည် ဆပ်ကော်မတီကို ဖွဲ့ခဲ့သည်။ ဆပ်ကော်မတီက အခြေခံဥပဒေဆိုင်ရာ အထောက်အထားများ ရှာဖွေစုဆောင်းလေ့လာကာ အစီရင်ခံစာကို (ရှမ်းပြည်နယ်ဆိုင်ရာ) ကြိုးကိုင်ကော်မတီသို့ တင်သွင်းသည်။ ယင်းအစီရင်ခံစာကို ကော်မတီက ပြင်ဆင်ဖြည့်စွက်၍ “ရှမ်းပြည်နယ်မှ တင်သွင်းသော ပြည်ထောင်စု မြန်မာနိုင်ငံ၏ ဖွဲ့စည်းအုပ်ချုပ်ပုံအခြေခံဥပဒေ ပြင်ဆင်ရေးဆွဲရေးစာတမ်း” ကို ပြုစုသည်။ ၁၉၆၁ ခုနှစ် ဖေဖော်ဝါရီလ (၂၅) ရက်နေ့ တောင်ကြီးမြို့တွင် ကျင်းပသော ပြည်လုံးကျွတ်ညီလာခံက ရှမ်းမူဟု လူသိများသော ထိုစာတမ်းကို အတည်ပြုခဲ့သည်။

အထက်ပါစာတမ်းတွင် အာဏာနှင့် အခွင့်အရေးခွဲဝေပုံမှာ မျှတမှုမရှိဘဲ ဗဟိုပြည်ထောင်စုအစိုးရက အာဏာအရပ်ရပ် ချုပ်ကိုင်ထားသဖြင့် တိုင်းရင်းသားလူမျိုးများအနေဖြင့် မကျေနပ်ကြကြောင်း၊ ဗမာများက လက်ဝါးကြီးအုပ်ထားသည်ဟု မယုံသင်္ကာဖြစ်ကြောင်း တင်ပြထားသည်။ ပါလီမန်ဖွဲ့စည်းပုံနှင့် စပ်လျဉ်း၍လည်း လူမျိုးစုလွှတ်တော် (အထက်လွှတ်တော်) နှင့် ပြည်သူ့လွှတ်တော် (အောက်လွှတ်တော်) တို့ အခွင့်အာဏာမတူကြောင်း၊ လူမျိုးစုလွှတ်တော်သို့ ပြည်နယ်များက ကိုယ်စားလှယ်အညီအမျှ စေလွှတ်ခွင့်မရကြောင်း၊ ပြည်ထောင်စုအစိုးရသည် လူမျိုးစုလွှတ်တော်အား တာဝန်မခံဘဲ ပြည်သူ့လွှတ်တော်ကိုသာ တာဝန်ခံသဖြင့် လူမျိုးစုလွှတ်တော်မှာ ဂုဏ်သိက္ခာမရှိသည့်ပြင် ပြည်နယ်များ၏ အခွင့်အရေးကိုလည်း အကာအကွယ်မပေးနိုင်ကြောင်း၊ ထို့ကြောင့် လွှတ်တော် (၂) ရပ် တန်းတူအာဏာရှိရေး၊ လူမျိုးစုလွှတ်တော်သို့ ပြည်နယ်များက ကိုယ်စားလှယ်အညီအမျှ စေလွှတ်ခွင့်ရရှိရေး တင်ပြထားသည်။

အထက်ပါစာတမ်းကို ဆွေးနွေးရန်နှင့် တောင်တန်းသားများ စည်းလုံးညီညွတ်ရေးဦးစီးအဖွဲ့ကို ပြန်လည်အသက်ဝင်စေရန် ရည်ရွယ်လျက် ၁၉၆၁ ဇွန်လ (၈) ရက်တွင် “ပြည်နယ်ပေါင်းစုံညီလာခံ” ကို တောင်ကြီးမြို့တွင် ကျင်းခဲ့သည်။ ထိုညီလာခံတွင် ပြည်နယ်များ ညီညွတ်ရေးအဖွဲ့ ဖွဲ့စည်းရန် အချေအတင် ဆွေးနွေးခဲ့ကြပြီးနောက် ဇွန်လ (၁၃) ရက်၌ ဥက္ကဋ္ဌစ၀်ခွန်ချို၊ ဒု-ဥက္ကဋ္ဌ စ၀်ဝဏ္ဏ၊ အတွင်းရေးမှူး စ၀်ထွန်းအေး၊ တွဲဖက်အတွင်းရေးမှူး ဦးလှဖေ (ပအို့ဝ်) တို့ အပါအ၀င် (၂၂) ဦးပါ အလုပ်အမှုဆောင်အဖွဲ့ ဖွဲ့ခဲ့သည်။

အဖွဲ့၏ ရည်ရွယ်ချက်မှာ “(၁) ပြည်ထောင်စုခိုင်မြဲရေးအတွက် အစွမ်းကုန် ဆောင်ရွက်ရန်။ (၂) ပြည်ထောင်စုအတွင်း ပါဝင်သော ပြည်နယ်များသည် မိမိတို့ကံကြမ္မာကို မိမိတို့ဖန်တီးနိုင်ခွင့်ရှိသည့်အားလျော်စွာ ထိုအခွင့်အရေးကို လွတ်လပ်စွာ ဖန်တီးနိုင်ရန်။ (၃) ပြည်ထောင်စုအတွင်း တဦးနှင့်တဦး ခွဲခြားခြင်းမပြုဘဲ လူမျိုးမရွေး၊ ဘာသာမရွေး ပြည်ထောင်စုတိုင်းရင်းသားမှန်သမျှ ချစ်ကြည်စွာ ပေါင်းသင်းဆက်ဆံခြင်းကို အားပေးကူညီရန်။ (၄) ကမ္ဘာ့ဒီမိုကရေစီဝါဒအရ ရသင့်ရထိုက်သော လူ့အခွင့်အရေးမှန်သမျှကို ပြည်ထောင်စုတိုင်းရင်းသားတိုင်း တန်းတူညီမျှမှု မဆုံးရှုံးရေးအတွက် အစွမ်းကုန် ကာကွယ်စောင့်ရှောက်ရန်။ (၅) ပြည်နယ်အသီးသီးရှိ လူမျိုးစုတိုင်းတို့၏ ဖွံ့ဖြိုးတိုးတက်ရေးကို ရှေးရှုဆောင်ရွက်ရန်။ (၆) ဤအဖွဲ့တွင် ပါဝင်သော ပြည်နယ်များသည် ပြည်နယ်များနှင့် သက်ဆိုင်လာမည့် ကိစ္စအ၀၀တို့တွင် တညီတညွတ်တည်း စုပေါင်း၍ ပြဿနာရပ်များကို တစည်းတလုံးတည်း ဆောင်ရွက်ရန်” စသဖြင့်ဖြစ်သည်။

ထိုရှမ်းမူစာတမ်းနှင့်ပတ်သက်၍ ဇူလိုင်လ (၁၁) ရက်နေ့တွင် ၀န်ကြီးချုပ် ဦးနုသည် ရှမ်းပြည်နယ်မှ ကိုယ်စားလှယ်များနှင့် တွေ့ဆုံခဲ့ပြီးနောက် သတင်းစာရှင်းလင်းပွဲ ပြုလုပ်ခဲ့သည်။ သတင်းစာရှင်းလင်းပွဲတွင် ၀န်ကြီးချုပ် ဦးနုက “ရှမ်းမူနဲ့ပတ်သက်ပြီး ကျနော့်အနေနဲ့ လေ့လာပြီးတဲ့အတွက် ဒီနေ့ သတင်းစာကွန်ဖရင့်ခေါ်ကာ ပြောပြခြင်းဖြစ်ပါတယ်။ ကျနော် လေ့လာကြည့်တဲ့အခါမှာ သူတို့လုပ်နေတာ မမှားဘူး။ ပြည်ထောင်စုအစိုးရက ယခုအပတ် ပါလီမန်တွင် ဖြစ်နိုင်ရင် အခြေခံဥပဒေထဲမှာ လုပ်ငန်းလုပ်ရာမှာ အခက်အခဲတွေ့နေတဲ့ ပုဒ်မတွေကို ပြင်ဖို့ စိတ်ကူးခဲ့ပြီး ပြင်ဆင်ချက်ရှိတာတွေကို ပြင်ချင်ရင် တင်ပြရန် ခွင့်ပေးချက်အရ လုပ်ကိုင်ကြခြင်းသာဖြစ်ပါတယ်။ အစိုးရခွင့်ပြုချက်အရ ဒါတွေ လိုချင်တယ်ဆိုတာ ဆုံးဖြတ်ချက်ချပြီး တောင်းတာဟာ ဒီမိုကရေစီအခွင့်အရေးကို သူတို့အသုံးပြုခြင်းသာ ဖြစ်ပါတယ်။ သူတို့ဟာ ဒီမိုကရေစီအခွင့်အရေး သုံးတာကို အစိုးရအဖွဲ့က စိတ်ဆိုးစရာမရှိဘူး။ … ရှမ်းမူရေးဆွဲခြင်းကို စိတ်မဆိုးဘူး။ … ဒါပေမယ့် တိုင်းပြည်မှာ သို့လောသို့လော အထင်မှားဖြစ်တယ်။ ကျနော့်အနေနဲ့လည်း အထင်မှားချက် တချက်နှစ်ချက် ရှိခဲ့တယ်။ ဒီအထင်မှားချက်တွေကို စ၀်ခွန်ချိုနဲ့ နှစ်ကြိမ်တွေ့ဆုံပြီး ရှင်းလင်းပြောပြတဲ့အခါမှာ အထင်မှားချက်တွေ ပျောက်ကုန်တယ်။ … … … အခု သူတို့လုပ်နေတဲ့ လမ်းစဉ်ဟာ ပေးရင်ပေး မပေးရင် ချမယ်ဆိုတဲ့ လမ်းစဉ်မဟုတ်၊ ကျနော်တို့ကလည်း မင်းတို့ချရင် ဒို့ကလည်း ချမယ်ဆိုတဲ့ လမ်းစဉ်မဟုတ်”

“ပြည်ထောင်စုကြီး တည်တံ့ခိုင်မြဲစေချင်ရင် ငါတကော ကော၍မရဘဲ တိုင်တိုင်ပင်ပင်နဲ့ လုပ်ကိုင်သွားပြီး အဖြေရှာရပါမယ်။ ပြည်ထောင်စုကြီး တည်တံ့ခိုင်မြဲချင်ရင် မလိမ့်တပတ်မလုပ်နဲ့။ မိသားစုအနေနဲ့ ဖြေရှင်းသွားကြရန်၊ လူနည်းစုတွေရော မြန်မာတွေကိုပါ ဒီနေရာက သတိပေးလိုက်ပါတယ်။ ရှမ်းမူခေါ်တဲ့ ဖက်ဒရယ်မူကို မျက်လုံးမပြူးကြပါနဲ့။ မိသားစုအနေနဲ့ ရှင်းသွားပါမယ်” ဟု ဦးနုက ရှင်းလင်းပြောဆိုခဲ့သည်။

ထိုအခြေအနေများကိုကြည့်လျှင် ရှမ်းမူစာတမ်းမှာ ပြည်ထောင်စုစစ်စစ်ဖြစ်ရေးကို တောင်းဆိုသော်လည်း ခွဲထွက်ရန်သဘော လုံးဝမတွေ့ရချေ။

ဝန်ကြီးချုပ် ဦးနု ရှမ်းမူသတင်းစာရှင်းလင်းပွဲ ပြုလုပ်ခဲ့သည့်နေ့မှာပင် (ဖက်ဒရယ်မူနှင့်ပတ်သက်၍ ရှမ်းပြည်နယ် ကိုယ်စားလှယ်အဖွဲ့၏ သဘောထားကြေညာချက်) ကို ဖြန့်ဝေခဲ့သည်။ ကြေညာချက်တွင် ဖက်ဒရယ်မူနှင့်ပတ်သက်၍ နိုင်ငံတော်သမ္မတ၊ ၀န်ကြီးချုပ်၊ အစိုးရအဖွဲ့ဝင် ၀န်ကြီးများ၊ ပထစ၊ ဖဆပလ၊ ပမညတခေါင်းဆောင်များ၊ ဆရာကြီး သခင်ကိုယ်တော်မှိုင်းနှင့် ဗိုလ်မှူးချုပ်ဟောင်း ကျော်ဇော အမှူးပြုသော ငြိမ်းချမ်းရေးအဖွဲ့ခေါင်းဆောင်များ၊ သတင်းစာဆရာမျာနှင့် စာရေးဆရာများအား ရှင်းလင်းတင်ပြခဲ့ကြောင်း၊ လူမျိုးပေါင်းစုံချစ်ကြည်ရေး လူမျိုးစုတိုင်း တန်းတူညီမျှရေးနှင့် ပြည်ထောင်စုတည်တံ့ခိုင်မြဲရေးဆိုသည့် ရည်ရွယ်ချက်များဖြင့် ဖက်ဒရယ်မူရေးဆွဲထားကြောင်း၊ ပါတီအဖွဲ့အစည်းအသီးသီးမှ ခေါင်းဆောင်များက လက်ခံတွေ့ဆုံကာ ညီရင်းအစ်ကိုသဖွယ် အကြံပေးဆွေးနွေးကြသည်ကို အားရကျေနပ်ကြောင်း၊ ပြည်နယ်ပေါင်းစုံညီလာခံနှင့် ထိုညီလာခံတွင် ဖွဲ့စည်းလိုက်သော ပြည်နယ်များ ညီညွတ်ရေးအဖွဲ့၏ ရည်ရွယ်ချက်နှင့် လုပ်ငန်းစဉ်များကို ရှင်းပြခွင့်ရသဖြင့် ဖက်ဒရယ်မူနှင့်ပတ်သက်၍ သံသယနှင့် အထင်အမြင်လွဲမှားမှုများ ပပျောက်ကာ ပြည်မနှင့် ရှမ်းပြည်နယ်အကြား နားလည်မှုပိုမိုရရှိမည်ဟု ယုံကြည်ကြောင်း စသည်ဖြင့် ဖော်ပြထားသည်။

၁၉၄၇ အခြေခံဥပဒေတွင် ချို့ယွင်းချက်များ ဖြစ်ခဲ့ရခြင်းနှင့်စပ်လျဉ်း၍ ဦးထွန်းမြင့် (တောင်ကြီး) က ၁၉၆၂ ဖေဖော်ဝါရီ (၂၄) ရက်နေ့က ရန်ကုန်၊ ပြည်လမ်း၊ အသံလွှင့်ရုံခန်းမ ပြည်ထောင်စုမူဆွေးနွေးပွဲတွင် ယခုကဲ့သို့ ပြောခဲ့ဖူးသည်။ …
(တိုင်းပြည်ပြုလွှတ်တော်တွင် အခြေခံဥပဒေရေးဆွဲကြစဉ် ကော်မတီအစည်းအဝေးတခု၌ အခြေခံဥပဒေအကြံပေးအရာရှိ ဦးချန်ထွန်းက အခြေခံဥပဒေပြဋ္ဌာန်းချက်များ တပုံတခေါင်းကြီး ရေးဆွဲတင်ပြလာသည်ဟုဆိုသည်။ ထိုအခါ ဗိုလ်ချုပ်အောင်ဆန်းက “ဦးချန်ထွန်း၊ ခင်ဗျား လန်ဘားကျောက်ဒရား* တွေ ရေးနေလို့ ဘယ်ဖြစ်မလဲ။ Broad Principle ကျယ်ပြန့်တဲ့ သဘောတရားလောက်ပါရင် တော်ရောပေါ့။ လွတ်လပ်ရေးရပြီးတဲ့နောက် လိုတာတွေကို By Act ပါလီမန်မှာ အက်ဥပဒေလုပ်ရင် ပြီးတာပဲ။ ဒီလောက် ရှည်ရှည်လျားလျားနဲ့ လုပ်နေရင် နှစ်လ၊ သုံးလနဲ့ ဘယ်မှာပြီးနိုင်ပါ့မလဲ” စသဖြင့် ပြောခဲ့သည်ဟု ဦးထွန်းမြင့်က ဆိုသည်။ ထို့ပြင် ဗိုလ်ချုပ်က “ဥပဒေဆိုတာ Gospal Truth ဘုရားဟောတွေ မဟုတ်ပါဘူး။ လူလုပ်ထားတဲ့ ဥပဒေကို လူက ပြင်လို့မရဆိုတာ မဖြစ်နိုင်ဘူး။ ဖြစ်နိုင်တယ် မဖြစ်နိုင်ဘူးဆိုတာ ကျနော်တို့အနေနဲ့ ဘာမှမပြောလိုပါဘူး။ ပြင်ဆင်ချင်တဲ့ စေတနာရှိ မရှိက အရေးကြီးပါတယ်” ပြောခဲ့ကြောင်း ဦးထွန်းမြင့်က သူ့အသံလွှင့်ရုံ မိန့်ခွန်းတွင် ထည့်ပြောခဲ့သည်။ *လန်ဘားကျောက်ဒရား = ကုလားစကား = ရှည်လျားသောဟု အနက်ဆိုလိုသည်။) ယခု နာဂစ်ဖွဲ့စည်းပုံကို ပြန်ပြင်ဆင်မှု မပြုနိုင်ရန် လုပ်ထားပုံအရ စစ်ဗိုလ်များ၏ စေတနာကို မြင်နိုင်သည်။

ဤသမိုင်းအဖြစ်အပျက် ပုံကြမ်းကို အကျဉ်းမျှ တင်ပြရသည့် ရည်ရွယ်ချက်မှာ ၁၉၆၂ ခုနှစ် မတ်လ (၂) ရက် ဗိုလ်နေ၀င်း၏ ကလိန်ကျမှုကို သိသာစေရန် ဖြစ်သည်။ ပြည်ထောင်စုကြီး ပြိုကွဲမည့် အန္တရာယ်ကြောင့် မလွှဲမရှောင်သာ နိုင်ငံတော်အာဏာကို ၀င်ရောက်ထိန်းသိမ်းခဲ့ရကြောင်း တော်လှန်ရေးကောင်စီဥက္ကဋ္ဌ ဗိုလ်နေ၀င်းက ပြည်သူလူထုအား လိမ်လည်လှည့်ဖြားကာ အာဏာသိမ်းခဲ့သည်။ ဒီမိုကရေစီနည်းအရ နိုင်ငံရေးပြဿနာများကို နိုင်ငံရေးနည်းအရ ငြင်းကြခုန်ကြဆွေးနွေးကြရသည်မှာ ကမ္ဘာနှင့်အ၀ှမ်းတွင် ဖြစ်ရိုးဖြစ်စဉ်ကိစ္စမျှသာဖြစ်သည်။ ဤသို့ဆွေးနွေးငြင်းခုန်မှုကြောင့် တိုင်းပြည်ပြိုကွဲမည့်အန္တရာယ် မရှိပေ။

