ပြည်သူ့လွှတ်တော် သို့ ပေးပို့မည့် နအဖ စစ်အုပ်စု ရဲ့ တမတ်သားပါလီမန်ကိုယ်စားလှယ် စာရင်း

Sunday, January 23, 2011 4:52 PM | Posted by Anonymous
ပြည်သူ့လွှတ်တော် သို့ ပေးပို့မည့် နအဖ စစ်အုပ်စု ရဲ့ တမတ်သားပါလီမန်ကိုယ်စားလှယ် စာရင်း
Read more »
0 comments

UEC's Announcement of Defence Services Personnel Pyithu Hluttaw representatives in English

4:45 PM | Posted by Anonymous
UEC's Announcement of Defence Services Personnel Pyithu Hluttaw representatives in English
Read more »
0 comments

နအဖ ရဲ့ ပြည်သူ့စစ်မှုထမ်းဥပဒေနှင့်ပါတ်သက်၍ ဒီချုပ် ရဲ့ သဘောထားထုပ်ပြန်ကြေငြာချက်

4:28 PM | Posted by Anonymous
NLD Statement
Read more »
0 comments

ဒေါ်အောင်ဆန်းစုကြည်၏ မိန့်ခွန်း

4:23 PM , | Posted by Anonymous

အမေရိကန်နိုင်ငံ Oregon ပြည်နယ် Portland မြို့မှ မြန်မာပြည်တွင်းရှိ HIV- AIDS ဝေဒနာရှင်များအား ကူညီရေး ရံပုံငွေဈေးရောင်းပွဲအတွက် ပေးပို့သော ဒေါ်အောင်ဆန်းစုကြည်၏ မိန့်ခွန်း...



Read more »
0 comments

ဆိုက်ကားသမားဒဿနဆရာ

Wednesday, January 5, 2011 5:20 AM | Posted by Anonymous

ဆရာကြီး မြသန်းတင့်ရဲ့ ခေတ်ပြိုင်ရုပ်ပုံလွှာများ ဒုတိယအကြိမ် ပြန်လည် ထွက်ရှိတာပါ...။
ပထမအကြိမ်မှာမပါဝင်တဲ့ ရုပ်ပုံလွှာ အသစ်နှစ်ပုဒ် ထပ်မံဖြည့်စွက်ထားပါတယ်...။ လူများ နှစ်ကာလများ ဘ၀များ အကြောင်းကို ရိုးရှင်းစွာ မြင်တွေ့နိုင်ပါသည်...။ ဆရာကြီးမြ ရေးသားခြင်းမို့ ကျွန်တော် အနေနဲ့ အထူးတလည်.. ညွှန်းဆိုနေစရာတော့ သိပ်မလိုပါဘူး.. စာဖတ်သူတွေအတွက်.. စိတ်ကြိုက်တစ်ပုဒ်ကို.. တင်ဆက်ပေးလိုက်ပါတယ်..။ ကျွန်တော်စာအုပ်စင်အတွက် သိမ်းဆည်းထားတဲ့ စာအုပ်ကောင်းလေး တစ်အုပ် ဖြစ်ပါတယ်..။




