သင်းအောင် Monday, 21 February 2011 17:28
ဇန်န၀ါရီ လကုန်ပိုင်းက ထိုင်းနိုင်ငံဘက် ထွက်ပြေး လွတ်မြောက်လာသည့် အင်းစိန် အပါအ၀င် နိုင်ငံတ၀န်းရှိ ထောင်များမှ ခေါ်ယူအသုံးပြုခံရသော အကျဉ်းသား ပေါ်တာများ (ဓာတ်ပုံ - ဧရာဝတီ)
ပြီးခဲ့သည့် ၂၀၁၀ ဒီဇင်ဘာ လလယ်ခန့်က ဧရာဝတီတိုင်း ပုသိမ်၊ မအူပင်၊ မြောင်းမြ အကျဉ်းထောင်များမှ အကျဉ်းသား ၂၀၀ သည် အင်းစိန် အကျဉ်းထောင်သို့ ရောက်ရှိလာပြီး မြ၀တီ ရှေ့တန်း စစ်မြေပြင်သို့ ပေါ်တာ အဖြစ် ပို့ဆောင်ခဲ့သည်ဟု မကြာမီ ရက်ပိုင်းက လွတ်ရက်စေ့၍ လွတ်မြောက်လာသည့် အကျဉ်းသား တဦး က ပြောသည်။
၎င်းက“သူတို့အားလုံးကို ၂-ဆောင်၊ တိုးချဲ့-၃ မှာ တခန်းတည်းထားတယ်။ ဘယ်သူမှ တွေ့ခွင့် မရှိဘူး။ အပြာဝတ်၊ ခြေကျင်းတွေ နဲ့ ရာဇ၀တ်မှု ကျူးလွန်ထားသူတွေ ချည်းပဲ။ မြ၀တီမှာ လမ်းဖောက်ရမယ် ဆိုပြီး နောက်တနေ့ မနက် ၅ နာရီမှာ ရဲဘက် ထုတ် တယ်။ ဟိုရောက်တော့ ရှေ့တန်း ပို့လိုက်တယ်။ အဲဒီအထဲက အယောက် ၂၀ လောက်ပဲ ခြေပြတ် လက်ပြတ် ဒဏ်ရာတွေနဲ့ အင်း စိန် ထောင်ဆေးရုံ ပြန်ရောက်လာတယ်”ဟု ပြောပြသည်။
ထို့အပြင် ဇန်န၀ါရီ ဒုတိယ အပတ်ကလည်း အင်းစိန်ထောင် အကျဉ်းသား ၂၀၀ ကို မြ၀တီစစ်မြေပြင်သို့ ပေါ်တာအဖြစ် ထပ်မံ စေ လွှတ်ကြောင်း၊ လက်နက်ကြီးများဒဏ်ကြောင့် အကျဉ်းသားပေါ်တာ ၇ ဦးသာ အသက်ရှင် ကျန်ရစ်ကြောင်း၊ ၎င်းတို့သည် ဒဏ်ရာ အသီးသီးနှင့် အင်းစိန်ထောင်ဆေးရုံ၌ လက်ရှိ တက်ရောက်ကုသနေဆဲဖြစ်ကြောင်း သိရသည်။
“အရပ်သား အကျဉ်းကျတွေဆိုတော့ ဗုံးဆန်၊ ကျည်ဆန်တွေကြားမှာ ကြောက်တာပေါ့။ ဒီအထဲက တချို့ကြောက်လို့ပြေးတယ်။ စစ်တပ်က ပြန်မိတော့ ရိုက်နှက်ထားလိုက်တာ မြင်လို့တောင် မကောင်းဘူး”ဟု အင်းစိန်ထောင်ဆေးရုံ၌ ဆေးကုသခံခဲ့ရသူ တဦး က ပြောသည်။
၎င်း၏ အဆိုအရ အင်းစိန်ထောင် ဆေးရုံတွင် အကျဉ်းသားလူနာ ၈၀ ထက် မနည်း တက်ရောက်လျက်ရှိသော်လည်း ကျန်းမာရေး စောင့်ရှောက်မှု လုံလောက်စွာ မရရှိကြောင်း သိရသည်။
အင်းစိန် အကျဉ်းဦးစီးဌာန တာဝန်ရှိသူသို့ လာဘ်လာဘ ငွေကြေးပေးနိုင်သူ အကျဉ်းသားများသည် ရန်ကုန်တိုင်းအတွင်းရှိ လှည်း ကူး - လှေလှော်အင်း၊ တွံတေး - တောကြီးတန်း အပြင် တခြား ကျောက်ထု ရဲဘက် စခန်းများသို့သာ ပို့ဆောင်ခံရပြီး ငွေကြေး မတတ်နိုင်သည့် အကျဉ်းသား အများစုမှာ လတ်တလော၌ ကရင်ပြည်နယ် ရှေ့တန်း စစ်မြေပြင်သို့ ပို့ဆောင်မှုများ ရှိနေကြောင်း အင်းစိန် အကျဉ်းဦးစီးနှင့် နီးစပ်သူများက ပြောသည်။
၂၀၁၀ ဒီဇင်ဘာလ မှ ၂၀၁၁ ဇန်န၀ါရီ အတွင်း ကရင်ပြည်နယ် စစ်မြေပြင်သို့ အကျဉ်းသား ပေါ်တာ(၂) ကြိမ်တိုင် ပို့ဆောင်ပြီး ဖြစ် ကြောင်း သိရသည်။
ပြီးခဲ့သည့် ဖေဖော်ဝါရီ လဆန်းပိုင်းကလည်း အင်းစိန် ထောင်မှ အကျဉ်းသားများကို စစ်မြေပြင်၌ ပေါ်တာ အဖြစ် သုံးရန် ၁၀ ဘီး ကား ၅ စီးဖြင့် ခေါ်ထုတ်သွားသည်ဟု နော်ဝေးနိုင်ငံ အခြေစိုက် ဒီမိုကရက်တစ် မြန်မာ့ အသံ(DVB)သတင်း၌ ဖော်ပြထားသည်။
Sources: Irrawaddy
Post a Comment