၂၀၁၂ နှစ်သစ်ကူး

Friday, December 30, 2011 10:32 PM | Posted by Unknown

၂၀၁၂ နှစ်သစ်ကူး

၂၀၁၁ ကို နှုတ်ဆက်

၂၀၁၂ နှစ်သစ်ကို ခုန်ကူး

လူ နဲ့ လူချင်း အပြတ်ရှင်းပြီး အမုန်းဖန်ဆင်း မေတ္တာကင်းတဲ့

နှစ်ဟောင်းတွေကျော်ခွပြီး နှစ်သစ်မှာ ပျော်ရွှင်ကြပါစို့

ရဲတခွန်တွေ လေမှာမြူး လွတ်လပ်မှုအောင်သံကျူးလို့

မြန်မာပြည်သူတွေအပေါင်း ဒီမိုကရေစီအောင်ပန်းဆွတ်နိုင်ကြပါစေ။

လူထုကိုချစ် လူထုကချစ်ကြရတဲ့

ကာချုပ်ကြီးဦးတင်ဦး နဲ့ လူထုခေါင်းဆောင်အန်တီစု

ဦးဝင်းတင် နဲ့ ကိုကျော်သူ

ဟာသဝိဇ္ဇာ ဇာဂနာ နဲ့ ရှမ်းခေါင်းဆောင်ခွန်ထွန်းဦး

မြန်မာနိုင်ငံရဲ့ မဟာအင်အား

အမှန်တရား ရဲ့ တန်ဆောင်တွေ

မြန်မာ့ရာဇဝင်မှာ စာတင်ဂုဏ်ပြုထိုက်သမို့

အဝေးကနေ ဂါဝရပြု ဦးခိုက်လိုက်ပါရစေ။

ကျောင်းနံရံတဝိုက် ဒေါင်းအလံပြန်စိုက်ကြမယ်ဆိုတဲ့

ပြည်ပကျွန် စစ်ကျွန် ဘယ်ကျွန်မှ မခံလိုတဲ့

ကိုမင်းကိုနိုင် နဲ့ ကျောင်းသားမျိုးဆက်အပေါင်း

အချုပ်အနှောင်ကအမြန်လွတ်ကြစေ

အိုးဝေတေးသံ တညံညံနဲ့ အများအကျိုး ခါးချိုးလုပ်ကြတာမို့

သင်တို့ရဲ့ ခိုင်ကျည်တဲ့စိတ်ဓါတ် ကို

နှစ်သစ်မှာဒေါင်းလံထူပြီး ဦးခေါင်းညွတ်လိုက်ပါတယ်။

ရဲဘော်တို့

နှစ်ဟောင်းက နှောင်းအတိတ်ကိုတွေးပြီး

ပင့်သက်တွေ ဝေ သက်ပြင်းတွေချမနေနဲ့တော့။

အလှူလုပ် ကြေးစည်ထု အမျှဝေ

သာဓုမခေါ်နိုင်သေးသူတွေအတွက် ......

အမှားကို အမှန် မလုပ်နိုင်သူတွေအတွက်

မတရားကို တရားအဖြစ် မလုပ်နိုင်သူတွေအတွက်

အမဲကို အဖြူ မလုပ်နိုင်သူတွေအတွက်

နှစ်သစ်မှာ ငါတို့ အစွမ်းကုန် ညီညွတ်ကြပါစို့ ။

နှစ်သစ်မှာညီညွတ် လက်ရှေ့တန်းလို့ လက်သီးဆုတ်

အားမန်အပြည့်နဲ့ အနာဂတ်ကို ရှေးရှူ့ကြ လော့

ညစ်ထပ်ထပ်ကောင်းကင်ဟာ ကြည်လင်လှပ အလင်းသောက်လို့

ညကောင်းကင်အိုဟာ မိုးသောက်ချိန်ရောက်ရတော့မှာမလွဲပါ။

ဇော်ဝင်း

(ခေတ္တ- မဲဆောက်)

၂၀၁၂ ကြိုဆိုဂုဏ်ပြုကဗျာ

ရွှေည၀ါဆရာတော် ဦးပညာသီဟကို ကျောင်းတိုက်ကနေထုတ်ဖယ်ဖို့ စီစဉ်နေတဲ့အပေါ် ကြေငြာ တောင်းဆိုချက်

Protect Shwe Nya War Sayardaw Gyi

(ရွှေည၀ါ ဆရာတော်ကြီး)


ရန်ကုန်ဗုဒ္ဓတက္ကသိုလ် အကျိုးဆောင်ချုပ် (သာဓုပရိယတ္တိ စာသင်တိုက်ကြီး၏ နာယက ဆရာတော်) ဘဒ္ဒန္တပညာသီဟ (ရွှေည၀ါ ဆရာတော်ကြီး)

"အမျိူးနဲ့ဘာသာ၊ သာသနာအတွက် ဘ၀တစ်ခုလုံး ထိုးကျွေးဖို့ ၊ ဘယ်တော့မှ ၀န်မလေးဘူး။ ကြုံလာစမ်း လောကဓံ အညံ့မခံ ငါ့အားမာန်နဲ့ အမြဲတမ်းပဲ ရှင်သန်နေမယ် မိုးပေါ်တက်မယ့် မီးပုံးပျံဆိုတာ မိူင်းဒဏ်လောက်တော့ ခံနိုင်ရမယ်" (ရွှေည၀ါ ဆရာတော်ကြီး)

"ဟီလာရီကလင်တန်နဲ့ တွေ့ဆုံခဲ့လို့လား၊ အမျိုးသားနေ့ အောင်ပွဲ ကျင်းပဖို့ လက်ခံခဲ့လို့လား၊ နိုင်ငံရေး အကျဉ်းသားတွေ လွှတ်ဖို့ တောင်းလို့လား၊ ဘာကြောင့်မှန်းမသိဘဲ လေး၊ ငါး၊ ခြောက်ရက် ရှိနေပြီ၊ ဘုန်းကြီး ဘ၀တခုလုံးကို အပြောင်းအလဲ ဖြစ်စေမယ့် ဖိအားတွေပေးနေတယ်။ ဘုန်းကြီး ဘ၀ တသက်တာ လုပ်ခဲ့သမျှ အခြေအနေတွေကို ဖျက်ဆီးမယ့် ဖိအားမျိုးတွေ ရင်ဆိုင် နေရတယ်”..... (ရွှေည၀ါ ဆရာတော်ကြီး)

“အဲဒီလို ရင်ဆိုင်ရလို့လည်း ဘုန်းကြီး စိတ်ဓာတ်မကျဘူး၊ မျက်နှာမပျက်ဘူး၊ ငါ့ဘ၀ ပျက်ချင် ပျက်ပစေ၊ လုပ်သင့် လုပ်ထိုက်တာ၊ အမှန်တရားအတွက် စွန့်လွှတ်မယ်ဆိုတဲ့ စိတ်မျိုးဘုန်းကြီးမှာ အပြည့်ရှိတယ်” (ရွှေည၀ါ ဆရာတော်ကြီး)၁၀.၁၂.၂၀၁၁

ခေါင်းဆောင်များ မလွတ်လျှင် မှတ်ပုံမတင်ဟု တိုင်းရင်းသားပါတီများပြော

ခင်ဦးသာ


ထောင်ဒဏ် (၉၃) နှစ် ချမှတ်ခံထားရပြီး ပူတာအိုထောင်တွင် ရောက်ရှိနေသည့် SNLD ဥက္ကဋ္ဌ ဦးခွန်ထွန်းဦး


အမျိုးသားဒီမိုကရေစီ အဖွဲ့ချုပ် (NLD) တရားဝင်ပါတီအဖြစ် မှတ်ပုံတင်ရန် ယနေ့ ဆုံးဖြတ်ခဲ့သော်လည်း တိုင်းရင်းသား ပါတီများကမူ မှတ်ပုံတင်ရေး၊ မတင်ရေးကိစ္စ မစဉ်းစားသေးဟု ခေါင်းဆောင်များက ပြောသည်။

NLD ပါတီ၏ ဆုံးဖြတ်ချက်အပေါ် တိုင်းရင်းသား ခေါင်းဆောင်များက ကြိုဆိုကြောင်း၊ အစိုးရ အနေဖြင့်လည်း နိုင်ငံရေးပါတီများ မှတ်ပုံတင်ခြင်း ဥပဒေပါ အချက်တချို့အား ပြင်ဆင်ပေးသကဲ့သို့ ၂၀၀၈ ဖွဲ့စည်းပုံ၏ ပြုပြင်ရေးကိစ္စသည် အရေးကြီးကြောင်း တိုင်းရင်းသားပါတီ ခေါင်းဆောင်များ က ဆိုသည်။

၁၉၉၀ ရွေးကောက်ပွဲ၌ အနိုင်ရရှိခဲ့သော တိုင်းရင်းသား ပါတီများဖြစ်သည့် ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD)၊

ရခိုင် ဒီမိုကရေစီအဖွဲ့ချုပ် (ALD)၊ မွန် အမျိုးသား ဒီမိုကရေစီ အဖွဲ့ချုပ် (MNDF)၊ ဇွန်မီးအမျိုးသား ကွန်ဂရက် (ZNC) စသည့် ပါတီများအနေဖြင့် ဖမ်းဆီးခံထားရသည့် တိုင်းရင်းသား ခေါင်းဆောင်များ မလွတ်မချင်း ပါတီမှတ်ပုံတင်ရေးကိစ္စကို ဆိုင်းငံ့ထားမည်ဟု သိရသည်။

“UNA အဖွဲ့ထဲက ဦးခွန်ထွန်းဦး အပါအ၀င် ခေါင်းဆောင်တချို့ဖမ်းထားချိန်မှာ ကျနော်တို့က မှတ်ပုံတင်လိုက်ရင် သူတို့ကို ပြစ်ပယ်ထားရာ ရောက်မှာပေါ့၊ ဒီပုဂ္ဂိုလ်တွေ အားလုံးလွတ်လာတာနဲ့ ပါတီမှတ်ပုံတင်ရေး ကိစ္စတွေကို ဆွေးနွေးကြမှာပါ” ဟု
MNDF ဥက္ကဋ္ဌ နိုင်ငွေသိန်းက ပြောသည်။

ညီညွတ်သော တိုင်းရင်းသားလူမျိုးများ မဟာမိတ်အဖွဲ့ (UNA)သည် ၁၉၉၀ ရွေးကောက်ပွဲ အနိုင်ရ တိုင်းရင်းသားပါတီ ၁၂ ခု စုပေါင်း၍ SNLD ပါတီက ဦးဆောင်ဖွဲ့စည်းခဲ့သော မဟာမိတ်အဖွဲ့ ဖြစ်သည်။

ပြည်တွင်း၌ ပြုပြင်ပြောင်းလဲရေး လုပ်ငန်းစဉ်များသည် သိသာသောပြောင်းလဲမှု မတွေ့ရသေးကြောင်း၊ ဖမ်းဆီးထားသော တိုင်းရင်းသား ခေါင်းဆောင်များ၊ ၈၈ ကျောင်းသား ခေါင်းဆောင်များ၊ သံဃာတော်များ အားလုံးကို လွှတ်ပေးပြီး စစ်မှန်သော ပြည်တွင်း ငြိမ်းချမ်းရေး ဖော်ဆောင်ရန် လိုအပ်နေသည်ဟု SNLD ပြောခွင့်ရ ဦးစိုင်းလိတ် က ပြောသည်။

ထိုပုဂ္ဂိုလ်များသည် တိုင်းပြည်နှင့် ပြည်သူလူထု တိုးတက်ရေးအတွက် မိမိတို့၏ ယုံကြည်ချက်အတိုင်း ဆောင်ရွက်ခြင်းကြောင့် အကျဉ်းချခံနေရသူများ ဖြစ်၍ တိုင်းပြည်တိုးတက်ရေး လုပ်ဆောင်နေသော အစိုးရအနေဖြင့် နိုင်ငံရေးအကျဉ်းသားအားလုံးကို အမြန်ဆုံး လွှတ်ပေးသင့်ကြောင်း ၎င်းက ဆက်ပြောသည်။

ဦးစိုင်းလိတ်က “ဦးခွန်ထွန်းဦး၊ ဦးစိုင်းညွန့်လွင်တို့ မလွတ်မချင်း SNLD က ပါတီမှတ်ပုံတင်ဖို့ မစဉ်းစားဘူး” ဟု ဆိုသည်။

ALD ပါတီသည်လည်း မှတ်ပုံတင်ရေး၊ မတင်ရေးကိစ္စများ ဆုံးဖြတ်ရန် အချိန်ယူစဉ်းစားရဦးမည် ဖြစ်ကြောင်း ALD ခေါင်းဆောင် ဦးအေးသာအောင် က ပြောသည်။

၎င်းက “NLD ပါတီမှတ်ပုံတင်တာ၊ ရွေးကောက်ပွဲဝင်ဖို့ ဆုံးဖြတ်တာက သူတို့ ကိစ္စပါ၊ ကန့်ကွက်စရာ မရှိပါဘူး၊ ကျနော်တို့ ပါတီမှတ်ပုံတင်ရေး၊ မတင်ရေးကိစ္စ အတွက်တော့ ဘယ်လိုလုပ်သင့်တယ်ဆိုတာ ဆွေးနွေးမှုတွေ အများကြီးလုပ်ဖို့ ရှိပါသေးတယ်” ဟု ဆိုသည်။

NLD အပါအ၀င် ၉၀ ရွေးကောက်ပွဲ အနိုင်ရ နိုင်ငံရေးပါတီများအနက် တချို့သည် ဖျက်သိမ်းခံခဲ့ရပြီး၂၀၁၀ ရွေးကောက်ပွဲ အတွက် မှတ်ပုံမတင်ခဲ့သော ပါတီအားလုံး တရားမ၀င်တော့ကြောင်း ယခင် နအဖ စစ်အစိုးရက ကြေညာခဲ့သည်။