ဆိုက်ကားသမားဒဿနဆရာ

ညို့မှောင်နေသည့်သူ့မျက်နှာပေါ်မှမျက်လုံးများသည်တဖျက်ဖျက်တောက်နေကြသည်။ဆံပင်ဖရိုဖရဲ၊အ၀တ်အစားခပ်နွမ်းနွမ်းနှင့်ခုံဖိနပ်ကိုစီးထားသည့်တိုခပ်နွမ်းနွမ်းအဆင်အပြင်ထဲမှနေ၍
သူ့မျက်နှာသည် ကြည်လင်လတ်ဆတ်ကာ နှစ်လိုဖွယ်
ကောင်းနေသည်။သူသည်ကျွန်တော်တို့စာရေးဆရာတစ်သိုက်ကိုအကဲခတ်နေသည်။တစ်ခါတစ်ရံတွင်
ဆေးပေါ့လိပ်တိုကို မီးညှိပြီး ကျွန်တော်တို့ပြောနေသော စကားများကို
နားစွင့်နေတတ်သည်။
တစ်ခါတရံတွင်လည်းသူ့နှုတ်ခမ်းမွှေးကိုပွတ်သပ်ရင်းကျွန်တော်တို့ပြောနေသည့်
စကားများကို နားစွင့်တတ်သည်။
ဗိုလ်တဲပေါ်ကို ရောက်စတုန်းက ကျွန်တော်သူ့ကို သတိမထားမိ။
အထုပ်အပိုးများကို ချပြီး ဧည့်ခန်းတွင် ထိုင်မိသည့်အခါမှ သူ့ကို
ကျွန်တော် သတိထားမိခြင်း ဖြစ်သည်။ အမှန်ကတော့ ကျွန်တော်တို့ကို ဘူတာရုံ
လာကြိုကတည်းက
သူပါလာခဲ့သည်။ သို့ရာတွင် သူသည် စကားတစ်လုံးမျှလည်းမပြော။
လာကြိုသူများနှင့်လည်း သိပ်မရောသဖြင့် သူ့ကိုသတိမထားမိခဲ့ခြင်းဖြစ်သည်။
နောက် ကျွန်တော်တို့ပစ္စည်းကို သူ့ဆိုက်ကားပေါ်သို့တင်ပြီး
ဆိုက်ကားနင်းလိုက်လာသဖြင့် သူ့ကို ဆိုက်ကားသမားတစ်ဦးဟုပင် ထင်ခဲ့မိသည်။
မှန်တော့ မှန်သည် သူသည် ဆိုက်ကားသမားတော့ ဆိုက်ကားသမားပင် ဖြစ်သည်။
သို့ရာတွင် ငှားရမ်းထားသည့် ဆိုက်ကားသမားမဟုတ်။ ကျွန်တော်တို့
ဟောပြောပွဲလုပ်မည့် မြို့ကစာဆိုတော် ကော်မတီဝင်တစ်ဦး ဖြစ်ကြောင်း
နောက်မှ သိရသည်။
ကျွန်တော်တို့ ပစ္စည်းတွေချပြီး ဧည့်ခန်းမှာထိုင်သည့်အခါတွင်
ရန်ကုန်ကို လာ၍ ဖိတ်ကြားသူက မြို့ခံစာဆိုတော် ကော်မတီဝင်များနှင့်
မိတ်ဆက်ပေးသည်။
ထိုကော်မတီဝင်တွေထဲတွင် သူပါသည်။
သူ့အမည် ကိုစိုးမြင့်။
" ကျွန်တော်တို့ကတော့ သူ့ကို ခုံဖိနပ်စိုးမြင့် လို့ခေါ်ပါသည်။
ကျွန်တော်တို့ စာဆိုတော်ကော်မတီရဲ့ တွဲဖက်အတွင်းရေးမှူးပါ။
ကျွန်တော်မအားလပ်ရင် ဆရာတို့လိုတာကို ကိုစိုးမြင့်ကို ပြောနိုင်ပါတယ်။
သူကဒီရက်တွေ အတွင်းမှာ တစ်လျှောက်လုံး ဆရာတို့နဲ့ ရှိနေမှာပါ"
ကိုစိုးမြင့်က ထရပ်ပြီး ပြုံးပြသည်။ ညမှောင်သည့် မျက်နှာပေါ်တွင်
ဖြူဖွေးညီညာသောသွားသည်တစ်လက်လက်တောက်နေကြသည်။ထိုနေ့ညနေမှစ၍ကိုစိုးမြင့်သည်
ကျွန်တော်တို့ ပြန်သည်အထိ ကျွန်တော်တို့နှင့်အတူ တစ်ချိန်လုံးရှိနေသည်။
ကျွန်တော်တို့အားကျွေးစရာမွေးစရာရှိသည်တို့ကိုလည်းသူပင်တာဝန်ယူ၍ကျွေးမွေးသည်။ကျွန်တော်တို့စားသောက်ပြီးအိပ်ရာဝင်သည့်အခါတွင်သူသည်လူငယ်ကလေး
တစ်ယောက်ဖြင့် ပန်းကန်ခွက်ယောက် များကို သူပင်ကြီးကြပ်သိမ်းဆည်းသည်။
ထို့နောက် ဧည့်ခန်းထဲက စားပွဲတစ်လုံးပေါ်တွင် စောင်တစ်ထည်
ခေါင်းအုံးတစ်လုံးဖြင့်အိပ်သည်။ မနက်လင်း၍ ကျွန်တော်တို့
နိုးလာသည့်အခါတွင် သူသည် ကျွန်တော်တို့အတွက် မနက်စာအဆင်သင့်
ပြင်ဆင်ပြီးလေပြီ။ သူ့ဆိုက်ကားသည် သူနှင့်အတူ အမြဲရှိနေသည်။
ကိုစိုးမြင့်သည် စာဆိုတော် ဟောပြောပွဲရက်များအတွင်းတွင်
ဆိုက်ကားလည်း မနင်းတော့။ အိမ်သို့လည်း မပြန်တော့။ စာဆိုတော်ပွဲကိစ္စ
အ၀၀ကို ဒိုင်ခံကာ ဆက်သွယ် စီစဉ်ပေးသူ ဖြစ်နေသည်။
ထိုရက်များအတွင်း ကျွန်တော်နှင့်ကိုစိုးမြင့်တို့ စကားပြောမိကြသည်။
ပြောမိသည့်စကားထဲတွင် မော်ဒန်ကဗျာ၊ ဖြစ်တည်မှု ပဓာန၀ါဒ၊ သိစိတ်အလျဉ်
ရေးဖွဲ့နည်း၊ ဂျိမ်းဂျို့တ်စ်၏ ယူလီးဆစ်ဝတ္ထု၊ ဟဲမင်းဝေ၏ အဘိုးအိုနှင့်
ပင်လယ်ဝတ္ထုကပြောပြသည့် ဒဿန၊ ခေတ်ပေါ် မြန်မာဝတ္ထုတို့ဆန်းစစ်ချက်၊
မော်ဒန်ဆိုသည့် ဝေါဟာရ၏ အဓိပါယ် ၊ အိုင်းစတိုင်း၏ ရီလေတီဗတီ
သီအိုရီ.......။
ထူးတော့ ထူးဆန်းသည်။ ခုံဖိနပ်စီးထားသည့် အညာမြို့တစ်မြို့က
ဆိုက်ကားသမားနှင့် ဖြစ်တည်မှုပဓာန၀ါဒသည် တကယ်ဆိုလျှင် အဝေးကြီး။
ကျွန်တော် သည် သူ့စကားများကို နားထောင်ရင်း အံ့သြရမည်လား။
ဝမ်းသာရမည်လား။ သံသယဖြစ်ရမည်လားဟု ဝေခွဲမရ ဖြစ်နေသည်။
"ကိုစိုးမြင့် ဒါတွေကို ဘယ်တုန်းက ဖတ်ထားတာလဲ။ အင်္ဂလိပ်လိုကော ဖတ်သလား။"
ကျွန်တော်က အကဲစမ်းသည့်အနေဖြင့် မေးသည်။
"အင်္ဂလိပ်လိုတော့ ကောင်းကောင်း မဖတ်တတ်ပါဘူး ဆရာ"
"ကောင်းကောင်းမဖတ်တတ်ဖူးဆိုရင် နည်းနည်းပါးပါးတော့ ဖတ်တတ်တယ်ဆိုတဲ့ သဘောပေါ့။"
"ကျွန်တော် ၉ တန်းအောင်သည်အထိတော့ ကျောင်းနေခဲ့ဖူးတယ်ဆရာ။ အဲ....၁၀
တန်းအထိဆိုပါတော့ ဆရာ။ ဒါပေမဲ့ဆယ်တန်းကိုနှစ်ခါသုံးခါကျတော့ကျောင်းမတက်
တော့ဘူး။ အဲ.....ကျောင်းမတက်နိုင်တော့ဘူး ဆရာ"
ကိုစိုးမြင့်သည် သူ့စကားကို တိကျအောင် ပြောလေ့ရှိသည်ကို ကျွန်တော်သတိပြုမိသည်။
သူသည် စကားတစ်ခွန်းကို ပြောလျှင် တိကျအောင် ပြောတတ်သည်။
မတိကျသေးလျှင် သူ့စကားကို တိကျအောင် ပြင်ပြောသည်။
"မနေနိုင်တော့တာလား။ မနေချင်တော့တာလား။"
"မနေနိုင်တော့တာ ဆရာ"
"ဘာဖြစ်လို့"
"အကြောင်းကြောင်းကြောင့် ဆိုပါတော့ ဆရာ။ အဓိကအကြောင်းကတော့
စီးပွါးရေးပါ။ ကျွန်တော်က သားအကြီးဆုံး ၊ စာမေးပွဲကလည်း တဘုံးဘုံးကျ၊
အငယ်တွေက လည်း ကျွန်တော့မီလာ၊ ဒီအထဲမှာ ကျွန်တော်ကလည်း
မိဘစကားကိုနားမထောင် ၊ ကျွန်တော် လုပ်ချင်ရာ လျှောက်လုပ်နေတော့ အိမ်နဲ့
ပြဿနာဖြစ်တာပေါ့ ဆရာ။ အဖေက ကျွန်တော့်ကို အထင်သေးတယ်။ အဖေ
အထင်သေးမခံရအောင် လူတော်တစ်ယောက်ဖြစ်အောင် ကြိုးစားမယ်ဆိုပြီး
မခံချင်စိတ်နဲ့ ကြိုးစားတယ်။ ကြိုးစားရင်း ကြိုးစားရင်းနဲ့
နောက်ဆုံးတော့ ဆိုက်ကားသမား ဖြစ်လာတာပါပဲ။"
ကိုစိုးမြင့်က သူ့စကားကို သူသဘောကျ၍ ရယ်သည်။
"ဘယ်လိုကြိုးစားရင်း ဆိုက်ကားဆရာဖြစ်လာတာလဲ"
"ကျွန်တော့် အဖေက အဲ့ဒီတုန်းက ဆပ်ပလိုင်းဂိုဒေါင်လို့ခေါ်တဲ့ အစိုးရ
ဂိုဒေါင်စောင့်အလုပ် ဆရာ။ ကျွန်တော်တို့က အဲဒီ ဂိုဒေါင်ဝင်းထဲမှာပဲ
နေလာခဲ့ရတယ်။ အဖေက ကျွန်တော့်ကို သားအကြီးဆုံးဆိုပြီး အားကိုးတယ်။
ဒါပေမဲ့ ကျွန်တော်က သူဖြစ်စေချင်တာတွေ တစ်ခုမှမဖြစ်ဘဲ သူမဖြစ်စေချင်တာတွေ
အကုန်ဖြစ်လာတယ်"
"သူဖြစ်စေချင်တာတွေကတော့ ကျွန်တော့်ကို ကောလိပ်တို့ ဘာတို့ကို
ရောက်စေချင်တယ်။ အဖေ့လိုပဲ ဒရ၀မ်လုပ်တဲ့ အဖေ့ရဲ့ သူငယ်ချင်းတစ်ယောက်က
သူ့သားကို ကောလိပ်ကိုပို့နိုင်တော့ အဖေ့ကို သိပ်ကြွားတာကိုး ဆရာရဲ့။
အမှန်ကတော့ ဒီကောင်က စာမတော်ပါဘူး။ ကျွန်တော်နဲ့တစ်တန်းတည်းပါ။
ခပ်ညံ့ညံ့ထဲကပါ ။ အတန်းထဲ တုန်းကတော့ ကျွန်တော်က စာတော်တယ်ဆရာ။
စာမေးရင်လည်း ကျွန်တော့်ကိုပဲ လာမေးရတယ်။ မြန်မာစာမေးမလား။ အင်္ဂလိပ်စာ
မေးမလား။ သင်္ချာ မေးမလား ကျွန်တော့်ကိုပဲ မေးရတာပေါ့။ ဒါပေမဲ့ ဒီကောင်က
ကြိုးစားတယ်။ လက်တွေ့ ကျတယ်။ ကျွန်တော်က မကြိုးစားဘူး။ လက်တွေ့မကျဘူး။
စိတ်ကူးယဉ်တယ်။ ကျွန်တော့် သူငယ်ချင်းက ကျွန်တော့်ကို ဒီလိုပဲ
မှတ်ချက်ချတယ်"
"လက်တွေ့မကျဘူး စိတ်ကူးယဉ်တယ်ဆိုတာ ဘာကိုဆိုလိုတာလဲ"
"ဒီကောင်က မိန်းကလေးကို ကြိုက်တဲ့နေရာမှာတောင် ရုပ်ချောတဲ့
မိန်းကလေးကို မကြိုက်ဘူး ဆရာ။ ပိုက်ဆံရှိတဲ့မိန်းကလေး ၊ ဂုဏ်ရှိတဲ့
မိန်းကလေးကို ကြိုက်တယ်
မိန်းမယူရင် အဲဒီမိန်းမဟာ ကိုယ့်ထက်ဂုဏ်အဆင့်အတန်းတို့ ပိုက်ဆံတို့
ရှိရမယ်တဲ့။ ကိုယ့်ထက်ဂုဏ်လည်း နိမ့်ကျတယ်။ ပိုက်ဆံလည်း မရှိဘူးဆိုရင်
ကိုယ့်ဘက်က အနာကြီးပဲတဲ့။ကိုယ်ကလည်းတစ်သက်လုံးလုပ်ကျွေးရသေးတယ်။သူ့ဆီကကိုယ်ကဘာမှအဆောင်းမရဘူးဆိုရင်တွက်ချေမကိုက်ဘူးတဲ့။ကျွန်တော်ကတော့မိန်းကလေးဆိုရင်
ပိုက်ဆံမရှိရင်နေ။ ဂုဏ်မရှိရင်နေ ။
ရုပ်ချောရမယ်။အသင့်အတင့်သဘောကောင်းရမယ်လို့ ယူဆတယ်။ အချစ်ကို
ကွန်ပျူတာနဲ့ တွက်လို့မရဘူး ဆရာ။
နှလုံးသားနဲ့ တွက်မှရတာ"
"ဒီတော့ ခင်ဗျားက စိတ်ကူးယဉ်တယ်လို့ ဆိုချင်တာပေါ့"
"စိတ်ကူးယဉ်တာလား။ နှလုံးသားရှိတာလားတော့ မပြောတတ်ဘူး ဆရာ။
ကျွန်တော်နဲ့ ကျွန်တော့ သူငယ်ချင်း "တင်သန်း" တို့က အဲဒီလိုကွာတာ။ သူက
ကျွန်တော့် ဆီကို စာတွေဘာတွေမေးပြီး ဆယ်တန်းအောင်သွားတယ်။ ကျွန်တော်က
သူ့ကိုစာတွေပြပြီး ဆယ်တန်းမှာ ကျကျန်ခဲ့တယ်။ ကျတာကလည်း တစ်ခါမဟုတ်ဘူး။
အကြိမ်ကြိမ်၊ ဒီတော့ ကျွန်တော့အဖေက ကျွန်တော့်ကို အထင်သေးတာ
သဘာဝကျပါတယ်။ အဖေ့အပြစ် မဟုတ်ပါဘူး"
" ခင်ဗျားက စာလည်းတော်တယ် ။ အသင့်အတင့်လည်း ကြိုးစားတယ် ဆိုရင်
ဘာဖြစ်လို့ စာမေးပွဲ မအောင်တာလဲ"
ကိုစိုးမြင့်သည် သူ့ခေါင်းကို ကုတ်နေသည်။
စကားလုံးရှာနေသည်လား။ပြောသင့် မပြောသင့် ချိန်ဆနေသည်လား မဆိုနိုင်။
“တစ်မျိုးပဲဆရာ။ ကျွန်တော်က တက္ကသိုလ်တွေဘာတွေ သိပ်နေချင်တာ
မဟုတ်ဘူး။ အေးလေ ကျွန်တော်လိုကောင်က ဒီလိုအခြေအနေ ဒီလိုစကားမျိုးပြောတော့