တကယ့်စိတ်ဝမ်းကွဲမှုများ ဖြစ်ပေါ်ခဲ့ချိန်မှာ တော်လှန်ရေးကောင်စီက လမ်းစဉ်ပါတီထောင်သည့်အချိန် ဖြစ်သည်။ လမ်းစဉ်ပါတီမထောင်မီ ဗိုလ်နေ၀င်းက ပထစ၊ ဖဆပလနှင့် ပမညတခေါင်းဆောင်များအား မတ်လ (၄) ရက်တွင် တကြိမ်၊ မေလ (၇) ရက်တွင် တကြိမ်နှင့် မေလ (၁၇) ရက်တွင် တကြိမ် (၃) ကြိမ် သီးခြားစီတွေ့ခဲ့သည်။ ပထမအကြိမ်တွင် မလွှဲသာ၍ အာဏာသိမ်းရကြောင်း ရှင်းပြသည်။ ဒုတိယအကြိမ်တွင် တော်လှန်ရေးကောင်စီ၏ ဧပြီ (၃၀) ရက်နေ့ ထုတ်ပြန်သည့် ၀ါဒသဘောထားကြေညာချက်နှင့် မြန်မာ့ဆိုရှယ်လစ်လမ်းစဉ်ကို ရှင်းပြသည်။ တတိယအကြိမ်တွင် နိုင်ငံရေးပါတီများက မြန်မာ့ဆိုရှယ်လစ်လမ်းစဉ်အပေါ် မည်သို့သဘောထားကြောင်း မေးမြန်းသည်။ ထိုအချိန်မှစ၍ နိုင်ငံရေးပါတီများအတွင်း သဘောထားကွဲမှုများ ဖြစ်ပွားခဲ့သည်။

၁၉၆၂ ခု ဇူလိုင်လ (၄) ရက်တွင် လမ်းစဉ်ပါတီကို အမြုတေပါတီအဖြစ် ထူထောင်လိုက်သောအခါ ဖဆပလ၊ ပထစ၊ ပမညတ ခေါင်းဆောင်များသည် တော်လှန်ရေးကောင်စီဥက္ကဋ္ဌနှင့် ၎င်းတို့တွေ့ဆုံမှု၊ ၎င်းတို့ပါတီအသီးသီး၏ လမ်းစဉ်ပါတီအပေါ် သဘောထားထုတ်ပြန်ကြေညာချက်များ၊ ဆုံးဖြတ်ချက်များနှင့် စပ်လျဉ်း၍ ရှင်းလင်းပွဲ၊ ဆွေးနွေးပွဲများ လုပ်ခဲ့ကြသည်။ လက်အောက်ခံပါတီများ၊ အလုပ်သမား လယ်သမားသမဂ္ဂများအထိ လမ်းစဉ်ပါတီဝင်ရေး-မ၀င်ရေး အကြီးအကျယ် သဘောထားကွဲခဲ့ကြသည်။ ဤသို့ဖြင့် ပါတီပေါင်းစုံမှ နိုင်ငံရေးသမားအများအပြား လမ်းစဉ်ပါတီဝင်ရေး ဆုံးဖြတ်၍ စစ်တပ်ပါတီကို အလုပ်အကျွေးပြုခဲ့ကြသည်။ လမ်းစဉ်ပါတီဆန့်ကျင်သူများ ထောင်ကျတန်းကျ ဖြစ်ကြရသည်။ ပါတီစုံပါလီမန်ဒီမိုကရေစီစနစ်လည်း နင်းခြေခံလိုက်ရသည်။

ထိုစဉ်က စစ်အာဏာသိမ်းမှုကို နိုင်ငံရေးသတိရှိရှိ ကန့်ကွက်ရှုတ်ချခဲ့ကြသော အဖွဲ့အစည်းများတွင် ကျောင်းသားသမဂ္ဂများမှာ ထိပ်ဆုံးကဖြစ်သည်။ လူငယ့်တပ်ဦး (ဗမာနိုင်ငံ) နှင့် မဟာမိတ် (၁၀) ဖွဲ့တို့က “စစ်တပ်က အာဏာသိမ်းခြင်းကို ကန့်ကွက်ရှုတ်ချကြ” ကြေညာချက်များ ဖြန့်ဝေခဲ့သည်။ မန္တလေးခရိုင် လူငယ့်တပ်ဦး၊ တက္ကသိုလ်တပ်ဦးသစ်၊ ရခိုင်သံဃာ့တပ်ဦး (ဗဟိုဌာနချုပ်)၊ ရခိုင်သောတုဇန(သစ်)ဌာနချုပ်၊ စစ်ဆန့်ကျင်ရေး သံဃာ့အဖွဲ့ဌာနချုပ်၊ ရန်ကုန်ခရိုင် ကျောင်းသားများသမဂ္ဂ၊ ဗမာနိုင်ငံလုံးဆိုင်ရာ ကျောင်းသားများသမဂ္ဂ၊ ဗမာနိုင်ငံလုံးဆိုင်ရာ ကရင်အမျိုးသားများအဖွဲ့ချုပ်၊ ရန်ကုန်တက္ကသိုလ် ကျောင်းသားများအဖွဲ့ချုပ်၊ မန္တလေးတက္ကသိုလ်၊ မော်လမြိုင်ကောလိပ်နှင့် ပုသိမ်ကောလိပ် ကျောင်းသားသမဂ္ဂများ အစရှိသော အဖွဲ့များကလည်း စာရွက်စာတမ်းများ ထုတ်ပြန်ရှုတ်ချခဲ့ကြသည်။ ရန်ကုန်တက္ကသိုလ်ကျောင်သားညီညွတ်ရေးတပ်ဦး၊ ရန်ကုန်တက္ကသိုလ်ကျောင်းသားသမဂ္ဂနှင့် ဗကသတို့၏ ၁၉၆၂၊ (၇) ဇူလိုင် အရေးတော်ပုံသည် ထင်ရှားသော သမိုင်းသာဓကဖြစ်သည်။ ယနေ့လည်း ရွေးကောက်ပွဲသပိတ်မှောက်ရေးကို ကျောင်းသားများပင် ဦးဆောင်နေသည်။

ယခု လက်ငင်းဖြစ်ပေါ်နေသည့် စစ်အာဏာသိဒ္ဓိတင်မည့် ရွေးကောက်ပွဲ ၀င်ရေး-မ၀င်ရေးပြဿနာမှာ ဗိုလ်နေ၀င်းခေတ် လမ်းစဉ်ပါတီဝင်ရေး-မ၀င်ရေးနှင့် သံတူကြောင်းကွဲဖြစ်ပေသည်။ စစ်အာဏာရှင်၏ ခွေးကတက်တွင် နိုင်ငံရေးလုပ်ပိုင်ခွင့် (Political Space) ရနိုးနိုးဖြင့် မိမိတို့ယုံကြည်ချက်ကို စွန့်၊ မိမိတို့ပါတီကို ဖျက်သိမ်းကာ၊ ကျွန်ခံခဲ့ကြရဖူးသည့် သမိုင်းအတွေ့အကြုံကို ပြန်လည်စောင်းငဲ့ကြည့်သင့်၏။ ယခုရွေးကောက်ပွဲအခင်းအကျင်းက သာမန်နိုင်ငံရေးပါတီများအတွက် ခွေးကတက်မှာပင် နေရာမရှိကြောင်း မြင်နေရသည်။ ရွေးကောက်ပွဲဥပဒေစည်းမျဉ်း အကန့်အသတ်များ၊ မလျှော်အာဏာသုံး ဟန့်တားမှုများ၊ ငွေကြေးအခက်အခဲ အတားအဆီးများနှင့် အာဏာပါးကွက်သား အင်အားသုံးခြိမ်းခြောက်မှုများအပြင် နောက်ထပ် မမြင်သာသော အနှောင့်အယှက်များလည်း ရှိလိမ့်ဦးမည်။

တိုင်းရင်းသားပါတီများ အခြေအနေကောင်းမည်လားဟု မျှော်လင့်နေကြသည်။ ၁၉၄၇ ကတည်းကစခဲ့သော ဖက်ဒရယ်ပြည်ထောင်စုမူကို စစ်တပ်က လုံးဝပယ်ချ တိုက်ဖျက်နေဆဲရှိသည်ကို မမေ့သင့်။ ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်နှင့် ယခုစစ်အာဏာရှင်တို့၏ အဓိက နိုင်ငံရေးပဋိပက္ခမှာလည်း ဖက်ဒရယ်ပြည်ထောင်စုကိစ္စပင် ဖြစ်သည်။ ဒေါ်အောင်ဆန်းစုကြည်က တိုင်းရင်းသားတို့အား လွတ်လပ်ရေး၊ တန်းတူရေးနှင့် ကိုယ်ပိုင်ပြဋ္ဌာန်းခွင့်ပေးရေး လမ်းစဉ်အတိုင်း သွားနေသည်။ စစ်တပ်က ဟန်ပြ ပြည်ထောင်စုဖြင့် ဗဟိုအစိုးရက အာဏာအလုံးစုံ ချုပ်ကိုင်ရေး လမ်းစဉ်အတိုင်းသွားရန် ယခုရွေးကောက်ပွဲကို ပြင်နေခြင်းဖြစ်သည်။ ထို့ကြောင့် စစ်အာဏာသိဒ္ဓိတင်ရေး ရွေးကောက်ပွဲသည် အဖြည့်ခံ နိုင်ငံရေးပါတီများအတွက် ထောင့်စေ့အောင် ဆင်ထားသော သတ်ကွင်းထောင်ချောက်ဖြစ်သည်။ လေးလေးနက်နက် စဉ်းစားသင့်လှ၏။


စစ်တပ်၏ လက်သုံးဝါဒဖြန့်ချက်ဖြစ်သည့် “ပြည်ထောင်စုကြီး ပြိုကွဲမည့်အန္တရာယ်” ဆိုသည်မှာ တိုင်းရင်းသားအချင်းချင်း သွေးကွဲစေရန်၊ စစ်အာဏာခိုင်မြဲစေရန်၊ ကောလာဟလ ထုတ်လွှင့်ချက်ဖြစ်သည်ကို မမေ့သင့်။ တိုင်းရင်းသားလူမျိုးအားလုံး သွေးစည်းညီညွတ်လျှင် စစ်အာဏာသက်ဆိုးမရှည်နိုင်။ ဤသတ်ကွင်းထောင်ချောက်မှ လွတ်မြောက်ရေးအတွက် ဗမာလူမျိုး အပါအ၀င် တိုင်းရင်းသားလူမျိုးအားလုံး ညီညီညွတ်ညွတ် ပိုင်းဖြတ်မှုရှိရှိ ရွေးကောက်ပွဲကို သပိတ်မှောက်ရန် ပြင်ဆင်ကြရပေလိမ့်မည်။

ကိုးကား ။ ။

(၁) ၁၉၅၈-၁၉၆၈ မြန်မာ့နိုင်ငံရေး (စတုတ္ထတွဲ) - ဦးမြဟန်နှင့် ဦးသိန်းလှိုင် ပြုစု၍ မြန်မာ့သမိုင်းဖြစ်ရပ်အမှန်များ ရေးသားပြုစုရေးအဖွဲ့က စိစစ်သည်။ တက္ကသိုလ်များပုံနှိပ်တိုက်၊ ရန်ကုန်၊ ၁၉၉၁ ခုနှစ် ဒီဇင်ဘာလ။ ဒုတိယနှိပ်ခြင်း။
(၂) မြန်မာ့နိုင်ငံရေးစနစ်ပြောင်းကာလ၊ ၁၉၆၂-၁၉၇၄၊ (ပထမတွဲ) - ဦးမြဟန်၊ ဒေါက်တာ ဒေါ်ခင်လှဟန်၊ ဦးကျော်ငြိမ်း၊ ဦးသန်းလွင်၊ ဦးစိန်မြင့်တို့ ပြုစု၍ မြန်မာ့သမိုင်းဖြစ်ရပ်အမှန်များ ရေးသားပြုစုရေးအဖွဲ့က စိစစ်သည်။ တက္ကသိုလ်များပုံနှိပ်တိုက်၊ ရန်ကုန်၊ ၁၉၉၃ ခုနှစ် မေလ။ ပထမနှိပ်ခြင်း။

ကြားဖြတ်စက်သတင်း

5:03 AM | Posted by Unknown
၀၁၀ ခုနှစ် ဩဂုတ်လ (၂၃) ရက်

ပ-ကချင်ပြည်နယ်တိုင်းမှူး

လ-ကကကြည်း

နံနက် ၈ နာရီ

အထက်တင်ပြချင်တာက လက်ရှိကချင်ပြည်နယ်ဖက်က တပ်မတော်နဲ့ ပတ်သက်ပြီး တည်ငြိမ်မှုရှိပေမဲ့ လက်ရှိအခြေအနေမှာ တပ်အတွင်းပိုင်းရဲ့ အခြေအနေက တဖြည်းဖြည်း ပြည်နယ်နဲ့တိုင်းဘက်က တပ်အတွင်းလှုပ်လာတာနဲ့ ပတ်သက်ပြီး ကျနော်တို့ ဘက်ကိုပါ ကူးစက်နိုင်တဲ့အနေထား တွေ့ရှိရသည်။

လက်ရှိ စစ်ရေးနဲ့ပတ်သက်ပြီး တပ်တွင်းကိစ္စနဲ့ပတ်သက်ပြီး အာဏာသိမ်းဖို့ ပြင်ဆင်နေတဲ့ချက်များကို ကြားသိရတာကြောင့် တပ်တွင်းလှုပ်ရှားတောင်းဆိုမှုများကို ကူးစက်လာနိုင်တဲ့ အချက်တွေရှိရသည်။

ဒါကြောင့်လက်ရှိ တပ်မတော်အတွင်းကိစ္စကို ပြန်လည်စည်းရုံးဖို့လိုတယ်။

ပြန်လည်စည်းရုံးလို့ မရရှိရင်တော့ လက်ရှိ ရွေးကောက်ပွဲကို ထိခိုက်မှုရှိနိုင်သလို လက်ရှိ စစ်ရေးဆိုင်ရာ တပ်မတော်ကြားမှာ တိုင်းရင်းသားနဲ့ မပြုလုပ်ဘဲ အချင်းချင်းအာဏာ သိမ်းဖို့ကို ပြုလုပ်လာနိုင်တဲ့အချက် တင်ပြတာပါ။

ပ-ကကကြည်း

လ-ကချင်ပြည်နယ်တိုင်းမှူး

နံနက် ၈ နာရီ ၃၀ မိနစ်

လက်ရှိအခြေအနေမှာတော့ ရွေးကောက်ပွဲနဲ့ ပတ်သက်ပြီး ကချင်ပြည်နယ် ဒုတိုင်းမှူး ပြုလုပ်စီစဉ်ပိုင်ခွင့် မရှိဘူး။ လက်ရှိတိုင်းမှူးကို ခိုင်းထားတဲ့အတိုင်း စစ်ရေးနဲ့ပတ်သက်ပြီး စောင့်ကြည့်မှုပြုလုပ်ဖို့ကို စီစဉ်ပါ။

လက်ရှိတပ်အတွင်း အာဏာသိမ်းသည်ဖြစ်စေ တိုင်းမှူးများ ဝေဖန်ပိုင်ခွင့်မရှိ်ဘူး။ လက်ရှိအထက် လူကြီးတွေရဲ့ကိစ္စကို အထက်လူကြီးအချင်းချင်း ပြုလုပ်စီစဉ်သွားလိမ့်မယ်။

တိုင်းမှူးလက်အောက်မှာရှိတဲ့ တပ်ရင်းများရဲ့ဖြစ်ရပ် အခြေအနေမျိုးကိုသာ တင်ပြပေးဖို့ကိုပြုလုပ် စီစဉ်သွားပါ။ အခြေအနေကို အထက်ညွှန်ကြာခိုင်းတဲ့ ကိစ္စကိုသာ စီစဉ်ပြုလုပ် ပြင်ဆင်သွားဖို့ကို ပြုလုပ်ပါ။

၂၀၀၉ NDD စစ်အင်္ဂါစဉ်အရ။

မြောက်ပိုင်းတိုင်း စစ်ဌာနချုပ် (မြစ်ကြီးနား၊ ကချင်ပြည်နယ်) ဒုတိုင်းမှူး ဗိုလ်မှူးချုပ် စံသိန်း

ပ-ဗခအောင်သန်းထွဋ် (အရှေ့မြောက်ပိုင်းတိုင်း)

လ-ကကကြည်း

နံနက် ၉ နာရီ

ကျနော်တို့ လက်အောက်ခံတပ်ရင်းများနဲ့ ပတ်သက်ပြီး အခြေအနေက တိုင်းနဲ့ပြည်နယ်ဘက်က တပ်မ၊ တပ်ရင်းများနဲ့ ပတ်သက်ပြီး အမျိုးမျိုးအသံများ ကြားလာတာကြောင့် ထိမ်းချုပ်မှုပြုလုပ်ဖို့အတွက် အများကြီးခက်ခဲမှုရှိတယ်။

လာမယ့်ရွေးကောက်ပွဲ ပြုလုပ်ဖို့ကိစ္စကို တပ်မတော်တစ်ခုလုံးကို ထိမ်းချုပ်မှုပြုလုပ်ဖို့ဆိုတာ လက်ရှိအာဏာနဲ့ ပြုလုပ်တည်ဆောက်မှုပိုင်းကို စီစဉ်လို့မရရှိဘူး။

လက်ရှိရဲဘော်များ တောင်းဆိုမှုပိုင်းနဲ့ စားနပ်ရိက္ခာပိုင်းဆိုင်ရာနဲ့ ငွေကြေးများအစ အထက်ကပြေလည်အောင် စီစဉ်လုပ်ဆောင်ပေးမှ လက်ရှိတပ်မတော်ထိမ်းချုပ်လို့ ရရှိမှာဖြစ်တယ်။ လက်ရှိ ကျနော်တို့ လက်အောက်ခံ တပ်ရင်းများကို ထမ်းဖို့ကိစ္စက သိပ်မလွယ်တဲ့ကိစ္စဖြစ်တယ်။ အထက်ကို တင်ပြတာပါ။