NLD ပါတီသည် ၂၀၀၈ ဖွဲ့စည်းပုံအခြေခံ ဥပဒေအရ ပြုလုပ်သော ၂၀၁၀ ရွေးကောက်ပွဲအား ရွှေဂုံတိုင် ကြေညာချက်ထုတ်ပြန်၍ သပိတ်မှောက်ကာ ပါတီမှတ်ပုံတင်ခြင်း၊ ရွေးကောက်ပွဲဝင်ခြင်း မလုပ်ခဲ့ပေ။

ထိုကြေညာချက်၌ နိုင်ငံရေးအကျဉ်းသားများအားလုံး လွှတ်ပေးရေး၊ ၂၀၀၈ ဖွဲ့စည်းပုံအခြေခံ ဥပဒေပြင်ဆင်ရေး၊ အားလုံးပါဝင်နိုင်ရေး တို့ကို ဆောင်ရွက်ပေးမှသာ ရွေးကောက်ပွဲ ၀င်မည်ဟု ပါရှိသည်။

NLD ပါတီသည် ၁၉၉၀ ရွေးကောက်ပွဲ အနိုင်ရပါတီများ စုပေါင်းဖွဲ့စည်းထားသော ပြည်သူ့လွှတ်တော် ကိုယ်စားပြု ကော်မတီ (CRPP) အဖွဲ့ဝင်လည်း ဖြစ်သည်။

NLD ၏ ယနေ့ ပြုလုပ်သော ဗဟိုအလုပ်အမှုဆောင် အစည်းအဝေးအပြီး ပါတီမှတ်ပုံတင်၍ ကြားဖြတ် ရွေးကောက်ပွဲ၌ မဲဆန္ဒနယ် အားလုံးတွင် ယှဉ်ပြိုင်သွားမည်ဟု မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောဆိုခဲ့သည်။

“အခုလို ဆုံးဖြတ်လိုက်တာဟာ ပြည်သူလူထုအတွက် ဖြစ်ပါတယ်” ဟုလည်း ဒေါ်အောင်ဆန်းစုကြည်က ဆိုသည်။

အမျိုးသားဒီမိုကရေစီအဖွဲ့ ချုပ် ဗဟိုဦးစီးအဖွဲ့ အစည်းအဝေး ဆုံးဖြတ်ချက်အရ အဖွဲ့ ချုပ်အား ပြန်လည်မှတ်ပုံတင်ရန်နှင့် ရွေးကောက်ပွဲများ ၀င်သွားရန် ဆုံးဖြတ်

12:12 PM | Posted by Unknown
နိုဝင်ဘာလ၁၈ရက်နေ့ အမျိုးသားဒီမိုကရေစီအဖွဲ့ ချုပ် ဗဟိုဦးစီးအဖွဲ့ အစည်းအဝေး ဆုံးဖြတ်ချက်အရ အဖွဲ့ ချုပ်အား ပြန်လည်မှတ်ပုံတင်ရန်နှင့် ရွေးကောက်ပွဲများ ၀င်သွားရန် ဆုံးဖြတ်ကြောင်းသိရသည်။


“ကန်ကြီးအချက် ... ဝ အခက် ... ရွှေတို့အကွက်” (ကာတွန်း ဟန်လေး - ဧရာဝတီဝက်ဘ်ဆိုက်)

12:01 PM | Posted by Unknown

၂၀၀၈ ဖွဲ့စည်းပုံ၊ ကြားဖြတ်ရွေးကောက်ပွဲနဲ့ တမတ်သားပါလီမန်ထဲအထိတော့ လိုက်၍ မထောက်ခံနိုင်ပါ

11:59 AM | Posted by Unknown

ကိုသံဒုတ် (BLSO)

ရဟန်းရှင် ပြည်သူလူထုနှင့် လုပ်ဖော်ကိုင်ဖက် ရဲဘော်မိတ်ဆွေ များခင်ဗျာ ...

တလေးတစား သဘောထားအမြင်ကို တင်ပြတာဖြစ်ပါတယ်။

ရှင်းရှင်းပြောရရင်တော့ NLD က ၁၉၉၀ ရွေးကောက်ပွဲရလဒ်ကို ဆက် လက်မကိုင်စွဲတော့ဘူးလို့ ပြောလိုက် တာပါပဲ။ အခြေအနေအချိန်အခါ နဲ့ မကိုက်ညီဘူးဆိုတဲ့ သဘောမျိုး ပြောနေတာတော့ကြာပြီ။ တွေ့ဆုံ ဆွေးနွေးရေးနဲ့ အမျိုးသားရင်ကြားစေ့ရေးကို ၂၀၀၈ ဖွဲ့စည်းပုံအခြေခံ ဥပဒေကို လေးစားလိုက်နာပြီး ပါလီမန်ထဲက အကောင်အထည်ဖော် တော့မယ်လို့ တရားဝင် ကြေညာလိုက်တာလို့ နားလည်ပါတယ်။ ဒါက ဘာကိုပြသလဲဆိုရင် NLD ကိုယ်တိုင်က အတွေးအခေါ်နဲ့ ရုပ်ပိုင်း ဆိုင်ရာ ပြောင်းလဲလာမှုကတဆင့် ဖြစ်ပေါ်ပြောင်းလဲချက်တွေလို့ ပြောရမှာပါပဲ။

စစ်အစိုးရက ၁၉၉၀ ရွေးကောက်ပွဲကို အသိအမှတ်ပြုပါတယ်ဆိုတဲ့ အသိအမှတ်ပြုတဲ့ပုံက ခပ်ပေါ့ပေါ့ခပ်ပျက် ပျက်နိုင်လှတယ်လို့ သဘောထားပါတယ်။ NLD ကလည်း ဒီလောက်ဆို ကျေနပ်တဲ့သဘော ရှိပုံရပါတယ်။

ကျနော် နားလည်ထားတာက ၂၀၀၈ ဖွဲ့စည်းပုံအခြေခံဥပဒေအောက်က ကျင်းပတဲ့ ရွေးကောက်ပွဲကတဆင့် ဒီ မိုကရေစီရအောင် လုပ်ဖို့ ပြည်သူလူထုက ၁၉၉၀ ရွေးကောက်ပွဲမှာ NLD ကို မဲပေးခဲ့တာမဟုတ်ဘူးလို့ နား လည်ထားပါတယ်။ မှတ်ပုံတင်မယ်၊ ရွေးကောက်ပွဲဝင်မယ်ဆိုတဲ့ ဆုံးဖြတ်ချက်ဟာ NLD ပါတီရဲ့ ကိုယ်ပိုင်ဆုံး ဖြတ်ချက်နဲ့ ပါတီကိစ္စလို့ပဲ သဘောထားပါတယ်။ ပြည်သူလူထုက ရွေးတဲ့ လမ်းမဟုတ်ဘူး။ NLD ရဲ့ရွေးလမ်း ပဲဖြစ်ပါတယ်။ ဒီအခြေအနေရောက်သွားတာလည်း အံသြစရာတော့ မဟုတ်ပါဘူး။ နောက်ဆုံးတော့ ဒီအခြေ အနေဆိုက်သွားပါလားလို့ ဆိုရမယ်ထင်ပါတယ်။

သေချာတယ်၊ ကျနော်တို့ ၂၀၀၈ ဖွဲ့စည်းပုံကို လက်ခံလို့မရပါဘူး။ ရွေးကောက်ပွဲနဲ့ စစ်တပိုင်း ပါလီမန်ကတ ဆင့် ဒီမိုကရေစီမရနိုင်ဘူးလို့ပဲ ခိုင်ခိုင်မာမာ ယုံကြည်ထားတယ်။ ဒါကြောင့် ၂၀၀၈ဖွဲ့စည်းပုံကို လေးစားလိုက် နာပြီးမှ လုပ်ရမယ့် ကြားဖြတ်ရွေးကောက်ပွဲဆိုင်ရာကိစ္စတွေမှာ NLD က ပြည်သူလူထုအကျိုးအတွက် ရွေး ကောက်ပွဲဝင်ရတာပါလို့ ပြောလာရင်ပင် ထောက်ခံဖို့ အခက်အခဲရှိလာပါတယ်။

ဗမာပြည်ဒီမိုကရေစီရရှိရေး၊ လူ့အခွင့်ရေးရရှိရေး၊ ပြည်တွင်းငြိမ်းချမ်းရေး၊ အမျိုးသားပြန်လည်ရင်ကြားစေ့ရေး ရရှိရန်မှာ NLD ရဲ့ အခုရွေးလမ်းလောက်နဲ့တော့ အလုပ်မဖြစ်နိုင်ဘူးလို့ မြင်ပါတယ်။ ပါလီမန်ထဲကနေ ဖွဲစည်း ပုံအခြေခံဥပဒေကို ပြုပြင်နိုင်မလား။ အမျိုးသားရင်ကြားစေ့ရနိုင်မလားဆိုတဲ့ မေးခွန်မှာ NLD နဲ့ ကျနော်တို့ ကြားမှာ သဘောထားမတူတဲ့အတွက် အဖြေလည်း မတူနိုင်ပါဘူး။ ဗမာပြည်နိုင်ငံရေးဟာ ယခင်ကထက် ပို ရှုပ်ထွေးပြီး ပြဿနာတွေလည်း ပိုများလာနိုင်တယ်လို့ သုံးသပ်ရပါတယ်။

လူထုရဲ့ နိုင်ငံရေးနိုးကြားမှုနဲ့ တက်ကြွမှုဟာ အရေးကြီးသထက်ကြီးလာသလို လူထုလူတန်းစားတိုက်ပွဲတွေ ဟာ ပိုများလာနိုင်စရာရှိတယ်လို့ ထင်ပါတယ်။ လူထုလူတန်စားတိုက်ပွဲတွေနဲ့ လူထုလှုပ်ရှားမှုများဟာ သီး ခြား လွတ်လပ်စွာ ဖြစ်ပေါ်လာလိမ်မယ်လို့ မြင်ပါတယ်။ စစ်အစိုးရက ဖွင့်သလောက်ဘောင်ထဲကလုပ်တဲ့ လှုပ် ရှားမှုများကို ဆိုလိုတာမဟုတ်ပါဘူး။

အမျိုးသားညီညွတ်ရေးကို စစ်အာဏာရှင်စနစ် ခြေမှုန်းရေးဆိုတဲ့ သဘောထားရပ်တည်ချက် အခြေခံပေါ်က တည်ဆောက်မှသာ ခိုင်မာနိုင်ပါတယ်။ လူထုစည်းရုံးရေးကို ပါလီမန်တွင်းနိုင်ငံရေးလှုပ်ရှားမှုက တည်ဆောက် မယ်ဆိုလျှင် လူထုစည်းရုံးရေးလုပ်ငန်းများဟာ ယာယီသာဖြစ်နိုင်ပြီး ရေရှည်မှာ အခက်အခဲဖြစ်လာလိမ်မယ် လို့ထင်ပါတယ်။

ပြည်သူလူထုက စစ်အာဏာရှင်စနစ်၊ စစ်အာဏာရှင်ယန္တရား၊ စစ်အာဏာရှင်အစိုးရ အကြွင်းမရှိ ချုပ်ငြိမ်းတာ ကို အလိုရှိတယ်ဆိုတာကို ကျနော်တို့ရင်ထဲမှာ နားလည်သဘောပေါက်ထားဖို့ပါပဲ။

၁၉၉၀ ရွေးကောက်ပွဲရလဒ်ဆိုတာ အများစုလူထုက ရွေးလိုက်တဲ့ ဒီမိုကရေစီပါပဲ။ လူထုရွေးလမ်းဖြစ်ပါတယ်။ NLD က ပါတီမှတ်ပုံတင်မယ်၊ ရွေးကောက်ပွဲဝင်မယ်ဆိုတာ သူတို့ရဲ့ရွေးလမ်းဖြစ်တယ်။ နိုင်ငံရေးပါတီတိုင်းနဲ့ နိုင်ငံရေးသမားတိုင်းကတော့ သူတို့သာလျှင် ပြည်သူကို အလုပ်အကျွေးပြုတယ်လို့ ကြွေးကြော်ကြတာပါပဲ၊ မထူးဆန်ပါဘူး။ အချိန်နဲ့အခြေအနေတွေက ဘယ်လောက်အထိ လူထုကို အကျိုးဖြစ်စေခဲ့သလဲ တာဝန်ကျေ ခဲ့သလဲ ပြီးမြောက်ခဲ့သလဲ ဆိုတာတွေနဲ့သာ တိုင်းတာရတာပါ။ အခြေအနေတွေကတော့ အမြဲပြောင်းလဲနေ တာပါပဲ။ ပြောင်းလဲနေတဲ့ အခြေအနေကို ကြည့်၍သာ ပုံချလိုက်ပါ၊ ပြောင်းလဲနေတာတော့ ဟုတ်ပါပြီ။ တိုး တက်ဖြစ်ထွန်းမှုတွေဖြင့်လည်း ဆန်းစစ်ဖို့ လိုအပ်မယ်ထင်ပါတယ်။

နိုင်ငံရေးအကျဉ်းသားလွတ်မြောက်ရေးနဲ့ ပြည်တွင်းစစ်ရပ်စဲရေးအတွက် ကျနော်တို့ရဲ စိုးရိမ်ချက်တွေဟာ ပို ကြီးလာတယ်။ ပြောင်းလဲနေတယ်ဆိုတာတွေက အခြေခံလူထုလူတန်းစားတွေရဲ့ နေထိုင်မှုဘ၀မြင့်တက်ရေး နဲ့ အဖိနှိပ်ခံဘ၀လွတ်မြောက်ရေးအတွက် အရိပ်အရောင်မတွေ့သေးဘူး။ ဒါက ဒီနေ့လက်ရှိ နိုင်ငံရေးအခြေ အနေအစစ်အမှန်ပါပဲ။

ဗမာပြည်မှာ စစ်အာဏာရှင်စနစ်ချုပ်ငြိမ်းရေးနဲ့ အဖိနှိပ်ခံဘ၀လွတ်မြောက်ရေးအတွက် လူထုတော်လှန်ရေးတ ခု ပေါ်လာရဦးမှာပါ။ အချိန်သိပ်တော့ မစောင့်ရဘူးလို့ ယုံကြည်ပါတယ်။

တချို့သော နိုင်ငံရေးအခြေအနေနဲ့ ဖြစ်ပေါ်မှုတွေဟာ ရာသီစာတခုလို ဖြစ်တတ်ပြီး ဘက်ထရီကုန် သံပတ် ကုန်တဲ့အခါ ရပ်သွားတာပါပဲ။ ။

သံဒုတ် (BLSO)

(8888 PeoplePower Group Mail မှ ...)