စပျစ်သီးချဉ်တယ်လို့ ပြောတာမျိုး ထင်ကြမှာပေါ့။ တကယ်တော့ ကျွန်တော်က
တက္ကသိုလ်မှာထက် ဘ၀တက္ကသိုလ်ကြီးထဲမှာ နေချင်တာ။ ဂေါ်ကီလိုပေါ့ ဆရာရယ်။
ဂေါ်ကီက လူ့ဘ၀ကြီးဟာ လူရဲ့ တက္ကသိုလ်ကျောင်းတော်ကြီးလို့ ပြောခဲ့တယ်
မဟုတ်လား။ အဲဒီမှာ လူတွေနဲ့နေမယ်။ စာအုပ်တွေဖတ်မယ်။ ပြီးတော့
ကျွန်တော်ဖြစ်ချင်တာ က စာရေးဆရာကြီး၊ ကဗျာဆရာကြီး ဖြစ်ချင်တာ၊
ဖြစ်နိုင်ရင်တော့ တဂိုးတို့လို သခင်ကိုယ်တော်မှိုင်းတို့လို
တော်စတွိုင်းတို့လို စာရေးဆရာကြီး ကဗျာဆရာကြီး
ဖြစ်ချင်တာ။ အဲဒီ ဆရာကြီးတွေဟာ ဘာအတန်းမှ အောင်ခဲ့ကြတာ မဟုတ်ပါဘူး။
ဘားနတ်ရှောကိုပဲ ကြည့်မလား။ ဂေါ်ကီ ကိုပဲ ကြည့်မလား။ ဂျွန်ကိ
ကိုကြည့်ဦးမလား။
ရှယ်လီကို ကြည့်ဦးမလား။ရှိတ်စပီးယားကိုကြည့်ဦးမလား။အမေရိကန်ကဗျာဆရာတွေ၊စာရေးဆရာတွေကြည့်ဦးမလား။မတ်တွန်းတို့၊၀ှစ်တမင်းတို့ဟာဘယ်အတန်းတွေများ
အောင်ခဲ့ကြလို့လဲ ။ မတ်တွန်းဆိုရင် မစ္စစပီမြစ်တစ်ရိုး သင်္ဘောပေါ်မှာ
စူကာနီ လုပ်ခဲ့ရတာ။ သင်္ဘောသား လှေထိုးသမား လုပ်ခဲ့ရတာ။ ဂေါ်ကီလည်း
ဒီအတိုင်းပဲ။ ဒါပေမဲ့ ကျောင်းမနေခဲ့ရပဲနဲ့ သူတို့တစ်တွေဟာ ကမ္ဘာကျော်
စာရေးဆရာကြီးတွေ ဖြစ်လာခဲ့ကြတာပဲ မဟုတ်ဘူးလား။ ဆရာ စဉ်းစားကြည့်လေ။
ဘယ်လောက် ဆန်းသလဲ။
တက္ကသိုလ်ကို မနေခဲ့ဖူးတဲ့ ရှိတ်စပီးယားနဲ့ ဘားနတ်ရှောတို့ရဲ့ စာတွေကို
တက္ကသိုလ်ပါမောက္ခတွေက ခွဲခြမ်းစိတ်ဖြာပြီး သင်ပြနေရပြီ မဟုတ်လား။
ဒါကြောင့် စာမေးပွဲ မအောင်ရင်လည်း အရေးမကြီးပါဘူး ။ အောင်မြင်တဲ့
စာရေးဆရာတစ်ယောက်ဖြစ်အောင် လုပ်မယ်လို့ ကျွန်တော် မျှော်မှန်းခဲ့တာ”
ီ ကျွန်တော်က သူ့စကားများကို နားထောင်ရင်း ပြုံးသည်။
“ဒီတော့”
“ဒီတော့ ကျွန်တော် စာမေးပွဲကျတယ်။ အိမ်ကလည်း ကျွန်တော့်ကို
ဆက်ပြီးကျောင်းမထားနိုင်တော့ဘူး။ အဖေကလည်း
ထမင်းမကျွေးနိုင်တော့ဘူးဆိုပြီး အိမ်က နှင်ချလိုက်တယ် ဆရာ”
“ဒီအတွင်းမှာ ခင်ဗျားက စာရေးဆရာဖြစ်အောင် ဘယ်လိုကြိုးစား
အားထုတ်မှုတွေကို လုပ်ခဲ့သလဲ”
“ကျွန်တော် စာတွေဖတ်တယ်ဆရာ။ စာအုပ်ကတော့ ကျွန်တော့်ရှေ့
ရောက်လာတဲ့စာအုပ်ကို ၀ါးစားသလို ဖတ်ပစ်တာပဲ။ ၀တ္ထု စာအုပ်ရော၊
ကျမ်းစာအုပ်ရော၊
သတင်းစာရော၊ မဂ္ဂဇင်းရော။ ကျွန်တော်က ပုံနှိပ်စာလုံးကို မြင်ရရင်
ပျော်နေတာဆရာ။ ကျောင်းမှာတုန်းကလည်း ကျွန်တော်ကျောင်းစာတွေထက်
အပြင်စာတွေကို ဖတ်တာပဲ။ ဒါကြောင့်မို့ ကျောင်းမှာ မြန်မာစာ
စာစီစာကုံးရေးရင် အင်္ဂလိပ်စာ စာစီစာကုံးရေးရင် ကျွန်တော့်စာစီစာကုံးက
ထိပ်ဆုံးမှာရှိတယ်။ မကြာခဏဆိုသလို
ကျွန်တော့် စာစီစာကုံးကို အကောင်းဆုံးဆိုပြီး ဆရာက အတန်းထဲမှာ
ဖတ်ဖတ်ပြတယ်။ တစ်ခါ ကျွန်တော် မှတ်မိသေးတယ် ဆရာ။ ဂျွန်ကိစီရဲ့
လာဘယ်ဒိန်းဆမ်မာစီဆိုတဲ့ ကဗျာ၊ အေ ဗျူးတီဖူး လေဒီ ၀ှစ်သောက် မာစီ A
Beartiful Lady Without Mercy ဆိုတဲ့ ကဗျာ ၊ အဲဒီခေါင်းစဉ်ကို မြန်မာလို
ပြန်ရမယ်လို့ ဆိုတော့ ကျွန်တော်က
အသနားမဖက်သော မိန်းမချောဆိုပြီး ဘာသာပြန်ပေးလိုက်တယ်။ အင်္ဂလိပ်စာသင်တဲ့
ဆရာကြီးက ကျွန်တော့်ကို ချီးကျူး လို့မဆုံးဘူး။ထားပါ ဆရာ။
ကျွန်တော့်ကိုယ် ကျွန်တော် ကိုယ်ရည်သွေးရာ ရောက်နေပါလိမ့်မယ်။
ကျွန်တော်ဆိုလိုချင်တာက ကျောင်းမှာတုန်းကရော ကျောင်းပြင်ရောက်တဲ့ အခါမှာ
ရော ကျွန်တော် အပြင်စာတွေကို အကုန်ဖတ်တယ်။ အင်္ဂလိပ်စာကိုလည်း
ဦးထွန်းငြိမ်း အဘိဓာန်ရှေ့မှာချပြီး ဖတ်တယ်။ ရှေးမြန်မာဂန္တ၀င်တွေ၊
ပျို့ကဗျာတွေဆိုရင်လည်း
ကျွန်တော်ဖတ်တာပဲ။ ကိုယ်သဘောကျတဲ့ စာပိုဒ်တွေတွေ့ရင် မှတ်စုစာအုပ်ကလေးနဲ့
ကူးထားတယ်။ ပျင်းရင် အားရင် တခြားစာအုပ်ဖတ်စရာမရှိရင် အဲဒီမှတ်စုစာအုပ်က
လေး ကိုပဲ ကျွန်တော် လျှောက်ဖတ်နေတာပဲ”
“ ရှေးမြန်မာဂန္ထ၀င်တွေထဲက ဘာတွေကို ဖတ်သလဲ”
ကိုစိုးမြင့်သည် မြန်မာကျမ်းစာတွေအမည်ကို ကြောင်းကြောင်းပြေး
နေအောင်ရွတ်သွားသည်။
“ စွယ်စုံ ကျော်ထင်၊ ပကိဏ္ဍကဒီပနီ၊ သမန္တေစက္ခုဒီပနီ၊ ကိုးခန်းပျို့၊
မာဃဒေ၀ လင်္ကာသစ်၊ သူဇာပျို့၊ဘုံခန်းပျို့၊စကားပြေတွေထဲကတော့
ငါးရာ့ငါးဆယ်တို့၊
ဇာတ်ကြီး ဆယ်ဘွဲ့တို့၊ ရာဇ၀င်ကျော်တို့၊ ဦးကုလားရာဇ၀င်တို့၊
အရေးတော်ပုံငါးစောင်တွဲတို့.........”
ကျွန်တော် လက်ကာပြရသည်။
“ဒါတွေကို ဘယ်မှာတွေ့ လို့ ဖတ်တာလဲ”
“ကျွန်တော်တို့ ဆရာတော်ကျောင်းမှာ စာကြည့်တိုက်ကောင်းကောင်း
ရှိတယ်လေ ဆရာ။ ဆရာတို့ကို တစ်ညနေကျမှ လိုက်ပို့ရဦးမယ်။
အဲဒီမှာဆရာတော်ပျံလွန်တော်
မူသွားတော့လည်း တပည့်တွေက ဆရာတော်ကို ဂုဏ်ပြုတဲ့အနေနဲ့
ဆရာတော်အထိမ်းအမှတ် စာကြည့်တိုက်ကို ဆက်လုပ်ခဲ့ကြတယ်။ မြန်မာစာအုပ်၊
အင်္ဂလိပ်စာအုပ်၊ ပေ ပုရပိုက် တော်တော်စုံတယ် ဆရာ။”
“ကျွန်တော့်ကို လူလားမြောက်အောင် ကျွေးမွေးခဲ့တာ
ဒီစာကြည့်တိုက်ကြီးပဲ ဆရာ။ တကယ်ပြောတာ။ လူလားမြောက်အောင် ကျွေးမွေးတယ်
ဆိုတာ စကားဥပမာ
တင်စားပြောတာမဟုတ်ဘူးဆရာ။ တကယ့်အဖြစ်။”
“ကျွန်တော့်ကို အဖေက အိမ်က နှင်ချလိုက်တော့ ကျွန်တော့်မှာ
စားစရာမရှိဘူး။ နေစရာမရှိဘူး။ ဘာအလုပ်အကိုင် ဘာဝင်ငွေမှလည်း မရှိဘူး။
ဒီတော့
ကျွန်တော် ဘယ်ကိုသွားနေရသလဲဆိုတော့ ဆရာတော်ရဲ့ ကျောင်းကိုသွားနေတယ်။
ဆရာတော့်ကျောင်းက တောရကျောင်း ဆရာ။ မြို့ပြင်ဘက် အင်ကြင်းတောတွေ၊
ဒဟပ်တောတွေ ကြားက တောရကျောင်းဘေးမှာလည်း ရေကန်ကြီးနဲ့
တောရကျောင်းဆိုပေမယ့် ဆရာတော်က မြန်မာပြည်တစ်ဝှန်းက တပည့်တပန်း ဒကာ။
ဒကာမတွေများတော့ လှူမယ့် သူပေါတယ်။ ဆွမ်းကွမ်းအတွက် မပူရဘူး။ ဆရာတော်ကို
ပရိယတ္တိကိုသာ အားထုတ်ပါ။ ကျန်တဲ့ပစ္စည်းလေးပါးကိစ္စကို တပည့်တော်တို့
တာဝန်ယူပါ့မယ်ဆိုတဲ့ ဒကာ ဒကာမ တွေက မြန်မာပြည်အနှံ့အပြားမှာ ပေါမှပေါ။
ဆရာတော်ကလည်း အင်မတန် ကိစ္စနည်းတယ်။သူ့မှာကျောင်းဆောင်နောက်ထပ်လှူမယ်
့သူပေါ်လာရင် မလှူနဲ့တဲ့။ သူ့မှာ ဆွမ်းကွမ်းကိစ္စ ပြည့်စုံပြီးသားတဲ့။
တခြားရှားပါးတဲ့ ရဟန်းတော်များ၊ချို့တဲ့တဲ့
ရဟန်းတော်များကိုသာလှူကြတဲ့။သူ့ကိုဘာမှမလှူနဲ့တော့တဲ့။ သူ့မှာ
သီတင်းသုံးစရာ အရိပ်အာဝါသရှိပြီး ဆွမ်းကွမ်းပြည့်စုံပြီ။ သူဆောက်ချင်တဲ့
စာကြည့်တိုက်တစ်ခုလည်း ကျောင်းဝင်းထဲမှာ ဆောက်နိုင်ခဲ့လို့ စာအုပ်စာတမ်း၊
လောကီလောကုတ္တရာ ကျမ်းတွေလည်း ပြည့်စုံပြီ။ ဒါကြောင့်မို့ သာသနာသုံးရပ်ကို
ပြန့်ပွားအောင် အားထုတ်နေကြတဲ့ တခြား ရဟန်းတော်များကိုသာ လှူကြ၊
အဲဒီလို ရဟန်းတွေ မြန်မာပြည်အနှံ့အပြားမှာ ရှိတယ်လို့ အမြဲဟောတော်
မူလေ့ရှိတယ်။
ကျွန်တော်က အဲဒီဆရာတော်ရဲ့ ကျောင်းမှာ သွားနေတော့
ကျွန်တော့်အဖို့လည်း စားဖို့သောက်ဖို့ မပူရတော့ဘူးပေါ့ ဆရာ။ မနက်တိုင်ရင်
ဆွမ်းခံလိုက်တယ်။ ဒါမှမဟုတ် ဆိုင်းထမ်းကလေးနဲ့ မြို့ထဲလည် ပြီး
ဆွမ်းဟင်းလျာခွက်တွေ သိမ်းတယ် ။ အဲဒီတော့ ကျွန်တော်
ဆယ်တန်းကျောင်းသားအရွယ် ဆရာ။ ဆယ်တန်းကို နှစ်ခါ သုံးခါ ကျပြီးနေပြီ။
ငယ်ငယ်လေးကတည်းက ကျွန်တော် ကျောင်းမှာပဲနေပြီး
ဆရာတော်ကျောင်းမှာပဲ ဘုန်းကြီးကျောင်း သားလုပ်၊ ဆရာတော်ကျောင်းမှာပဲ
ကိုရင်ဝတ်သင်္ကန်းဆည်းခဲ့တော့ ကျွန်တော့အဖို့ အဲဒီကျောင်းဟာ
နေရာသစ်မဟုတ်တော့ဘူးလေ။ ဒီအထဲမှာ ဆရာတော်ကျောင်းဆိုတာလည်း ကျွန်တော်တို့
တစ်သက် လုံး နေ့တိုင်း ရောက်နေတဲ့ နေရာ။
မရောက်ဘဲရှိပါ့မလား ဆရာ။ ဆရာတော့် ကျောင်းတိုက်မှာ စာအုပ်တွေ
ပြည့်စုံတဲ့စာကြည့်တိုက် ကြီးကလည်းရှိနေတာကိုး။ ဒီတော့ ဆရာတော်
မရှိတဲ့နောက်မှာလည်း မြို့က ဆရာတော်ရဲ့ တပည့်တွေ ကဆက်ပြီး
ပြုစုပျိုးထောင်လို့ ကျွန်တော့်ရဲ့ စာကြည့်တိုက်ကြီးဟာ ကျွန်တော်တို့
အနီးတစ်ဝိုက်၊ မြေလတ် တစ်ဝိုက်မှာ နာမည်ကျော်ခဲ့တယ် မဟုတ်လား။ ဒီတော့
ကျွန်တော့အဖို့ ဆရာတော်ရဲ့ စာကြည့်တိုက်၊ ဆရာတော်ရဲ့ကျောင်းဟာ
ကျွန်တော့်ကို လူလားမြောက်အောင် ကျွေးမွေးတယ်လို့ ပြောတဲ့နေရာမှာ အသိပညာ
တိုးလာအောင် လုပ်ပေးတဲ့နေရာတင် မကတော့ဘူး။ ကျွန်တော့်အသက်နဲ့ခန္ဒာကိုယ်
အိုးစား မကွဲအောင် ကျွေးမွေးခဲ့တဲ့ကျောင်း။
အဲဒီမှာ ကျွန်တော့်ကို စာကြည့်တိုက်မှူးခန့်တယ် ဆရာ။ လခကတော့
မရပါဘူး။ စာကြည့်တိုက်မှာ ပဲ နေရာပေးပြီး စာကြည့်တိုက်ကပဲ ကျွေးထားတယ်။
စာကြည့်တိုက်က ကျွေးတယ်ဆိုတာထက် ဆရာ တော်ရဲ့ နေရာမှာ ကျောင်းထိုင်တဲ့
ကျောင်းထိုင်ဆရာတော်ကြီးနဲ့ ဦးပဉ္ဖင်းတွေက ကျွေးထားတာ ဆိုပါတော့။
အဲဒီမှာ ကျွန်တော့်အလုပ်က စာအုပ်ဝယ်ရတယ်။ စာအုပ်တွေကို သိမ်းရတယ်။
ပျက်စီးတဲ့ စာအုပ်တွေကို ပြန်ချုပ်ရတယ်။ စာအုပ်ငှားရတယ်။