ပ-ဗခကျော်ဖြိုး (တြိဂံတိုင်း)

လ-ကကကြည်း

နံနက် ၁၀ နာရီ

အထက်တင်ပြချင်တာက တပ်မတော်အခြေအနေများနဲ့ ပတ်သက်ပြီး ကျနော်တို့ တိုင်းလက်အောက်ခံ တပ်ရင်းမှာ လက်ရှိ (၂၂၆)၊ (၂၂၇) တပ်ရင်းများနဲ့ ပတ်သက်ပြီး လက်ရှိအခြေအနေမှာ ပိုဆိုးနေတယ်။

လက်ရှိတပ်ရင်းများပါဝင် လက်ရှိနိုင်ငံရေးပိုင်းနဲ့ ပတ်သက်ပြီးတပ်ရင်းများ အပါအဝင်တောင်းဆိုမှုပိုင်းကို ပြုလုပ်လာတဲ့ အချက်များတွေ့ရှိရသည်။

တပ်ရင်းများအပါဝင် တောင်းဆိုမှုမှာ လက်ရှိကုန်ဈေးနှုန်းကို အဓိကချပေးဖို့နဲ့ လက်ရှိရဲဘော်များရဲ့ ရိက္ခာပိုင်းဆိုင်ရာကို လုံလောက်စွာချပေးဖို့ လာစာငွေကြေးများနဲ့ ရဲဘော်များစုဆောင်းထားတဲ့ ငွေကြေးများနဲ့ ပတ်သက်ပြီး အထက်ချပေးဖို့ ပါဝင်ကိစ္စများကို တောင်းဆို တင်ပြချက်များကို တွေ့ရှိရသည်။

လက်ရှိ တိုင်းလက်အောက်ခံ တပ်ရင်းတွေကိုယ်တိုင် အခုလိုဖြစ်နေတယ်ဆိုရင် တခြားတပ်ရင်းများနဲ့ ပတ်သက်ပြီး တည်ငြိမ်အောင်ထိန်းထားဖို့ မလွယ်တဲ့အချက် ဖြစ်တယ်။ အထက်ကို တင်ပြတာပါ။

၂၀၀၉ NDD စစ်အင်္ဂါစဉ်အရ။

တြိဂံဒေသ တိုင်းစစ်ဌာနချုပ် (တသခ) ကျိုင်းတုံမြို့၊ တိုင်းမှူး၊ ဗိုလ်မှူးချုပ် ကျော်ဖြိုး

အမှတ် (၂၂၆) ခြေလျင်တပ်ရင်း (လွယ်မွေ) ဒုဗိုလ်မှူးကြီး လှမျိုး

အမှတ် (၂၂၇) ခြေလျင်တပ်ရင်း (မိုင်းခတ်) ဗိုလ်မှူး နိုင်လင်းစိုး (ခေတ္တရင်းမှူး)

ပ-ဗခကျော်ဆွေ (ဧရာဝတီတိုင်း)

လ-ကကကြည်း

နေ့လည် ၁ နာရီ ၃၀ မိနစ်

အထက်တင်ပြချင်တာက ကျနော်တို့ ဧရာဝတီတိုင်းအတွင်းရှိ တပ်မ၊ တပ်ရင်းများနဲ့ ပတ်သက်ပြီး ပိုပြီးကြပ်တည်းလာတဲ့ အချက်တွေ့ရှိရသည်။

ဧရာဝတီတိုင်းရှိ ထောက်လှမ်းရေးများနဲ့ ပြည်ခိုင်ဖြိုးတပ်ဖွဲ့များပါဝင် အထက်က ပါတီအသွင်ပြောင်းလိုက်တဲ့ ကိစ္စများနဲ့ပတ်သက်ပြီး လက်ရှိပါတီဝင်များက ဧရာဝတီတိုင်းရှိ အခွင့်အရေးများကို တပ်မတော်ထက် ပိုယူပြီးလုပ်ဆောင်နေတဲ့ အချက်တွေ့ရှိရသည်။

ပါတီအသွင် ပြောင်းလဲလာတဲ့ကိစ္စနဲ့ ပတ်သက်ပြီး ပိုပြီးအခွင့်ရေးပေးတာကြောင့် ဂိတ်တွေမှာ အားလုံးကို တာဝန်ယူပြီးအထက်က ပြုလုပ်ခိုင်းတဲ့ အခြေအနေမျိုးကြောင့် တပ်တွင်းဝင်ငွေပိုင်းနဲ့ ပတ်သက်ပြီး ပိုပြီးလျော့ကျသွားတဲ့အချက် တွေ့ရှိရသည်။ ဒီကိစ္စကို မဖြေရှင်းရင် ဒီထက်ဆိုးလာနိုင်တဲ့အချက် တပ်ရင်းမှူး တင်ပြလာတယ်။ လက်ရှိအခြေအနေကို အထက်ကို တင်ပြတာပါ။

ပ-ရခိုင်ပြည်နယ်

လ-ကကကြည်း

နေ့လည် ၂ နာရီ

ကနော်တို့ ရခိုင်ပြည်နယ် တပ်မတော်တပ်ရင်းများနဲ့ ပက်သက်ပြီး လက်ရှိပြည်ခိုင်ဖြိုး အသွင်ပြောင်းလိုက်တဲ့ ထောက်လှမ်းရေးတစ်ချို့ကို တပ်မတော်ထက်ပိုပြီး အခွင့်ရေးပေးတာက သဘာဝမကျတဲ့အချက် တွေ့ရှိရသည်။

*ဗိုလ်ချုပ် သိန်းစိန်အမည်ခံပြီး တပ်မတော်အတွင်းရှိ နယ်မြေပိုင်များက အခြေအနေမျိုးကို ပြုလုပ်တာဖြစ်တယ်။

လက်ရှိတပ်မတော် ရဲဘော်များနဲ့ ပတ်သက်ပြီး မကျေနပ်သလို လက်ရှိကျနော်ကိုယ်တိုင်လည်း ဒီလိုအခွင့်အရေးပေးတာကို သိပ်မကျေနပ်ဘူး။

လက်ရှိအခြေအနေကို ဒီအတိုင်းလွတ်ထားမယ်ဆိုရင် တပ်မတော်နဲ့ ပြည်ခိုင်ဖြိုးပါတီကြားမှာ ပိုဆိုးသွားနိုင်တယ်။ ဒါကို မဖြစ်အောင် အထက်ကို တင်ပြတာပါ။

ပ-ကကကြည်း

လ-နပတ

နေ့လည် ၂ နာရီ ၃၀ မိနစ်

အထက်တင်ပြချင်တာက လက်ရှိဗိုလ်ချုပ်များရဲ့ တင်ပြချက်များက လက်ရှိတိုင်းအတွင်း တပ်မတပ်ရင်းများမှာ ဖြစ်နေတဲ့ အခြေအနေများနဲ့ပတ်သက်ပြီး ဒီတိုင်းထိမ်းချုပ်မှုပြုလုပ်ဖို့ကို တာဝန်မယူတဲ့အချက်ကို တင်ပြထားကြတယ်။

ဗိုလ်ချုပ်သောင်အေးကိုလည်း ပြည်ခိုင်ဖြိုးတပ်ဖွဲ့နဲ့ ပတ်သက်ပြီး အသွင်းပြောင်းလိုက်တဲ့ ကိစ္စကလက်ရှိ ပြည်ခိုင်ဖြိုးပါတီများနဲ့ ထောက်လှမ်းရေးတစ်ချို့ကို တပ်မတော်စီးပွားရေးနဲ့ ပတ်သက်ပြီး ဝင်စွတ်ဖက်ပြုလုပ်တယ်ဆိုပြီး မကျေနပ်လို့ တင်ပြလာတဲ့ အချက်များတွေ့ရှိရသည်။

*ပါတီအသွင် အမည်ခံလိုက်တဲ့ ဗိုလ်ချုပ်သိန်းစိန် အမည်ကိုပြောဆိုပြီး တပ်မတော်စီးပွားရေး နေရာများကို ပြုလုပ်လာတဲ့အချက်များ တွေ့ရှိရသည်။

ဒီတိုင်း လွတ်ထားမယ်ဆိုရင် အခြေအနေက ဒီကြားမှာ ပိုဆိုးသွားနိုင်တယ်။

*နောက်တစ်ခုက ဧရာဝတီတိုင်းကလည်း ထောက်လှမ်းရေးနဲ့ ပြည်ခိုင်ဖြိုးများကို သင်္ဘောဂိတ်တွေမှာ ချထားလို့ တပ်မတော်ဝင်ငွေပိုင်းက ပိုအားနည်းလာတာကြောင့် အခြေအနေကို အထက်က ဒီတိုင်းလွတ်ထားမယ်ဆိုရင် ဖြစ်လာတဲ့အခြေအနေကို တာဝန်မယူဘူးဆိုပြီး တင်ပြထားတယ်။

၂၀၁၀ ခုနှစ် ဩဂုတ်လ (၂၄) ရက်

ပ-ပခတိုင်းမှူး

လ-ကကကြည်း

နံနက် ၈ နာရီ

လက်ရှိအခြေအနေမှာ ပဲခူးတိုင်းတွင်းရှိ တပ်မ (၇၇) လက်ခံတပ်ရင်းများနဲ့ ပတ်သက်ပြီး အခြေအနေက ပိုပြီးကြမ်းလာတဲ့ အချက်တွေ့ရှိရသည်။

လက်ရှိအခြေအနေမှာ နိုင်ငံရေးပိုင်းနဲ့ တပ်မ (၇၇) လက်အောက်ခံ တပ်ရင်များက ဒီနေ့နံနက်မှာ သေနတ်များပစ်ခတ်မှု ဆိုင်ရာကို ပြုလုပ်ပြီး တပ်ရင်းလက်အောက်ခံ အခြေအနေက ပိုပြီးဆိုးလာတဲ့အချက် တွေ့ရှိရသည်။

အခြေအနေက တပ်တွင်းမှာ လက်နက်ကိုင်ဆောင်ပြီး သေနတ်ဖောက်နေတဲ့အချက်ကို တွေ့ရှိရသည်။ ဒါကြောင့် ကျနော်တို့ ဒီအတိုင်းလွှတ်ထားရင် အခြေအနေက ပိုပြီးဆိုးသွားနိုင်တဲ့ အချက်တွေ့ရှိရသည်။ အထက်တင်ပြတာပါ။

ပ-တနင်္သာရီတိုင်း

လ-ကကကြည်း

နံနက် ၈ နာရီ ၃၀ မိနစ်

အထက်တင်ပြချင်တာက လက်ရှိလေကြောင်းကာကွယ်ရေး တပ်ဖွဲ့များနဲ့ လက်ရှိအထူးတပ်ဖွဲ့များ ဖြစ်ကြတဲ့ ထောက်လှမ်းရေးများနဲ့ ပြဿနာဖြစ်လို့ လက်ရှိအချင်းချင်းပိုပြီး ငြိစွန်းလာတဲ့အချက်ကို တွေ့ရှိရသည်။

လက်ရှိကဝဲအခြေစိုက် လေကြောင်းရန်ကာကွယ်ရေး အတွင်းပိုင်းနေရာများကို ထောက်လှမ်းရေးများချပြီး စောင့်ကြည့်မှုပြုလုပ်တာကြောင့် လက်ရှိအထူးထောက်လမ်းရေး (၇) ဦးကို လေကြောင်းကာကွယ်ရေး တပ်ရင်းမှူးကိုယ်တိုင် လက်ရှိတပ်တွင်းမှာ ဖမ်းဆီးထားလိုက်တဲ့ အချက်ကို တွေ့ရှိရသည်။

နောက်တစ်ခုက လက်ရှိမြိတ်မြို့ အခြေစိုက် (၁၇) တပ်ရင်းမှာလည်း လက်ရှိဝင်ကိုင်ဖို့ ပြုလုပ်နေတယ်။

ထောက်လှမ်းရေးတပ်ဖွဲ့များက ပိတ်ပြီး မြိတ်မြို့အတွင်း စီးပွားရေးများကို ပြုလုပ်စီစဉ်နေတဲ့ အချက်ကိုတွေ့ရှိရတာကို အထက်တင်ပြတာပါ။

ပ-ရဲမြင့်ဌာနချုပ်တင်ပြချက်

လ-နပတ

နံနက် ၉ နာရီ

အထက်တင်ပြချင်တာက လက်ရှိ ဗိုလ်ချုပ်ရဲမြင့်နဲ့ နေပြည်တော်က လက်ရှိအခြေအနေကို နေပြည်တော်နဲ့ ပျဉ်းမနားမှာရှိတဲ့ တပ်ရင်းများနဲ့ ပတ်သက်ပြီး လက်ရှိဗိုလ်ချုပ်ရဲမြင့်ငယဒငိူ လက်နက်ငယ်များနဲ့ ပစ်ခတ်မှုဆိုင်ရာကို ပြုလုပ်လိုက်လို့ ဗိုလ်ချုပ်ရဲမြင့်ကားမောင်းတဲ့ ဗိုလ်ကြီးတစ်ဦး ကျဆုံးသွားတယ်။

ကားမောင်းတစ်ဦးသာ ထိခိုက်မှုဖြစ်ပြီး ဗိုလ်ချုပ်ရဲမြင့်က လက်ရှိဒဏ်ရာ ရရှိပြီး ဌာနချုပ်အတွင်းရှိ ဆေးရုံတင်ဆောင်ထားပါတယ်။ နေပြည်တော်ကြား အထွက်ကစပြီး ပြုလုပ်ခံရတာကြောင့် နေပြည်တော်ကားလမ်းကြောင်းကနေ ဘေးကိုထိုးရပ်ပြီး ကျသွားတာကြောင့် ဗိုလ်ချုပ်ရဲမြင့်လက်ကို ထိမှန်ပြီးဆေးရုံကို ပို့ဆောင်ထားပါတယ်။

လက်ရှိအခြေအနေမှာ တပ်မတော်အတွင်းက တပ်ကြပ်ကြီးတစ်ဦးကိုယ်တိုင် ပြုလုပ်စီစဉ်တာကြောင့် ဖမ်းဆီးမှုပိုင်းကိုပြုလုပ်ထားပါတယ်။

ဗိုလ်ချုပ်ရဲမြင့် ကားမောင်းတဲ့ အရာရှိဗိုလ်ကြီး ကျော်စိုးထွန်း နေရာမှာ သေဆုံးသွားပါတယ်။ အထက်ကိုတင်ပြတာပါ။

ပ-နပတ

လ-ရဲမြင့်ဌာန

နံနက် ၉ နာရီ ၃၀ မိနစ်

မင်းတို့ ဌာနတင်ပြချက်ကို လက်ခံရရှိပါတယ်။

လက်ရှိဗိုလ်ချုပ်ရဲမြင့်ကို အခုလိုပြုလုပ်တဲ့ လက်ချက်က ဘယ်သူ့လက်ချက်ဆိုတာကို အသေးစိတ် ပြုလုပ်စုံစမ်းမှုပိုင်းကို လုပ်သွားပါ။

လက်ရှိပြုလုပ်တဲ့ တပ်ကြပ်ကြီးကိုလည်း သေချာစုံစမ်းစစ်ဆေးမှုပိုင်းကို ပြုလုပ်ပြီး ဒီကိစ္စပေါက်ကြားမှုမရှိအောင် သေချာဖိထားဖို့ လိုတယ်။ လက်ရှိဒဏ်ရာရသွားတဲ့ ဗိုလ်ချုပ်ရဲမြင့်ကိုလည်း သေချာပြုလုပ်ပေးဖို့ကို လုပ်ဆောင်ပါ။

လက်ရှိဖြစ်ရပ်များနဲ့ ပတ်သက်ပြီး အသေးစိတ်စစ်ဆေးမှုပိုင်းဆောင်ရွက်ဖို့ကို အခြေအနေထူးခြားမှုရှိရင် ချက်ချင်းတင်ပြပေးဖို့ကို ပြုလုပ်ပါ။ အခြေအနေများ အကြောင်းစုံကို တင်ပြပေးဖို့ပြုလုပ်ပါ။

ပ-ဗခကိုကို

လ-နပတ

နံနက် ၁၀ နာရီ

အထက်တင်ပြချင်တာက လက်ရှိဗိုလ်ချုပ်ရဲမြင့်က ကျနော်တို့ လုံခြုံရေးပိုင်းယူထားတဲ့ ကြားအတွင်းမှာ လက်ရှိပစ်ခတ်မှုပိုင်း ပြုလုပ်တာကို ခံရတယ်။

လက်ရှိဗိုလ်ချုပ်ဝေလွင်က လက်အောက်ခံ တပ်ရင်းဖြစ်တဲ့ (၈၅) တပ်ရင်းက တပ်ကြပ်ကြီးတစ်ဦးက ကျနော်တို့ လုံခြုံရေးယူထားတဲ့ကြားက ပစ်ခတ်မှုပိုင်းပြုလုပ်လိုက်တယ်။ လက်ရှိ တပ်ကြပ်ကြီးမှာပါသွားတဲ့ လက်နက်အမျိုးအစားမှာ M3 ဖြစ်ပြီး ကျည်ဆံက ၅ တောင့်ပါသွားပြီး ပစ်ခတ်မှုပြုလုပ်တယ်။

ပစ်ခတ်မှုအချိန်မှာ ၈ နာရီ ၁၅ မိနစ် ဖြစ်ပြီး လက်ရှိရင်ဘတ်နေရာမှာ ဒဏ်ရာ ရရှိပြီး အရေးပေါ်ဆေးရုံကို ပို့ဆောင်ထားပါတယ်။ ဗိုလ်ချုပ်ရဲမြင့် ကားမောင်းတဲ့ ဗိုလ်ကြီးတစ်ဦးက ၃ ချက်မှန်ပြီး သေဆုံးသွားပါတယ်။

လက်ရှိ (၈၅) တပ်ရင်းတရင်းလုံးကိုလည်း လုံခြုံရေးဆိုင်ရာ ပိုတင်းကြပ်မှုပိုင်းကို ကျနော်တို့ဘက်က ပြုလုပ်ထားပါတယ်။ နေပြည်တော်စအထွက်မှာ စပြီးပစ်ခတ်ခံရတာ ဖြစ်ပါတယ်။ ကျနော်တို့ဘက်က လုံခြုံရေးယူ ထားပါတယ်။ အထက်ကို တင်ပြတာပါ။