“NLD အတွက် ၀မ်းနည်းတယ်၊ သူတို့လမ်း သူတို့ ရွေးသွားတာပဲ” (ဒေါ်နော်အုံး လှနှင့် အင်တာဗျူး)

11:57 AM | Posted by Unknown

(ဒေါ်နော်အုံး လှ)

NLD ပါတီ မှတ်ပုံတင်သင့် မတင်သင့် စည်းဝေးဆုံးဖြတ်သည့် ၁၈- ၁၁-၂၀၁၁ နေ့တွင် NLD ပါတီရုံးချုပ်ရှေ့တွင် စုဝေးနေသူများအား ဒေါ်နော်အုံးလှက ပါတီမှတ်ပုံမတင်သင့်ကြောင်း သဘောထားထုတ် ပြန်ချက်များ လိုက်လံဝေငှခဲ့သည်။ ၎င်း၏ သဘောထားအမြင်နှင့် ပတ်သက်ပြီး The Messenger ဂျာနယ်က အင်တာဗျူးမေးမြန်းထား ပါသည်။

မေး ။ ။ ဒေါ်နော်အုံးလှက NLD ပါတီ မှတ်ပုံမတင်သင့်ဘူးလို့ သဘော ထားထုတ်ပြန်ထားတယ်လို့ သိရပါတယ်။ ဘာကြောင့်ပါလဲ။
ဖြေ ။ ။ NLD ပါတီသာ မှတ်ပုံတင်ခဲ့မယ်ဆိုရင် ၁၉၉၀ ရွေးကောက် ပွဲရလဒ်ကို ကိုယ်တိုင် နင်းခြေသလို ဖြစ်မယ်။ NLD ဟာ အမျိုးသား ညီလာခံရော၊ ၂၀၁၀ ရွေးကောက်ပွဲကိုပါ ဆန့်ကျင်ခဲ့တယ်။ ခုလည်း ဒီအတိုင်း ဆက်ရပ်တည်ရမယ်။ NLD အနေနဲ့ ဂုဏ်သိက္ခာထိန်းရမယ်။

မေး ။ ။ NLD က မှတ်ပုံမတင်ဘူး ရွေးကောက်ပွဲ မ၀င်ဘူးဆိုရင် ဘယ်လိုဆက်ရပ်တည်မလဲ။
ဖြေ ။ ။ NLD ရပ်တည်ခဲ့တာ ၁ နှစ်ကျော်ပြီ။ အစိုးရကိုယ်တိုင်လည်း မဖျက်ရဲဘူး။ ၉၀ ရွေးကောက်ပွဲရလဒ်ကို လည်းမဖျက်ရဲဘူး။ အခုအချိန်မှာ အစိုးရက လွှတ်တော်ခေါ်ပြတယ်။ တကယ်တမ်း နိုင်ငံတကာမှာက အဆင် မပြေဘူး။ နိုင်ငံတကာမှာ အမြင်ကောင်းဖို့ NLD ကို အတင်း လာပူးပေါင်းတယ်လို့ထင်တယ်။ မှတ်ပုံတင်လိုက် ရင် NLD က ၂၀၀၈ အခြေခံဥပဒေအောက်ကို ရောက်သွားမယ်။ ဒါကြောင့် မတင်သင့်ဘူး။

မေး ။ ။ NLD ပါတီအနေနဲ့ မှတ်ပုံတင်ရင် လွှတ်တော်နိုင်ငံရေးမှာ ပါဝင်လှုပ်ရှားလို့ ရတယ်။ မတင်ဘူးဆိုရင် NLD က နိုင်ငံရေးမှာ ဘယ်လိုအခန်းကဏ္ဍက ပါနိုင်မလဲ။
ဖြေ ။ ။ ဒေါ်အောင်ဆန်းစုကြည် ကိုယ်တိုင်က ပြောထားတယ်။ ပါတီက ပြည်သူ့အကျိုးကို ကြည့်ပြီး ပါတီဖြစ် လာတာ။ အခုက ပြည်သူ့အကျိုးကို ကြည့်မယ်ဆိုရင် ၂၀၀၈ အခြေခံဥပဒေက ပြည်သူအကျိုးမရှိတဲ့ ဥပဒေ ဖြစ်နေတယ်။ နံပါတ် ၁၊ နိုင်ငံတော် ဦးဆောင်အခန်းကဏ္ဍမှာ စစ်တပ်ပါတာကို လက်မခံနိုင်ဘူး။ ဒီမိုကရေစီနဲ့ မညီတဲ့ လုပ်ရပ်ကို လက်မခံနိုင်ဘူး။ အချိန်မရွေး အာဏာသိမ်းနိုင်တယ်။ နောက်တခုက ၀န်ကြီးချုပ်တွေက စစ်ရေးအမြင်ရှိရမယ်ဆိုတာကိုလည်း လက်မခံနိုင်ဘူး။။ ၂၀၀၈ အခြေခံဥပဒေ မပြင်သရွေ့ မှတ်ပုံမတင်သင့် ဘူး။

မေး ။ ။ ဒါဆိုရင် NLD အနေနဲ့ ဘယ်လိုအခြေအနေမျိုးရောက်မှ မှတ်ပုံတင်သင့်တယ်လို့ ဒေါ်နော်အုံးလှ ထင် ပါသလဲ။
ဖြေ ။ ။ ၂၀၀၈ ဥပဒေကို အစိုးရက ပြင်ပေးရမယ်။ ပြုသာပြင်သာဖြစ်တဲ့ အခြေအနေမျိုး ဖန်တီးပေးရမယ်။ အဲ ဒီလို အခြေအနေကျမှ မှတ်ပုံတင်သင့်တယ်။

မေး ။ ။ တကယ်လို့ NLD ကလည်း မှတ်ပုံမတင်ဘူး၊ အစိုးရကလည်း ဒီပုံစံအတိုင်းပဲဆိုရင် ဒေါ်နော်အုံးလှတို့ အနေနဲ့ ဘယ်လို ဆက်လှုပ်ရှားသွားဖို့ ရှိပါသလဲ။
ဖြေ ။ ။ အခြေအနေတွေအပေါ် မူတည်ပါတယ်။ လုပ်နိုင်တဲ့သူတွေလုပ်ခဲ့တယ်။ ဒီလိုပဲ တဖြည်းဖြည်း အဆက် မပြတ် ဆက်ပြီး တိုက်ပွဲဝင်သွားရမယ်။

မေး ။ ။ ပြီးခဲ့တဲ့ ရက်ပိုင်းအတွင်းက မန္တလေးမှာ ဖြစ်ခဲ့တဲ့ သံဃာတော် ၅ ပါးရဲ့ ဆန္ဒထုတ်ဖော်မှုအပေါ် ဘယ် လိုမြင်ပါသလဲ။
ဖြေ ။ ။ သံဃာတော်တွေက လုပ်နိုင်သလောက် လုပ်ပေးတာ။ သူတို့ပြောတဲ့ ပြည်တွင်းငြိမ်းချမ်းရေးဆိုတာ တ ကယ်တောင်းဆိုသင့်တဲ့အရာပဲ။

မေး ။ ။ တကယ်လို့ NLD က မှတ်ပုံတင်ပြီး ကြားဖြတ်ရွေးကောက်ပွဲဝင်ဖို့ ဆုံးဖြတ်ခဲ့ရင်ရော ဒေါ်နော်အုံးလှ အနေနဲ့ ဘာဆက်လုပ်ဖို့ ရှိပါသလဲ။
ဖြေ ။ ။ ဒီလိုသာ ဆုံးဖြတ်ခဲ့ရင် NLD အတွက် ၀မ်းနည်းတယ်။ သူတို့လမ်း သူတို့ ရွေးသွားတာပဲ။ အန်တီတို့ ကတော့ ဒီအတိုင်း ဆက်ပြီး ရပ်တည်နေမယ်။

ဟုတ်ကဲ့ ကျေးဇူးတင်ပါတယ်။

ဒေါ်နော်အုံးလှသည် နိုင်ငံရေးအကျဉ်းသားများ လွတ်မြောက်ရေးအတွက် ပြုလုပ်သော အင်္ဂါဆုတောင်းပွဲများ ကို ဦးဆောင်ခဲ့သူတဦးဖြစ်ပြီး ၂၀၀၅ ခုနှစ်တွင် NLD ပါတီမှ ထုတ်ပယ်ခံခဲ့ရသူဖြစ်သည်။

(မက်စင်ဂျာ ဂျာနယ်ဖေ့စ်ဘွတ်ခ်မှ ...)

Lay Phyu - Keep Goin' (လေးဖြူ − လျှောက်လျှောက်)

11:10 AM | Posted by Unknown

ABSDF s Statement on NLD Decision

1:15 AM | Posted by Unknown
ABSDF s Statement on NLD Decision

DPNS Statement on NLD Decision 18-11-11

1:12 AM | Posted by Unknown
DPNS Statement on NLD Decision 18-11-11

လာမည့်လေးနှစ်တာ အတွင်း ဗြိတိန်နိုင်ငံမှ ပေါင်စတာလင် ၁၈၅သန်းနှင့် ညီမျှသည့် အမေရိကန်ဒေါ်လာ သန်း(၃၀၀)ပေးအပ်သွားမည့် အစီအစဉ်.. ကြေငြာချက်..

လာမည့်လေးနှစ်တာ အတွင်း ဗြိတိန်နိုင်ငံမှ ပေါင်စတာလင် ၁၈၅သန်းနှင့် ညီမျှသည့် အမေရိကန်ဒေါ်လာ သန်း(၃၀၀)ပေးအပ်သွားမည့် အစီအစဉ်.. ကြေငြာချက်..



ဒေါ်စု နှင့် ဒီချုပ် မှတ်ပုံမတင်သင့် ရွေးကောက်ပွဲမဝင်သင့် ရာထူးမယူသင့် ကြောင်း ဦးထွေးမြင့် နဲ့ ဖိုးသံချောင်း တို့သဘောထား

U Htwe Myint & Pho Than Chaung's opinion on Daw Suu & NLD stand

မန္တလေး မဟာဗုဒ္ဓဝင်ဗိမာန်တော်ကြီးမှာ ငြိမ်းချမ်းစွာ ဆန္ဒထုတ်ဖော်ခဲ့ကြတဲ့ သံဃာတွေ သတင်း

Tuesday, November 15, 2011 11:02 AM | Posted by Unknown





မန္တလေးမှ သပိတ်မှောက်သံဃာတော်များနှင့် ပတ်သက်သော နောက်ဆုံးရ သတင်းများ

ဆွေးနွေးမှုများအရ သပိတ်စခန်းကို မန္တလေး၊ မဟာမြတ်မုနိဘုရားကြီး၊ မဟာဗုဒ္ဓ၀င်ဗိမာန်တော်ကြီးမှ မန္တလေး၊ ၈၇ လမ်း၊ ၃၆x၃၇ လမ်းကြားရှိ မန္တလေးမစိုးရိမ် ကျောင်းတိုက်ဟောင်းသို့ ပြောင်းရွှေ့ဖွင့်လှစ်မည်ဖြစ်ကြောင်း ဦးဆောင်ဆရာတော် ဦးသောပါက မှ မိန့်ကြားခဲ့ပါတယ်။

၃း ၂၀ မိနစ်၊ ၁၅၊ နိုဝင်ဘာ၊ ၂၀၁၁ ညိုကြီး

၁။ မန္တလေး သပိတ်မှောက် သံဃာအရေးအခင်းကို သတင်းယူ ဓာတ်ပုံဗွီဒီယိုရိုက်သော သတင်းထောက်အချို့အား ထောက်လှမ်းရေးဆိုသူများက လိုက်လံချောင်းမြောင်း မှတ်တမ်းတင် ခြေရာခံခြင်းများ ရှိသည်ဟု အလိုက်ခံခဲ့ရသော သတင်းထောက် တစ်ဦးမှ ပြောကြားပါသည်။

၂။ မန္တလေးမှ သပိတ်မှောက်သံဃာ ငါးပါးသည် ယခုည၌ မန္တလေး၊ မစိုးရိမ်တိုက်ဟောင်း၊ သုတ္တန်ကျောင်းတွင် ကျိန်းစက်မည်ဖြစ်ပြီး မနက်ဖန် နေ့လည် ၁ နာရီမှစ၍ နောက် ၃ ရက်တိုင်တိုင် မစိုးရိမ်တိုက်ဟောင်းတွင်းရှိ နာရီစင်နဘေးတွင် ငြိမ်းချမ်းရေး၊ နိုင်ငံရေးအကျဉ်းသားလွှတ်ရေး၊ လွတ်လပ်ရေးတရားများ ဟောပြော တောင်းဆိုမည် ဖြစ်ကြောင်း သိရသည်။ (၃)ရက်ပြည့်သည့်အခါ တောင်းဆိုချက်များအား ကြံဖွတ်အစိုးရမှ ဖြည့်ဆည်း ပေးခြင်းမရှိသေးပါက ယင်းသို့ ဆန္ဒပြ တောင်းဆိုမှုမှာ ၃ ရက်မက ဖြစ်လာ နိုင်ဖွယ်ရှိကြောင်း သိရသည်။