ပြန်မလာတဲ့စာအုပ်တွေကို လိုက်တောင်းရတယ်။ အားရင် စာဖတ်တယ်။
နောက် အင်္ဂလိပ်လို နည်းနည်းပါးပါး ဖတ်တတ်လာတယ်။ အဲဒီမှာရှိတဲ့
ဦးပဉ္ဖင်းတွေလည်း သီရီ လင်္ကာတို့၊ ဗာရာဏသီတို့၊ ကာလကတ္တားတို့မှာ နေလာတဲ့
ကိုယ်တော်တွေ ရှိတယ်။ တစ်ပါးက ကိုလံဘို တက္ကသိုလ်က အင်္ဂလိပ်စာ
မဟာဝိဇ္ဖာဘွဲ့အောင်လာတဲ့ ကိုယ်တော်၊ တစ်ပါးက ဗာရာဏသီ တက္ကသိုလ်က
သင်္သကရိုက်ဘာသာနဲ့ အောင်လာတဲ့ကိုယ်တော်၊ တစ်ပါးက ကာကတတ္တားတက္ကသိုလ်တစ်ခုက
ပါဠိဂုဏ် ထူးနဲ့ အောင်လာတဲ့ကိုယ်တော်၊ ဗာရာဏသီတက္ကသိုလ်က အောင်လာတဲ့
ကိုယ်တော်လေးက သင်္သက ရိုက်တင်မကဘူး။ ဗြဟ္မတို့ ပြာကရိုက်တို့ စတဲ့ အိန္ဒိယ
ရှေးဟောင်းဘာသာတွေ ကိုလည်း တတ်တယ်ဆရာ။
ပြာကရိုက်ကတော့ အင်္ဂလိပ်လို ပရိကရစ်ခေါ်မှာပေါ့ ဆရာ။ အဲဒီ
ကိုယ်တော်က ပါဠိသင်ပေးလို့ ဆန်ကျမ်း၊ သဒ္ဒါကျမ်း တွေကိုလည်း
ကျွန်တော်ကောင်းကောင်းဖတ်နိုင်သွားတယ် ဆရာ။ လောကီစာတွေ ကိုလည်း
အင်္ဂလိပ်လို နည်းနည်းပါးပါး ဖတ်လာနိုင်တယ် ဆရာ။ ဖြစ်တည်မှုပဓာန ၀ါဒတို့၊
မော်ဒန်ဝါဒတို့ နည်းနည်းပါးပါး တွေ့ဖူးတယ် ။ မြန်မာမဂ္ဂဇင်းတွေ၊
ဝတ္ထုတွေမှာလည်း နည်းနည်းပါးပါး တွေ့ဖူးရာစပြီး ဟိုမေးသည်မေးနဲ့ သိလာတာပါ
ဆရာ။ မေးလို့ရတာကလေးကို မှတ်စုနဲ့ ချရေး၊ တစ်ယောက်ပြောတာနဲ့
တစ်ယောက်ပြောတာကို တိုက်ဆိုင်ညှိနှိုင်းကြည့်၊ ဒီလိုနဲ့ တဖြည်းဖြည်း
အသိပညာကလေးတွေကို ပုရွက် ဆိတ်များ မိုးတွင်းအစာစုသလိုဖြည်းဖြည်းချင်း
စုဆောင်းလာခဲ့တာပါ ဆရာ။ စနစ်တကျတော့ ဟုတ်ချင်မှ ဟုတ်မယ်ပေါ့၊
ဂီတသမားများလိုပေါ့ ဆရာရယ်။ ဆရာနဲ့သင်တဲ့ဂီတသမားနဲ့ ဆရာနဲ့မဟုတ်ဘဲ
ကိုယ့်ဘာ သာ ဟိုခေါက်သည်ခေါက်နဲ့ တက်တဲ့ဂီတသမား ကွာသလိုတော့ ရှိမှာပေါ့။
ဒါပေမဲ့ မတတ်နိုင်ဘူး ဆရာ။ ကိုယ်က ဆရာနဲ့သင်နိုင်တဲ့ အင်အားမှ
မရှိဘဲကိုး။ ဒီတော့ လက်အထားအသို ၊ အလုံးအတွဲအဖက်၊ စည်းဝါးအယူအဆတို့မှာ
စနစ်မကျ ဘာမကျတော့ ရှိမှာပေါ့။ ဒါပေမဲ့ ပညာဆိုတာ ယူတတ်ရင် တက္ကသိုလ်
ရောက်မှ မဟုတ်ဘူး။ ဘယ်နေရာမဆို ရနိုင်တယ်လို့တော့ ကျွန်တော်
ယုံသွားတယ်ဆရာ”
“နို့.........နေပါဦး။ ခင်ဗျား အိမ်ထောင်ကျ ပုံကကော”
ကိုစိုးမြင့်က ရယ်သည်။
“ကျွန်တော် ဗန်းမော်တင်အောင်ဇာတ်လိုက်နဲ့ တူတယ်ဆရာ။ ကျွန်တော်က
ဘုန်းကြီးကျောင်း သား၊ ဆွမ်းဟင်းခွက်တွေ လည်သိမ်းရင်း ကျွန်တော့်ဇနီးနဲ့
တွေ့တာပဲ။ လူချင်း မျက်မှန်းတန်းမိနေတာ တော့ ကြာပါပြီ။
ကျောင်းတုန်းကတည်းကပါ။ ကျွန်တော်ကတော့ အတန်းကြီးတာပေါ့လေ။ တစ်တန်း
လား၊နှစ်တန်းလား ကြီးတယ်။သူ့အဖေက ပန်းထိမ်ဆရာ။ သူ့ကိုတွေ့တော့
ကျွန်တော်စိတ်ဝင်စားသွား တယ်။ ဒါနဲ့ ကျွန်တော်က ဗန်းမော်တင်အောင်
ဇာတ်လိုက်လိုပဲ စကားပြောတယ်။ ကိုယ့်မှာ အချစ်ကလွဲလို့ တခြားဘာမှ
ပိုင်ဆိုင်တာ မရှိဘူးတို့ ဘာတို့ပေါ့ ဆရာရယ်။ အဲ့ဒီတုန်းက
ငယ်တုန်းဆိုတော့ ဒီလိုစကား တွေက သိပ်ပြီး ပြောလို့ကောင်းတာကိုး
ဆရာရဲ့။ဒါနဲ့ သူကလည်း ဒီစကားတွေကြားပြီး ကျွန်တော့်ကို သဘောကျသွားတာပဲ။
သူမကြားဖူးတဲ့ စကားလုံးတွေကို ကြားရ၊ သူမဖတ်ဖူးတဲ့ ရည်းစားစာမျိုးတွေ
ဖတ်ရတော့ သူ သဘောကျသွားတာပေါ့ ဆရာ။ စကားလုံးဟာ လူကို
တော်တော်ဖမ်းစားတယ်နော် ဆရာ။
နောက်တော့ ကျွန်တော်နဲ့သူ မြို့တစ်မြို့ကို ထွက်ပြေးကြတယ်
ဆရာ။မြို့ကြီးတစ်မြို့ ဆိုပါတော့။ ကျွန်တော်တုိ့မှာ ပိုက်ဆံ ဘာရှိမှာလဲ
ဆရာ။ ပါလာတာကလေး ရောင်းချစားတာ ကုန်သွားတော့ ကျွန်တော် အလုပ်လိုက်ရှာတယ်။
နောက်ဆုံးတော့ ဘာအလုပ်မှ မရဘူး။ ဒါနဲ့ ဆိုက်ကားအုံနာတစ်ယောက်ဆီသွားပြီး
ကျွန်တော် ဆိုက်ကားနင်းတယ်။ ကျွန်တော်က စာတွေသိပ်အဖတ်များသွားလို့လား
မသိဘူးဆရာ။ ပိုက်ဆံ ကို သိပ်မလိုချင်ဘဲ ဖြစ်သွားတယ်။
ဆိုက်ကားနင်းလို့ရရင် ကျွန်တော်တို့လင်မယားအတွက် နေ့ဖို့ညစာ လောက်ရင်
ကျွန်တော် ဆိုက်ကားဆက်မနင်းတော့ဘူး။ ဆိုက်ကားအုံနာဆိုတော့
အံ့အားကြီးကိုသင့်လို့။ ဆိုပါတော့ ဆရာ။ ကျွန်တော်ဆိုက်ကားကို ငှားခနဲ့
နင်းရင်လည်း ကျွန်တော်က ငှားခကို မှန်မှန်ပေးတယ်။ ဆိုက်ကားကို
ကိုယ်ပိုင်ပစ္စည်းလိုရိုသေတယ်။ သူက ကျွန်တော့်ကို ဆုကြေးတို့ဘာတို့ပေးရင်
ကျွန်တော်မ ယူဘူး။ ကျွန်တော်တို့မှာ လုံလောက်ပါတယ် ဆိုပြီး
ကျွန်တော်ငြင်းခဲ့တာချည်းပဲ။ အကူအညီဆိုတာ ပေးတိုင်း လက်မခံချင်ဘူး ဆရာ။
လိုအပ်မှ လက်ခံလို့ကောင်းတာ။
ကျွန်တော်ဆိုက်ကားသမား စဖြစ်တာ အဲဒီကနေ ဖြစ်တာပဲဆရာ။
သူ့အိမ်ကလည်း သူ့ကို အမွေပြတ်လို့ ပြောတယ်။ ကျွန်တော်ကလည်း ဒီတင်
ပိုခံပြင်းပြီး ဆိုက်ကားနင်းပြီး ရှာကျွေးမယ်ဆိုပြီး မခံချင်စိတ်နဲ့
ရှာကျွေးလာခဲ့တာပဲ။ မြို့ပြန်ရောက်တော့လည်း ကျွန်တော် ဆိုက်ကားပဲ နင်းတယ်
ဆရာ။ အခြားအလုပ်ကလည်း မရဘူး။ ကျွန်တော်က ၁၀ တန်းမှမအောင်တာ
ဘယ့်နှယ့်လုပ် အလုပ်ရမှာလဲ ဆရာ။ ပြီးတော့ တချို့ကလည်း သနားလို့
ဒီကောင်စာကလေးပေကလေး တတ်တယ်ဆိုပြီး အစိုးရ အလုပ်မဟုတ်တဲ့
လခစားအလုပ်တွေမမှာ ကျွန်တော့်ကို ခန့်တယ်။ ဒါပေမဲ့ ကျွန်တော်မလုပ်ခဲ့ဘူး
ဆရာ။ ဆိုက်ကားနင်းရတာကို ပျော်သွားပြီး ပင်တော့ပင်ပန်းတာပေါ့ ဆရာရယ်။
ဒါပေမယ့် ဘယ်လောက်လွတ်လပ်တယ် ထင်သလဲ။ အေးလေ......ဆရာကတော့
စာရေးဆရာ ဆိုတော့ နားလည်မှာပါ။ ကိုယ့်အထက်မှာ ခယ၀ယ လုပ်ရမယ့်သူ
လည်းမရှိ။ ကိုယ့်ဘေးမှာ ကိုယ့်ကို ချောက်တွန်းမယ့် ပြိုင်ဘက်တွေလည်း
မရှိ၊ ကိုယ့်အောက်မှာ ကပ်ဖားပြီး အရေးရှိရင် အဆင်းတွန်းမယ့်
အောက်လက်ငယ်သားလည်း မရှိ။ ရုံးတက်နောက်ကျလို့ အဆူခံရမှာ ၊
အငြိုငြင်ခံရမှာကိုလည်း မစိုးရိမ်ရ။ ကျွန်တော် ပြန်ချင်တဲ့အချိန်
ပြန်လို့ရတယ်။ ကျွန်တော် ထွက်ချင်တဲ့အချိန်ထွက်လို့ရတယ်။
အငတ်သာခံနိုင်မယ် ဆိုရင် တစ်နေ့လုံးနားလို့လည်း ရတယ်။
ကျွန်တော့်မိန်းမကလည်း ကျွန်တော့်ကို နားလည်တယ်။
ကျွန်တော်တို့သားအမိ သားအဖလေးယောက် ဘာမှ မပူရဘူး။ မိန်းမက
အိမ်ဆိုင်ကလေးထွက်တော့ ကျွန်တော်ဆိုက်ကားထွက်မနင်းရင်လည်း
စားတော့စားနေရတာပါပဲ။ ကျွန်တော်ကလည်း စိတ်နည်းနည်းညစ်ရင်၊ ဒါမှမဟုတ်
စာအုပ်ဖတ်စရာ ကောင်းကောင်းရှိရင်၊ ဒါမှမဟုတ် ဆရာတို့လို စာရေးဆရာတွေလာရင်
စာပေဟောပြောပွဲတို့ ဘာတို့လုပ်ရင် ဆိုက်ကားမနင်းတော့ဘူး ဆရာ။
အဲဒီအလုပ်တွေနဲ့ပဲ အချိန်ကုန်တော့တာပဲ။
တစ်နေ့က ကျွန်တော့သူငယ်ချင်းနဲ့ တွေ့တယ် ဆရာ။ ကျောင်းတုန်းက
ကျွန်တော့်ဆီကို စာလာမေးပြီး ဆယ်တန်းအောင် ၊ကောလိပ်ရောက်
နောက်အရာရှိဖြစ် သွားတဲ့ သူငယ်ချင်း၊
ဘာဖြစ်လို့လဲတော့မသိဘူး။သူအမှုတစ်ခုနဲ့ အလုပ်ပြုတ်ပြီး ထောင်ကျသွားတယ်လို့
သတင်းကြားလိုက်ရတယ်။ ခုမှ ပြန်တွေ့တာ။ ကိုယ့်လူတော်တော် ကြီးကို
ကျသွားတာပဲ ဆရာ။ အသက်လေးဆယ်ကျော် ငါးဆယ်နီးပါးမှာ ဆံပင်တွေကလည်း
တစ်ခေါင်းလုံးဖွေးလို့ ။ လူကလည်း ကျန်းမာပုံ မရဘူး ။ သူ့ကြည့်လိုက်ရုံနဲ့
ဒီလူဟာ စိတ်သောကရောက်စရာတွေနဲ့ ကြုံနေရတဲ့လူမှန်း ချက်ချင်းသိနိုင်တယ်။
သူက ကျွန်တော့်ကိုကြည့်ပြီး မင်းကတော့ အရင်တုန်းကလိုပဲနော်တဲ့။
နည်းနည်းဝလာ တာကလွဲလို့ ဘာမှမပြောင်းလဲဘူး။ ဆင်းသာ ဆင်းရဲတယ်။ မင်းက
ငါ့ထက်သာပါတယ်ကွာတဲ့။ မင်းစိတ်ကူးယဉ် အိပ်မက်တွေထဲမှာပဲ နေတုန်းဆိုတော့
မင်းကငါ့ထက်ပိုပြီး စိတ်ချမ်းသာတာပေါ့ ကွာတဲ့။
ကျွန်တော် သူ့ကို ဘာမှ ပြန်မပြောလိုက်ပါဘူး။
အမှန်ကတော့ စိတ်ကူးယဉ်အိပ်မက်တွေထဲမှာ နေတဲ့သူဟာ
ကျွန်တော်မဟုတ်ဘူး ဆရာ။ သူရယ်။ သူ့မှာ ဘာကြီးဖြစ်လာအောင်လုပ်မဟဲ့၊
ညာကြီးဖြစ်အောင် လုပ်မဟဲ့။ ပညာတွေ ဘယ်လောက်တောင် သင်မဟဲ့။ သားသမီးတွေကို
ဘယ်လိုထားမဟဲ့ဆိုတဲ့ စိတ်ကူးယဉ် အိပ်မက်တွေထဲမှာ တစ်လျှောက်လုံး
နေလာခဲ့တာ။ အဲဒီ စိတ်ကူးယဉ် ဆပ်ပြာပူဖောင်းတွေလည်း ကွဲသွားရော။
သူ့မှာလည်း ဘ၀ကြီးတစ်ခုလုံး ပြိုလဲသွားတော့တာပါပဲ။
ကျွန်တော်က စိတ်ကူးဆပ်ပြာပူပေါင်းထဲမှာ မနေဘူး။ ဘ၀ထဲမှာ နေတာ။
စာရေးဆရာ၊ ကဗျာဆရာ ဖြစ်ချင်တယ်ဆိုတဲ့ စိတ်ကူးအိပ်မက်တော့
ရှိခဲ့ဖူးတာပေါ့လေ။ ဒါပေမဲ့ ကိုယ်က ဖြစ်ခွင့်မကြုံလို့ မဖြစ်ထိုက်လို့
မဖြစ်လာတာပဲလို့ သဘောထားနိုင်တယ်။ ပြီးတော့ အဓိကကျွန်တော့်မှာ
စိတ်ချမ်းသာမှုရှိတယ်။
စိတ်ချမ်းသာမှုဆိုတာ ဘာလဲ ဆရာ။ ကိုယ်လုပ်ချင်တာတွေကို
လုပ်နေရပြီး ကိုယ်မလုပ်ချင်တာတွေကို မလုပ်ဘဲနေရတာ အဲဒါဟာ လောကမှာ
စိတ်ချမ်းသာစရာ အကောင်းဆုံးလို့ ထင်တယ်ဆရာ။ ကိုယ်မလုပ်ချင်တာ တွေကို
လုပ်ရပြီး ကိုယ်လုပ်ချင်တာတွေကို တစ်ခုမှ မလုပ်ရတာ
အဲဒါလောက်စိတ်ဆင်းရဲစရာကောင်းတာ လောကမှာ မရှိဘူး ထင်တယ်ဆရာ။ ကျွန်တော်
မှားရင် ခွင့်လွှတ်ပါ´