FTUB Database မှတ်ချက်။ ။ ၂၀၀၉ စစ်အင်္ဂါစဉ်အရ။

နေပြည်တော် တိုင်းစစ်ဌာနချုပ် တိုင်းမှူး ဝေလွင်၊

အမှတ် (၈၅) ခြေလျင်တပ်ရင်း (နေပြည်တော်- ပျဉ်းမနား)

ဒုဗိုလ်မှူးကြီး စိန်ဝင်း

ပ-နပတ

လ-ဗခတင်အောင်မြင့်ဦး

နေ့လည် ၂ နာရီ ၃၀ မိနစ်

လက်ရှိ ကလောအခြေစိုက် တပ်ရင်းများနဲ့ ပတ်သက်ပြီး အခြေအနေများကို အထက်တင်ပြပေးပါ။

ကလောအခြေစိုက် တပ်မ (၅၅) ယူထားတဲ့ နေရာများနဲ့ ပတ်သက်ပြီး အခြေအနေမကောင်းရင် တပ်မှူးကိုခေါ်ယူပြီး စီစဉ်လုပ်ဆောင်သွားပါ။ လက်ရှိ နံနက်ပိုင်းမှာ ဗိုလ်ချုပ်ရဲမြင့် ယာဉ်တန်းကားကို တပ်တွင်းက တပ်ကြပ်ကြီးတစ်ဦးက ပစ်ခတ်မှုပိုင်ပြူးလုပ်လို့ အရာရှိတစ်ဦးကျဆုံးမှု ဖြစ်ပြီး ဗိုလ်ချုပ်ရဲမြင့်က ဒဏ်ရာရရှိသွားတဲ့ အချက်များနဲ့ ပတ်သက်ပြီး အခြေအနေကသိပ်ပြီး တပ်မတော်အတွင်းမှာလည်း လုံခြုံရေးပိုင်းကို မတွေ့ရှိရတော့ဘူး။

ဗိုလ်ချုပ်တင်အောင်မြင့်ဦးလည်း ခရီးလမ်းများနဲ့ ပတ်သက်ပြီး သတိထားဖို့လိုတယ်။ လက်ရှိ ငါတို့အတွက် ပိုအရေးကြီးတယ်။ သေချာပြုလုပ် စီစဉ်လုပ်ဆောင်ပါ။

ပ-ဗခတင်အောင်မြင့်ဦး

လ-နပတ

နေ့လည် ၃ နာရီ

အထက်တင်ပြချင်တာက လက်ရှိအခြေအနေစိုက် တပ်မ (၅၅) နဲ့ ပတ်သက်ပြီး အခြေအနေအားလုံးကို အပြင်ဘက်ကို ပေါက်ကြားမှုမရှိအောင်တော့ ထိမ်းချုပ်မှုပိုင်းကို ပြုလုပ်ပြီး လုံခြုံရေးပိုင်းကို ချထားပါတယ်။

လက်ရှိတပ်မ (၅၅) တပ်မမှူးကို ကိုင်တာနဲ့ အခြေအနေက တပ်ရင်း၊ တပ်မအခြေအနေကို ပိုပြီးဆိုးသွားနိုင်တဲ့ အချက်ကို တွေ့ရှိရသည်။ လက်ရှိအခြေအနေမှာ ပိုပြီးအရေးကြီးတဲ့ အချက်က အတွင်းပိုင်းကို ပစ်ခတ်မှုမဖြစ်အောင် ထိမ်းချုပ်ထားတဲ့အခြေအနေကို တွေ့ရှိရသည်။

လက်ရှိအခြေအနေမှာ အထက်ကညွှန်ကြားသလို တပ်မမှူးကို ကိုင်ဖို့ကိစ္စက အများကြီး ခက်ခဲမှုရှိတယ်။ လက်ရှိနိုင်ငံရေးနဲ့ စစ်ရေးဆိုင်ရာအပါဝင် အခြေအနေက ပိုဆိုးသွားနိုင်တဲ့ အချက်ကိုတွေ့ရှိရလို့ အထက်ကိုတင်ပြတာပါ။

FTUB Database မှတ်ချက်။ ။ ၂၀၀၉ စစ်အင်္ဂါစဉ်အရ။

အမှတ် (၅၅) ခြေမြန်တပ်မဌာနချုပ် (ကလော)

ဗိုလ်မှူးချုပ် အေးခိုင်

ပ-နပတ

လ-ဗခမောင်ရှိန်

ည ၆ နာရီ

လက်ရှိထိမ်းထားတဲ့ ဗိုလ်ချုပ် (၇) ဦးကို လက်ရှိအခြေအနေကို ကြည့်ပြီး ထိမ်းသိမ်းဖို့ ပြုလုပ်ဆောင်ရွက်ပါ။

လက်ရှိထိမ်းချုပ်ထားတဲ့ ဗိုလ်ချုပ် ၃ ဦးနဲ့ ဗိုလ်မှူးချုပ် ၄ ဦးကို လက်ရှိထိမ်းချုပ်မှုပိုင်းကို လုပ်ဆောင်ထားဖို့ ပြုလုပ်ဆောင်ရွက်ပါ။

တပ်မတော်အတွင်းမှာ ဗိုလ်ချုပ်များကို ဖြုတ်ချဖို့အတွက်ကို အများကြီးရှိတယ်။

လက်ရှိတာဝန်ပိုင်းနဲ့ ပတ်သက်ပြီး ပိုပြီးအရေးကြီးတဲ့ အချက်ဖြစ်တယ်။ ဒါကြောင့် ဗိုလ်ချုပ်များနဲ့ ဗိုလ်မှူးချုပ်များကို ဖမ်းဆီးထိမ်းချုပ်ထားဖို့ ပြုလုပ်ပြီးလုံခြုံရေးပိုင်းကို တင်းကြပ်ထားပါ။

ပ-ကကကြည်း

လ-နပတ

ည ၆ နာရီ ၃၀ မိနစ်

လက်ရှိ ကကကြည်းနဲ့ ပတ်သက်ပြီး အချင်းချင်းပြုလုပ်တဲ့ အချက်ကိုတွေ့ရှိရသည်။ လက်ရှိရန်ကုန်တိုင်း အတွင်းရှိ ဌာနချုပ်အတွင်းကို ရန်ကုန်တိုင်းမှူး တပ်ရင်းများတစ်ချို့ဝင်ပြီး ပြုလုပ်ဖို့ကိစ္စကို စီစဉ်ပြုလုပ်နေတဲ့ အချက်တွေ့ရှိရသည်။

လက်ရှိကျနော်တို့ ကကကြည်းဌာနမှာ အရာရှိများတစ်ချို့နဲ့ ခေါင်းဆောင် ဗိုလ်ချုပ်နှစ်ဦးပါဝင် လက်ရှိဗိုလ်မှူးချုပ် တစ်ဦးကို လက်ရှိ ကကကြည်းဌာနကို အတွင်းပိုင်း ပြင်ဆင်ပြုလုပ်တာနဲ့ ပတ်သက်ပြီး အရာရှိအပါဝင်နောက်ထပ် (၇) ဦးကို ထိမ်းချုပ်မှု ပြုလုပ်ထားချက်ကို ပြုလုပ်ထားပါတယ်။

ကကကြည်းဌာနချုပ်အတွင်း အာဏာသိမ်းဖို့ ပြုလုပ်ပြင်ဆင်နေတဲ့ တပ်ဖွဲ့များနဲ့ ပတ်သက်ပြီး ရန်ကုန်တိုင်းမှူးအပါဝင် ဗိုလ်ချုပ်မောင်အေးတို့အဖွဲ့က စစ်ရေးနဲ့ ပတ်သက်ပြီး ရန်ကုန်မင်္ဂလာဒုံနေရာကနေ စစ်ရေးဆိုင်ရာ ပြင်ဆင်ပြီး ကကကြည်းရဲ့ အခြေအနေကို စောင့်ကြည့်မှုပိုင်း ပြုလုပ်ထားချက် တွေ့ရှိရသည်။ အထက်ကိုတင်ပြတာပါ။

၂၀၁၀ ဩဂုတ်လ (၂၆) ရက်

ပ-ဗိုလ်ချုပ်အောင်သန်းထွဋ်

လ-ကကကြည်း

နံနက် ၉ နာရီ

အထက်တင်ပြချင်တာက ကျနော်တို့အုပ်ချုပ်တဲ့ နယ်မြေနဲ့ ပတ်သက်ပြီး တိုင်းရင်းသား လက်နက်ကိုင်များနဲ့ လက်ရှိတိုင်းရင်းသား လက်နက်ကိုင်ကြားမှာရှိတဲ့ ပြဿနာများကို ပြေလည်အောင် အခြေအနေကြည့်ပြီး ညှိနှိုင်းမှုပြုလုပ်စီစဉ်ဖို့ အထက်ကို တင်ပြတာပါ။

လက်ရှိရွေးကောက်ပွဲပြုလုပ်တဲ့ ချမှတ်တဲ့ လမ်းစဉ်တိုင်းဆို တိုင်းရင်းသားနဲ့ ပတ်သက်ပြီးတော့လည်း အခြေအနေဆိုးလာနိုင်သလို လက်ရှိနိုင်ငံရေးဆိုင်ရာနဲ့ ပတ်သက်ပြီးတော့လည်း အခြေအနေက ပိုပြီးစိုးရိမ်ရတဲ့ အခြေအနေကို တွေ့ရှိရသည်။

လက်ရှိနိုင်ငံရေးဆိုင်ရာပါဝင် ဖြစ်လာနိုင်တဲ့ အခြေအနေများနဲ့ အခက်ခဲများကိုကြည့်ပြီး နိုင်ငံတစ်ခုလုံး ပြိုကွဲအုံကြွမှုဖြစ်လာနိင်တဲ့ အခြေအနေမျိုးကို ပြုလုပ်ဖို့ အချက်လက်နဲ့ ပတ်သက်ပြီး လက်ရှိတည်ငြိမ်အောင် ပြုလုပ်စီစဉ်ပေးပြီးအားလုံး ညှိနှိုင်းမှုပိုင်း ပြုလုပ်ချင်တယ်။

ဒီတိုင်းရေရှည်ဆက်သွားမယ်ဆိုရင် နိုင်ငံတခုလုံး ပြိုကွဲမယ့်အခြေအနေကို ဆိုးလာဖို့ အချက်ကို တွေ့ရှိရသည်။ ဒါကြောင့် လက်ရှိအခြေအနေ တည်ငြိမ်မှုပြုလုပ်ဖို့ အထက်ကိုတင်ပြတာပါ။

ပ-ပခတိုင်းမှူး

လ-ကကကြည်း

နံနက် ၉ နာရီ ၃၀ မိနစ်

အထက်တင်ပြချင်တာက လက်ရှိတပ်မတော် အခြေအနေများနဲ့ ပတ်သက်ပြီး လက်ရှိရိက္ခာပိုင်းနဲ့ ငွေကြေးကိုချပေးပြီး အထက်ပြုလုပ်ခိုင်းတဲ့အတိုင်း ပြုလုပ်စီစဉ်ဖို့ အများကြီးခက်ခဲမှုရှိတဲ့ အခြေအနေမျိုး တွေ့ရှိရသည်။

လက်ရှိအခြေအနေမှာ တပ်မ (၇၇) အတွင်းရှိ လက်အောက်ခံတပ်ရင်းများနဲ့ ကျနော်တို့ တိုင်းတပ်မ၊ တပ်ရင်းများနဲ့ ပတ်သက်ပြီး လက်ရှိအထက်က ညွှန်ကြားချက်အတိုင်းလိုက်ပြီး စီစဉ်ပေမယ့် ရဲဘော်များက လက်ရှိအခြေအနေများတွင် အထက်ကညွှန်ကြားချက်အတိုင်း ပြုလုပ်ဖို့ ခက်ခဲမှုရှိတယ်။

လက်ရှိကျနော်တို့ ပဲခူးတိုင်း၊ တောင်ငူမြို့ တပ်မ၊ တပ်ရင်းများရဲ့တင်ပြချက်အရ လက်ရှိအခြေအနေမှာ အထက်ကထိမ်းချုပ်နိုင်တဲ့ အခြေနေမျိုးဖြစ်ဖို့အတွက် သိပ်ပြီးမလွယ်တဲ့ အချက်တွေ့ရှိရသည်။

လက်ရှိနိုင်ငံရေးနဲ့ ပတ်သက်ပြီး တပ်မတော်ရဲဘော်များ ရရှိထိုက်တဲ့ အခွင့်ရေးများနဲ့ အတွင်းရိက္ခာပိုင်းကအစ လက်ရှိတပ်မတော် ရဲဘော်များရှိ မိသားစုရရှိထိုက်တဲ့ အခွင့်အရေးများနဲ့ ငွေကြေးများကို အပြည့်အဝချပေးဖို့ကို အထက်ကိုတင်ပြတာပါ။

ပ-ဗခသောင်းအေး

လ-ကကကြည်း

နံနက် ၁၀ နာရီ

အထက်တင်ပြချင်တာက ကျနော်တို့ တပ်မတော်သားများနဲ့ ပတ်သက်ပြီးအထက်ကို တင်ပြထားတဲ့အတိုင်းကို လက်ရှိပြည်ခိုင်ဖြိုးပါတီများနဲ့ ပတ်သက်ပြီး လက်ရှိတပ်မတော် အရာရှိတစ်ဦးထက် ပိုပြီးအခွင့်အရေးပေးနေတဲ့ အချက်လက်များကို တွေ့ရရှိရတယ်။

လက်ရှိကျနော်တို့ တပ်မတော်နဲ့ ပတ်သက်ပြီး တစ်ဦးချင်းရပိုင်ခွင့်ရေးများနဲ့ ပတ်သက်ပြီး လက်ရှိကြံ့ခိုင်ဖွံ့ဖြိုးရေးပါတီက ပိုရရှိတာကြောင့် သဘောကျခြင်းမတွေ့ရှိရဘူး။

တပ်မတော်ရပိုင်ခွင့်များကို အပြည်အဝချပေးဖို့ ကိစ္စကို အထက်ကိုတင်ပြတာနှစ်ခါရှိပြီး လက်ရှိအခြေအနေတိုင်းသာသွားရင် တပ်မတော်အတွင်းပိုင်း ပိုဆိုးလာဖို့ရှိတယ်။

လက်ရှိတပ်မတော် စီးပွားရေးနဲ့ ရဲဘော်တစ်ဦးချင်း ရရှိတဲ့လုပ်ပိုင်ခွင့်များကို ပေးထားတဲ့ကိစ္စကို ဖြေရှင်းပေးဖို့ကို အထက်ကပြုလုပ်ပေးပါ။ ဒီတိုင်းလွတ်ပြီး စီစဉ်ခိုင်းမယ်ဆိုရင် အခြေအနေဆိုးလာဖို့ ရှိတာကို အထက်တင်ပြတာပါ။

ပ-ဗခကျော်ဆွေ

လ-ကကကြည်း

နံနက် ၁၀ နာရီ ၃၀ မိနစ်

အထက်တင်ပြချင်တာက အထက်က စီစဉ်ပြုလုပ်ပေးတဲ့ ရိက္ခာပိုင်းဆိုင်ရာနဲ့ ပတ်သက်ပြီး ချပေးထားတဲ့ အချက်အလက်များကို လက်ခံရရှိပါတယ်။

လက်ရှိ ရိက္ခာနဲ့ ငွေကြေးများချပေးထားတဲ့ အချက်အလက်များနဲ့ ပတ်သက်ပြီး လက်ရှိ ဧရာဝတီတိုင်းမှာရှိတဲ့ စီးပွားရေးလုပ်ငန်းများကို အကောက်အခွန်ကိစ္စ ပြည်ခိုင်ဖြိုးပါတီဝင်များနဲ့ ထောက်လှမ်းရေးများကို လွှဲပေးပြီး ကောက်ခံခိုင်းထားတဲ့ အချက်အလက်များနဲ့ လုပ်ပိုင်ခွင့်အချက်လက်များနဲ့ ပတ်သက်ပြီး အထက်က ပြန်လည်ပြင်ဆင်ပေးဖို့ တင်ပြတာပါ။

လက်ရှိအထက် ချပေးလိုက်တဲ့ ရိက္ခာပိုင်းနဲ့ ငွေကြေးများကို ရရှိပေမယ့်လုပ်ပိုင်ခွင့်ကိစ္စကို ရပ်ဆိုင်းပေးဖို့ ပြုလုပ်ပေးပါ။

လက်ရှိတပ်မတော်က နိုင်ငံရေးပြုလုပ်ဖို့ နုတ်ထွက်လိုက်တဲ့ ဝန်ကြီးချုပ်များနဲ့ ပတ်သက်ပြီး လုပ်ပိုင်ခွင့်ပေးတယ်ဆိုတော့ ရဲဘော်များအတွက် အများကြီးခက်ခဲမှု ရှိတယ်။

ကျနော်တို့ ခြေလျင်၊ ခြေမြန်တပ်ရင်းများအတွက်က ပိုပြီးကြပ်တည်းလာတဲ့ အချက်များတွေ့ရှိရသည်။ ဒါကြောင့် ဒီအချက်နဲ့ ပတ်သက်ပြီး ပြင်ဆင်ပေးဖို့ တင်ပြတာပါ။

ပ-ဗခမောင်အေး

လ-နပတ

နေ့လည် ၁ နာရီ ၃၀ မိနစ်

လက်ရှိနိုင်ငံရေးနဲ့ ပတ်သက်ပြီး တပ်မတော်အခြေအနေပိုင်းဆိုင်ရာနဲ့ ပတ်သက်ပြီး အထက်တင်ပြချင်တာက တပ်မတော်အတွင်းပိုင်းက ထွက်သွားတဲ့ အရပ်ဝတ်လဲလိုက်တဲ့ဝန်ကြီးများက လက်ရှိတပ်မတော်ကိစ္စမှာ ပါဝင်လုပ်ပိုင်ခွင့် မရှိတော့တဲ့အချက်ကို လူကြီးတားမြစ်ပေးဖို့ ပြုလုပ်ပါ။

လက်ရှိတပ်မတော်နဲ့ ပတ်သက်ပြီး ဗိုလ်ချုပ်သိန်းစိန်တို့ကို လက်ရှိတပ်မတော်က အရပ်ဝတ်လဲပြီး နုတ်ထွက်သွားတဲ့ ဝန်ကြီးများနဲ့ ဗိုလ်ချုပ်တစ်ချို့ကို အမိန့်ပေးညွှန်ကြားမှုပိုင်းကို လုံးဝမပြုလုပ်ဖို့ကို အထက်နေပြည်တော်က ညှိနှိုင်းပေးပါ။