၃။ ယနေ့ မန္တလေးတွင် သံဃာငါးပါး ငြိမ်းချမ်းရေးဆန္ဒပြကာ လူအများစုဝေးခဲ့သည့်အတွက် ယနေ့ည မန္တလေး၊ ၈၄ လမ်းနှင့် ၃၁ လမ်းထောင့်ရှိ ဓမ္မသာလခန်းမတွင် ည (၇)နရီ၌ စတင်ကျင်းပမည့် စာပေဟောပြောပွဲ (သိုက်ထွန်းသက်၊ အော်ပီကျယ်) ကို ကြံ့ဖွတ်အစိုးရက ပိတ်ပင်ခဲ့သောကြောင့် ဓမ္မသာလခန်းမလာ ဟောပြောပွဲပရိသတ်များ ခန်းမရှေ့ရောက်မှ လှည့်ပြန်သွားရကြောင်း သိရသည်။

ယင်းစာပေဟောပြောပွဲမှာ ၂၀၁၁၊ နိုဝင်ဘာ ၁၁ ရက်ကတည်းက တစ်ည စာရေးဆရာ ၂ ယောက် (သို့မဟုတ်) ၃ ယောက်နှုန်းဖြင့် အထက်ပါ နေရာတွင် ကျင်းပခွင့်ရလာခဲ့သော်လည်း ယခု နိုဝင်ဘာ ၁၅ ရက် ည တွင်မှ ယခုလို ပိတ်ပင်ခံခဲ့ရသောကြောင့် စာပေဟောပြောပွဲပရိသတ်များ မချင့်မရဲဖြစ်ခဲ့ကြရသည် ဆို၏။

၎။ ‎"Tomorrow 12 AM, old Masoerein campaign will take part in! Please forward" ဆိုသော Message စာသားများ မန္တလေးမှ လက်ကိုင်ဖုန်းကိုင်သူအချင်းချင်း ဖြန့်ဝေနေကြကြောင်း ကြားသိရပါသည်။

ညိုကြီး

သတင်းရေးချိန် - 9:30 PM, 2011, Nov 15
ဖေ့ဘွတ်မှ ကိုညိုကြီးတဂ်ထားတဲ့ သတင်းပါ.. ကိုညိုကြီးအား ကျေးဇူးတင်ပါသည်..။

မန္တလေး သပိတ်မှောက်သံဃာ ငါးပါး နောက်ဆုံးအခြေအနေ နှင့် မန္တလေးအခြေအနေ

3:50 AM | Posted by Unknown

မန္တလေး သပိတ်မှောက်သံဃာ ငါးပါးသည် ယခုည၌ မန္တလေး၊ မစိုးရိမ်တိုက်ဟောင်း၊ သုတ္တန်ကျောင်းတွင် ကျိန်းစက်မည်ဖြစ်ပြီး မနက်ဖန် နေ့လည် ၁ နာရီမှစ၍ နောက် ၃ ရက်တိုင်တိုင် မစိုးရိမ်တိုက်ဟောင်းတွင်းရှိ နာရီစင်နဘေးတွင် ငြိမ်းချမ်းရေး၊ နိုင်ငံရေးအကျဉ်းသားလွှတ်ရေး၊ လွတ်လပ်ရေးများ ဟောပြောတောင်းဆိုမည်ဖြစ်ကြောင်းသိရ။
၃ ရက်ပြည့်သည့်အခါ တောင်းဆိုချက်များအား ဖြည့်ဆည်းပေးခြင်းမရှိသေးပါက ယင်းသို့ ဆန္ဒပြ တောင်းဆိုမှုမှာ ၃ ရက်မက ဖြစ်နိုင်ဖွယ်ရှိကြောင်း သိရ။

အခုနောက်ဆုံး အခြေအနေအရတော့ ဆန္ဒပြဆရာတော် ငါးပါးဟာ မစိုးရိမ်တိုက်ဟောင်းကျောင်းကို ရောက်ရှိသွားပြီဖြစ်ပြီး အဲ့ဒီဆရာတော်တွေရဲ့ လုံခြုံရေးအတွက်ကိုတော့ ကျောင်းတိုက်ဆရာတော်တွေက ထိန်းသိမ်းစောင့်ရှောက်ထားတယ်လို့ သိရပါတယ်။
မန္တလေး သပိတ်မှောက်သံဃာအရေးအခင်းကို သတင်းယူဓာတ်ပုံဗွီဒီယိုရိုက်သော သတင်းထောက်အချို့အား ထောက်လှမ်းရေးဆိုသူများက လိုက်လံချောင်းမြောင်းမှတ်တမ်းတင်ခြေရာခံခြင်းများရှိဟု အလိုက်ခံရသူ သတင်းထောက်တစ်ဦးမှ ပြောကြားပါသည်။
ယနေ့ မန္တလေးတွင် သံဃာငါးပါး ငြိမ်းချမ်းရေးဆန္ဒပြကာ လူအများစုဝေးခဲ့သည့်အတွက် ယနေ့ည မန္တလေး၊ ၈၄ လမ်းနှင့် ၃၁ လမ်းထောင့်ရှိ ဓမ္မသာလခန်းမတွင် ည (၇)နရီ၌ စတင်ကျင်းပမည့် စာပေဟောပြောပွဲ (သိုက်ထွန်းသက်၊ အော်ပီကျယ်) ကို ကြံ့ဖွတ်အစိုးရက ပိတ်ပင်ခဲ့သောကြောင်း ဓမ္မသာလခန်းမလာ ဟောပြောပွဲပရိသတ်များ ခန်းမရှေ့ရောက်မှ လှည့်ပြန်သွားရကြောင်း သိရသည်။ ယင်းစာပေဟောပြောပွဲမှာ ၂၀၁၁၊ နိုဝင်ဘာ ၁၁ ရက်ကတည်းက တစ်ည စာရေးဆရာ ၂ ယောက် (သို့မဟုတ်) ၃ ယောက်နှုန်းဖြင့် အထက်ပါ နေရာတွင် ကျင်းပခွင့်ရလာခဲ့သော်လည်း ယခု နိုဝင်ဘာ ၁၅ ည တွင်မှ ယခုလို ပိတ်ပင်ခံခဲ့ရသဖြင့် စာပေဟောပြောပွဲပရိသတ်များ မချင့်မရဲဖြစ်ခဲ့ကြသည် ဆို၏။

တပြည်လုံး ထကြွကြ ဖို့  ဘုန်းတော်ကြီးတွေတောင်းဆိုနေပြီ

3:42 AM | Posted by Unknown

မန္တလေး၊ မဟာမြတ်မုနိဘုရားကြီး၊ မဟာဗုဒ္ဓ၀င်ဗိမာန်တော်ကြီးတွင် သံဃာတော်များ သပိတ်မှောက် နိုဝင်ဘာ ၁၅၊ ၂၀၁၁ နံနက် ၅ နာရီကျော်ခန့်မှ စတင်ပြီး မန္တလေး၊ မဟာမြတ်မုနိဘုရားကြီး၊ မဟာဗုဒ္ဓ၀င်ဗိမာန်တော်ကြီးတွင် သံဃာတော်ငါးပါးဦးဆောင်ကာ သပိတ်မှောက်လျက်ရှိသည်။ တောင်းဆိုချက်များကို ဗိမာန်တော်ကြီးအရှေ့ဖက်(လိပ်ကန်ဘက်ခြမ်း)တွင် ချိတ်ဆွဲထားပြီး ၄င်းတို့မှာ- ၁။ မြန်မာပြည်အမြန်ငြိမ်းချမ်းပါစေ (Peace Here Right Now) ၂။ နိုင်ငံရေးအကျဉ်းသားများ ချက်ချင်းလွှတ် (Free All Political Prisoners) ၃။ လွတ်လပ်မှုကိုပေးပါ (We Want Freedom) ၄။ ပြည်တွင်းစစ် ချက်ချင်းရပ် (Stop Civil War Now) တို့ဖြစ်သည်။ အဆိုပါသံဃာတော်များကို သိန်းစိန်အစိုးရတာဝန်ရှိသူများက
ရှိသည်။ တောင်းဆိုချက်များကို ဗိမာန်တော်ကြီးအရှေ့ဖက်(လိပ်ကန်ဘက်ခြမ်း)တွင် ချိတ်ဆွဲထားပြီး ၄င်းတို့မှာ- ၁။ မြန်မာပြည်အမြန်ငြိမ်းချမ်းပါစေ (Peace Here Right Now) ၂။ နိုင်ငံရေးအကျဉ်းသားများ ချက်ချင်းလွှတ် (Free All Political Prisoners) ၃။ လွတ်လပ်မှုကိုပေးပါ (We Want Freedom) ၄။ ပြည်တွင်းစစ် ချက်ချင်းရပ် (Stop Civil War Now) တို့ဖြစ်သည်။ အဆိုပါသံဃာတော်များကို သိန်းစိန်အစိုးရတာဝန်ရှိသူများက
ဦးရာဇဓမ္မာဘိဝံသအစရှိသည့် ဆရာတော်ကြီးများကို ကြားခံထားကာ တွေ့ဆုံဆွေးနွေးလျက်ရှိသည်။ သပိတ်မှောက်သံဃာတော်များက ၄င်းတို့တောင်းဆိုထားသော အချက်များမရမချင်း
ထိုဗိမာန်ထဲတွင်သာ ဆက်လက်နေထိုင်တောင်းဆိုသွားမည်ဖြစ်ကြောင်းသိရသည်။ အဆိုပါသံဃာတော်များသည် ၄င်းတို့နှင့်အတူ ရေ၊ ဆန်၊ စားစရာအချို့၊ ထမင်းပေါင်းအိုး၊
မီးစက်များကအစ တစ်ပါတည်းယူဆောင်ထားပြီး သံဃာတော်များ သပိတ်မှောက်သည်ကို လာရောက်အားပေးသော မန္တလေးလူထုကြီးကလည်း ဆရာတော်များလိုအပ်သည်ကို (ဓာတ်ဆီ(မီးစက်အတွက်)၊
စားစရာ၊ ရေစသဖြင့်) လှူဒါန်းလျက်ရှိပါသည်။

----------------------------------------------------------------------------------------------------------------------------------------------------------------------
ဆန္ဒပြနေသည့် သံဃာတော် များက ကြေညာချက်တစ်စောင်ကို ထုတ်ပြန်ခဲ့ရာ အဆိုပါကြေညာချက် အပြည့်အစုံမှာ
"မြန်မာ့ငြိမ်းချမ်းရေးမှ ကမ္ဘာ့ ငြိမ်းချမ်းရေးသို့ ငြိမ်းချမ်းရေးနှင့် တရားမျှတရေးကို မြတ်နိုးတော်မူကြသော သံဃာတော်များဦးဆောင်၍ ပြည်သူလူ ထုတစ်ရပ်လုံးက သမ္မတကြီး ဦးသိန်းစိန်အား အောက်ပါအချက်များ ကို လက်တွေ့ကျကျ အကောင်အထည်ဖော် ဆောင်ရွက်ပေးရန် တောင်းဆိုလိုက်သည်။

(၁) ပြည်သူလူထု တစ်ရပ်လုံး ငြိမ်းချမ်းရေး၊ လွတ်လပ်ရေး၊ တရား မျှတရေးအတွက် မေတ္တာရှေ့ထားကာ ဆောင်ရွက်ကြရေး၊ ဖမ်းဆီးခံ ခဲ့ရသည့် အကျဉ်းကျနေသော ညီတော်၊ နောင်တော်၊ သံဃာတော်များ နှင့် ကျန်နိုင်ငံရေး အကျဉ်းသားများ အားလုံးကို ချွင်းချက်မရှိ လွှတ်ပေးရန်၊

(၂) တိုင်းရင်းသား ညီအစ်ကို မောင်နှမအချင်းချင်း ဖြစ်ပွားနေသော ပြည်တွင်းစစ်ပွဲများကို ချက်ချင်းရပ်စဲပြီး တိုင်းရင်းသား ကိုယ်စားလှယ်များနှင့် အတိုက်အခံ အင်အားစုများ ပါဝင်သည့် စစ်မှန်သောငြိမ်းချမ်းရေး လုပ်ငန်းကို အမြန်ဆုံး အကောင်အထည်ဖော် ဆောင်ရွက်ပေးရန်။

(၃) လောကပါလ တရားနှင့် အသိပညာ ထွန်းကားရေးအတွက် မြတ်ဗုဒ္ဓ၏ တရားတော်များကို ရဟန်းတော်များနှင့် စာပေပညာရှင်ကြီးများ ဟောပြောရာတွင် ပိတ်ပင် တားဆီးခြင်း၊ ဟောပြောခွင့်တောင်းခံရခြင်းတို့ကို လုံးဝရပ်စဲပြီး လွတ်လပ်စွာ ဟောပြော ရေးသားခွင့်ပေးရန်၊ မြန်မာပြည် အမြန်ငြိမ်းချမ်း ပါစေ။ ငြိမ်းချမ်းရေးကို လိုလားသော သံဃာတော်များ" ဟူ၍ဖြစ်သည်။























အမှတ်တရ နှစ်ပတ်လည်နေ့ ဆူးလေဆုတောင်းပွဲ

Monday, September 26, 2011 8:53 AM | Posted by Unknown

မေသင်္ကြန်ဟိန်(မြစ်မခ)

စက်တင်ဘာ ၂၆၊ ရန်ကုန်မြို့။

ဒီနေ့ နံနက်ကတည်းက အလှူပွဲတွေ၊ အခမ်းအနားတွေ ရှိတာကို ကြားရ သိရပါတယ်။ သတင်း ဂျာနယ် နှစ်စောင်အတွက် သတင်းတွေပို့ပေးနေရလို့ ရုံးကနေ ထွက်ခွင့်ရတဲ့အချိန်က နေ့လည် ၁၁ နာရီ ကျော်နေပါပြီ။