(ကလျာမဂ္ဂဇင်း၊ မေလ၊ ၁၉၉၁)
Read more »
0 comments

ဒေါ်အောင်ဆန်းစုကြည်ရဲ့ ဂျပန် Mainichi သတင်းစာ ဆောင်းပါး

4:44 AM | Posted by Anonymous

2011-01-02

နေအိမ်အကျယ်ချုပ်က ပြန်လွတ်လာတဲ့ ဒေါ်အောင်ဆန်းစုကြည်ဟာ ပြီးခဲ့တဲ့လ က ဂျပန် မိုင်နိချိသတင်းစာ သတင်း ထောက်နဲ့ တွေ့ဆုံခဲ့ပြီး လွန်ခဲ့တဲ့ ၁၃ နှစ်ကျော်အထိ မပြတ်ရေးသားခဲ့တဲ့ မြန်မာပြည်က ပေးစာများ (Letters from Burma) ဆောင်းပါးကဏ္ဍ ကို ဆက်လက်ရေးသားမယ့်အကြောင်း ပြောဆိုခဲ့ အပြီး မနေ့က ဇန်န၀ါရီလ ၁ ရက်နေ့ထုတ် သတင်းစာ မှာ ပထမဆုံးဆောင်းပါး ဖော်ပြခဲ့ပါတယ်။