ဒီတိုင်းပြုလုပ်မယ်ဆိုရင် ကျနော်တို့ဘက်က ကန့်ကွက်မှုရှိတယ်။

လက်ရှိတပ်မတော် အာဏာကို အသုံးပြုလုပ်ပြီး နိုင်ငံရေးပိုင်းကို ပြုလုပ်မယ်ဆိုရင် ကျနော်တို့ဘက်က လက်ခံနိုင်မယ့်အနေအထား မရှိသလို တပ်မတော်ကို ကိုင်တွယ်မှု့ပြုလုပ်ပြီး အမိန့်ပေးညွှန်ကြားမှုပိုင်း စီစဉ်ပြုလုပ်နေမယ်ဆိုရင် အခြေနေက လက်မခံနိုင်ဘူး။ အထက်ကိုတင်ပြတာပါ။

၂၀၁၀ ခုနှစ် ဩဂုတ်လ (၂၇) ရက်

ပ-ဗိုလ်ချုပ်မောင်ရှိန်

လ-နပတ

နံနက် ၈ နာရီ

အထက်တင်ပြချင်တာက ကျနော်တို့ဖက်က ခေါင်းဆောင်မင်းသားကြီးတစ်ဦးကို ထိမ်းထားလိုက်ပါတယ်။

အခြေအနေက ဌာနချုပ်နဲ့ လက်ရှိ ခေါင်းဆောင်မင်းသားကြီး နေအိမ်ကိုဝင်ပြီး လက်ရှိအားလုံးကို ထိမ်းပြီးခေါင်းဆောင် မင်းသားကြီးကိုတော့ ထိမ်းထားပြီး အထက်ကညွှန်ကြားချက်အတိုင်ိးကု ၆ နာရီမှာ ထိမ်းသိမ်းပြီး လက်ရှိအခြေအနေကို ဌာနချုပ်တစ်ချို့ကို ထိမ်းသိမ်းဖို့ စီစဉ်လုပ်ဆောင်နေပါတယ်။

လက်ရှိဌာနချုပ်နေရာကို ထိမ်းသိမ်းဖို့ကို ဗိုလ်ချုပ်ကိုကိုတို့ကို တာဝန်ပေးထားပြီး လုပ်ဆောင်မှုပိုင်းကို ပြုလုပ်ပြီး လက်အောက်ဌာနများက မသိရှိအောင် ၆ နာရီအတွင်းမှာ နေအိမ်မှာဝင်ပြီး ပြုလုပ်စီစဉ်ပြီး နေအိမ်ဌာနတစ်ခုလုံးကို အသံမထွက်အောင် ခေါင်းဆောင်မင်းသားကြီးတစ်ဦးကို ထိမ်းသိမ်းပိုင်းကို ကျနော်တို့ဖက်က အထက်ညွှန်ကြားချက် အတိုင်းနေအိမ်အတွင်းကို အားလုံးသိမ်းဆည်းမှုများ ပြုလုပ်စီစဉ်ထားပါတယ်။

ပ-နပတ

လ-ကကကြည်း

နံနက် ၈ နာရီ ၃၀ မိနစ်

ကကကြည်းက စီစဉ်ရမှာက လက်ရှိခေါင်းဆောင်မင်းသားကြီးကို ထိမ်းသိမ်းထားပြီး လက်ရှိဌာနချုပ်များနဲ့ ပတ်သက်ပြီး သိမ်းဆည်းဖို့အတွက်ကို ကကကြည်းပြုလုပ်စီစဉ်ပြီး ပေါက်ကြားမှုမရှိအောင် ပြုလုပ်စီစဉ်ခိုင်းဖို့ ဌာနအတွင်းပိုင်းကို ငွေကြေးများချပေးပြီး ခေါင်းဆောင်မင်းသားကြီးနဲ့ ပတ်သက်ပြီး လက်နက်များနဲ့ ခဲယမ်းလက်နက်ကြီးများကို ဝင်ပြီး သိမ်းဆည်းမှုများကို နာရီပိုင်းအတွင်းမှာ ခေါင်းဆောင်မင်းသားကြီးများကို ဝင်ပြီး သိမ်းဆည်းမှုများကို ထိမ်းသိမ်းထားပါ။

ပေါက်ကြားမှုမရှိအောင် ဌာနကိုဝင်ပြီး လက်နက်သိမ်းဆည်းမှု ကိစ္စများကို စီစဉ်လုပ်ဆောင်ဖို့ကို ကကကြည်းက တာဝန်ယူပြီး ခေါင်းဆောင်မင်းသားကြီး ထိမ်းသိမ်းမှုကို မပေါက်ကြားခင် ဒီကိစ္စကို နာရီပိုင်းအတွင်းမှာ ဆင်ပြီးပြုလုပ်ဖို့ကိစ္စကို စီစဉ်လုပ်ဆောင်လိုက်ပါ။

လက်ရှိ ငွေကြေးများချပေးပြီး ရိက္ခာပိုင်းကိုလည်း ချပေးပြီး လက်နက်ကြီးများနဲ့ လက်နက်ခဲယမ်းတစ်ချို့များကို နာရီပိုင်းအတွင်းမှာ သိမ်းဆည်းဖို့ကိစ္စကို ပြုလုပ်စီစဉ်လုပ်ဆောင်ပြီး အခြေအနေများကို ပြုလုပ်ခိုင်းထားတဲ့အတိုင်း စီစဉ်လုပ်ဆောင်ဖို့ကိစ္စကို ကကကြည်းက တာဝန်ယူဆောင်ရွက်ပါ။

ပ-နပတ

လ-ဗခကိုကို

နံနက် ၉ နာရီ

လက်ရှိ ဌာနဆိုင်ရာနဲ့ ဗိုလ်မောင်အေးတပ်မ တပ်ရင်းများရဲ့ အခြေအနေကြည့်ပြီး တပ်တွင်းလိုအပ်တဲ့ လက်နက်ပိုင်းဆိုင်ရာကို သိမ်းဆည်းမှုပိုင်းကို စီစဉ်ခိုင်းထားတဲ့အတိုင်းကို စီစဉ်အခြေအနေကိုကြည့်ပြီး ဗိုလ်ချုပ်ကိုကို စီစဉ်ခိုင်းထားတဲ့အတိုင်း ပြုလုပ်စီစဉ်ထားပါ။

အခြေအနေကိုဆက်ပြီး ငါတို့ဘက်က ပြုလုပ်ကိုင်တွယ်ဖို့ကိစ္စကို အားလုံးဆင်ပြီး စီစဉ်မှာဖြစ်တယ်။ ဒါကြောင့် အခြေအနေကိုကြည့်ပြီး လက်ရှိစီစဉ်ခိုင်းထားတဲ့ အချက်ကို ပြုလုပ်ပြီးတာနဲ့ သက်မှတ်ထားတဲ့အချိန်ပိုင်းမှာ ပြုလုပ်စီစဉ်သွားဖို့ အသေးစိတ်လုပ်ဆောင်ပါ။

ဤအခြေအနေကို စီစဉ်ပြုလုပ်ခိုင်းထားတဲ့အတိုင်း လက်ရှိနိုင်ငံရေးပိုင်းနဲ့ စစ်ရေးအခြေအနေကိုကြည့်ပြီး ချထားတဲ့ လမ်းကြောင်းများဆင်ပြီး လုပ်ဆောင်သွားဖို့ ပြုလုပ်စီစဉ်ပါ။

ပ-နပတ

လ-ဗခမောင်ရှိန်

နံနက် ၉ နာရီ ၃၀ မိနစ်

လက်ရှိ ခေါင်းဆောင်မင်းသားကြီးကို လက်ရှိအခြေအနေမှာ ထိမ်းသိမ်းထားဖို့ ပြုလုပ်စီစဉ်ပါ။ ဒီခေါင်းဆောင်မင်းသားကြီးကို ထိမ်းသိမ်းထားတဲ့ ကိစ္စကို ပေါက်ကြားမှုမရှိအောင် ပြုလုပ်စီစဉ်ပြီး ခေါင်းဆောင်မင်းသားကြီးရဲ့ ဌာနချုပ်ကိုဝင်ပြီး လက်နက်သိမ်းဆည်းမှုပိုင်းကို အချိန်တိုအတွင်းမှာပြုလုပ်ပြီး ခေါင်းဆောင်မင်းသားကို အာဏာသိမ်းဖို့ သိရှိတာကြောင့် တရားဝင်ကြေငြာသွားဖို့ လိုတယ်။

လက်ရှိ ခေါင်းဆောင်မင်းသားကြီးရဲ့ ဌာနချုပ်ကို မပြုလုပ်ကိုင်ခင်မှာ ထိမ်းသိမ်းထားတဲ့ အချက်အလက်များကို ပေါက်ကြးးမှု မရှိအောင် သေချာပြုလုပ်ဆောင်ရွက်ပြီး ခေါင်းဆောင်မင်းသားကို အနားပေးလိုက်တဲ့ အကြောင်းကို ထုတ်ပြန်ဖို့ကို ငါစီစဉ်မှာ ဖြစ်တယ်။ လက်ရှိအခြေအနေမှာ ဌာနဆိုင်ရာနဲ့ပတ်သက်ပြီး ခေါင်းဆောင်မင်းသားကို နေအိမ်မှာ ထိမ်းထားတဲ့ အချက်ကို ပေါက်ကြားမှုမရှိအောင် ပြုလုပ်စီစဉ်ဖို့ လုပ်ဆောင်ထားပါ။

ပ-ကရင်ပြည်နယ်တိုင်းမှူး

လ-ကကကြည်း

နံနက် ၁၀ နာရီ

အထက်တင်ပြချင်တာက လက်ရှိကရင်ပြည်နယ်တပ် တပ်ရင်းအခြေအနေများနဲ့ ပတ်သက်ပြီး အထက်ကညွှန်ကြားချက်အတိုင်း ထိမ်းသိမ်းဖို့အတွက် ပိုပြီးကြပ်တည်းလာတဲ့ အချက်ကို ရောက်ရှိလာပါတယ်။ လက်ရှိတပ်မတော်နဲ့ ပတ်သက်ပြီး နယ်စပ်စီးပွားရေး ပိတ်ဆို့မှုကြောင့် နယ်စပ်တပ်မ တပ်ရင်းများမှာ ပိုပြီးပြိုကျလာတဲ့အချက် တွေ့ရှိရသည်။ လက်ရှိနယ်စပ်တပ်မ တပ်ရင်းများနဲ့ ကရင်ပြည်နယ် တပ်မတော်၊ တပ်ရင်းများရဲ့အခြေအနေက ပိုပြီးဆိုးသွားနိုင်တဲ့ အချက်ကို တွေ့ရှိရသည်။ လက်ရှိအခြေအနေမှာ အထက်က ပြုလုပ်ခိုင်းတဲ့အတိုင်း လုပ်ဖို့ခက်ခဲတာကို တင်ပြတာပါ။

ပ-တပ်မ (၁၁) တင်ပြချက်

လ-ကကကြည်း

နံနက် ၁၀ နာရီ ၃၀ မိနစ်

အထက်တင်ပြချင်တာက လက်ရှိရဲမွန် အခြေစိုက်တပ်ရင်းများနဲ့ ပတ်သက်ပြီး လက်ရှိအထက်ကပြုလုပ်ခိုင်းတဲ့ အတိုင်းကို ငွေကြေးများနဲ့ ရိက္ခာပိုင်းဆိုင်ရာချပေးပြီး တပ်တွင်းက လက်နက်ခဲယမ်းတစ်ချို့များ ကျနော်တို့ဘက်က သိမ်းဆည်းထားပါတယ်။

နံနက်ပိုင်းမှာ ငွေကြေးမပြည့်အဝချပေးပြီး လက်နက်ကြီးတစ်ချို့နဲ့ လက်နက်ငယ်တစ်ချို့ကို သိမ်းဆည်းပြီး တပ်အတွင်းတည်ငြိမ်အောင်ဆက်ပြီး ပြုလုပ်ဖို့အတွက်ကို အားလုံးစီစဉ်ထားတဲ့အချက်ကို အထက်တင်ပြတာပါ။ လက်ရှိ လုံခြုံရေးပိုင်းကိုတော့ ယူခိုင်းဖို့ ချထားပါတယ်။ ပြုလုပ်ပြီးတဲ့ အခြေအနေကို အထက်တင်ပြတာပါ။

ပ-ကကကြည်း

လ-နပတ

နေ့လည် ၁ နာရီ ၃၀ မိနစ်

အထက်တင်ပြချင်တာက လက်ရှိခေါင်းဆောင်မင်းသားကြီးနဲ့ ပတ်သက်ပြီး အခြေအနေများကို အားလုံးထိမ်းသိမ်း ထားပါတယ်။ လက်ရှိအခြေအနေမှာတော့ ပြည်နယ်ဖက်က ခေါင်းဆောင်မင်းသားကြီးနဲ့ သက်ဆိုင်တဲ့ ဗိုလ်ချုပ်များကို အနားပေးဖို့အတွက်ကို ကျနော်တို့ ဖက်ကလိုက်ပြီး အခြေအနေကို ထိမ်းသိမ်းခိုင်းထားပါတယ်။

လက်ရှိ ရန်ကုန်တိုင်းအတွင်းရှိ ခေါင်းဆောင်မင်းသားကြီးရဲ့ ဌာနတစ်ချို့ကို ထိမ်းထားပြီး အခြေအနေများ အသေးစိတ်ပြုလုပ်ခိုင်းတဲ့အတိုင်း ကျနော်တို့ဘက်က ပြုလုပ်စီစဉ်ထားပါတယ်။

အခြေအနေက တစ်ဖက်က ပြန်လည်တုံ့ပြန်မှုကတော့ မတွေ့ရှိရသေးဘူး။ အထက်ကို တင်ပြတာပါ။

ပ-နပတ

လ-ဗခစိုးဝင်း

နေ့လည် ၂ နာရီ

လက်ရှိပြုလုပ်ခိုင်းထားတဲ့ အခြေအနေများနဲ့ ပတ်သက်ပြီး လက်ရှိတပ်မတော်များရှိ တပ်မ၊ တပ်ရင်းများရဲ့ အခြေအနေကို အားလုံးထိမ်းချုပ်မှုပိုင်းကို ပြုလုပ်ပြီး လက်ရှိအခြေအနေမြှ ညွှန်ကြားချက်အတိုင်း စီစဉ်လုပ်ဆောင်ဖို့ ကိစ္စစီစဉ်ထားတယ်။

တပ်မတော်အတွင်းပိုင်းကို ချပေးထားတဲ့ ငွေကြေးများနဲ့ ရိက္ခာဆိုင်ရာကို ချပေးထားတဲ့ အချက်ပေါ်မှာကြည့်ပြီး လက်ရှိစီစဉ်ခိုင်းထားတဲ့ ကိစ္စများကို အသေးစိတ်ပြုလုပ် စီစဉ်လုပ်ဆောင်ပါ။

နောက်တစ်ခု ဗိုလ်ချုပ်မြင့်စိုးရဲ့ အခြေအနေကိုလည်း ထိမ်းချုပ်မှုပိုင်းကို ပြုလုပ်စီစဉ်ပြီး ပြုလုပ်ပါ။ အဓိကအချက်က မြင့်စိုးတို့ကို စောင့်ကြည့်မှုပိုင်းပြုလုပ်ပြီး တပ်မတော်၊ တပ်ရင်းများကို ထိမ်းချုပ်မှုပိုင်းပြုလုပ်ဖို့ ဗိုလ်ချုပ်စိုးဝင်း စီစဉ်ပြုလုပ်ဆောင်ရွက်ပါ။

ပ-နပတ

လ-ဗခရဲမြင့်

နေ့လည် ၂ နာရီ ၃၀ မိနစ်

ကျန်းမာရေးနဲ့ ပတ်သက်ပြီး အခြေအနေကောင်းတာနဲ့ လက်ရှိပြုလုပ်ထားတဲ့အတိုင်း ပြုလုပ်သွားဖို့ လုပ်ဆောင်ပါ။ လက်ရှိအခြေအနေက ပိုပြီးအရေးကြီးတယ<><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><><>

ဦးအောင်ဆန်း၏ နောက်ဆုံးနေ့ (ဒဂုန်တာရာ)

5:00 AM | Posted by Unknown


ဇူလိုင်လ ၁၉ ရက်၊ စနေနေ့ ၁၀ နာရီခွဲ။
မိုးလင်းကတည်းကပင် ကောင်းကင်သည် အုံ့မှိုင်း ညို့မှုန်လျက်ရှိသည်။ တိမ်တိုက်ဟူ၍ ဘာမှကြည်လင်စွာမမြင်ရ။ မိုးကိုကြည့်ရသည်မှာ မြူသန်းနေသောပင်လယ်ပြင်ကြီးလို ၀ိုးဝိုးဝါးဝါးနေသည်။ မိုးသည် ကင်းကင်းလွတ်လွတ်စဲသည် ဟူ၍မရှိ၊ တဖွဲဖွဲ ဖွဲနေလိုက်၊ တဖြိုင်ဖြိုင်ရွာချလိုက် နှင့်၊ နောက် စွေ၍ နေလေသည်။

ဒီကနေ့ အတွင်းဝန်များရုံးသို့ သွားစရာရှိသည်။ တိုင်းပြုပြည်ပြုလွှတ်တော် အထူးအရာရှိ ဦးသိန်းဟန်(ဇော်ဂျီ)က စနေနေ့ နေ့လယ်တွင် ဆောင်းပါးလာယူရန် ချိန်းထားသည်။ ဗိုလ်ချုပ်၏ အပါးတော်မြဲ ဗိုလ်ထွန်းလှထံမှလည်း ခရီးသွားခြင်း ဆောင်းပါးဝင်ယူရင်း ခဏတဖြုတ် စကားစမည်ပြောပြီးနောက် ဇော်ဂျီဆီသို့ သွားမည်ဟု စိတ်ကူးထား သည်။