ဆူးလေဘုရားအနီး၊ မြို့တော်ခန်းမ ရှေ့ကို ရောက်တဲ့အချိန်မှာ နေ့လည် ၁၂နာရီ ထိုးပြီး ၁၅ မိနစ်ပါ။ မြို့တော်ခန်းမရှေ့က့  မီဒီယာကော်နာရှေ့မှာ ကျမရဲ့ သူငယ်ချင်းတွေ၊ မိတ်ဆွေတွေကိုလည်း ကင်မရာ ကိုယ်စီနဲ့ တွေ့မြင်ရပါတယ်။

မြို့တော်ခန်းမရှေ့မှာတော့ ယူနီဖောင်းအပြည့်အစုံဝတ် လုံထိန်းတွေကို တင်ထားတဲ့ ကား ၆ စီးနဲ့ မြို့တော်ခန်းမအနီးမှာ စောင့်နေတဲ့ ရဲကား ၃ စီးကို မြင်တွေ့နေရပါတယ်။

နေ့လည် ၁နာရီ ထိုးပြီး ၃ မိနစ်လောက်မှာပဲ မိုးစက်တွေက ဝေါကနဲ့ သွန်ချလိုက်ပါတယ်။ မိုးစက်တွေနဲ့အတူ အ၀ါရောင်တီရှပ်အကျီာင်္တွေ ၀တ်ထားတဲ့ အမျိုးသားအမျိုးသမီး အယောက် ၃၀ လောက်က ကားတွေ၊ လိုင်းကားတွေ၊ ရဲကားတွေကို ဖြတ်ပြီး မဟာဗန္ဓုလပန်းခြံရှေ့ကနေ ဆူးလေ ဘုရားပေါ်ကို တက်သွားကြပါတော့တယ်။

အဲဒီအ၀ါရောင်တီရှပ်တွေ နောက်ကို ယူနီဖောင်းဝတ် ရဲ ၂၀ လောက်က ပြေးလိုက်သွားကြသလို၊ ကင်မရာကိုင် သတင်းသမား ၃၀ လောက်နဲ့ ၊ အရပ်ဝတ်ထားတဲ့ ရဲ ၂၀ လောက်ကလည်း အပြေးအလွှား ပြေးလိုက်ကြပါတယ်။

ဆူးလေဘုရားပေါ်မှာတော့ ဘုရားဖူးသူ နည်းနည်း လုံခြုံရေးချထားတဲ့ ယူနီဖောင်းဝတ်ရဲ၊ ရဲအရာရှိများ၊ အရပ်ဝတ်ရဲများများနဲ့ သတင်းသမားတွေက၀ိုင်းပြီး အ၀ါရောင်လမ်းလျှောက်လာကြသူတွေ၊ ဆုတောင်းနေကြသူတွေကို မေးမြန်းကြ၊ ဓါတ်ပုံရိုက်ကြနဲ့ပါပဲ။

မိုးတွေကလည်း တဝေါဝေါရွာလို့၊ သတင်းသမားတွေရဲ့ တယောက်တခွန်းမေသံတွေနဲ့ မှတ်တမ်းတင် ဓါတ်ပုံရိုက်နေကြသူတွေကြားမှာ

အ၀ါရောင်ဝတ်သူတွေကတော့ တည်တည်ငြိမ်ြိငြိမ် အေးအေးဆေးဆေးနဲ့ပါပဲ။

`ဘာကြောင့်ခုလို လမ်းလျှောက်ဆုတောင်းကြတာပါလဲ`ဆိုတဲ့ အမေးအဆုံးမှာ ပန်းတွေ ပွေ့ထားတဲ့ မျက်နှာ ချိုချိုနဲ့ အသက် ၃၀ ကျော်အရွယ် အမျိုးသားက လေသံအေးအေးနဲ့ပဲ ဖြေပါတယ်။

`၂၀၀၇ ခုနှစ် ရွှေဝါရောင် တော်လှန်ရေး အထိမ်းအမှတ် နှစ်ပတ်လည်ပါ။ပြီးတော့ ကျနော်တို့ ရဲ့ ရဲဘော်တွေဖြစ်တဲ့ ယုံကြည်ချက်ကြောင့် အကျဉ်းကျခံနေရတဲ့သူတွေကို ရည်စူးပြီး ကောင်းမှုကုသိုလ် လုပ်တာပါ။ အင်္ကျီဝါကို ၀တ်ဆင်ရခြင်းကလည်း ၂၀၀၇ ဖြစ်စဉ်ကိုပဲ ရည်ရွယ်ကိုယ်စားပြုပြီး ၀တ်ဆင်တာပါ။ ဒီအထိမ်းအမှတ်ပွဲမှာ နိုင်ငံရေး ယုံကြည်ချက်ကြောင့် အကျဉ်းကျခံ နေရသူတွေရဲ့ မိသားစုဝင်တွေ၊ ၈၈ မျိုးဆက် ကျောင်းသားတွေရဲ့ မိသားစုဝင်တွေ၊ အင်္ဂါဝတ်ပြု ဆုတောင်းအဖွဲ့က အဖွဲ့ဝင်တွေပါပါတယ်” လို့ သူက အေးဆေးစွာပဲ ပြောပါတယ်။

ခဏကြာတော့ ရဲအရာရှိကြီးတွေက အ၀ါေ၇ာင်တီရှပ်ဝတ်တွေနဲ့ စကားတွေ ပြောဆိုကြပါတယ်။မိုးစက်သံတွေနဲ့ ရပ်နေရာကနေ ဘာတွေ ပြောကြသလဲဆို မကြားရလိုက်ပေမဲ့၊ ကမ္ဘာအေးကနေ ရောက်လာမဲ့ အဖွဲ့ကို စောင့်နေတာကိုတော့ ကြားလိုက်ရပါတယ်။

ကျန်တဲ့ အဖွဲ့ဝင်တွေကတော့ မိုးရေတွေထဲမှာ အေးအေးဆေးဆေးပဲ ထိုင်နေပြီး ဘုရားဝတ်ပြုနေကြတယ်။ သူတို့ဟာ စိုးရွံ့နေပုံမရဘူး၊ ပျာယာလည်း ခတ်မနေကြဘူး၊ ပြာယာခတ်နေတဲ့ သူတွေ ဟိုပုံရိုက် ဒီပုံရိုက်နဲ့ ကင်မရာ၊ ဗီဒီယို ကင်မရာ ကိုင်ထားကြသူတွေ ကြားမှာ အ၀ါရောင်သူတွေကတော့ အေးဆေးစွာနဲ့ ဘုရားဝတ်ပြုနေကြပါရဲ့။

ကမ္ဘာအေး ဘုရားမှာ ဆုတောင်းတဲ့ အဖွဲ့ တဖွဲ့ရှိသေးတယ်၊ သူတို့နဲ့လည်းဆူးလေမှာပဲ ဆုံဖို့ ချိန်းထားတယ်ဆိုတဲ့ စကားကြောင့် မီဒီယာသမားတွေ ကမ္ဘာအေး ဘုရားဘက်ကို ရွေ့ဖို့ ပြင်ကြတယ်။

ဆူးလေနဲ့ ကမ္ဘာအေးဘုရား လူခွဲပြီး နေကြမယ်ဆိုပြီး မီဒီယာသမားတွေ အချင်းချင်းတိုင်ပင်ပြီး ကမ္ဘာအေးဘက်ကို ရွေ့ကြတယ်။ အဲဒီထဲမှာ ကျမလည်းပါတာပေါ့။

ကားငှားပြီး ထွက်ခဲ့ပေမဲ့ ရွှေဂုံတိုင်ရောက်တော့ မိုးရေတွေက လမ်းပေါ်တက်ပြီး ကားဆက်သွားလို့မရတော့ဘူး၊ သိတယ်မဟုတ်လား၊ ရန်ကုန်မှာ မိုးရွာရင် မိုးရွာလို့ နာရီဝက်မပြည့်ခင် လမ်းတွေပေါ်ရေတွေရောက်လာတာ ကားဘော်ဒီအောက်ပိုင်း မြှုပ်တယ်လေ၊ အဲဒါနဲ့ ဆူးလေဘက် ပြန်လှည့်လာတော့ ဦးထောင်ဘိုလမ်းထိပ်မှာ ရွှေဂုံတိုင်ဘက်ကို လမ်းလျှောက်လာတဲ့ အ၀ါရောင်အဖွဲ့ကို တွေ့လိုက်ရပါတယ်။

အ၀ါရောင်ဝတ်ဆင်သူပေါင်း ၆၀ ကျော်လောက်နဲ့ ၄ ယောက်တတွဲလမ်းလျှောက်လာတဲ့ သူတွေပါ။ အမျိုးသမီးအမျိုါ်သားတွေနဲ့ တက်တက်ကြွကြွလျှောက်လာကြတာပါပဲ။ မိုးတွေလည်း ကင်းစင်စပြုလာပြီ အ၀ါရောင်ဝတ်ဆင်သူတွေလည်း ရွဲရွဲစိုစိုနဲ့ ဘေးနားကလိုက်ကြည့်သူတွေလည်း မိုးရေတွေ ရွဲစိုနေကြပါတယ်။ ကားပေါ်ကနေ လိုက်လာတဲ့ ယူနီဖောင်းဝတ် ရဲအရာရှိတွေကတော့ မပါဘူးပေါ့နော်။

လမ်းလျှောက်သူတွေနဲ့ သူတို့နားဘေးနားမှာတော့ အရပ်ဝတ်နဲ့ ရဲတွေပါ၊ သူတို့မှာလည်း ကင်မရာတွေ နဲ့ပါပဲ။ သတင်းထောက်နဲ့ စုံထောက်တွေလည်း မျက်လုံးချင်း မကြာခဏ စုံမိကြပါရဲ့။ အမြဲတွေ့တွေ့နေရတဲ့ သူတွေမို့  သူတို့တွေကလည်း ကျမတို့တွေကို မှတ်မိ၊ ကျမတို့သတင်းသမားတွေကလည်း သူတို့တွေကို မှတ်မိနဲ့ပါ။လမ်းလျှောက်သူတွေနောက် တကောက်ကောက်လိုက်ကြရင်း ရွှေဂုံတိုင်မီးပွိုင့်မှာ ရပ်လိုက်ကြပါတယ်။

ကမ္ဘာအေး အဖွဲ့က လူစုကွဲသွားပြီ ဆူးလေကို ပြန်ကြရအောင်ဆိုလို့ နောက်ကြောင်း ပြန်လှည့်ပြီး ထွက်လာတော့ညနေ ၃နာရီ ခွဲကာနီးပါပီ။

ဆူးလေမှာ ပြန်ဆုံကြတော့ ညနေ၄နာရီပါ။ ဆူးလေမှာ သံလျင်က လာတဲ့အဖွဲ့နဲ့ ဒေါ်နော်အုန်းလှတို့အဖွဲ့ ဆုံကြပြီး ဆုတောင်းဖို့ ပြင်ဆင်ကြပါတယ်။

အ၀ါရောင်ဝတ်စုံတွေနဲ့ အ၀ါရောင်ပန်းခက်တွေကိုင်ပြီး ညီညီထိုင်လို့ ယဉ်ယဉ်ကျေးကျေး ရွတ်ဆို ဆုတောင်းကြတာပါ။

`ဒီမိုကရေစီ လှုပ်ရှားမှုများကြောင့် အကျဉ်းထောင်အသီးသမီးတွင် ထောင်ကျအကျဉ်းကျခံနေရသော နိုင်ငံရေးအကျဉ်းသားများ အမြန်ဆုံးပြန်လည်း လွှတ်မြောက်ပါစေ၊ နယ်စပ်ဒေသအသီးသီးတွင် ပြည်တွင်းစစ်ကြောင့် ဒုက္ခရောက်နေသော တိုင်းရင်းသား ပြည်သူလူထုကြီး တရပ်လုံးငြိမ်းချမ်းသာယာစေရန်အတွက် တန်းတူညီမျှတဲ့ စစ်မှန်သော တွေ့ဆုံရှင်းလင်းမှုများနှင့် ဖြေရှင်းနိုင်ပါစေ`ဆိုပြီး ဆုတောင်းကြတယ်။

ဆုတောင်းနေတဲ့ သူတို့တွေရဲ့ ဟန်ပန်နဲ့ အမူအရာကလည်း ယဉ်ကျေးသိမ်မွေ့ပါတယ်။အော်ဟစ်ခြင်း၊ ရိုင်းစိုင်းခြင်း စတဲ့ဟန်ပန်မျိုါ်လုံးဝ မရှိကြပါဘူး၊ သတင်းသမားများ၊ အရပ်ဝတ် ရဲများ၊ ယူနီဖောင်းဝတ် ရဲများနှင့် အတူ လာရောက်ကြည့်ရှုကြသော ပြည်သူလူထုများနှင့် ဆူးလေဘုရား နောက်ဘက်မုဒ်နှင့်မြောက်ဘက်မုဒ်ကြားပြည့်ညှပ်သွားတော့တယ်။

`တိုင်းပြည်နှင့်ပြည်သူလူထုကြီး အကျိုးနှင့် ဆန့်ကျင်သော ဧရာဝတီမြစ်ဆုံရေကာတာ စီမံရေးကိစ္စ ပြည်သူလူထုကြီးဆန္ဒနှင့် အညီ ဖြစ်ပေါ်ပါစေ`ဟု အ၀ါရောင်ဝတ်ဆင်သူ၅၀ ၀န်းကျင်ခန့်က ဆုတောင်းခဲ့ကြတယ်။