နှစ်တနှစ်ရဲ့ အစဟာ ပြန်လည်ဆန်းသစ်ခြင်း၊ ပြန်လည် ခွန်အားဖြည့်ခြင်း၊ ရှေ့လုပ်ငန်းစဉ်အတွက် ဦးတည်ချက်တွေ ချမှတ်ခြင်းနဲ့ အတိတ်က အကြောင်းအရာတွေကို ပြန်လည်အောက်မေ့ခြင်း စတဲ့ကိစ္စတွေ ဆောင်ရွက်ကြရတဲ့ ကာလ ဖြစ်ပါတယ်။

၂၀၁၀ ပြည့်နှစ်ကို ပြန်ကြည့်ရင် အလဟဿဖြစ်ပြီး လုံးလုံး ပျောက်ပျက်သွားစရာ အမှတ်တရ အဖြစ်အပျက် အသေးလေးတွေ ပြန်တွေ့ရတာ ရှိပါတယ်။ ၂၀၁၀ ပြည့်နှစ် နှစ်ဆန်းတရက်နေ့ကို ဘယ်လို ကုန်ဆုံးခဲ့သလဲ ဆိုတာ မမှတ်မိတော့ပါဘူးလို့ ဒေါ်အောင်ဆန်းစုကြည်က ဆောင်းပါးအစမှာ ရေးသားထားပါတယ်။

ဒါပေမယ့် စိတ်သက်သာစရာ အခြေအနေတော့ မဖြစ်နိုင်ပါဘူးလို့ ဆိုပါတယ်။ အိမ်ပြင်တဲ့အလုပ်ကို ၂၀၀၉ ဒီဇင်ဘာလကတည်းက စခဲ့ပြီး ရက်သတ္တပတ် အနည်းငယ်အတွင်း စည်ပင်သာယာက အမိန့်နဲ့ ပြင်ဆင်တာကို ရပ်ထားလိုက်ရတယ်လို့ ရေးသားထားပါတယ်။

“ကျမ ရှေ့နေတွေက စည်ပင်သာယာအမိန့်ကို ပြန်ပြင်ပေးဖို့ ကြိုးစားကြပါတယ်။ အဲဒီ အချိန်ကာလအတွင်း ဂျပ်စက္ကူ ပုံးခွံတွေ အများကြီးကာထားရတဲ့ အခန်းတွေ၊ အမျိုးအမည် မခွဲနိုင်ဘဲ စောင်ထူထူနဲ့ ပတ်ထားရတဲ့ ပစ္စည်းတွေ၊ ပစ္စည်း အပြည့်အသိပ် ထည့်ထားရတဲ့ ခရီးဆောင်အိတ်တွေနဲ့ ယိုင်လုလု စာအုပ်ပုံတွေ ကြားထဲမှာ ကျမ လပေါင်းများစွာ နေခဲ့ရပါတယ်

“စာအုပ်စင်ကြီးတလုံး၊ စားပွဲအိုတွေနဲ့ ပုံပန်းမကျ အထုပ်အပိုးတွေ ကြားထဲမှာ ရှိနေတဲ့ အ်ိပ်ယာပေါ်က ကြည့်ရင် အချပ်လိုက် ကွာနေတဲ့ အိမ်ခေါင်မိုး အစအနတွေကို ကောင်းကောင်း မြင်နေရပါတယ်။ ပျက်စီးလာနေတဲ့ အိမ်ခေါင်းမိုး အစအနတွေကို ကြည့်ရင်း ယိုယွင်းခြင်းနဲ့ ပျက်စီးခြင်းတို့ရဲ့ သဘောသဘာဝ အကြောင်း ကျမ လေ့လာ သုံးသပ်နေခဲ့ပါတယ်”

ဒေါ်အောင်ဆန်းစုကြည်ရဲ့ ဆောင်းပါးမှာ ၂၀၁၀ ရဲ့ ပထမ ၄ လတာ ကာလဟာ ရုပ်ပိုင်းဆိုင်ရာ ပင်ပမ်းဆင်းရဲ ဖြစ်ရတာတင် မကဘဲ စိတ်ပိုင်းဆိုင်ရာမှာလည်း တင်းတင်းကြပ်ကြပ် နေထိုင် လှုပ်ရှားရတဲ့ အချိန်ဖြစ်တယ်လို့ ဆိုပါတယ်။

မနှစ်က အင်းစိန်ထောင် တရားရုံးမှာ ချမှတ်ခဲ့တဲ့ စီရင်ချက် ပြစ်ဒဏ်ကို အယူခံတင်ဖို့အတွက် ရှေ့နေတွေက အခါအားလျှော်စွာ လာရောက်တွေ့ဆုံ ဆွေးနွေးကြပြီး၊ ဥပဒေရေးရာ လုပ်ငန်းစဉ်ကို စိတ်ဝင်စားမိခဲ့သလို အလွန် အတွေ့အကြုံ ရင့်ကျက်တဲ့ ရှေ့နေကြီးတွေဆီက အတွေ့အကြုံတွေကို လေ့လာ သင်ယူခဲ့တယ်လို့ ဆိုပါတယ်။

ရှေ့နေကြီးတွေနဲ့ အမျိုးသား ဒီမိုကရေစီအဖွဲ့ချုပ် NLD ရဲ့ ဥပဒေရေးရာ အထောက်အကူပြု ကော်မတီနဲ့ ပတ်သက်လို့ အထူး ဂုဏ်ယူမိကြောင်း၊ သူတို့ဟာ တရားဥပဒေ စိုးမိုးရေးနဲ့ မြန်မာနိုင်ငံတွင်းက ယုံကြည်ချက်ကြောင့် အကျဉ်းကျနေသူတွေ အခွင့်အရေး ကာကွယ်ပေးရေးတွေအတွက် ၁၉၉၅ ကတည်းက ကြိုးစား လုပ်ဆောင်နေကြသူတွေ ဖြစ်ကြောင်း၊ အဲဒီအထဲက ရှေ့နေဦးဥာဏ်ဝင်းဆီက မိမိ နေအိမ်အပြင်ဘက် နိုင်ငံရေးလောကမှာ ဖြစ်ပျက်နေတာတွေကို သိရှိခွင့် ရခဲ့သလို ပါတီရဲ့ ဆုံးဖြတ်ချက်ချရေး လုပ်ငန်းစဉ်တွေမှာ အတိုင်းအတာ တခုအထိ ပါဝင်ခွင့် ရခဲ့ကြောင်းလည်း ရေးသားထားပါတယ်။

မြန်မာ့နိုင်ငံရေးမှာ အရေးကြီးတဲ့ နှစ်ဖြစ်တဲ့ အဲဒီကာလဟာ ကိုယ်ရေးကိုယ်တာ ကျန်းမာရေး အခြေအနေကို ထည့်စဉ်းစား ပြောဆိုဖို့ ဆိုတာထက် အသိပညာပိုင်းမှာ စိမ်ခေါ်ချက်တွေ ရင်ဆိုင်ခဲ့ရတယ်လို့ ဒေါ်အောင်ဆန်းစုကြည်က ရေးပါတယ်။

မြန်မာနှစ်ကူးချိန်ဖြစ်တဲ့ ဧပြီလလယ်မှာပဲ တရားရုံးက အိမ်ကို ဆက် ပြင်ဆင်ဖို့ အမိန့်ချပါတယ်။ အဲဒီ နောက်ရက်မှာပဲ အုပ်စုဖွဲ့ ရောက်လာတဲ့ အလုပ်သမားတွေရဲ့ လုပ်ငန်းခွင်ဝင်တဲ့ ဆူညံသံတွေက တအိမ်လုံး ပျံ့ သွားခဲ့တယ်လို့ ဆိုပါတယ်။

“လုပ်စရာတွေက အများကြီး ရှိနေပါသေးတယ်။ အဓိက ကတော့ အိမ်ခေါင်မိုး ပြင်ဖို့ပါ။ နှစ်ပေါင်းများစွာ မုတ်သုန်မိုး ရွာတဲ့လတွေမှာ ကျမအိပ်ခန်း အနှံ့ အိပ်ယာရွှေ့ရ၊ ရေဇလုံနဲ့ ရေပုံးတွေ ရွှေ့ရနဲ့ ခေါင်မိုးက မိုးရေ ယိုပေါက်တွေက ကျလာတဲ့မိုးကနေ မွေ့ယာနဲ့ လူကို မိုးမစို ကာမိဖို့ ကြိုးပမ်းခဲ့ရတာဟာ စစ်ဘုရင် ကစားကွက်မှာ ကစားကွက် ရွှေ့ရသလိုပါပဲ။ အခုတော့ ခေါင်မိုးကို လုံအောင် လုပ်ကြရပါပြီ။

နောက်နှစ်တွေမှာ မိုးရွာတာကို ဥပေက္ခာ ပြုနိုင်တော့မယ်လို့ မျှော်လင့်မိပါတယ်။ မြန်မာလို ဆိုရင်တော့ ခေါင်မိုးလုံတယ် ဆိုတာ လုံခြုံမှုရှိတဲ့ နိမိတ်ပုံပါပဲ။ ခေါင်က မိုးလုံတယ်ဆိုတာ ထိပ်ဆုံးအဆင့်က လုံခြုံစိတ်ချရပြီး တံစက်မြိတ် အောက်ခြေအထိ စိတ်ချနိုင်တယ်ဆိုတဲ့ သဘောပါ”