၁၀ နာရီလောက်ကတည်းက အ၀တ်အစားလဲပြီး မိုးအတိတ်ကို စောင့်လျက်ရှိသည်။ မိုးကား မစဲနိုင်။ သို့နှင့် စားပွဲတွင် ထိုင်ကာ အပြီးမသတ်သေးသော ကဗျာတပုဒ်ကိုစပ်ရင်း ၁၁ နာရီ ထိုးသွားလေပြီ။ မိုးကား မတိတ်သေးပေ။

aung_san
နောက်ဆုံးတွင် မိုးစဲလိမ့်မည် မဟုတ်ဟု စိတ်ချလိုက်ပြီး အပေါ်အင်္ကျီ ၀တ်ကာ လမ်းမကြီးသို့ ထွက်ခဲ့သည်။ အဆင် သင့် တွေ့ သော ဒေါင်းတံဆိပ် တာမွေ ဘတ်စ်ကားကို တက်စီးလိုက်သည်။ ကားထဲတွင် ကြည့်မြင်တိုင်ဘက်မှ လိုက်ပါ လာမည် ထင်ရသော တောသား ၃ ယောက်နှင့် တရုတ်မ ၂ ဦးကိုတွေ့ရသည်။ ကား ပြတင်း တံခါးများမှာ ပိတ်ထားသည်။ ခရီးသည်တို့ကား တိတ်ဆိတ်စွာလိုက်ပါလာကြသည်။ အပြင်ဘက်တွင်ကား မိုးသည်ရွာလျက်ပင်။ ရွှံ့ဗွက်ချိုင့်ဝှမ်းတို့ဖြင့် ပြွမ်းသော ရန်ကုန် ကားလမ်းကား စိုစွတ်လှသည်။

ကားသည် သိမ်ကြီးဈေးတွင် ခေတ္တရပ်ပြီး ဆက်လက်၍ တဟုန်တည်း မောင်းလာသည်။ ခရီးသည် အဆင်း အတက် သိပ် မရှိလှ။ သို့နှင့် စပတ်လမ်း(ယခု ဗိုလ်အောင်ကျော်လမ်း) ရောက်လျှင် ကျနော် ဆင်းလိုက်သည်။

ထို့နောက် ဒါလဟိုဇီ လမ်း(ယခု မဟာဗန္ဓုလ လမ်း)ဘက်မှ စပတ်လမ်းကို ဖြတ်ကူးလိုက်သည်။ လမ်းဘေးတွင် မော်တော်ကားများသည် ဟိုတစု သည်တစု ရပ်လျက်ရှိသည်။ ကားတချို့ကား သွားလာလျက်။

ထီးဆောင်းလျက်၊ မိုးကာဝတ်လျက် လူများသည် သွားကြလာကြနှင့် ရှုပ်ရှက်ခတ်နေသည်။

သူရိယတိုက်ရှေ့အ၀င် တံခါးမပေါက်ကြီးတွင်ကား လူများသည် အတွင်းသိုမျှော်လိုက်။ စကားပြောလိုက်နှင့် နေကြ သည်ကိုတွေ့မြင်ရသည်။ ကျနော်ကား ရုံးဆင်းချိန်မို့ လူတွေရှုပ်နေတာ ထင်ပါရဲ့ ဟုသာ သာမန် အောက်မေ့ မိသည်။

ကျနော်သည် အင်မတန်အရိပ်ခြေကို မသိတတ်၊ မမြင်တတ်သူ ဖြစ်ချေသည်။ ခါတိုင်းကဲ့သို့ပင် ရဲရဲတင်းတင်း တံခါး ပေါက်မှ အတွင်းသို့ ၀င်သွားသည်။ လမ်းကူး တွင်ကားလက်နက်ကိုင် စစ်သားများ စောင့်ကျပ်လျက် ရှိသည်ကို တွေ့ရ သည်။ ခါတိုင်းလည်း စောင့်နေကျပဲဟု ထင်လိုက်မိသည်။ ကျနော်သည် အတွင်းဝန်ရုံးကို သွားခဲလှပေသည်။

ညှိုးလျော်သော မျက်နှာနှင့် လုံချည် အပြာ ၀တ်ထားသော စာရေးမ နှစ်ဦးသည် သုတ်သုတ် သုတ်သုတ်နှင့် ရုံးထဲမှ ထွက်လာသည်။ သို့နှင့် အလယ် ဆင်ဝင်အောက် ကားဆိုက်သည့်နေရာသို့ ရောက်လာသည်။ ခါတိုင်းလို ရုံးစေများ ချာပရာစီများ ရပ်ပြုနေသည်ကို အလျင်းမတွေ့ရ၊ တိတ်ဆိတ် ငြိမ်သက်၍ နေသည်။

ဗိုလ်ထွန်းလှ အခန်းသို့တက်ရန် လှေကားထစ် တထစ် နှစ်ထစ် တက်မိပြီးမှ တိတ်ဆိတ်ငြိမ်ချက်သား ကောင်းလှသည် ကို စိတ်ထင့်သွား၍ ဗိုလ်ထွန်းလှ ခေတ္တရုံးဆင်းချိန် လက်ဖက်ရည်သောက် သွားနေလိမ့်မည်ဟုတွေးကာ မတက် တော့ဘဲ ဆင်ဝင်အောက်မှဖြတ်သန်းကာ တဘက်ရှိ တိုင်းပြုပြည်ပြု လွှတ်တော်ရုံးခန်းသို့ လာခဲ့လေသည်။ ဇော်ဂျီထံသို့ အပြန်ကျမှပဲ ၀င်တော့မည်လေ၊

လွှတ်တော်ရုံး ၀င်ဝင်ခြင်း သခင်နု၏ ရုံးခန်းတံခါးမှာ ပိတ်ထားသည်ကို တွေ့ရသည်။ သက္ကလပ် ခန်းဆီး အစိမ်းပုတ် ကြီးမှာလည်း ဆွဲပိတ်၍ထားသည်။ သခင်နု၏ရုံးခန်းကိုကျော်၍ဇော်ဂျီ၏အခန်းသို့ရောက်လေပြီ။ သူ့အခန်းမှာ လည်း တံခါး ပိတ်ထားပြီး ခန်းဆီးအစိမ်းပုတ်ကြီးလည်း ဆွဲ၍ထားသည်။ ရုံးစေ နှစ်ယောက်မှာ နံရံကိုမှီကာရပ်နေကြသည်။ ခါတိုင်းလိုစကားပြောမနေကြ။ သူတို့သည်ငေးမှိုင်တွေဝေ၍ တမျိုးကြီးဖြစ်နေသည်ဟု အောက်မေ့လိုက်သည်။

ကျနော်က ငိုင်တိုင်တိုင်နေသော ရုံးစေတဦးအား ‘ဦးသိန်းဟန်ရှိသလား’ ဟုမေးသည်။ ‘ရှိပါတယ်ခင်ဗျ’ ဟု ခပ်တိုးတိုး သာသာအေးအေးဖြေသည်။ သည်တော့မှ မျက်နှာပျက်နေကြောင်းအသေအချာ သိလိုက်တော့သည်။ စိတ်ထဲတွင်ကား မရှင်း။

တံခါးစေ့ထားသဖြင့် အတွင်းသို့ ရုတ်တရက်မ၀င်ဝံ့သေးဘဲ တံခါးဝတွင် ရပ်ကာ ရုံးစေဘက်သို့တဖန်လှည့်၍ ‘‘အထဲမှာအစည်းအဝေးလုပ်နေသလား’’ ဟု မေးရသည်။

ရုံးစေသည် ဘာမှမပြောဘဲ အသာတယာ စေ့ထားသော တံခါးကိုဖွင့်ပေးသည်။ လှမ်းကြည့်လိုက်ရာ သူ၏စားပွဲတွင် ထိုင်နေသော ဇော်ဂျီကိုတွေ့မှ ထီးကိုထောင်ပြီးအတွင်းသို့ ၀င်လိုက်သည်။

ရုံးခန်းကား တိတ်ဆိတ်ငြိမ်သက်လျက်။ စေ့ထားသော ပြတင်းတံခါးမှ ပြာစိမ်းစိမ်း မှန်ရောင်ရိုက်ဟပ်သဖြင့် အခန်းသည် စိမ်းစိမ်း ပြာပြာ ဖြစ်နေသည်။ အခန်းထိပ်ရှိ စားပွဲကြီးတွင်ကား တိုင်းပြုပြည်ပြု လွှတ်တော် အကြံပေး အရာရှိ ၀တ်လုံ ဦးချန်ထွန်းသည် ခေါင်းငိုက်ကာ ငေးမှိုင်လျက်ရှိသည်။

ဇော်ဂျီသည် ကျနော်ဝင်လာသည်ကို မြင်သော အခါ ဆိတ်ဆိတ်ပင်၊ စကားမဟဘဲ ထိုင်ရန် ကုလားထိုင်ကိုသာ လက် ဖြင့် ညွှန်ပြသည်။ သူသည်ငေးငိုင်၍နေသည်။ အတန်ကြာတိတ်ဆိတ်လျက်ရှိသည်။ ကျနော်ကား ခါတိုင်းလှုပ်ရှား ဆူညံ၍ နေတတ်သော အတွင်းဝန်များရုံးသည် ဘာကြောင့် ယခုလိုအုံ့မှိုင်းရီဝေ၍နေသည်၊ ဆိတ်ငြိမ်၍ နေသည်ကို အံ့သြလျက်ရှိသည်။

အတန်ကြာ ဆိတ်ငြိမ်နေရာမှ ‘‘အားလုံးတော့ဒုက္ခဖြစ်ကုန်ပြီ’’ ဟု ဇော်ဂျီက တိုးတိုးညည်းလေသည်။ ကျနော်ကား ဘာမှန်း မသိသေးသဖြင့် ကြောင်နေရာ သူကအကဲခတ်မိ၍ နေရာမှထကာလက်ပြ၍ အပြင်သို့ခေါ်ခဲ့သည်။ ကျနော်သည်ထိက်ကနဲဖြစ်သွားသည်။

‘‘လက်ဖက်ရည်ဆိုင် သွားရအောင်’’

မိုးတဖွဲဖွဲတွင် ရုံးခန်းအပြင်ဘက် မြေနီလမ်းကလေးပေါ်ရောက်မှ ကျနော်က မနေနိုင်၍ ဘာဖြစ်လို့လဲဆရာ ဟု မေးမိသည်။

‘‘မင်း မကြားသေးဘူးလား’’ဟု ဇော်ဂျီက အံ့သြနေသည်။

‘‘ဟင့်အင်း … ကျနော်အခုပဲ ဘတ်စ်ကားပေါ်ကဆင်းပြီး ရုံးကိုတန်းလာတာ’’
သည်တော့မှ ဇော်ဂျီက ဖြစ်ပုံကို ပြောပြသည်။ ခြသေ့င်္တပ် စစ်ယူနီဖေါင်းကို ၀တ်ထားသော လက်နက်ကိုင် လူ ၄ ယောက်သည် ကျနော် ဖြတ်လာခဲ့သော အလယ်ဆင်ဝင်အောက်မှ တက်လာကာ ဦးအောင်ဆန်း ရုံးခန်း အတွင်းသို့ အတင်းတွန်းဝင်၍ အစည်းအဝေးပြုလုပ်လျက်ရှိသော အမှုဆောင် ၀န်ကြီးများအားစတင်းဂန်းဖြင့်ပစ်ခတ်ကြပြီး မည်သူမျှ ဖမ်းဆီးခြင်းမခံရဘဲ ဂျစ်ကားဖြင့် ထွက်ပြေး လွတ်မြောက်သွားသည်။ ကျနော် မရောက်မီ ၁ နာရီ ကျော်ကျော်ခန့်က ဖြစ်သည်။

ကျနော်သည် သည်သတင်းကိုကြားသောအခါ ထိတ်လန့် တုန်လှုပ်သွားသည်။ အသားများ တဆတ်ဆတ်တုန်လာ သည်။ အတွင်းဝန်ရုံး လက်ဖက်ရည်ဆိုင်ထဲတွင်ကား စာရေး စာချီ စသော ရုံးသားတို့သည် ညှိုးးငယ်သော မျက်နှာဖြင့် ဆိတ်ငြိမ်စွာစားသောက်၍ နေကြသည်ကိုတွေ့မြင်ရသည်။ တစားပွဲခြားရှိ နိုင်ငံရေးရာအတွင်းဝန် ကိုကျော်မြင့် ကလေး က လှမ်း၍ နှုတ်ဆက်လိုက်သည်။ သူသည် ခပ်အေးအေး ခပ်တွေတွေပင် လက်ဖက်ရည်ကို သောက်နေသည်။

‘‘အင်မတန်နှမြောဖို့ ကောင်းတယ်ဗျာ၊ သိပ်ပြီး ရက်စက်ကြမ်းကြုတ်တဲ့နိုင်ငံရေး လုပ်ကြံမှုပဲ’’ စသည်ဖြင့် လူအချို့သည်ငြီးတွားလျက်ရှိကြသည်။

ဇော်ဂျီက ‘‘အမျိုးသားပျက်စီးခြင်းတရပ်ပဲ’’ ဟု တသသပြောသည်။

‘‘ကျနော် ရုံးဝင်းထဲဝင်လာတော့ လက်နက်ကိုင် ပုလိပ်တွေကိုတွေ့တယ်။ ဒါပေမယ့် ကျနော် ၀င်လာတာကိုမတားကြ ဘူး။ ဆင်ဝင်အောက် အ၀င်မှာတောင် အသိစာရေး ၁ ယောက်နဲ့တွေ့သားပဲ။ သူကလည်း ဘာမှမပြောဘူး’’။

‘‘လူတွေဟာမပြောရက်ကြဘူး’’ ဟု ဇော်ဂျီကဆိုလေသည်။

လက်ဖက်ရည်သောက်နေကြစဉ် ခုတင်ပဲ ဆေးရုံကပြန်လာသော ရုံးသားတဦး အပါးကပ်လာ၍ ‘‘ဘယ့်နဲ့လဲ’’ဟု ကျနော်တို့က ၀ိုင်း၍မေးမြန်းကြသည်။ သူက မိုင်းပွန်စောဘွားကြီးမှ တပါး အားလုံးဆုံးရှာပြီဟု ပြောသည်။ သူ့အသံမှာ တုန်နေ၍မျက်နှာမှာ ဖြူဖတ်ဖြူရော်ဖြစ်နေသည်။

‘‘ဗိုလ်ချုပ်ကော’’ ဟု တယောက်က တိုးတိုးမေးသည်။

‘‘မျက်နှာကို အ၀တ်ဖြူနဲ့ ဖုံးထားတယ်’’

ကျနော်လည်း ကြာကြာမနေနိုင်ဘဲ ဂျူဒါအီစကယ်လမ်း(ယခု သိမ်ဖြူလမ်း) တံခါးပေါက်မှကျော်၍ အပြင်ဘက်လမ်းသို့ ထွက်ခဲ့သည်။ မိုးသည် တစိမ့်စိမ့်ရွာလျက်ပင်။ လူတအုပ်သည် မိုးထဲတွင် ထီးဆောင်း၍၊ တချို့ထီးမပါဘဲ၊ အချို့ ပလက်ဖောင်းပေါ်တွင်ရပ်ကာ အတွင်းဝန်ရုံးဘက်သို့ မျှော်ကြည့်နေကြသည်။ ကုလားနှင့် တရုတ်လည်းပါသည်။

လူတယောက်က ကျနော်၏ လက်မောင်းကိုဆွဲကိုင်၍ ‘‘ဒီမယ်… ခုနက၀န်ကြီးတွေ သေနတ်ပစ်ခံရတယ် ကြားတယ်၊ ဟုတ်သလားခင်ဗျာ’’ဟု မေးသည်။ သူကား အကြောင်းမျိုးစုံကို သိချင်နေပေလိမ့်မည်။

‘‘ဟုတ်ကဲ့…’’ ဟူ၍သာ ဖြေကြားပြီး တဘက်သို့ ဖြတ်ကူးရင်းအသင့်တွေ့ရသော ဒေါင်းတံဆိပ်ကားကို တက်စီးလိုက် သည်။ ကားသည် လမ်းမတော်ဘက်သို့ပြေးလျက်ရှိသည်။

ကားထဲတွင် လူမနည်းလှပေ။ ခရီးသည်အားလုံး မျက်စိမျက်နှာမကောင်းကြ။ ခပ်ရွယ်ရွယ် မိန်းမပျိုတဦးက ‘‘ဖြစ်မှဖြစ်ရလေနော် ဖြစ်မှဖြစ်ရလေ’’ ဟု မြည်တမ်းလျက်ရှိသည်။

ဈေးသည်ဟုထင်ရသော ခပ်အိုအိုမိန်းမကြီး နှစ်ယောက်သည် ‘‘ဗိုလ်ချုပ် အသက်ရှင်ပါစေတော်’’ ဟု ဆုတောင်း၍ နေသည်။

ယခုမှပင် သိရသော မိန်းမတယောက်က မေးမြန်းသည်ကို ‘‘မပြောကြနဲ့ မပြောကြနဲ့’’ ဟု အသာလက်ကုတ်၍ တီးတိုးတားမြစ်သည်။ သူတို့သည် မပြောရက်ကြ။ သန့်ပြန့်စွာ ၀တ်စားထားသော တရုတ်တဦး က‘‘အားကီး ရက်စက်တာပဲ’ဟု ကျနော့် ဘက်သို့ လှည့်၍ ရေရွတ်လျက်ရှိသည်။ မျက်နှာထားတင်းတင်းနှင့် ဘတ်စ် ကား ဒရိုင်ဘာသည် တောက်ခေါက်လိုက်သည်။

သိမ်ကြီးဈေးသို့ ရောက်သောအခါ လူသွားလူလာ ကင်းရှင်းနေပေပြီ။ ဈေးဆိုင်များပိတ်ထားလေပြီ။ သတင်းသည် တမုဟုတ်ချင်းပျံ့နှံ့၍သွားလေပြီ။ မော်တော်ကား၊ လန်ချားတို့ကား ခပ်မြန်မြန်သွားလာနေကြသည်။

ကားလမ်းပေါ်မှဆင်း၍ လမ်းထဲသို့ ၀င်လာသောအခါ အိမ်ဝတွင် လူတို့သည် မှိုင်တိုင်တိုင်နှင့်ရပ်ကာကြည့်နေသည်ကို တွေ့မြင်ရသည်။ လူတို့သည် အငြိမ်မနေနိုင်ကြ။ မိုးသည်မစဲဘဲ ရွာလျက်ပင်။

လူတို့သည် ဖြစ်မှဖြစ်ရလေ၊ ဖြစ်မှဖြစ်ရလေ ဟု တတွတ်တွတ် မြည်တမ်းရင်းပင် ညနေစောင်းလာတော့သည်။ ဗိုလ်ချုပ် ဆုံးကြောင်းကား ညနေထုတ် သတင်းစာများမှ ကြားရလေပြီ။