အဲဒီနောက်တော့ နိုင်ငံရေးအကျဉ်းသားများ အမြန်ဆုံး လွှတ်မြောက်ရေး ဆိုတဲ့ ဆန္ဒအပေါ်မှာ ပြည်သူလူထုတည်ရှိနေတဲ့ ဆန္ဒကို စည်းကမ်းရှိစွာ ၊ ယဉ်ကျေးစွာနှင့် ဒီနေ့ဖြစ်ပေါ်နေတဲ့ တွေ့ဆုံဆွေးနွေးရေးအပေါ်ကို ရှင်းရှင်းလင်းလင်း မြင်မြင်သာသာနဲ့ အားပေးထောက်ခံလိုက်တဲ့ သက်သေပြချက်ကို အောင်မြင်စွာ ပြုလုပ်နိုင်တဲ့အတွက် ဒီနေ၇ာမှာ အောင်မြင်စွာ ပြီးဆုံးကြောင်း အမျိုးသားတဦးက ကြေညာခဲ့ပါတယ်။ အဲဒီနောက်တော့ အ၀ါရောင်တွေ လူစု ခွဲလိုက်ကြပါတယ်။ ကျမတို့တွေလည်း ကင်မရာသိမ်းပြီး ပြန်ဖို့ပြင်ကြပါပြီ။

ညနေလူစုခွဲတော့ ၄နာရီ ကျော်ပါပြီ။ မိုးတွေလည်း ကင်းစင်ပါပြီ။ အောင်မြင်တဲ့အတွက် ကျေနပ်ကြသူတွေ၊ အဖမ်းအဆီးခံရသူ မရှိလို့ စိတ်အေးချမ်းကြသူတွေနဲ့ပါ။

ဘာပဲဖြစ်ဖြစ် ရွှေဝါရောင်တော်လှန်ရေး ၄ နှစ်ပြည့်အထိမ်းအမှတ် ဆူးလေ ဆုတောင်းပွဲကတော့မိုးရေတွေကြားမှာပဲ ပြီးစီးခဲ့ပါပြီ။

ကျမတို့လို သတင်းသမားတွေကတာ့ အပြေးအလွှားနဲ့ ရုံးကို ပြန်ပြီး စာရေးဖို့ အသည်းအသန်ပါပဲ။ င်္ဒီနေ့ ဆုတောင်းပွဲ သတင်းကို ဂျာနယ်တွေမှာ ဖော်ပြခွင့်ရမရ မသေချာကြပေမဲ့ သတင်းသမားတွေကတော့ သတင်းဖြစ်ဖြစ်၊ ဆောင်းပါးပါးဖြစ်ဖြစ်ရေးကြမှာပါ။

ဘယ်မှာမှ ဖော်ပြခွင့်မရခဲ့ရင်လည်း ကိုယ့် facebook မှာကိုယ်တင်ကြမယ်ဆိုတဲ့ကျမလို သတင်းသမားတွေလည်း ရှိနေကြမှာပါ။

မိတ်ဆွေများအား လေးစားခင်မင်လျက်

မေသင်္ကြန်ဟိန်

"အရှေ့မှာရင်ဘတ်၊ အနောက်မှာ ကျော"

8:50 AM | Posted by Unknown
"အရှေ့မှာရင်ဘတ်၊ အနောက်မှာ ကျော"
[By Mizzima - News in Burmese ]

မျိုးသန့် | တနင်္လာနေ့၊ စက်တင်ဘာလ ၂၆ ရက် ၂၀၁၁ ခုနှစ် ၂၀ နာရီ ၀၅ မိနစ်

ချင်းမိုင် (မဇ္ဈိမ) ။ ။ တနင်္လာနေ့တွင် ဖြစ်ခဲ့သည့် ရွှေဝါရောင် လေးနှစ်ပြည့် လှုပ်ရှားမှုနှင့် ပတ်သက်ပြီး လှုပ်ရှားမှုတွင် ပါဝင်သူများကို ဝေဖန်နေသည့်အပေါ် မိမိတို့ စေတနာသန့်သန့်နှင့် လုပ်ဆောင်ခဲ့တာ ဖြစ်ကြောင်း လှုပ်ရှားမှုကို ဦးဆောင်ပါဝင်ခဲ့သူ တဦးလည်းဖြစ်၊ ၂ဝ၁ဝ ရွေးကောက်ပွဲဝင်ပြိုင်ခဲ့သည့် တသီးပုဂ္ဂလ ဦးဝင်းချိုက ဆိုသည်။ ယင်းလှုပ်ရှားမှုကို လုံခြုံရေးနှင့် ရဲဝန်ထမ်း ၄ဝဝ ခန့်က လူစုခွဲပစ်ခဲ့သည်။

ရွှေဝါရောင် လေးနှစ်ပြည့် လှုပ်ရှားမှု အစီအစဉ်များအကြောင်း၊ အမျိုးသား ပြန်လည် သင့်မြတ်ရေးအပေါ်အမြင်၊ ယခုလှုပ်ရှားမှုကြောင့် နိုင်ငံရေး အကျဉ်းသားလွတ်ရေး အပေါ်သက်ရောက်မှု၊ လှုပ်ရှားမှုများအပေါ် ဝေဖန်ချက် များကို ပြန်လည်တုန့်ပြန်မှုတို့ကို မဇ္ဈိမ သတင်းထောက် မျိုးသန့် က ဦးဝင်းချိုကို မေးမြန်းထားသည်။

ဘယ်လို အိုင်ဒီယာနဲ့ ဒီနေ့ အစီအစဉ်ကို လုပ်ဖြစ်တာလဲခင်ဗျာ့။

“အမှန်ပြောရရင် ကျနော်က ရွှေဝါရောင် နှစ်ပတ်လည်ပွဲကို သွားတက်တာပါ။ ပွဲက ဒေါ်နော်အုန်းလှတို့ ဦးစီးပြီးတော့ ဒဂုံမြို့သစ် အရှေ့ပိုင်းမှာ လုပ်တာပါ၊ ကျနော် သွားတက်တဲ့အခါကျတော့ အဲဒီမှာ သူတို့ ဆုတောင်းဖို့အတွက် သူတို့ အစီအစဉ်ရှိတယ်ဆိုတာ သိရပါတယ်။ အဲဒီတော့ သူတို့ ဆုတောင်းဖို့ လုပ်ထားတဲ့ အစီအစဉ်က ကားသုံးစီးနဲ့ ဆူးလေ ဘုရားမှာ သွားပြီးတော့ ဆုတောင်းမယ် ဝတ်ပြုမယ်ပေါ့။ အဲဒီအတွက် အားလုံး အဆင်ပြေပြေ၊ ငြိမ်းငြိမ်းချမ်းချမ်းနဲ့ ထိန်းထိန်းသိမ်းသိမ်းလေးဖြစ်ဖို့ ကျနော်က အဲဒီကျတော့မှ ကျနော်က ပူးပေါင်းပါဝင်ဖြစ်တာပါ ကျနော် ဦးဆောင် တာမဟုတ်ပါဘူး၊ ဒီကိစ္စ ကျနော် စီစဉ်တာ မဟုတ်ပါဘူး”

အန်ကယ်က ငြိမ်းငြိမ်းချမ်းချမ်း ဖြစ်ဖို့ ပါဝင်ဖြစ်တယ်ဆိုတော့၊ အာဏာပိုင်တွေဘက်က တင်းတင်းမာမာ တုန့်ပြန်လာမယ်လို့ မျှော်လင့်ထားလို့လား။

“ပထမ ကျနော်သိထားတာကတော့ ပုဒ်မ ၃၅၄ (၂ဝဝ၈ ဖွဲ့စည်းပုံ အခြေခံဥပဒေပါ ပုဒ်မ) ပြည်သူတွေရဲ့ ဆန္ဒကို လွတ်လပ်စွာဖေါ်ထုတ်ဖို့ဆိုတဲ့ ကိစ္စမှာ ကျနော်ကိုယ်တိုင် ဂျွန်လ ငါးရက်နေ့မှာ နိုင်ငံရေး အကျဉ်းသားတွေ လွတ်မြောက်ဖို့အတွက် မြို့တော်ခန်းမရှေ့မှာ ဆန္ဒပြဖို့အတွက် ကျနော်ရယ် နေမျိုးဝေရယ်၊ ကိုစိုးကြည်ရယ်၊ ကိုမင်းအောင်ရယ် ကျနော်တို့ ကြိုးစားခဲ့ပါသေးတယ်။ အဲဒီတုန်းက အာဏာပိုင်တွေက ပြောပါတယ်။ နည်းဥပဒေ ထုတ်ပြန်ရခြင်းမရှိသေးတဲ့အတွက်ပါတဲ့။ အဲဒီတော့ နည်းဥပဒေ ထုတ်ပြန်ဖို့ဆိုတာကလည်း အခုမှ လွှတ်တော်မှာ ဆွေးနွေးနေဆဲဆိုတာ ကျနော်သိတယ်လေ။ ဆိုတော့ နည်းဥပဒေ မထုတ်ပြန်သေးခင် ကျနော်တို့ နိုင်နိုင်နင်းနင်း ထိန်းသိမ်းနိုင်သလောက် ထိန်းသိမ်းပေးဖို့အတွက်။ ကျနော်က ၂ဝဝ၈ ဖွဲ့စည်းပုံအခြေခံဥပဒေကို လက်ခံထားတဲ့ ၂ဝ၁ဝ ရွေးကောက်ပွဲဝင်ခဲ့တဲ့ ကိုယ်စားလှယ်အနေနဲ့ ကျနော် လိုက်သွားတာပါ။”

ဘယ်လိုကနေ ဘယ်လိုတားတာလဲ ခင်ဗျာ့။

“မြောက်ဥက္ကလာကနေ ကမ္ဘာအေး ဘုရားလမ်းကို ချိုးပါတယ်။ အဲဒီမှာ ယဉ်ထိန်းကနေ တားပြီးတော့ လိုင်စင် စစ်ပါတယ်။ အဲဒီမှာ ရဲမှူးကြီးက လိုင်းကားတွေဟာ လိုင်းမဆွဲဘဲနဲ့ နဝလီ (အငှားလိုက်ခြင်း) ငှားတဲ့အတွက် အရေးယူခံရမှာဖြစ်တယ်လို့ ပြောတဲ့အခါမှာ ကျနော်တို့ ငှားလာတဲ့ ကားတွေက ရှေ့ဆက် မသွားရဲတော့ဘူး သူတို့က ဥပဒေနဲ့ ငြိနေတဲ့အတွက် သူတို့ အရေးယူခံရမှာကြောက်ပါတယ် ဆိုပြီးတော့ ကျနော်တို့ငှားထားတဲ့ ပိုက်ဆံကို ပြန်ပေးပါတယ်။ ကျနော်တို့ကလည်း နောက်ထပ် ကားငှားဖို့ မလွယ်တဲ့အခါ လမ်းလျှောက်သွားမယ်ဆိုတော့ ငါး ယောက်ထက်ပိုရင်လည်း တည်ဆဲဥပဒေအရ အရေးယူမှာပါတဲ့။ အဲဒါနဲ့ ကျနော်တို့က ကမ္ဘာအေး ဘုရားလမ်း ပလက်ဖေါင်းမှာပဲ ဘုရားဝတ်ပြုပါတယ်။ ပြီးတော့ ကျနော်တို့ လူစုခွဲလိုက်ပါတယ်”

ရဲ အဲဒီလောက်ပမာဏက အစတည်းက စောင့်တားတာလား။

“ဦးမောင်စိုး (ရဲမှူး) လာတားတုန်းကတော့ သူရယ်၊ ကားနှစ်စီးလောက်ပဲ ပါတာပေါ့။ ကားနှစ်စီးလောက်က
နေပြီးတော့ နောက်ထပ်ကျတော့ အများကြီးရောက်လာတာပေါ့။”

ဒီအစီအစဉ်မှာ တခြား ဘယ်သူတွေပါသေးလဲ။

“ကျနော်သိတဲ့လူတွေထဲမှာတော့ တလောက မြစ်ကြီးနား ထောင်ကပြန်လွှတ်လာတဲ့ မျိုးခင်ပါတယ်။ လွတ်ငြိမ်း ချမ်းသာခွင့်နဲ့ ပြန်လွှတ်လာတဲ့ ကျနော်တို့ အလုပ်သမား သွေးစည်းညီညွတ်ရေးမှာ အတူတူ လက်တွဲခဲ့တဲ့ ထွန်းထွန်းနိုင်တို့ပါတယ်။ ဒေါ်နော်အုန်းလှ၊ နိုင်ငံရေးအကျဉ်းသားလွတ်မြောက်ရေး ကွန်ယက်က ကိုဝေဠ တို့ပါတယ်။ တခြားလူတွေတော့ ကျနော်မသိပါဘူး။”

ရည်ရွယ်ချက်က ဆန္ဒထုတ်ဖေါ်ဖို့လုပ်တာလား၊ ဆုတောင်းဖို့ သက်သက်ပဲလားခင်ဗျာ့။

“ကျနော်တို့က ဆန္ဒပြဖို့ လုံးဝမကြိုးစားခဲ့တာပါ။ ကျနော်တို့က ကားနဲ့သွားပြီးတော့ ဆူးလေဘုရားမှာ ဝတ်ပြုမယ်၊ ဆုတောင်းမှာ ဒီဟာက ကျနော်တို့ ဆန္ဒပြတဲ့အကြောင်းအရာ မဟုတ်ဘူး။ ဒီဟာက ကျနော်တို့ရဲ့ ဆန္ဒဖေါ်ထုတ်ခြင်း ဘာလိုချင်တယ် ဘာပေးပါ။ ဒီဟာကို မလိုချင်ဘူး ဟိုဟာပေးပါ အစရှိသဖြင့် ကျနော်တို့ရဲ့ ဆန္ဒတွေ ပြောနေတာ မဟုတ်ပါဘူး။ ကိုဝေဠုတို့ စီစဉ်တာကလည်း ဝတ်ပြုဆုတောင်းဖို့ပါပဲ”

နိုင်ငံရေး အကျဉ်းသားတွေ လွှတ်မပေးတာဟာ ဒီလို လှုပ်ရှားမှုတွေ ဖြစ်လာမှာကို စိုးရိမ်လို့,လို့ ပြောသံတွေ ကြားရပါတယ်။ အခုလှုပ်ရှားမှုကြောင့် နိုင်ငံရေး အကျဉ်းသားကိစ္စ မထိခိုက်နိုင်ဘူးလား။