ပြင်ဆင်တယ်၊ အသစ် ပြုပြင်တယ်ဆိုတာ အနာဂတ်အတွက် ရုပ်ပိုင်းဆိုင်ရာအရ ပိုပြီး စိတ်ချလက်ချ ဖြစ်စေဖို့ ရည်ရွယ်တာ ဖြစ်ပါတယ်။ ဒါပေမယ့် ဒီထက် ပို အရေးကြီးတာက ဒီအိမ်ပြင်တာကနေ ရလာတဲ့ လူအချင်းချင်း ထိတွေ့ဆက်ဆံခြင်းက ရုပ်ဝတ္ထုပစ္စည်းတွေက ပေးတဲ့ လုံခြုံရေးထက် ပိုအရေးကြီးလှပါတယ်။ အိမ်ပြင်တဲ့ ၅ လခန့်မှာ နေ့စဉ်လိုလို အိမ်ပြင်ရာမှာ ပါဝင်တဲ့ လက်သမားတွေရဲ့ ဘ၀နဲ့ စိုးရိမ်ကြောင့်ကြမှုတွေ အကြောင်း သိခွင့်ရခဲ့သလို မြန်မာနိုင်ငံက အလုပ်သမားထုရဲ့ အခက်အခဲနဲ့ ဒီအခက်အခဲတွေကို ဘယ်လိုဖြေရှင်းမလဲ၊ သူတို့ မျှော်လင့်တာတွေနဲ့ တောင့်တတာတွေကို ရဖို့ ဘယ်လို ကြိုးစားရမလဲ ထင်ထင်ရှားရှား မြင်ခဲ့ရတယ်လို့လည်း ရေးပါတယ်။

ဒါ့အပြင် အာဏာပိုင်တွေနဲ့ နေ့စဉ်ဆိုသလို လုံခြုံရေးကိစ္စ ဆွေးနွေး၊ အလုပ်သမားနဲ့ ပစ္စည်း အသွင်းအထုတ် လုပ်ဖို့ နေ့စဉ် အပေးအယူလုပ်တဲ့ ကိစ္စတွေ ဆောင်ရွက်ရတဲ့အတွက် အခက်အခဲဆိုတာ ခိုင်လုံတဲ့ ကြောင်းကျိုး ဆင်ခြင်မှုနဲ့ ပျော့ပျော့ပြောင်းပြောင်း ရှိမယ်ဆိုရင် နှစ်ဘက် ပူးတွဲ ဖြေရှင်းလို့ရတယ်ဆိုတာ တွေ့မြင်ခဲ့ရလို့လည်း ရေးသားထားပါတယ်။

၂၀၁၀ ပြည့်နှစ်ဟာ သူမ အိမ်ကို အများကြီး တိုးတက်အောင် ပြင်ခွင့်ရလိုက်ပေမယ့် ပြည်သူအားလုံးရဲ့ နိုင်ငံအတွက်တော့ ဘာတွေ ပြင်ဆင်နိုင်ခဲ့ပါပြီလဲ၊ ဒီကိစ္စက ပိုပြီး အရေးကြီးတဲ့ ကိစ္စဖြစ်ပြီး နောင် ပြောပြပါဦးမယ်လို့ ရေးပါတယ်။

အနှစ် ၂၀ တိုင်တိုင် Mainichi သတင်းစာရဲ့ ပံ့ပိုးမှုနဲ့ ခင်မင်မှုတွေကို လေးစား တန်ဖိုးထားတဲ့ အနေနဲ့ ဆောင်းပါးနိဂုံးမှာ ဟိန္ဒူ ဝေဒဂါထာ တပုဒ်ကို အခြေခံထားတဲ့ အိန္ဒိယပညာရှင် ကာလီဒါသရဲ့ အရုဏ်ဦးကို ဦးညွတ်ခြင်း ကဗျာထဲက စာသားတချို့နဲ့ အဆုံးသတ်ထားပါတယ်။ ဒီကဗျာက ကွယ်လွန်သွားတဲ့ ခင်ပွန်းဖြစ်သူအတွက် အထူး အရေးပါခဲ့ပြီး သူ့အတွက် အတွေးအမြင်၊ အသိဥာဏ်ပညာတွေ ပေးခဲ့တဲ့ ကဗျာဖြစ်တယ်လို့ ရေးသားထားပါတယ်။

မနေ့ဆိုတာ တခြား ဘာမှမဟုတ်၊ အိပ်မက်တခုမျှသာ။

မနက်ဖြန်ဆိုတာလည်း အတွေးအမြင်တခုပါ။

ဒါပေမယ့် ဒီနေ့ကတော့ ကောင်းမွန်တင့်သင့်စွာ ရှင်သန်ရပါမယ်။

မနေ့ ဆိုတာကို ပျော်ရွှင်ခြင်းအိပ်မက် တခုအဖြစ် ဖန်တီးပြီး မနက်ဖြန်တိုင်းကို မျှော်လင့်ခြင်း အတွေးအမြင်တခု အဖြစ် တည်ဆောက်ရပါမယ်။

ဒါ့ကြောင့် ဒီလို ဒီကနေ့ကို ရဖို့ ထိန်းသိမ်း ရှင်သန်ရပါမယ်။

Credit to RFA : http://www.rfa.org/burmese/news/assk_resumes_contributing_articles_in_mainichi_newspapaer-01022011093752.html

Read more »
0 comments

ဝီကီလိခ်တည်ထောင်သူရဲ့ စာအုပ်နှစ်အုပ် ပေါင်တစ်သန်း စာချုပ်ချုပ်

Tuesday, January 4, 2011 3:28 AM | Posted by Anonymous
ဝီကီလိခ်တည်ထောင်သူရဲ့ စာအုပ်နှစ်အုပ် ပေါင်တစ်သန်း စာချုပ်ချုပ်

Tuesday, 28 December 2010 23:26 မောက္ခ နိုင်ငံတကာသတင်း


ဂျူလီယန်အာဆန်းက ၀ီကီလိခ်နဲ့အတူ သူ့ကိုယ်တိုင်ရေး အတ္ထုပ္ပတိအကြောင်း စာအုပ်ထုတ်ဝေဖို့ အမေရိကန်နဲ့ ဗြိတိန် စာအုပ်ကုမ္ပဏီကြီးနှစ်ခုနှင့် ပေါင်တစ်သန်းကျော် ဖိုး စာချုပ်ချုပ်ဆိုလိုက်သည်။ စာအုပ်နှစ်အုပ်ကို ၂၀၁၁

တွင် Random House စာအုပ်ကုမ္ပဏီမှ ဖြန့်ချီသွားမည် ဖြစ်သည်။

ဝီကီလိခ်မှတဆင့် အမေရိကန်သံတမန် လျှို့ဝှက်ကေဘယ်လ် သိန်းချီဖွင့်ချခဲ့ပြီး၊ လိုင်ပိုင်းဆိုင်ရာ ပြစ်မှုဖြင့် စွတ်စွဲခံထားရသူ ဂျူလီယန်က Knopf-US imprint of Random House ကုမ္ပဏီနှင့် ပေါင် ၅၂၀,၀၀၀ (ဒေါ်လာ ၈၀၀,၀၀၀) သဘောတူစာချုပ် ချုပ်ဆိုခဲ့သည်။ နောက်တစ်အုပ်ကို ဗြိတိန် အခြေစိုက် Canongate စာအုပ်ကုမ္ပဏီနှင့် ပေါင် ၃၂၅,၀၀၀ စာချုပ်ချုပ်လိုက်သည်။

ဂျူလီယန်အာဆန်းက သူ့အတ္ထုပ္ပတိကို အမြန်ရေးမည် ဖြစ်ပြီး၊ နိုင်ငံတကာကို စာအုပ်ဖြန့် ရောင်းချပြီးရင် ယခု ပေါင် ၁.၁ သန်း (ဒေါ်လာ ၁.၇ သန်း) ထက် ပိုမိုရရှိဦးမည်ဟု ဗြိတိန် သတင်းစာများက ဖော်ပြသည်။ “ဒီစာအုပ်ကို မရေးချင်ပါဘူး။ ဒါပေမဲ့ လုပ်ရပါမယ်။ ကျနော့်အမှုကို ရင်ဆိုင်ဖို့ ပေါင် ၂၀၀,၀၀၀ ကုန်ကျပါမယ်။ ကျနော့် လုံခြုံရေး ကာကွယ်ဖို့နဲ့ ၀ီကီလိခ် ဆက်ရပ်တည်ဖို့တွေ ရှိနေပါတယ်” ဟု ဂျူလီယန်က Sunday Times သတင်းစာကို ပြောခဲ့သည်။

ဝီကီလိခ် လုပ်ငန်းအတွက် ကုန်ကျစရိတ်မှာ နောက်ဆုံး လျှို့ဝှက်သတင်းများဖြန့်ပြီးနောက် သုံးဆ ပိုကုန်ကျမည်ဟု သူက ပြောသည်။ အမေရိကန် NGO များနဲ့ လုပ်ငန်းရှင်အချို့ရဲ့ ထောက်ပံ့မှု လုံးဝ ဖြစ်တောက်ခံလိုက်ပြီ ဖြစ်သည်။ မကြာမီက Bank of America, Master Card, Visa, PayPal တို့မှလည်း ငွေကြေးလည်ပတ်ဖို့ လုံးဝ ရပ်ဆိုင်းပစ်ခဲ့သည်။ နာမည်ကျော် ဆွစ်ဘဏ်ကလည်း သူ့ဘဏ်စာရင်းကို ပိတ်ပစ်ခဲ့သည်။


ဂျူလီယန်အာဆန်းမှာ ၁၉၉၇ ခုနှစ်က Underground အမည်ရှိ စာအုပ်ကို ရေးခဲ့ပြီး ဘတ်ဆဲလား မဖြစ်သော်လည်း၊ ကွန်ပျူတာ ဟတ်ကာသမားများ လက်စွဲစာအုပ်တစ်အုပ် ဖြစ်ခဲ့သည်။ နောက်ပိုင်း ထိုစာအုပ်ကို ရုပ်ရှင်ရိုက်ခဲ့သည်။


သတင်း The New Yorker



Read more »
0 comments

လွတ်လပ်ရေးသစ္စာအဓိဋ္ဌာန် ကိုးချက်

Monday, January 3, 2011 9:53 PM | Posted by Anonymous

လွတ်လပ်ရေးသစ္စာအဓိဋ္ဌာန် ကိုးချက်

၁။ ငါတို့ သည် ဤနေ့  ဤအချိန်မှစ၍ ငါတို့ အား လွတ်လပ်သောလမ်းသို့  ပို့ ဆောင်ခဲ့သော ငါတို့ ၏ ခေါင်းဆောင်ကြီး ဗိုလ်ချူပ်အောင်ဆန်း ချမှတ်ခဲ့သည့် လမ်းစဉ်အတိုင်း တစ်သွေမတိမ်း ချီတက်မည်။

၂။ ငါတို့ သည် ဤနေ့  ဤအချိန်မှစ၍ ငါတို့ သည် ပြည်ထောင်စုမြန်မာနိုင်ငံတော်ြ
ကီး၏ သစ္စာကို မသွေမဖည် စောင့်ထိမ်းမည်။