မည်သူ့မျက်နှာကြည့်ကြည့် မျက်နှာညှိုးငယ်နွမ်းလျစွာနှင့်။ လမ်းမပေါ်မှ စက်ပြင်ဆရာ တဦး၏ မိန်မပါးစပ်မှ ‘‘ကျုပ်တို့တော့ ထမင်းလည်း မချက်တော့ဘူး၊ စားချင်စိတ်လည်း မရှိတော့ပါဘူးရှင်’’ဟူသောအသံသည် သဲ့သဲ့မျှ ပေါ်ထွက်လာသည်။

နေ၀င်မီးငြိမ်း အမိန့်ထုတ်ထားသဖြင့် ညဥ့်ဦးသည် တိတ်ဆိတ်ကာ မှောင်လှသည်။ အိမ်သားများ ဆုံတိုင်း နေ့ခင်းက အကြောင်းကိုသာ ပြောကြသည်။ ရှိုက်သံ၊ တမ်းတသံ၊ ညဉ်းညူသံ၊ တသသံ။

တိတ်ဆိတ်မှောင်မည်းသဖြင့် စောစော အိပ်ရာဝင်ကြသော်လည်း အိပ်မပျော်နိုင်ကြ။ နေ့ခင်းကဟာ အိပ်မက်ပဲ ဖြစ်ပါစေတော့ဟု မိန်းမများက ဆုတောင်းကြသည်။

ညဥ့်နက်သော်လည်း ချောင်းဟန့်သံ၊ လူးလွန့်သံတို့သည် ဆက်၍နေသည်။ ရှဲခနဲ မီးခြစ်၍နောက်ဖေး ထကြ ပြန်သည်။

တရေးနိုးဆုံလျှင် ‘‘ဘယ်တော့များမှ မေ့ပျောက်ပါ့မလဲနော်’’ဟု အိပ်ချင်သံနှင့်ဆိုကြသည်။ တရေးနိုးတိုင်းသတိရလျက် ရှိသည်။ မကြာခဏအိပ်မက်ပြီး နိုးသည်။ သို့နှင့်ပင် တအောက်မေ့မေ့၊ တသသနှင့်ထိုညကို လွန်မြောက်ရသည်။

၁၉၄၇
သြဂုတ်လ

“အယ်ဒီတာ စာပွဲ၊ စာပေ၊ အနုပညာ ဝေဖန်ရေး နှင့် ပန်းနုရောင်အို” စာအုပ်တွင် ဖော်ပြပါရှိသော ဤ ဆောင်းပါးအား ဆရာ ဒဂုန်တာရာ ၏ ခွင့်ပြုချက်ဖြင့် ပြန်လည်ဖော်ပြပါသည်။

တရုတ်စစ်သင်္ဘောများ ပထမဆုံးအကြိမ် လာရောက်လည်ပတ်

4:57 AM | Posted by Unknown

ဧရာဝတီ Tuesday, August 31, 2010

တရုတ်ရေတပ်မှ စစ်သင်္ဘောနှစ်စီး ရန်ကုန်မြို့ သီလ၀ါဆိပ်ကမ်းသို့ ပထမဆုံး အကြိမ်အဖြစ် ချစ်ကြည်ရေးခရီး ရောက်ရှိ ဆိုက်ကပ် လာကြောင်း ယနေ့ ထုတ် အစိုးရ သတင်းစာများတွင် ရေးသား ထားသည်။

chinese_navy-ship

ဖျက်သင်္ဘော Guangzhou မှ တရုတ်ရေတပ်သားများနှင့် အရာရှိများကို ရန်ကုန် သီလဝါဆိပ်ကမ်းသို့ ဆိုက်ကပ်ပြီးနောက် တွေ့ရစဉ် (ဓာတ်ပုံ - Xinhua)

တရုတ်ပြည်သူ့ လွတ်မြောက်ရေး တပ်မတော် ရေတပ်တာဝန် တပ်ဖွဲ့မှ ဗိုလ်ချုပ်ကြီး Zhang Wendan ဦးဆောင်ပြီး ဖျက်သင်္ဘော Guangzho နှင့် ဖရီးဂိတ် စစ်သင်္ဘော Chaohu တို့ ပြီးခဲ့သည့် တနင်္ဂနွေနေ့က ရောက်ရှိ လာခြင်း ဖြစ်ကာ စက်တင်ဘာ ၂ ရက်နေ့အထိ ဆိုက်ကပ် ထားမည် ဖြစ်ကြောင်း၊ နှစ်နိုင်ငံ ရေတပ် အချင်းချင်း ပိုမို ချစ်ကြည် ရင်းနှီးပြီး အပြန်အလှန် နားလည်မှု ရှိစေရန် လေ့လာ လည်ပတ်ခြင်း ဖြစ်ကြောင်း သိရသည်။

ယင်း စစ်သဘောင်္များသည် အေဒင် ပင်လယ်ကွေ့နှင့် ဆိုမာလီ ကမ်းရိုးတန်းတွင် လှည့်လည် သွားလာခဲ့ပြီး အီဂျစ်၊ အီတလီနှင့် ဂရိနိုင်ငံ ဆိပ်ကမ်းများတွင် ဆိုက်ကပ်ခဲ့ကာ ထိုမှတဆင့် မြန်မာနိုင်ငံသို့ ရောက်ရှိလာခြင်း ဖြစ်သည်။

တရုတ်ရေတပ်သည် စစ်သဘောင်္များကို ပစိဖိတ်သမုဒ္ဒရာ၊ တောင်တရုတ်ပင်လယ် စသည့်ဒေသများတွင်သာ ဖြန့်ကျက် ချထားခဲ့သော်လည်း ပြီးခဲ့သည့်နှစ်မှစ၍ တရုတ်ရေနံတင်သဘောင်္များကို ဆိုမာလီပင်လယ် ဓားပြများရန်မှ ကာကွယ်ရန် အိန္ဒိယသမုဒ္ဒရာသို့ ပြောင်းရွှေ့ချထားခြင်းဖြစ်ကြောင်း သိရသည်။

လွန်ခဲ့သည့် နှစ်ပေါင်း ၂၀ ကတည်းက တရုတ်ရေတပ်သည် စစ်အင်အားတိုးချဲ့မှုများ၊ လှုပ်ရှားမှုများကို တိုးမြှင့်လုပ်ဆောင်နေခြင်း ဖြစ်ကြောင်း၊ နိုင်ငံ များစွာသို့ တရုတ်ရေတပ်၏ ချစ်ကြည်ရေးခရီး သွားရောက်မှုသည် တရုတ်နိုင်ငံ၏ မဟာဗျူဟာကျကျ ရေတပ်တိုးချဲ့နေမှုများကို ပြသည်ဟု အမေရိကန်ရေတပ် အရာရှိ စတီဗင် ဟိုရဲလ်က စာတမ်းတစောင်တွင် ရေးသားထားသည်။

အဆိုပါစာတမ်းတွင် “တရုတ်တို့၏ ရေကြောင်းသံတမန် ခရီးစဉ်များသည် လက်နက်တင်ပို့ရောင်းချမှု သို့မဟုတ် နှစ်နိုင်ငံဆက်ဆံရေး အထိမ်းအမှတ်ပွဲများနှင့် ဆက်စပ်ကြောင်း” စတီဗင်ဟိုရဲလ်က ရေးသားခဲ့သည်။

တရုတ်ရေတပ်သည် ၁၉၈၀ ခုနှစ်တွင် အုပ်စု နှစ်စုခွဲပြီး နိုင်ငံ လေးနိုင်ငံသို့ သွားရောက်ခဲ့သည်။ ၁၉၉၀ ခုနှစ်တွင် အုပ်စု လေးစုခွဲပြီး နိုင်ငံပေါင်း ၂၀ သို့ စေလွှတ်ခဲ့သည်။ ၂၀၀၀ ပြည့်နှစ် ဇန်န၀ါရီလမှ ၂၀၀၆ ခုနှစ် သြဂုတ်လအထိ ၃၇ နိုင်ငံသို့ သွားရောက်လည်ပတ်ခဲ့ပြီး ဖြစ်သည်။

တရုတ်နိုင်ငံအတွက် ပစိဖိတ်သမုဒ္ဒရာနှင့် အိန္ဒိယသမုဒ္ဒရာ နှစ်ခုစလုံး လွှမ်းမိုးရေး အစီအစဉ်တွင် မြန်မာနိုင်ငံသည် အရေးပါသည့် အနေအထားတွင်ရှိသည်ဟု လေ့လာသူများက ဆိုသည်။

၂၀၀၉ ခုနှစ်က Li Chenyang နှင့် Lye Liang Fook ဆိုသည့် တရုတ်ပညာရှင် နှစ်ဦးရေးသားသည့် အစီရင်ခံစာတစောင်တွင် တရုတ်နိုင်ငံသည် ၎င်း၏ လုံခြုံရေး ပိုမိုကောင်းမွန်စေရန်အတွက် “သမုဒ္ဒရာ နှစ်စင်း အခြေပြုလှုပ်ရှားရေး” ဆိုသည့် မဟာဗျူဟာကို ချမှတ် အကောင်အထည်ဖော်ခြင်း ဖြစ်သည်ဟု ဆိုသည်။

ထို့အပြင် အဓိကကျသည့် ရည်ရွယ်ချက်တခုမှာ မီးရထားလမ်းများ၊ လေကြောင်း ပို့ဆောင်ရေးများ လုပ်ကိုင်ပြီး တရုတ်နိုင်ငံ ယူနန်ပြည်နယ်မှ မြန်မာနိုင်ငံကို ဖြတ်၍ အိန္ဒိယ သမုဒ္ဒရာသို့ ထွက်ပေါက်ရရှိရေး မဟာဗျူဟာမြောက် လမ်းကြောင်းကြီးကို ဖောက် လုပ်နေကြောင်း အဆိုပါ အစီရင်ခံစာတွင် ရေးသားထားသည်။

အိန္ဒိယသမုဒ္ဒရာအတွင်းရှိ ရခိုင်ကမ်းလွန်ဒေသမှ ထွက်ရှိလာမည့် သဘာဝဓာတ်ငွေ့များကို တရုတ်အစိုးရက ပိုက်လိုင်းများ သွယ်တန်းကာ ယူနန်ပြည်နယ်သို့ တင်ပို့နေပြီး ကျောက်ဖြူမြို့တွင်လည်း တရုတ်က ရေနက်ဆိပ်ကမ်းတခု တည်ဆောက်နေသည်။

အရပ်သားဖြစ်လည်း အာဏာရှင်ပဲဟု အမေရိကန်ပြော

4:54 AM | Posted by Unknown

ဧရာဝတီ Tuesday, August 31, 2010


ဗိုလ်ချုပ်မှူးကြီး သန်းရွှေသည် စစ်တပ် အကြီးအကဲ ရာထူးမှ နုတ်ထွက်သည့်တိုင် အာဏာကို ဆက်လက် ထိန်းချုပ်သည့် အနေဖြင့် ရွေးကောက်ပွဲ အလွန် အရပ်ဘက် အုပ်ချုပ်ရေးတွင် ဆက်လက်နေရာယူ ထားပါက လက်ခံအသိအမှတ် ပြုလိမ့်မည် မဟုတ်ကြောင်း အမေရိကန် အစိုးရက ယမန်နေ့တွင် ပြောကြားလိုက်သည်။

Than Shwe Uniform

ပြီးခဲ့သည့် ဇူလိုင်လက အိန္ဒိယသို့ အလည်အပတ်သွားရောက်ရာ ကြိုဆို နှုတ်ဆက်သည့် အခမ်းအနား၌ အရပ်ဝတ်နှင့် ဗိုလ်ချုပ်မှူးကြီးကို ပန်းကုံးကြီး စွပ်လျက် တွေ့ရစဉ် (ဓာတ်ပုံ - ဧရာဝတီ)

“အရပ်ဝတ်နဲ့ အာဏာ ထိန်းချုပ် ရင်လည်း အာဏာရှင် ဖြစ်နေတုန်းပါပဲ” ဟု အမေရိကန် နိုင်ငံခြားရေး ၀န်ကြီးဌာန ပြောခွင့်ရ ပုဂ္ဂိုလ် မစ္စတာ ပီ ဂျေ ခရော်လေ က ပုံမှန် သတင်းစာ ရှင်းလင်းပွဲတွင် သတင်းထောက်များနှင့် တွေ့ဆုံရာ၌ ပြောသည်။

“စစ်ခေါင်းဆောင် တွေက စစ်ယူနီဖောင်းတော့ ချွတ်တယ်၊ ဒါပေမယ့် မြန်မာပြည် နိုင်ငံရေး အခင်းအကျင်းမှာ ဆက်ပြီး တင်းကျပ် ဖိနှိပ်ထားဦးမယ် ဆိုရင် အဲဒါ မြန်မာပြည် အတွက် ပြဿနာ တရပ်ပါပဲ” ဟု ခရော်လေက ဆက်လက် ပြောသည်။

လာမည့် နိုဝင်ဘာ ရွေးကောက်ပွဲတွင် ပါဝင်ရန် စီစဉ်၍ တခြား စစ်ဘက် အဆင့်မြင့် အရာရှိများနှင့် အတူ ဗိုလ်ချုပ်မှူးကြီး နုတ်ထွက် လိုက်သည်ဟု ပြီးခဲ့သည့် တပတ်က သတင်းများ ထွက်ပေါ် ပြီးနောက် အမေရိကန် အစိုးရ၏ တုံ့ပြန်မှု ထွက်ပေါ်လာခြင်း ဖြစ်သည်။

သြဂုတ်လ ၃၀ ရက်နေ့တွင် ဧရာဝတီက လက်ခံရရှိသည့် အထောက်အထားများအရ ဒု ဗိုလ်ချုပ်ကြီး သူရ မြင့်အောင်က ဗိုလ်ချုပ်မှူးကြီး သန်းရွှေ၏ ယခင်ရာထူးဖြစ်သော ကာကွယ်ရေးဦးစီးချုပ်၊ ဒု ဗိုလ်ချုပ်ကြီး ကိုကိုက ဒု ဗိုလ်ချုပ်မှူးကြီး မောင်အေး၏ နေရာဖြစ်သော ဒု ကာကွယ်ရေး ဦးစီးချုပ်၊ ပူးတွဲ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ရာထူးကို ဒု ဗိုလ်ချုပ်ကြီး မင်းအောင်လှိုင် တို့အား ခန့်အပ်လိုက်ကြောင်း သိရသည်။ ဒု ဗိုလ်ချုပ်ကြီး ကိုကိုသည် ဗိုလ်ချုပ်မှူးကြီး၏ ဇနီး ဒေါ်ကြိုင်ကြိုင်၏ တူတော်စပ်သည်ဟု ဆိုသည်။

ဗိုလ်ချုပ်မှူးကြီးက နအဖ ထိပ်ပိုင်းရာထူးအားလုံးကို သူယုံကြည်သော စစ်ဘက်ဗိုလ်ချုပ်များနှင့် အစားထိုးခြင်းဖြစ်ကြောင်း လေ့လာအကဲခတ်သူများက ယူဆကြသည်။ နိုဝင်ဘာ ရွေးကောက်ပွဲ အပြီးတွင် အခြေခံဥပဒေ၌ ပြဌာန်းထားသည့်အတိုင်း လွှတ်တော် ၂၅ ရာခိုင်နှုန်းတွင် စစ်ဘက်ကိုယ်စားလှယ်များ ပါဝင်လာမည် ဖြစ်သည်။ ထို စစ်ဘက် ကိုယ်စားလှယ်များတွင် ဗိုလ်ချုပ်မှူးကြီးပါဝင်လာပြီး သမ္မတနေရာကို ရယူဖွယ်ရှိကြောင်း အကဲခတ်များက သုံးသပ်နေကြသည်။

ရာထူးအပြောင်းအလဲများ ပြုလုပ်သည်ဟု သတင်းထွက်ပေါ်ပြီးနောက် စစ်အစိုးရ ထိန်းချုပ်သည့် သတင်းစာများတွင် ယမန်နေ့ နေ့စွဲဖြင့် “နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဋ္ဌ” ဗိုလ်ချုပ်မှူးကြီး သန်းရွှေ ဟု မလေးရှားနိုင်ငံ လွှတ်လပ်ရေးနေ့ ဝမ်းမြောက်ကြောင်း သဝဏ်လွှာတွင် ဖော်ပြထားသေးသည်ကို တွေ့ရသည်။

နိုဝင်ဘာ ရွေးကောက်ပွဲတွင် စစ်ဘက်နှင့် အရပ်ဘက် အစိုးရဝန်ထမ်းများ နိုင်ငံရေးပါတီများတွင် ပါဝင်ခွင့်ကို ရွေးကောက်ပွဲ ဥပေဒများဖြင့် တားမြစ်ထားပြီးနောက် ထိပ်တန်း စစ်အရာရှိ အများအပြားသည် စစ်ဝတ်စုံချွတ်၍ စစ်အစိုးရ ကျောထောက်နောက်ခံ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (ကြံ့ဖွံပါတီ) သို့ ဝင်ရောက်ခဲ့ကြသည်။

အနာဂတ် မြန်မာ့နိုင်ငံရေးတွင် စစ်တပ်က အရေးပါသောနေရာများ၌ ပါဝင်လှုပ်ရှားနိုင်ခွင့်ကို ၂၀၀၈ ဖွဲ့စည်းပုံ အခြေခံ ဥပဒေသစ် ဖြင့် ကျားကန်ပေးထားသည်။

လွှတ်တော်တွင် အရပ်သား ကိုယ်စားလှယ်အများစုနှင့် စစ်တပ်မှ တိုက်ရိုက်စေလွှတ်သူများက ဒုတိယ သမ္မတများကို ရွေးချယ်တင်မြှောက်မည်ဖြစ်သည်။ ရွေးချယ်ပေးမည့် အရပ်သား ကိုယ်လှယ်စားလှယ် အများစု ဆိုသူမှာလည်း ကြံ့ဖွံ့ပါတီမှ ရွေးကောက်တင်မြှောက်ခံရသူများသာ ဖြစ်နိုင်သည်။ ဒုတိယ သမ္မတများအနက် “နိုင်ငံရေး၊ အုပ်ချုပ်ရေး၊ စီးပွားရေးနှင့် စစ်ရေး အမြင်များရှိသူ” တဦးကို သမ္မတအဖြစ် ရွေးကောက်တင်မြှောက်မည် ဖြစ်သည်။