“ကျနော်တို့လုပ်ခဲ့ပါတယ်။ ကျနော် စီစဉ်တာတော့ မဟုတ်ပါဘူး။ တချိန်တည်းမှာ အမှားအယွင်းဖြစ်ခဲ့ရင်လည်း ကျနော်တာဝန်ယူပါတယ်။ ခေါင်းမရှောင်ပါဘူး။ ကျနော် ဘာ့ကြောင့် ဒီပွဲထဲကို ဝင်သွားရသလဲဆိုတာလည်း ကလေးတွေက ကျနော့်ကို တောင်းဆိုပါတယ်။ အန်ကယ် ဝိုင်းထိန်းပေးပါ။ ကျနော်ကလည်း ရွေးကောက်ပွဲဝင်ခဲ့တဲ့ ကိုယ်စားလှယ်တယောက်အနေနဲ့ သူတို့က ပြောပါတယ်။ အဲဒီတော့ ကျနော်ကလည်း အဲဒီကိစ္စ ဝိုင်းဝန်း ကူညီပေးတာပါ”

နောက်တခုက ဒီကိစ္စဟာ သွေးရိုးသားရိုးမဟုတ်ဘူး နောက်ကွယ်မှာ တခုခု ရှိနေနိုင်တယ်လို့ ဝေဖန်ကြပါတယ် အဲဒီအပေါ်မှာကော။

“ကျနော်လည်း အဲဒါကို သိပါတယ်၊ ဒေါက်တာသန်းထွဋ်အောင်က လုံးဝ လက်မခံနိုင်ဘူး။ နောက်ကွယ်က
ပြဿနာကို ဖေါ်ထုတ်ရမယ်လို့ ရဲရဲတင်းတင်း ပြတ်ပြတ်သားသား ပြောရဲတဲ့ စေတနာကို လေးစားပါတယ်။ ဒါပေမယ့် ဒီမိုကရေစီနိုင်ငံ ထူထောင်ချင်ရင် ကျနော်တို့လို လူညံ့တွေလည်းဒီနိုင်ငံမှာ အသက်ရှင်ခွင့်ပြုပါ လို့ပြောချင်တယ်။”

“ကျနော်တို့ ချောင်းရေက သူ့ဘာသာ သူနောက်တာပါဗျာ။ နင်မဟုတ်ရင် နင့်အဖေပဲလို့တော့ မပြောစေချင်ဘူး။ ကျနော်တို့ ရေသောက်ဆင်းမိပါတယ်။ အဲဒီတော့ ဒီချောင်းရေ နောက်သွားတယ်။ ကျနော်မဟုတ်ပါဘူး ဆိုရင်တောင် နင်မဟုတ်ရင် နင့်အဖေပဲလို့ ဖြစ်နိုင်ရင် မပြောစေချင်ပါဘူး။”

ဒေါ်အောင်ဆန်းစုကြည်ကလည်း အာရပ်မှာ ဖြစ်နေသလိုမျိုး လှုပ်ရှားမှုတွေ မဖြစ်စေလိုပုံ ပေါ်ပါတယ်၊ ဒီအပေါ်မှာကော။

“ကျနော်တို့ ခေါင်းဆောင်က ဒါလုပ်ဆိုမှ လုပ်တဲ့လူတွေမဟုတ်တာတော့ ကျနော်တို့မှာ အပြစ်ရှိတာ ဖြစ်ကောင်း ဖြစ်နိုင်ပါတယ်။ နောက်တခါ ကျနော်တို့က ကိုယ့်အယူအဆ လေးတွေကို
ဖေါ်ထုတ်တာလည်း ခေါင်းဆောင်လည်း လက်ခံနိုင်လိမ့်မယ်လို့ ထင်ပါတယ်ခင်ဗျာ။ အဲဒီအတွက် ခေါင်းဆောင်လုပ်နေတဲ့ အကြောင်းအရာတွေကို အနှောက်အယှက် ဖြစ်စေချင်တဲ့ ဘယ်သူ့မှာမှ ဖြစ်စေချင်တဲ့ ဆန္ဒလုံးဝမရှိပါခင်ဗျာ။”

ဒီလှုပ်ရှားမှုနဲ့ ပတ်သက်ပြီး အန်တီစုနဲ့ သဘောထား မကွဲနိုင်ဘူးလား။

“ကျနော်ကတော့ အဲဒီလို မမြင်ဘူးခင်ဗျာ့၊ အန်တီကတော့ အားလုံး ကိုယ့်ဟာကို လမ်းလျှောက်နိုင်ဖို့အတွက် ပိုပြီးတော့ စိတ်ဝင်စားမယ် ထင်ပါတယ်။ အစတည်းကလည်း အန်တီယောက်တည်းနဲ့ ဒီမိုကရေစီနိုင်ငံ ဖြစ်လာဖို့ဆိုတာ မဟုတ်သေးဘူး မှားတယ် ဆိုပြီးတော့ ပြောပါတယ်။ သူ့တယောက် တည်းကိုပဲ အားကိုးနေရင် အာဏာရှင် ဖြစ်သွားမယ်လို့လည်း ပြောဖူးပါတယ်။ ဒီကိစ္စမှာ ကလေးတွေ လုပ်တာနဲ့ ပတ်သက်ပြီးတော့ ကျနော်က ဝိုင်းဝန်း ထိန်းသိမ်းပါတယ်။ အဲဒီဟာနဲ့ ပတ်သက်ပြီးတော့ ကျနော်မှားသွားရင်လည်း သမိုင်းက ရေးသွားပါလိမ့်မယ်။ သို့သော် လည်း ကျနော်တို့ စေတနာ မသန့်တဲ့ အလုပ်တော့ တခုမှ မလုပ်ခဲ့ပါဘူး။”

နောက်ထပ်မေးချင်တာက အမျိုးသားပြန်လည် သင့်မြတ်ရေးဆိုတဲ့ ဝေါဟာရကို အန်ကယ် ဘယ်လို အဓိပ္ပါယ် ဖွင့်ပါသလဲ။

“ဖွဲ့စည်းပုံ အသက်မဝင်သေးခင် ရွေးကောက်ပွဲလည်း မစသေးခင်က ကျနော်ပြောခဲ့တယ်ဗျ။ အမျိုးသား ပြန်လည် သင့်မြတ်ရေးဆိုတာ အုပ်ချုပ်သူနဲ့ အုပ်ချုပ်ခံလူတန်းစား ကြားထဲမှာ သံသယ ကင်းကင်းနဲ့ ပွင့်ပွင့်လင်းလင်း ဆက်ဆံနိုင်ခဲ့ရင် အဲဒါဟာ အမျိုးသား ပြန်လည်သင့်မြတ်ရေးပါပဲ။”

အဲဒီ ပွင့်ပွင်းလင်း ဆက်ဆံနေကြတဲ့ အခြေအနေတွေ မြင်နေရပြီလား။

“အဲဒါကတော့ ကျနော်တို့ စမ်းသပ်ဆဲကာလဖြစ်ပါတယ်။ ကျနော်တို့ တယောက်ကို တယောက် ချစ်ချစ်ခင်ခင်နဲ့ တယောက်ကိုတယောက် အမှားအယွင်းလေးတွေရှိရင် သည်းခံပြီးတော့ ကျနော်တို့ ပြုပြင်သွားရင် ဒီကိစ္စဟာ အဆင်ပြေသွားမယ်လို့ ကျနော်က ယူဆပါတယ်။ ပြည်သူမပါတဲ့ အမျိုးသား ပြန်လည် သင့်မြတ်ရေး ဆိုတာ ဖြစ်နိုင်မယ်လို့ ခင်ဗျားကော ထင်သလားဗျာ။”

အန်ကယ့်ရဲ့ နိုင်ငံရေး အယူအဆလည်း ပြောပါဦး။

“အခုလက်ငင်းအချိန်မှာ ကျနော်တို့ နိုင်ငံရေး အယူအဆနဲ့ ပတ်သက်ပြီး နိုင်ငံရေးကို မလုပ်ရသေးဘူး ထင်တာပဲ။ ကျနော်တို့ အခုလုပ်နေတာတွေက နိုင်ငံသားတွေရဲ့ အကျိုးစီးပွား ကာကွယ်မှုကိုပဲ မပြီးဆုံးနိုင်အောင် ထမ်းဆောင်နေရသေးတာ။ ဘာဖြစ်လို့လဲဆိုတော့ ကျနော်တို့နိုင်ငံမှာ ဖွဲ့စည်းပုံအခြေခံ ဥပဒေက ၂ဝ၁ဝ၊ ၂ဝ၁၁ ဖေဖေါ်ဝါရီ ကျတော့မှ ပြန်ရှိတာကိုး။ နှစ်ပေါင်း နှစ်ဆယ်လောက်နီးနီး နိုင်ငံသားတို့၏ မူလ အခွင့်အရေးများနဲ့ တာဝန်များ ဆိုတဲ့ဟာက အခုအချိန်မှာ တခါမှ မခံစားဘူးဖူးလေ။ နိုင်ငံသားတို့၏ မူလ အခွင့်အရေးများနဲ့ အခန်းကဏ္ဍ ပုဒ်မ ၃၄၅ ကနေ ၃၉ဝ အထိကို ကြေကြေ ညက်ညက်သိဖို့ကို အရင်ဆုံးကြိုးစားနေရတဲ့အခါမှာ မူဝါဒ ကိစ္စ ကိုပြောဖို့ မလွယ်လောက်သေးဘူး။”

နောက်ဆုံး မေးခွန်းပါပဲ ခင်ဗျာ၊ ဒီနေ့ အခြေအနေမှာ ရဲတွေ၊ လုံခြုံရေးတွေက အန်ကယ်တို့ကို ဆက်ဆံတဲ့ အနေအထားလည်း သိပါရစေ။

“ကာလ၊ ဒေသ၊ ပရောဂ အပေါ်မှာပဲ မူတည်ပါတယ်။ အဲဒီတော့ အခြေအနေတခု ပြောင်းသွားလို့ရှိရင် အပြုအမူက
ပြောင်းသွားရမှာကိုး။ အခုအခြေအနေမှာတော့ သူတို့ ပူးပေါင်း ဆောင်ရွက်တယ်လို့ ပြောလို့ရပါတယ်။”

နောက်ထပ် ဖြည့်ပြောချင်တာရှိရင် ပြောပါခင်ဗျာ။

“ဒီလိုပါဗျာ။ ကျနော်တို့ အကောင်းကြိုးစားပြီး လုပ်နေပါတယ်။ မှားတာတွေ ရှိနိုင်ပါတယ်။ ဘာမှ မလုပ်တာထက် စာရင်တော့ စေတနာ သန့်သန့်နဲ့ လုပ်ကိုင်ရင်းနဲ့ မှားတာလေးတွေရှိရင် ကျနော်တို့ကို နားလည်ပေးပါ။ ကျနော်တို့ စေတနာ မယုတ်မာပါဘူး။ ကျနော် ဘယ်သူ့အားကိုးနဲ့ ဘယ်သူ့ သြဇာနဲ့ ကျနော့်ကို ဒီလို အလုပ်မျိုး လုပ်နေတယ်လို့ ကျနော့်ကိုဖြစ်နိုင်ရင် မစွတ်စွဲစေချင်ဘူးဗျာ။ ကျနော့်ကို သေသေချာချာလေး လေ့လာပေးပါ။ ဦးဝင်းချိုက အရှေ့မှာ ရင်ဘတ်၊ အနောက်မှာ ကျောကလွဲရင် ဘာမှ မရှိတဲ့လူပါ။ လုံးဝတသီးပုဂ္ဂလပါ အဲဒါကို လုံးဝ ကြေညာပါတယ်။”

How CDM Project Enhancing in Developing Myanmar

Sunday, September 25, 2011 1:46 AM | Posted by Unknown
How CDM Project Enhancing in Developing Myanmar

Burma Water Analysis

1:41 AM | Posted by Unknown
Presentation for Workshop Final

Development of hydropower in Ayeyawady River A Strategic Choice for Myanmar Electric Industry

1:39 AM | Posted by Unknown
LiGuangHua-CPIYN-20110917

Irrawaddy-hydropower-MoECAF

1:38 AM | Posted by Unknown
irrawady-hydropower-MoECAF

ဧရာဝတီရဲ့ ပဲ့တင်သံများ...

ဧရာဝတီရဲ့ ပဲ့တင်သံများ...