၃။ ငါတို့ သည် ဤနေ့  ဤအချိန်မှစ၍ လွတ်လပ်သောနိုင်ငံသားတို့ ၏ မွန်မြတ်သော အခွင့်အရေးကို ခံယူသည့်နည်းတူ လွတ်လပ်သောနိုင်ငံသားတို့ ၏ တာဝန်နှင့် ၀တ္တရားများကိုလည်း မတိမ်းမငဲ့ ထမ်းဆောင်မည်။

၎။ ငါတို့ သည် ဤနေ့  ဤအချိန်မှစ၍ ငါတို့  ခေါင်းဆောင်ကြီး ဗိုလ်ချူပ်အောင်ဆန်း၏ လုံ့ လဥဿဟဖြင့် ရရှိပြီးဖြစ်သော အမျိုးသားညီညွတ်ရေးကို ကျောက်ဆိုင်ကျောက်ခဲကဲ့သို့  ခိုင်မြဲအောင် ထိန်းသိမ်းမည်။

၅။ ငါတို့ သည် ဤနေ့  ဤအချိန်မှစ၍ ငါတို့ ၏ နိုင်ငံသားဟူသ၍ကို ကြီးငယ် နီးဝေးမခြား တသွေးတသားပြု၍ နည်းများ နိမ့်မြင့် မရှိစေရ။ ညီတူညီမျှ ပြုမည်။

၆။ ငါတို့ သည် ဤနေ့  ဤအချိန်မှစ၍ သူတစ်ပါးကိုလည်း မတရားမပြု၊ ငါတို့ အားလည်း မတရားပြုသည်ကို မခံ၊ အသက်နှင့်လဲ၍ ကာကွယ်မည်။

၇။ ငါတို့ သည် ဤနေ့  ဤအချိန်မှစ၍ ငါတို့  နိုင်ငံတော်ကြီး၏ တရားဥပဒေများကို ရိုသေစွာ လိုက်နာကျင့်သုံးမည်။

၈။ ငါတို့ သည် ဤနေ့  ဤအချိန်မှစ၍ ငါတို့ နိုင်ငံနှင့် ငါတို့ ၏ လွတ်လပ်ရေးကို အသက်နှင့်လဲ၍ ကာကွယ်စောင့်ရှောက်မည်။

၉။ လုံးဝလွတ်လပ်သော ပြည်ထောင်စုသမတနိုင်ငံတော်ကြီး ကမ္ဘာအရှည် တည်မြဲရေးတာဝန်သည် ငါတို့ နှင့်တကွ ငါတို့ သားမြေး နောင်လာအဆက်ဆက်တို့ အပေါ်၌ တည်စေမည်။ ဤ - ငါတို့ ၏ သစ္စာအဓိဋ္ဌာန်မှန်သည့်အတိုင်း ငါတို့ ပြည်ထောင်စုသမတမြန်မာနိုင်ငံတော်ကြီးသည် ကမ္ဘာအရှည်တည်စေသတည်း။

(မြန်မာနိုင်ငံအတွင်း မှီတင်းနေထိုင်ကြသော မြန်မာနိုင်ငံသူ နိုင်ငံသားတိုင်း သိရှိစေရန်အတွက် ဖေါ်ပြအပ်ပါသည်။ မြန်မာနိုင်ငံ၏ ပြည်သူ့ အချူပ်အခြာအာဏာနှင့် အမျိုးသားတစ်ရပ်လုံး၏ လွတ်လပ်ရေးအား အဓမ္မ သိမ်းပိုက်ထားသော အာဏာရူး လက်ထက်တွင် ဤ လွတ်လပ်ရေးသစ္စာအဓိဋ္ဌာန်များအား သိရှိ လိုက်နာ ကျင့်သုံးကြသူများ အလွန်ရှားပါးကြပါသည်။

ထိုသို့ ဖြစ်အောင်လည်း အာဏာရူးများမှ မည်သည့်သတင်း မီဒီယာများနှင့် ဌာနဆိုင်ရာ မှတ်တမ်းများတွင်မှ ဤ လွတ်လပ်ရေးသစ္စာအဓိဋ္ဌာန်များအား လုံးဝဖေါ်ပြပေးခြင်း မရှိပါ။ အာဏာရူး နအဖဗိုလ်ချူပ်ကြီးများဟာ ဤ လွတ်လပ်ရေးသစ္စာအဓိဋ္ဌာန်များအား လိုကိနာကျင့်သုံးရန် ဝေလားဝေးစွ ဖောက်ပြန်လျက် ရှိကြပါသည်။

မြန်မာနိုင်ငံ၏ ပြည်သူ့ အချူပ်အခြာအာဏာနှင့် အမျိုးသားတစ်ရပ်လုံး၏ လွတ်လပ်ရေးအား အဓမ္မအာဏာရူးနအဖများထံမှ အရပြန်လည်ယူဆောင်ကြဖို့  တစ်မျိုးသားလုံ ပြည်သူတစ်ရပ်လုံး တော်လှန်တိုက်ပွဲဝင်ကြပါစို့ ။

မြန်မာနိုင်ငံသူနိုင်ငံသားများအနေဖြင့် ဤ လွတ်လပ်ရေးသစ္စာအဓိဋ္ဌာန်များအား လိုက်နာကျင့်သုံးကြ၍ ကျွန်ုပ်တို့  မြန်မာနိုင်ငံတော်ကြီး အနာဂတ် တည်တံ့ခိုင်မြဲစေရန်အတွက် ပြည်တွင်းရန်ဖြစ်သည့် နအဖအာဏာရူးများ၏ မတရားလုပ်ဆောင်မှုများကို မခံ၊ အသက်နှင့်လဲ၍ ကာကွယ်စောင့်ရှောက်ကြနိုင်ကြပါစေသတည်း။
Read more »
0 comments

DKBA တပ်သားတစ်ဦး စနက်တံဖြုတ်ပြီးသား လက်ပစ်ဗုံးကိုင်ပြီး မဲဆောက် UNHCRရုံးရှေ့ ဆန္ဒပြ

9:07 PM | Posted by Anonymous




ယနေ့  နံက် ၇း၂၅ နာရီကျော်တွင်း ထိုင်းနိုင်ငံ မဲဆောက်မြို့ ရှိ UN ရုံးတွင် ဆန္ဒပြမှုတခု ဖြစ်ပွါးခဲ့သည်။မြန်မာ့နိုင်ငံရေးတွင် ထူးခြားသည့် ဖြစ်စဉ်တရပ်ဖြစ်သကဲ့သို့ ပြောင်မြောက်သည့် လုပ်ရပ်ဖြစ်သည်။

ဆန္ဒပြသူ၏ အမည်မှာ စောသံမဏိ ဖြစ်သည်။ အသက် ၃၅ နှစ်လောက် ခန့်မှန်းမိပါသည်။

ဆန္ဒပြ ရသည့် အကြောင်းရင်းမှာ နယ်ခြားစောင့် တပ် (BGF) အဖြစ် အတင်းစေခိုင်းခံရ

သည့်ကိစ္စများ အပေါ်မကြေနပ်သလို၂၀၁၀ ရွေးကောက်ပွဲ ကို လက်မခံနိုင်ခြင်းကြောင့်ဖြစ်သည်။

ဆန္ဒပြသည့် ပုံစံမှာ ထိုင်းဆိုင်ကယ်တက္ကစီ ကိုငှါးစီး၍ UN (မဲဆောက်) ရုံးရှေ့အရောက်တွင်

လက်ပစ်ဗုံးနှစ်လုံးအား စနက်တံ ဖြုတ်ကာ လက်တွင်ဆုတ်ကိုင်၍ ဆန္ဒပြခြင်းဖြစ်သည်။

ဆိုင်ကယ်ပေါ်တွင်သာထိုင်၍ တက္ကစီသမားကိုပါထိမ်းချုပ်၍ဆန္ဒပြနေခြင်းဖြစ်သည်။

ဆန္ဒပြမှု ကိုဖြေရှင်းရန် အတွက် ထိုင်းအရာရှိကြီးများအားလုံး လုံခြုံရေးတပ်ဖွဲ့ ဝင်များအား

လုံးနှင့် မြို့ တော်ဝင်မှ အစ စနစ်တကျကိုင်တွယ်နေသည်ကို မျက်မြင်တွေ့ ခဲ့ရသည်။

ပတ်ဝန်းကျင် မှ စိုးရွံထိပ်လန့် နေကြသော်လည်း မည်သည့်ရည်ရွယ်ချက် ရှိသည်ကိုမူ

ချက်ချင်းမသိကြ သေးပေ။

ထိုင်း ရဲအရာရှိများ တပ်ဖွဲ့ ဝင်များနှင့် မြိုတော်ဝန်၏ စနစ်တကျစည်းရုံးကိုင်တွယ်မှုကြောင့်

ဆန္ဒပြ ရဲဘော်မှာ လက်ပစ်ဗုံး စနက်တံ အား ထိုင်းအရာရှိမှစနက်တံပြန်လည်သွင်း၍ဆန္ဒ

ပြမှု ကို ရန့် တန့် စေခဲ့ပြီး ဆန္ဒပြရဲဘော်၏တောင်းဆိုချက်များကို လိုက်လျောနားထောင်

ခဲ့သည်။ တောင်းဆိုချက်(သို့ ) ရဲဘော်၏ဆန္ဒမှာ

(၁)၂၀၁၀ ရွေးကောက်ပွဲ ကတရားမမျှတဘူး
(၂)DKB အား နယ်ခြားစောင့်အတင်းလုပ်ခိုင်းခြင်းအား မကြေနပ်ဘူး
(၃)(BGF)နယ်ခြားဒစောင့် တပ်ဖွဲ့ ဝင်အဖြစ်အတင်းစုဆောင်းခံရတဲ့ ကိစ္စကိုလက်မခံဘူး
(၄)မြန်မာပြည်နိုင်ငံရေးကိစ္စ ကို ယူအမ် ကသေချာရှင်းပေးဖို့  --အစရှိသည်တို့ ဖြစ်ပါသည်။

ထို့ အပြင် ထိုင်းအရာရှိများအား ထိုဆန္ဒပြရဲဘော်မှ ၄င်းအား အရေးယူမည်ဆိုပါက နိုင်ငံတကာ ခုံရုံးတွင် အရေးယူပါရန် လည်းတောင်းဆိုခဲ့သည်။

ထိုင်းအရာရှိမှ ဆန္ဒပြရဲဘော်အား မြန်မာပြည်သို့ ပြန်မည်လား DKBA သို့ ပြန်မည်လား ပြန်

လိုပါက ပြန်ခိုင်းမည်ဆိုသောအခါ မပြန်လိုကြောင်း သိရသည်။ သို့ အတွက်ကြောင့် ယနေ့ 

မြန်မာပြည် ၏ လွတ်လပ်ရေးနေ့ တွင် မလွတ်လပ်၍ စိတ်ခံစားမှုကျဉ်းကြတ်နေရရှာသော

ဤ လူငယ်၏ ဆန္ဒပြမှု အား ကိုယ်ချင်းစာနားလည်မိပါသည် ။
Read more »
0 comments
Subscribe to: Posts (Atom)