လတ်တလော အခြေအနေအထိ ဗိုလ်ချုပ်မှူးကြီး၏ အနာဂတ် အနေအထားမှာ ပဟေဠိ ဖြစ်နေဆဲပင် ဖြစ်သည်။ ထိပ်ပိုင်း စစ်ဘက်ရာထူး အပြောင်းအလဲများ ရှိနေကြောင်းကိုမူ ယနေ့ထုတ် အစိုးရ သတင်းစာတွင် ရန်ကုန်တိုင်း စစ်ဌာနချုပ် တိုင်းမှူးသစ် ဗိုလ်မှူးချုပ် ထွန်းသန်းကို စတင်ဖော်ပြခြင်းဖြင့် အတည်ပြုနိုင်ပြီ ဖြစ်သည်။

မြန်မာ စစ်ဘက်ဆိုင်ရာ အပြောင်းအလဲများနှင့် ပတ်သက်၍ မစ္စတာ ခရော်လေက “လက်ရှိ နိုင်ငံရေး စိန်ခေါ်မှုတွေကို ထောက်ခြင်းအားဖြင့် ယူနီဖောင်းချွတ်ပြီး အရပ်သားအသွင်ပြောင်းမှုဟာ အဖြေမဟုတ်သေးပါဘူး” ဟု မှတ်ချက်ပေးသည်။

“မြန်မာပြည်မှာ နိုင်ငံရေး အခင်းအကျင်း ပွင့်လင်းဖို့ လိုပါတယ်။ တိုင်းရင်းသား အဖွဲ့များနဲ့ ညှိနှိုင်းဆွေးနွေးဖို့၊ အတိုက်အခံနိုင်ငံရေး ပါတီတွေရဲ့ ထိရောက်မှုနဲ့ အရေးပါမှုကို လမ်းဖွင့်ပေးဖို့နဲ့ မြန်မာ့ လူမှု အသိုက်အဝန်းထဲမှာ စစ်မှန်တဲ့ ယှဉ်ပြိုင်မှု ရှိဖို့ လိုနေပါတယ်” ဟု ခရော်လေက ဆက်လက်ပြောသည်။

အမေရိကန်က ထုတ်ဖော် ကန့်ကွက်သည့်တိုင် မြန်မာနိုင်ငံ၏ အိမ်နီးချင်းဖြစ်သော တရုတ်၊ အိန္ဒိယနှင့် အရှေ့တောင်အာရှ အစိုးရများကမူ စစ်အာဏာပိုင်များကို တရားဝင် အရပ်သား အစိုးရအဖြစ် ရွေးကောက်ပွဲ အပြီးတွင် အသိအမှတ်ပြုမည့် အလားအလာ ရှိနေသည်။

ထိပ်ပိုင်းရာထူး အပြောင်းအလဲသတင်းများ ထွက်ပေါ်နေချိန်တွင် ဗိုလ်ချုပ်မှူးကြီးသည် တရုတ်နိုင်ငံသို့ စက်တင်ဘာလအတွင်း ၌ အလည်အပတ် သွားရောက်ရန်ရှိသည်ဟု အတည်မပြုနိုင်သေးသော သတင်းများ ထွက်ပေါ်နေသည်။ ပြီးခဲ့သည့် ဇူလိုင်လ ကလည်း ဗိုလ်ချုပ်မှူးကြီးသည် အိန္ဒိယနိုင်ငံသို့ သွားရောက်လည်ပတ်ခဲ့သေးသည်။

ဧရာဝတီ သတင်းထောက် Lalit K Jha နှင့် ဘကောင်းတို့ ပူးပေါင်းရေးသားသည်။

သူ့အလိုလိုပျောက်ကွယ်သွားတဲ့ စစ်အာဏာရှင်စနစ်ဆိုတာ မရှိပါ

Monday, August 30, 2010 1:48 AM | Posted by Unknown
ရဲဘော်ဖိုးသံချောင်း / ၃၀ သြဂုတ် ၂၀၁၀

နအဖတွင်း ကုလားဖန်ထိုးတာတွေ ပေါ်လာပြန်ပါပြီ။ သဘာဝကျစွာပဲ အကဲဖြတ်တာတွေ၊ တွက်ချက်တာတွေ နေရာတကာမှာ လုပ်ကြတာတွေ တွေ့နေရပါတယ်။ ဒီအပြောင်းအလဲတွေကနေပြီး ဘာအဓိပ္ပာယ်ဆောင်သလဲ၊ ဘာတွေဆက် ဖြစ်မလဲဆိုတာတွေကိုလည်း ပြောဆိုကြပါတယ်။ အတိုက်အခံတွေအနေနဲ့ကတော့ နအဖထဲမှာ ရာထူးအာဏာကြောင့်မို့ ကွဲလွဲမှုတွေဖြစ်လာမလား၊ ဂိုဏ်းဂဏတိုက်ပွဲတွေ ပြင်းထန်လာမလား၊ ဒါဟာ လူတိုင်းလို ပြောကြ တွက်ကြတဲ့ ကိစ္စလို့ဆိုရင် မမှားပါဘူး။

အရေးကြီးတာက ကိုယ်ဖြစ်စေချင်တဲ့ဘက်ကနေ ပိုမတွက်မိဖို့ပါပဲ။

ဗမာပြည်က စစ်အုပ်စုထိပ်သီးတွေဟာ အာဏာကို ကိုယ်အသက်ရှင်နေတုန်းမှာ လွှဲပြောင်းပေးတယ်ဆိုတာဟာ မရှိသလောက် အဖြစ်အပျက်ပါ။ ဗိုလ်နေ၀င်းဟာ အသက် (၉၀) နားနီးအထိ အာဏာကို ဆုပ်ကိုင်ထားပြီး ရှစ်လေးလုံးအရေးတော်ပုံကြီးက ဆောင့်တိုက်လိုက်တော့မှသာ တရားဝင်အာဏာကို စွန့်လွှတ်လိုက်တာဖြစ်ပါတယ်။ စွန့်လွှတ်တယ်ဆိုတာလည်း နောက်အာဏာရှင်တယောက်လက်ကို လွှဲခဲ့တာသာဖြစ်ပါတယ်။ ဒါတောင်မှ သူဟာ နောက်ကွယ်ကနေ ကာလတခု ချုပ်ကိုင်နေခဲ့ပါသေးတယ်။ အခုလည်းပဲ နအဖရဲ့ ဒီခြေလှမ်းဟာ တိုင်းပြည်အာဏာကို လက်လွှတ်ဖို့၊ ဒါမှမဟုတ် လက်ဆုပ်ကလေး နည်းနည်းဖြေပေးဖို့ လုပ်တာလို့တွက်ရင် မှားတယ်လို့ထင်ပါတယ်။ ဗိုလ်သန်းရွှေဟာ အဘက်ဘက် သေချာအောင်၊ ပိုင်အောင်လုပ်ပြီး သေချာမှ ဒီလိုခြေလှမ်းမျိုးကို လှမ်းတာဖြစ်တယ်ဆိုတာကို မမေ့သင့်ပါဘူး။ ပြောရရင် သူတို့အနေနဲ့ သူတို့ကို အာဏာပလ္လင်ပေါ်က ပြုတ်ကျစေမှာမျိုးဆိုရင် ဘာမှမလုပ်ပါဘူး။ ဒီရွေးကောက်ပွဲကို မလုပ်လို့လည်း သူတို့မှာ ဘာမှမဖြစ်ပါဘူး။ ဒီတော့ ထိုင်နေအကောင်းသား ထသွားမှ အကျိုးမှန်းသိတယ်ဆိုတာမျိုး ဖြစ်မယ့် ရွေးကောက်ပွဲမျိုးကို နအဖဗိုလ်ချုပ်တွေ မလုပ်တာသေချာပါတယ်။ ဒါတင်မက နအဖလုပ်နေပုံဟာ သူတို့ရဲ့ ၂၀၀၈ အခြေခံဥပဒေကို ပြန်လည်ပြင်ဆင်ဖို့ တင်ခွင့်ရှိတဲ့ အမတ်နေရာ (၂၀) ရာခိုင်နှုန်းကိုပါ လက်ထဲက မလွတ်အောင် လုပ်နေတဲ့ပုံဖြစ်ပါတယ်။ ရွေးကောက်ပွဲဝင်မယ်လို့ ခါးတောင်းကျိုက်ထားသူကြီးတွေ တယောက်ပြီးတယောက် ဘေးထိုင်သွားအောင် လုပ်နေတာကြည့်ရင် ဒါကို အလွယ်နဲ့သဘောပေါက်နိုင်ပါတယ်။ အခုနောက်ဆုံးမှာတော့ ကိုယ့်ပြိုင်ဘက်လို့ ယူဆရသူတွေကို လောက်လေးခွနဲ့ တမင် ပစ်တဲ့အဆင့်ကိုတောင် ရောက်နေပါပြီ။ ဖဆပလခေတ်က ပြူစောထီး ပြန်လာနေပါပေါ့လား။

အလားတူပဲ အဲဒီရွေးကောက်ပွဲအတွက် ပြင်ဆင်တာဖြစ်တဲ့ အခုစစ်တပ်ထိပ်ပိုင်း ကုလားဖန်ထိုးပွဲလည်း ဗိုလ်သန်းရွှေအနေနဲ့ မီးမသေရင်မလုပ်ပါဘူး။ အကုန် သူ့ခြေသူ့လက် ပြင်ဆင်ပြီးမှ လှမ်းတဲ့ခြေလှမ်းဖြစ်မှာပါ။ စစ်အုပ်စု၊ စစ်အာဏာရှင် လောကရဲ့ ထုံးစံအတိုင်း နံပါတ်တူးမထားတဲ့ နံပါတ်ဝမ်းရဲ့ စိတ်တိုင်းကျစီမံချက်ဖြစ်ပါတယ်။ အဲတော့ ဗမာပြည်နိုင်ငံရေးနဲ့ ပတ်သက်သူတိုင်းအနေနဲ့ အဲဒီငကန်းနေရာ ငစွေနေရာယူတဲ့ကိစ္စမျိုးထဲမှာ မျောပါသွားလို့မဖြစ်ပါဘူး။ ဒီလောက်ရှင်းနေတဲ့ ကိစ္စမှာ နအဖစစ်အစိုးရကို ကြံဖန်အမှတ်ပေးချင်တဲ့ အရင်အမေရိကန်သံအရာရှိဟောင်းဆိုတဲ့ လူမျိုးကသာ “အကောင်းမြင်ဝါဒ”နဲ့ ကြည့်တာ၊ ပြောတာကို ကြားရ။ ဖတ်ရပါတယ်။ ဦးတင်ဦးလို ပုဂ္ဂိုလ်ပြောတာကို သတိထားနားထောင်ကြည့်ပါ။ စစ်အာဏာရှင်တွေအကြောင်းကို နောကျေနေတယ်လို့ ဆိုလောက်တဲ့သူက ဒါမျိုးတွေဟာ ဘာမှမဆန်းဘူး၊ ဘာမှတွက် မနေကြနဲ့လို့ ပြောသွားတာဟာ မှတ်သားစရာကောင်းလှပါတယ်။

ဒီလိုဆိုတဲ့အတွက် နအဖဗိုလ်ချုပ်တွေအားလုံး ဒီအစီအမံကို ကျေနပ်သဘောကျကြတယ်လို့တော့ အလွယ်ပြောလို့ မရပါဘူး။ မုချပဲ မကျေနပ်တာ၊ နာလိုခံခက်ဖြစ်တာတွေရှိမှာပါ။ ဒီတကွေ့မှာ နအဖစစ်အုပ်စု တခုလုံးအဖို့ကတော့ မနိုင်လည်းနိုင်၊ နိုင်လည်းနိုင်ဖြစ်မှာပါ။ ဒါပေမယ့် ဒီထဲက တချို့သော ဗိုလ်ချုပ်တွေ တဦးချင်းအဖို့တော့ သူဌေးဖြစ်ခွေးဖြစ် ပုံအော ရတာမျိုး ဖြစ်သွားနိုင်ပါတယ်။ ဒီတော့ ကံမှောက်မှားလို့ ရွေးကောက်ပွဲမှာ မတော်တဆရှုံးသွားတဲ့ စစ်တပ်ထိပ်ပိုင်းတွေဟာ ဒီအရှုံးကို လက်သင့်ခံနိုင်ပါ့မလားဆိုတာ မေးစရာဖြစ်လာပါတယ်။ အမှန်ပါပဲ၊ အာဏာရဲ့အရသာကို မြိန်မြိန်ရှက်ရှက်ကြီး မှီဝဲဖူးထားကြသူတွေဖြစ်တဲ့အတိုင်း သူတို့ဟာ အာဏာဆိုရင် တိုးလို့သာရချင်မယ်၊ ရပြီးသားကို လက်မလွှတ်ချင်တာကတော့ အထူးပြောနေစရာမလိုပါဘူး။ သူတို့ဟာ ဦးပုညရေးသလိုပဲ အာဏာကလေး တရွေးလောက်ရှိရင် “အင်မတိအင်မတန်၊ စံချင်တိုင်းစံရတယ်” ဆိုတာကို ကောင်းကောင်းသိနေကြတယ်ဆိုတာကို ဗိုလ်သန်းရွှေအသိဆုံးဖြစ်ပါတယ်။ ဒါကြောင့် ဗိုလ်သန်းရွှေအနေနဲ့ သူ့လူတွေအတွက် ခြေမမြဲလက်မြဲအောင် စီမံပေးထားလိမ့်မယ်လို့ ယုံကြည်ရပါတယ်။

ဒါတွေကြောင့် လက်ရှိအခြေအနေမှာ ဒင်းတို့တွင်း ပဋိပက္ခတွေဟာ ပြင်းထန်သဲသန်လာမယ့်၊ ပေါက်ကွဲထွက်လာမယ့် အနေအထားတော့ မဟုတ်သေးဘူးလို့ ယူဆရပါတယ်။ တကယ်လို့ နအဖဗိုလ်ချုပ်တွေအတွင်းမှာ သူတို့ရဲ့ကိုယ်ပိုင် အကျိုးစီးပွားတွေကြောင့် ကွဲကြတယ်ဆိုရင် ပြည်သူလူထုအတွက် အကျိုးရှိဖွယ်ရာသိပ်မမြင်ပါဘူး။ (ဒီလိုအဖြစ်ဟာ တချိန်မှာ မဖြစ်နိုင်ဘူးလို့ မပြောနိုင်ပါဘူး) အဲဒီလို သူတို့ချင်း စစ်တပ်ကြီးတွေနဲ့ တိုက်ကြတယ်ဆိုရင် ဒါဟာ စစ်အာဏာရှင်စနစ်ကို ထိန်းသိမ်းရေးအတွက်ပဲဖြစ်မှာပါ။ ပြည်သူလူထုဟာ မြေဇာပင်အခန်းလောက်ပဲပါရမှာပါ။

ဖိနှိပ်တဲ့အုပ်စိုးသူရဲ့ စစ်တပ် ပြိုကွဲတယ်ဆိုတာမှာ အကြောင်းရင်းတွေက အမျိုးမျိုးဖြစ်နိုင်ကြောင်း သမိုင်းအတွေ့အကြုံတွေအရ သိရပါတယ်။ အဲဒီအထဲမှာ ပြည်သူလူထုအတွက် အကျိုးအရှိနိုင်ဆုံးဟာ လူထုလှုပ်ရှားမှုရဲ့ဖိအားကြောင့် ကွဲထွက်ခြင်းမျိုးသာ ဖြစ်ပါတယ်။ ဒါကို ဗိုလ်နေ၀င်းကအစ ဗမာပြည်က စစ်အုပ်စုထိပ်သီးတွေဟာလည်း ကောင်းကောင်း နားလည်ရုံမက အစိုးရိမ်ဆုံးလည်း ဖြစ်ပါတယ်။ ရှစ်လေးလုံးတုန်းက ဗိုလ်နေ၀င်းက ဗိုလ်စောမောင်ကို အာဏာသိမ်းခိုင်းလိုက်တာဟာ သူတို့စစ်တပ်ထဲက တချို့လူထုတိုက်ပွဲထဲကို ပါဝင်လာတာ စပြီးတွေ့ရလာလို့ ဖြစ်ပါတယ်။ ဒါကိုတော့ သူတို့လုံးဝ လက်ပိုက်ကြည့်မနေနိုင်ပါဘူး။ အမြန်ဆုံး ဖြေရှင်းပစ်ကြပါတယ်။

အမှန်ကတော့ နအဖရဲ့တပ်မတော်ထဲမှာ အောက်ခြေတပ်မှူးတပ်သား အများစုကြီးဟာ သူတို့ရဲ့ထိပ်သီးတွေ လုပ်နေတာတွေကို ကျေနပ်ကြတာမဟုတ်ပါဘူး။ ကိုယ်ကအနာခံပြီး သူတို့ကအသာစံနေကြလို့ မကျေနပ်တာမျိုးရှိသလို နိုင်ငံရေးအရ လေးလေးနက်နက်သဘောပေါက်ပြီး တနေ့မှာ သမိုင်းတရားခံဖြစ်မှာကို မလိုလားသူတွေလည်း ရှိကြပါတယ်။ ဒါပေမယ့် တကယ်လို့သာ အခုအချိန်မှာ တပ်မတော်ထဲက ကွဲထွက်လာတယ်ဆိုရင် သူတို့ဟာ ဘယ်သူတွေနဲ့ ပေါင်းရမှာလဲ။ ရှစ်လေးလုံးတုန်းကတော့ လမ်းမပေါ်က လူထုတွေထဲ ၀င်ပေါင်းလို့ရပါရဲ့၊ အခုတော့ ဘာမှမရှိဘူးဖြစ်နေပါတယ်။ အဲဒီလို လက်တွဲစရာမမြင်ဘဲနဲ့တော့ ဗိုလ်သန်းရွှေတို့လက်အောက်ကနေ အုံနဲ့ကျင်းနဲ့ ခွာထွက်လာဖို့ဆိုတာ မလွယ်သေးပါဘူး။

ပြန်ချုပ်လိုက်ရင် အတိုက်အခံတွေအဖို့ ဘောလုံးဟာ ကိုယ့်ကွင်းဘက်မှာပဲ ရှိနေပါတယ်။ ကိုယ်ကဘာမှမလုပ်ဘဲ စစ်အစိုးရ၊ စစ်အာဏာရှင်စနစ်နဲ့ စစ်အုပ်စု ပြိုပျက်သွားမှာ မဟုတ်ဘူးဆိုတာ မမေ့သင့်ပါဘူး။ ကိုယ့်အိမ်ရှေ့က အမှိုက်ပုံကြီးဟာ တယောက်ယောက်က မဖယ်ရှားရင် ပျောက်မသွားဘူးဆိုတာလိုပါပဲ။