ဧရာဝတီရဲ့ ပဲ့တင်သံများ
နာရေးကူညီမှုအသင်း(ရန်ကုန်)တွင် ၂၃.၉.၂၀၁၁ (သောကြာနေ့) နံနက် (၁၀း၀၀) နာရီမှ ညနေ (၅း၀၀) နာရီအချိန်ထိ ဧရာဝတီနှင့်ပတ်သက်၍ “လူငယ်များရဲ့ ဧရာဝတီ” ဟူသော ဧရာဝတီ မြစ်ဆုံ စီမံကိန်းအား ဆန့်ကျင် ကန့်ကွက်မှုအတွက် တတ်သိပညာရှင်များ၊ စာပေ၊ ရုပ်ရှင်၊ ဂီတ ပညာရှင်များ၊ တိုင်းရင်းသားပေါင်းစုံတို့၏ ကိုယ်စားပြုလူငယ်များ၊ စီးပွားရေးလုပ်ငန်းရှင်များ၊ နိုင်ငံရေး လှုပ်ရှားသူများ၊ ဘာသာပေါင်းစုံ အဖွဲ့အစည်းများ၊ အခြေခံလူတန်းစားများ၊ ဧရာဝတီကို ချစ်မြတ်နိုး ကြသော လူမျိုးဘာသာ ဆင်းရဲချမ်းသာ မြန်မာပြည်တွင် နေထိုင်ကြသော ဧရာဝတီကို စိတ်ပါဝင်စား သူများနှင့် စည်ကားသိုက်မြိုက် စည်းလုံးညီညွတ် တက်ကြွစွာဖြင့် ကျင်းပပြုလုပ်ခဲ့ပါသည်။

ယင်းအခမ်းအနားတွင် နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူ အပါအ၀င် ကဗျာဆရာ (၁၅) ဦးမှ ကဗျာများ ရွတ်ဆိုခဲ့ကာ ကိုရဲလွင်၊ ကိုသားထွေး၊ ဆောင်းဦးလှိုင်၊ အနဂ္ဂ၊ ရန်ရန်ချမ်း၊ ဇေယျာသော်၊ ရသ၊ တို့မှ ဧရာဝတီလှုံ့ဆော်မှု သီချင်းများဖြင့် ဖျော်ဖြေခဲ့သည်။ ဒေါ်ဒေ၀ီသန့်စင်၊ ဦးအုန်း၊ ဦးအောင်ကြည်ညွန့်တို့မှလည်း ဧရာဝတီမြစ်ဆုံ စီမံကိန်းအား ကန့်ကွက် ကြောင်း ဟောပြောခဲ့သည်။ ကိုယ်တိုင် မတက်ရောက်နိုင်သော စာရေးဆရာများ၊ တတ်သိပညာရှင် များ၏ စာတန်းများ၊ အက်ဆေးများကို လူငယ်များမှ ဖတ်ကြားရွတ်ဆိုခဲ့သည်။ ဗွီဒီယိုပြကွက်များ အဖြစ် ဘဘဦးဝင်းတင်၊ လူထုဦးစိန်ဝင်း၊ ဆရာအောင်သင်းတို့ရဲ့ ဧရာဝတီနဲ့ပတ်သတ်သည့် လူငယ်တွေအပေါ် မှာကြားချက်တွေကိုလည်း ပြသခဲ့သည်။ ထို့နောက် လူငယ်များရဲ့ ဧရာဝတီ ဆွေးနွေးပွဲအား တတ်ရောက်လာကြသော လူထုပရိသတ်ထဲမှ ၀ိုင်းဝန်းဆွေးနွေး အကြံပြုကြကာ နာရေးကူညီမှုအသင်း(ရန်ကုန်) ဘဏ္ဍာရေးမှူး ဒေါ်ရွှေဇီးကွက်မှ နှုတ်ခွန်းဆက် စကားပြောကြားပြီး သည့်နောက် အခမ်းအနားရုပ်သိမ်းချိန်တွင် ကိုရဲလွင် (မဇ္ဈိမလှိုင်း) တို့ဦးဆောင်၍ ထူးအိမ်သင် ရေးစပ်သီဆိုထားသည့် “ရာဇ၀င်များရဲ့ သတို့သမီး” သီချင်းအား တက်ရောက်လာကြသော ဧရာဝတီ ကို ချစ်မြတ်နိုးသော လူမျိုးဘာသာပေါင်းစုံတို့က ၀ိုင်းဝန်းကြွေးကြော် တက်ကြွစွာဖြင့် သီဆိုကြကာ အခမ်းအနားအား အောင်မြင်စွာ ရုပ်သိမ်းလိုက်ပါတော့သည်။
ယခု လူငယ်များရဲ့ ဧရာဝတီရင်ခုန်သံ ပွဲသည် ယခင့် ယခင်များက ကျင်းပခဲ့သော ပွဲများနှင့်မတူ ထူးခြားလှစွာဖြင့် တက်ရောက်ကြသော ဧရာဝတီအား စိတ်ပါဝင်စားသော ဧည့်ပရိတ်သတ်များသည် လူဦးရေအားဖြင့် (၅၀၀) ကျော်တို့ တက်ရောက်သဖြင့် နာရေးကူညီမှုအသင်း(ရန်ကုန်)ရှိ အစည်းအဝေးကျင်းပရာ ခန်းမဆောင်တစ်ခု ထဲဖြင့် မလုံလောက်သဖြင့် စာသင်ခန်း တစ်ခန်းကိုပါ ပရိုဂျက်တာထိုး၍ ပြသကာ အမေးအဖြေကဏ္ဍ အတွက်ပါ မိုက်ကရိုဖုန်းများပါ ဆင့်ပွားထားရှိ ကျင်းပပေးခဲ့ရသည်။

လူငယ်များရဲ့ ဧရာဝတီရင်ခုန်သံပြပွဲ၌ ခံစားမှုများ ဖော်ထုတ်ကြသော ရင်ခုန်သံစကားများ ထဲမှ ကောက်နှုတ်ချက်များ -

“မေခနဲ့မလိခ ပေါင်းစည်းမှ အရှိန်အဟုန်ကြီးမားတဲ့ ဧရာဝတီပေါ်ပေါက်လာတာ။ ကျွန်တော်တို့က မေခဆိုရင် အစိုးရက မလိခ။ အစိုးရက မလိခဆိုရင် ကျွန်တော်တို့က မေခ။ ဒါကြောင့် မြစ်ဆုံကိစ္စကို ဆုံးဖြတ်ချက်ချမယ့် လွှတ်တော်အနေနဲ့ မှန်ကန်တည့်မတ်စွာ ဆုံးဖြတ်သင့်တယ်။ တိမ်းစောင်းပြီး ဇောက်ထိုးဆုံးဖြတ်လိုက်ရင် ပြည်သူနဲ့ အစိုးရ တစ်ကွဲစီဖြစ်သွားမယ်။ မြန်မာပြည်ကြီးကို ဇောက်ထိုး တော့ မကြည့်သင့်။” (ကျော်သူ)

“ဧရာဝတီကို ပိတ်ဆို့တားဆီးတာဟာ အနုပညာကို ပိတ်ဆို့ထားသလို ခံစားရတယ်။” (ကိုရဲလွင် - မဇ္စျိမလှိုင်း)

“ဧရာဝတီပေါ်မှာ ရုပ်ရှင်ရိုက်ခဲ့ဖူးတယ်။ အခုလို ပိတ်ဆို့တားဆီးတာမျိုး မဖြစ်သင့်။” (ရဲတိုက်)

“တမျိုးသားလုံးနှင့် သက်ဆိုင်သော ဧရာဝတီမြစ်ဆုံစီမံကိန်း ရုပ်သိမ်းပေးမှုကိစ္စရပ်အား ထပ်မံ၍ အရှိန်အဟုန်မြင့်ကာ လုပ်ဆောင်ကြဖို့လိုကြောင်း” (ဒေါ်မြင့်မြင့်ခင်ဖေ (ခ) ရွှေဇီးကွက်)

“အစိုးရအနေနဲ့ ဒီမိုကရေစီလမ်းကြောင်းပေါ် လျှောက်လှမ်းရာမှာ ပြုပြင်ပြောင်းလဲမှုကို လိုတယ်လို့ ပြောထားသလို ဧရာဝတီနဲ့ ပတ်သက်ပြီး မြစ်ကောရန် အရင်မလုပ်ကြပါနဲ့ စစ်ကောရန်သာ အရင်လုပ် ကြပါ” (ဒေါ်ဒေ၀ီသန့်စင်)

“သမိုင်းတရားခံ မဖြစ်ပါစေနဲ့၊ မင်းတို့နားထောင် ပြည်သူတွေနဲ့ ဧရာဝတီရုပ်ရှင်မှာ မင်းတို့ဗီလိန် မဖြစ်စေနဲ့ လူ့အခွင့်အရေးဟာ အရေးကြီးသလို မြစ်အခွင့်အရေးဟာလည်း အရေးကြီးတယ်။” (ဦးကောဝိသ - မန္တလေး)

“သို့ ဧရာဝတီ,
ထီးနန်းမပြုတ် ဆုတ်ခွာစေ၊
လာမဲ့ဘေး ဝေးပါစေ၊
ရေစီးရေလာ ကောင်းပါစေ”
(ကဗျာဆရာ မောင်ပိုင်စိုး)
“ကျွန်တော် ပြည်ဘက်ကို သွားတဲ့အချိန်မှာ ဧရာဝတီမြစ်ဟာ အလယ်မှာ သောင်ထွန်းနေတယ်။ ၁၉၈၉ ခုနှစ်လောက်က အခုတော့ အဲဒီသောင်ပြင်ဟာ သောင်မဟုတ်တော့ပါဘူး လူတွေတောင် တက် နေနေကြပါပြီ။ သဘာဝပတ်ဝန်းကျင်ဟာ ပြောင်းလဲလာ ပြောင်းလဲလာ ဒီဆည်မဆောက်ခင် ကလည်း ပြောင်းလဲတာပါ။ ကျွန်တော်တို့ အခွင့်အရေးကို ကျွန်တော်တို့ ကာကွယ်ဖို့ပါပဲ။ ကျွန်တော်တို့ က ဧရာဝတီအကြောင်း သီချင်းလေး မဆိုပါဘူး။ ကျွန်တော်တို့ သီချင်းလေးပဲ ကျွန်တော်တို့ ဆိုပါမယ်။ ကျွန်တော်တို့သီချင်းက စစချင်းရောက်လာတော့ အကုန်လုံးထကြ အကုန်လုံးထကဆိုတော့ ကျွန်တော်တို့ဗမာပြည်က ရှိတဲ့လူတွေ အကုန်လုံးကို လှုပ်နိုးဖို့ပဲ ကျွန်တော်တို့ လာတာပါ။ ဘာလို့လဲ ဆိုတော့ ကျွန်တော်တို့ ရိုးရိုးတန်းတန်း လမ်းမပေါ်က လူတွေကို ရှေ့ဆက်လျှောက်ဖို့ အတွက်ပါ။” (အနဂ္ဂ)

“ကျွန်တော်တို့ မြန်မာနိုင်ငံမှာ မြစ်ကြီးတွေအများကြီး ရှိပါတယ်။ အဲဒီမြစ်ကြီးတွေထဲမှာမှ ဧရာဝတီမြစ် ကြီးဟာ မိုင်ပေါင်း ၁၅၀၀ ကျော်ရှည်လျားပြီးတော့ ကျွန်တော်တို့ မြန်မာ့ရာဇ၀င်နှင့် အတူတူ ရှင်သန် လာခဲ့တဲ့ ပါရမီဖြည့်ဘက်ကြီးတစ်ပါးလို့ ပြောလို့ရပါတယ်။ ဒီ ပါရမီဖြည့်ဘက်ကြီးဟာ ကျွန်တော်တို့ ခေတ်ရောက်တော့မှ အသက်လည်း အိုမင်းလာပြီ။ သူ့ကို ဘေးကနေပြီးတော့ စောင့်ရှောက်မယ့်သူ မရှိတော့ဘူးဆိုရင် သူ့မှာ သေဆုံးရမယ့်အချိန် သူ့မှာရှိပါတယ်။ ဒါဟာ ဘယ်သူမှ မလွန်ဆန်နိုင်တဲ့ တရားပါ။ ဒီတော့ ဧရာဝတီ မြစ်ကြီးကိုလည်း ကျွန်တော်ချစ်ပါတယ်။” (ရသ)

“အန်ကယ်က အခုအသက် (၈၅)နှစ် ရှိပြီ။ အန်ကယ်တို့ ဧရာဝတီမြစ်ဆုံကို (၃) ခေါက်ရောက်တယ်။ ၁၉၈၅ ခုနှစ်က ရောက်တာ ရေကလည်း ကြည်တယ်။ ငါးတွေက အများကြီးပဲရှိတယ်။ အရမ်းကို ကျက်သရေရှိတယ်။ နောက်တစ်ခေါက်ရောက်တာက ၂၀၀၇ ခုနှစ်ရောက်တော့ အခြေအနေ တော်တော်ဆိုးတယ်။ တတိယအကြိမ်ရောက်တော့ ၂၀၀၉ တော်တော်လေးကို ဆိုးသွားပြီ။ မေခဟာ အင်မတန် ရေစီးကြမ်းပါတယ်။ မလိခဟာ အင်မတန်နူးညံ့ပါတယ်။ အဲဒီလောက် အဖိုးတန်တဲ့ ဒီ ဧရာဝတီကို ဘယ်အချိန်ကမှ ဆည်ဆောက်တာကို သဘောမတူဘူး။ ကန့်ကွက်ခဲ့ကြတယ်။ သို့သော်လည်း နိုင်ငံရဲ့အကျိုး ဖွံ့ဖြိုးမှု ဖွံ့ဖြိုးတိုးတက်တယ်ဆိုတာ နိုင်ငံတော်ရဲ့ လုပ်ရမယ့်တာဝန်ပါ။ သို့သော်ဖွံ့ဖြိုးတိုးတက်မှု လုပ်တိုင်းလဲ အကောင်းတွေပဲ မဟုတ်ဘူး။ အကောင်းအဆိုးဆိုတာ ရှိတယ်။ ဧရာဝတီမြစ်ဆုံကို (၂)နှစ်လောက် လေ့လာပြီးတော့ လုပ်မယ်ပြုမယ်ဆိုရင် ကမ္ဘာအရပ်ရပ်က ဆည်တွေတောင် (၁၀)နှစ်လောက် အချိန်ယူပြီးတော့ ပြင်ဆင်ရတယ်။ အဲဒီတော့ ဧရာဝတီကို ဗမာပြည်မှာစပြီးတော့ စီးဆင်းတဲ့အခါ ဗမာ့အသက်သွေးကြော ဧရာဝတီမြစ်ဟာ တကယ်တော့ ဗမာလို့ပြောတာတောင်မှ လုံလောက်ပါတယ်။ ကမ္ဘာမြစ်ကြီး (၁၃) သွယ်မှာ ဧရာဝတီမြစ်ကြီးပါတယ်။ အဲလောက် ထင်ရှားပြီးတော့ ကောတော့မယ်။ အဲဒါကို ကျွန်တော်တို့ အတတ်နိုင်ဆုံး ထိန်းသိမ်းရမယ်။ ပြုပြင်ရမယ်။” (ဦးအုန်း)
ပြည်တွင်းမှ ကြည့်ရန်... https://picasaweb.google.com/109255525006943086316/20110925